ⵉⴱⴻⵔⵔ-ⴷ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵙⴼⵓⴽⴽⴻⵍ ⵏ ⵜⴻⴳⵏⴻⵡⵜ ⴷⴻⴳ ⵓⵏⵏⴻⵛⵔⵓⵢⴰ ⵏ ⵡⴰⵙⵙ-ⴰ ⵏ ⵍⴰⵔⴻⴱⵄⴰ, ⴱⴻⵍⵍⵉ ⴰⴷ ⴷ-ⵢⴻⵡⵡⴻⵜ ⵓⴳⴻⴼⴼⵓⵔ ⴷ ⵓⴱⵔⴰⴳⵉ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⴹⵓ ⴷ ⵢⵉⵣⵓⴱⵄⵉⵢⴻⵏ ⵏ ⵔⵔⵎⴻⵍ ⵙ ⵜⵎⴻⵔⵏⵉⵡⵜ ⵏ ⵓⵣⵖⴰⵍ (ⵀⴻⴰⵜⵡⴰⵠⴻ) ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴷⴻⴳ ⵡⴰⵍⵖⵓ ⵏ ⵓⵙⵡⵉⵔ ⴰⵎⴻⵏⵣⵓ ⴷⴻⴳ ⵜⴽⴰⵕⵯⴰ ⵏ ⵓⴼⵔⴰⴳ, ⴰⵎⵎⴰⵙ ⵏ ⵜⴻⴳⵏⴻⵡⵜ ⵢⴻⵏⵏⴰ-ⴷ ⴱⴻⵍⵍⵉ ⴰⴳⴻⴼⴼⵓⵔ ⴰⴷ ⵢⴻⴱⴷⵓ ⵙⴻⴳ ⵜⵍⴰⵜⴰ ⵏ ⵜⵎⴻⴷⴷⵉⵜ (15:00) ⴰⵔ ⴰⵎⵎⴰⵙ ⵏ ⵢⵉⴹ (00:00).
ⵜⵡⵉⵍⴰⵢⵉⵏ ⵉ ⵎⵄⵏⵉⵢⴻⵏ ⴷ: ⵎⵉⵍⴰ, ⵙⵟⵉⴼ, ⴱⵓⵔⵞ ⴱⵓⵓ ⴰⵔⵔⴻⵔⵉⴷⵊ, ⵜⵓⴱⵉⵔⴻⵜ, ⵍⴻⵎⴷⵉⵢⴰ, ⵜⴱⴻⵙⵙⴰ, ⴱⴰⵜⵏⴰ, ⵓⵎⵎ ⵍⴱⵡⴰⴳⵉ, ⵅⴻⵏⵛⴻⵍⴰ, ⵍⴻⵎⵙⵉⵍⴰ, ⵍⵯⴻⵍⴼⴰ, ⵜⵉⵙⴻⵎⵙⵉⵍⵜ, ⵜⵢⴰⵔⴻⵜ, ⵙⴰⵄⵉⴷⴰ, ⵍⴻⵖⵡⴰⵟ, ⵍⴱⴻⵢⵢⴻⵯ, ⵏⵏⵄⴰⵎⴰ, ⴱⵉⵙⴽⵔⴰ, ⴰⵡⵍⴰⴷ ⵊⴻⵍⵍⴰⵍ, ⵍⵎⴻⵖⵉⵔ, ⵍⵡⴰⴷ, ⵜⵓⴳⴳⵓⵔⵜ, ⵜⵉⵏⴷⵓⴼ, ⴰⴷⵔⴰⵔ ⴷ ⴱⵓⵔⵞ ⴱⴰⵞⵉ ⵎⵓⵅⵜⴰⵔ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵡⴰⵎⵎⴰⵙ ⵏ ⵜⴻⴳⵏⴻⵡⵜ ⵉⵡⴻⵚⵚⴰ-ⴷ ⵖⴻⴼ ⵡⴰⴹⵓ ⵉⵞⴻⵀⴷⴻⵏ ⴷ ⵢⵉⵣⵓⴱⵄⵉⵢⴻⵏ ⵏ ⵔⵔⵎⴻⵍ ⴷⴻⴳ ⵜⵡⵉⵍⴰⵢⵜ ⵏ ⵉⵏ ⴳⴻⵣⵣⴰⵎ ⵙⴻⴳ ⵜⵥⴰ (09:00) ⵏ ⵚⵚⴱⴻⵃ ⴰⵔ ⵜⵙⴻⵜⵜⴰ (18:00) ⵏ ⵜⵎⴻⴷⴷⵉⵜ.
ⴷⴻⴳ ⵓⵏⵏⴻⵛⵔⵓⵢⴰ-ⴰⴳⵉ ⴷⴰⵖⴻⵏ, ⵢⴻⵍⵍⴰ-ⴷ ⵡⴰⵍⵖⵓ ⵏ ⵓⵙⵡⵉⵔ ⴰⵎⴻⵇⵇⵔⴰⵏ ⵖⴻⴼ ⵓⵣⵖⴰⵍ ⵉⵞⴻⵀⴷⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⵄⴻⵏⵏⴰⴱⴰ ⴷ ⵙⴽⵉⴽⴷⴰ, ⵙⴻⴳ ⵜⵥⴰ (09:00) ⵏ ⵚⵚⴱⴻⵃ ⴰⵔ ⵜⵥⴰ (21:00) ⵏ ⵢⵉⴹ.
ⴰⵔⵏⵓ ⵖⴻⵔ
