ⵉⵙⴼⵓⵍⴻⵍ ⵓⵎⵎⴰⵙ ⵏ ⵜⴻⴳⴷⵓⴷⴰ ⵎⴰⵙⵙ ⵎⵓⵀⴰⵎⴻⴷ ⵃⴰⵟⵟⴰⴱ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵜⵡⵉⵍⴰⵢⵜ ⵏ ⵡⵍⴰⴷ ⵊⴻⵍⵍⴰⵍ, ⵜⵉⴷⴷⵢ ⵏ ⵡⴰⵟⴰⵙ ⵏ ⵜⵎⵓⵙⵏⵉⵡⵉⵏ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⴷ ⵜⴻⴳⵏⴰⵜⵉⵏ ⵏ ⵓⵎⵎⴰⴳⴻⵔ ⵏ ⵢⵉⵎⴻⵣⴷⴰⵖ. ⴷⴻⴳ ⵓⵏⵏⴰⵔ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵜⵡⵉⵍⴰⵢⵜ-ⴰⴳⵉ, ⵎⴰⵙⵙ ⵃⴰⵟⵟⴰⴱ, ⵉ ⴷ-ⵉⵎⵓⵏⵏⴻⵏ ⴷ ⵍⵡⴰⵍⵉ ⴰⴱⴷⴻⵍⵔⴰⵀⵎⴰⵏⴻ ⴷⴻⵀⵉⵎⵉ, ⵢⴻⵔⵣⴰ ⵖⴻⵔ ⵓⴱⵉⵕⵓ ⵏ ⵜⴰⵎⵏⴷⵉⵜ ⵜⴰⴷⵉⴳⴰⵏⵜ ⵏ ⵡⴰⵎⵎⴰⵙ ⵏ ⵜⴻⴳⴷⵓⴷⴰ ⴷⴻⴳ ⵜⴻⵎⴷⵉⵏⵜ ⵏ ⵡⵍⴰⴷ ⵊⴻⵍⵍⴰⵍ.
ⵉⵡⴰⵍⴰ ⴰⵎⴻⴽ ⵉⵜⴻⴷⴷⵓ ⵓⵎⴰⵀⵉⵍ ⴷⴻⴳ ⵢⴰⴽⴽ ⵢⵉⵃⵔⵉⵛⴻⵏ-ⵉⵙ, ⵓ ⵢⴻⵙⵎⴻⵃⵙⴻⵍ ⵉ ⵢⵉⵡⴻⵏ ⵏ ⵓⵙⴻⵏⴽⴻⴷ ⵍⵇⴰⵢⴻⵏ ⵖⴻⴼ ⵜⵓⴷⴷⵙⴰ-ⴰⴳⵉ, ⵙ ⵓⴼⵔⴰⵇ ⵏ ⵓⵙⵓⴷⴷⴻⵙ ⵏ ⵍⵍⵙⴰⵙ ⴷ ⵢⵉⴳⴻⵎⵎⴰⴹ ⵏ ⵢⵉⵎⴰⵀⵉⵍⴻⵏ-ⵉⵙ, ⵎⴻⴱⵍⴰ ⵎⴰ ⵏⴻⵜⵜⵓ ⵍⵎⴻⴶⵀⵓⴷⴰⵜ ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵓⵃⵔⴰⵣ ⵏ ⵓⵖⴻⴱⴱⴻⵍ ⵏ ⵢⵉⵎⴻⵣⴷⴰⵖ.
ⵎⴰⵙⵙ ⵃⴰⵟⵟⴰⴱ ⵉⵙⵙⴻⵃⵔⴻⵙ ⵖⴻⴼ ⵓⵙⵎⴻⵃⵙⴻⵍ ⵓⵙⵔⵉⴷ ⵉ ⵢⵉⵎⴻⵣⴷⴰⵖ ⵉ ⵢⴻⵍⵍⴰⵏ ⴷⴻⴳ ⵓⴱⵉⵕⵓ ⵏ ⵜⴰⵎⵏⴷⵉⵜ-ⵏⵏⵉ, ⵉⵙⵙⴻⴽⵏⴻⴷ ⴰⵣⴰⵍ ⵉⵕⴻⵙⵙⴰⵏ ⵉ ⵜⴻⵙⵄⴰ ⵉⵡⴰⴽⴽⴻⵏ ⴰⴷ ⴷ-ⵜⴻⵔⵔ ⵜⵉⵍⵉⵢⵉⵏ ⵏ ⵜⴻⵢⵡⴰⵍⵜ ⴳⴰⵔ ⵓⵖⵔⵉⵎ ⴷ ⵜⵏⴻⴼⴼⵓⵜ ⵓ ⴰⴷ ⵜⴻⵙⵙⴻⵔⵔⴻⵚ ⵍⵍⵙⴰⵙⴻⵏ ⵏ ⵓⵙⴻⴼⵔⴻⴽ ⵢⴻⵍⵀⴰⵏ ⵉ ⵓⵟⵎⴰⵏ ⵏ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ.
ⵙⴻⴳ ⵜⴰⵎⴰ ⵏ ⵏⵏⵉⴹⴻⵏ, ⵢⴻⵔⵣⴰ ⵖⴻⵔ ⵢⵉⵎⴻⵥⵍⴰ ⵏ ⵡⴰⴷⴷⴰⴷ ⵏ ⵓⵖⵔⵉⵎ ⴷ ⵡⵉⴷ ⵏ ⵓⴱⵉⵢⵓⵎⵉⵜⵔⵉ ⴷⴻⴳ ⵜⵖⵉⵡⴰⵏⵜ ⵏ ⵡⵍⴰⴷ ⵊⴻⵍⵍⴰⵍ, ⴰⵏⵉⴷⴰ ⵉⵡⴰⵍⴰ ⴰⵎⴻⴽ ⵉⵅⴻⴷⴷⵎⴻⵏ ⵓ ⵢⴻⵙⵎⴻⵃⵙⴻⵍ ⵉ ⴽⵔⴰ ⵏ ⵢⵉⵎⴻⵣⴷⴰⵖ. ⵉⵡⴰⵍⴰ ⴷⴰⵖⴻⵏ ⴰⵔⵔⴰⵜ ⵏ ⵓⵙⴻⵜⴽⵉ , ⵉⵙⵔⴻⵙ ⵜⴰⵎⴰⵡⵜ ⵖⴻⴼ "ⵓⵎⴰⵀⵉⵍ-ⵉⵙ ⴰⵎ ⵡⴰⵍⵍⴰⵍ ⴰⵇⵎⵉ ⵉ ⵢⴻⵙⴷⵓⴽⴽⵓⵍⴻⵏ ⵓ ⵉ ⵢⴻⴱⵖⴰⵏ ⴰⴷ ⴷ-ⵉⵙⴻⴷⵔⴻⵡ ⵜⴰⴷⴱⴻⵍⵜ ⵙⴻⴳ ⵓⵖⵔⵉⵎ ⵓ ⴰⴷ ⴷ-ⵢⴻⵔⵔ ⴰⵎⴰⵢⵏⵓⵜ ⵉ ⵓⵎⴻⵥⵍⵓ ⴰⴳⴷⵓⴷⴰⵏ".
ⴷⴰⵖⴻⵏ, ⵎⴰⵙⵙ ⵎⵓⵀⴰⵎⴻⴷ ⵃⴰⵟⵟⴰⴱ ⵢⴻⵔⵣⴰ ⵖⴻⵔ ⵜⵙⵏⵓⵔⴻⴼⵜ ⵏ ⵜⵏⴻⵣⵣⵓⵜ ⵏ ⵜⵙⵏⵓⵔⴻⴼⵜ ⵏ "ⵙⵓⵏⴻⵍⴳⴰⵣ" ⴷⴻⴳ ⵜⴰⵎⴰⵏⴰⵖⵜ ⵏ ⵜⵡⵉⵍⴰⵢⵜ ⵉⵡⴰⴽⴽⴻⵏ ⴰⴷ ⵉⵥⴻⵔ ⴰⵎⴻⴽ ⵉ ⴷ-ⵟⴰⵎⵎⴰⴳⴰⵔⴻⵏ ⵢⵉⵎⵙⴰⴳⴻⵔⴻⵏ ⵉⵙⵔⴻⵚ-ⴷ ⴷⴻⴳ ⵜⴰⵍⵍⵉⵜ-ⴰⴳⵉ ⵖⴻⴼ "ⵡⴰⵣⴰⵍ ⴰⵎⴻⵇⵇⵔⴰⵏ ⵏ ⵓⵙⴼⵓⵍⴻⵍ ⵏ ⵢⴰⵍ ⴰⵙⵙ ⵉ ⵓⵖⴻⴱⴱⴻⵍ ⵏ ⵢⵉⵎⴻⵣⴷⴰⵖ ⵉ ⴷ-ⵉⵜⵜⵓⵊⴻⵔⵔⴷⴻⵏ ⴷⴻⴳ ⵡⴰⵔⵔⴰⵜⴻⵏ ⵏ ⵓⵙⴻⵜⴽⵉ", ⵉⵡⴰⵍⴰ-ⵜⴻⵏ ⴰⵎ "ⵜⴰⵎⴰⵜⴰⵔⵜ ⵏ ⵜⵉⴷⴻⵜ ⵉ ⵓⴽⵜⵉⵍⵉ ⵏ ⵏⴼⴰⵄ ⵏ ⵓⵎⴰⵀⵉⵍ ⵏ ⵜⵎⵓⵙⵏⵉⵡⵉⵏ ⵜⵉⴳⴷⵓⴷⴰⵏⵉⵏ".
ⴷⴻⴳ ⵜⴰⴳⴳⴰⵔⴰ ⵏ ⵜⵉⵔⵣⵉ-ⵉⵙ, ⵉⵡⴰⵍⴰ ⴰⵙⴻⵏⴼⴰⵔ ⵏ ⵜⵓⵇⵇⵏⴰ ⵏ 49 ⵏ ⵜⵎⵓⵙⵏⵉⵡⵉⵏ ⵏ ⵜⴼⴻⵔⴽⵉ ⵙ ⵜⵔⵉⵙⵉⵜⵉ ⴷⴻⴳ ⵜⴻⵎⵏⴰⵟ ⵏ ⴱⵉⵔ ⴻⵏ-ⵏⴰⴰⵎ (ⵜⵖⵉⵡⴰⵏⵜ ⵏ ⵛⵛⵄⵉⴱⴰ). ⴰⵎⴹⴻⴱⴱⴻⵔ-ⴰⴳⵉ ⵉⵙⵙⴻⴽⵏⴻⴷ ⴱⴻⵍⵍⵉ ⵉⵙⴻⵏⴼⴰⵔⴻⵏ-ⴰⴳⵉ "ⵎⵍⴻⵏ-ⴷ ⵜⵓⵛⵛⵉⵜ ⵏ ⵓⵡⴰⵏⴰⴽ ⵉ ⵓⵙⴼⵓⵍⴻⵍ ⴷ ⵓⵎⴻⵥⵍⵓ ⵏ ⵓⵖⵔⵉⵎ". ⵢⴻⵔⵏⴰ-ⴷ ⴱⴻⵍⵍⵉ ⵓⵟⵎⴰⵏ ⵏ ⵢⵉⵎⴻⵥⵍⴰ ⵏ ⵍⵍⵙⴰⵙ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⵜⴰⵎⴻⵔⵔⵉ (éⵏⴻⵔⴳⵉⴻ), ⵓⵔ ⵢⴻⵍⵍⴰ ⴰⵔⴰ ⴽⴰⵏ ⴷ ⴰⵙⴱⴻⴷⴷⵉ ⴰⵜⵉⴽⵏⵉⴽ, ⵍⴰⵎⴻⵄⵏⴰ ⵉⵟⵟⴰⵊⵊⴰ ⴰⵙⵏⴻⵔⵏⵉ ⵏ ⵓⵙⵡⵉⵔ ⵏ ⵜⵓⴷⴻⵔⵜ ⵓ ⴷ ⴰⵍⵍⴰⵍ ⵉⵕⴻⵙⵙⴰⵏ ⵉ ⵓⵙⵏⴻⴼⵍⵉ ⴰⴷⵉⴳⴰⵏ ⴷ ⵓⴷⴻⴳⴳⴻⵔ ⵏ ⵓⵎⴰⵀⵉⵍ ⵏ ⵜⴼⴻⵔⴽⵉ.
ⴰⵔⵏⵓ ⵖⴻⵔ
