ⴰⴳⴻⴼⴼⵓⵔ ⵙ ⵔⵔⴻⵄⴷ ⴷⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵓⵏⵥⵓⵍ ⵏ ⵜⵎⵓⵔⵜ ⵙⴻⴳ ⵡⴰⵙⵙ-ⴰ ⵏ ⵜⵜⵍⴰⵜⴰ

ⵢⴻⵜⵜⵡⴰⵙⵉⵔⴻⵎ ⴰⴷ ⴷ-ⵢⵉⵍⵉ ⵓⴳⴻⴼⴼⵓⵔ ⵙ ⵔⵔⴻⵄⴷ, ⵉ ⴷ-ⵢⴻⵡⵡⵉⵏ ⵢⵉⴷ-ⵙ ⴷⴻⴳ ⴽⵔⴰ ⵏ ⵢⵉⵎⵓⴽⴰⵏ ⴰⴱⵔⵓⵔⵉ ⴷ ⵡⴰⴹⵓ ⵉⵊⴻⵒⴷⴻⵏ, ⴷⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵓⵏⵥⵓⵍ ⵏ ⵜⵎⵓⵔⵜ, ⵙⴻⴳ ⵜⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵏⵛⵉⵕⵉⵢⵢⴰ ⵜⴰⵎⴰⵙⵙⴰⵖⵜ ⵏ ⵜⴻⵙⵔⵉⵜ ⵜⴰⵖⴻⵍⵏⵉⵜ ⵏ ⵍⵎⴰⵏⴰⵅ (ONM).

ⵏⵛⵉⵕⵉⵢⵢⴰ-ⴰⴳⵉ, ⵉ ⵢⴻⵍⵍⴰⵏ ⴷⴻⴳ ⵓⵙⵡⵉⵔ ⵏ ⵜⵓⵣⵣⵉⵜ "ⴰⵇⴰⵒⵡⵉ" (orange), ⵜⵉⵛⴻⴽⴽⴻⴷ ⵍⵡⵉⵍⴰⵢⴰⵜ ⵏ ⵏⴰⵄⴰⵎⴰ ⴷ ⵍⴱⴻⵢⵢⴰⴹ, ⴰⵏⴷⴰ ⴰⵎⵓⵔ ⵏ ⵍⴻⵒⵡⴰ ⴰⵔⴰ ⴷ-ⵢⵉⵍⵉⵏ ⴰⴷ ⵢⵉⵍⵉ ⴳⴻⵔ 20 ⴷ 30 ⵎⵎⵍ, ⵙⴻⴳ ⵜⴻⵍⵜ ⵏ ⵜⵎⴻⴷⴷⵉⵜ (15:00) ⵏ ⵡⴰⵙⵙ-ⴰ ⴰⵍⴰⵎⵎⴰ ⴷ ⵜⵎⴻⵔⵡⴰⵢⵜ ⴷ ⵢⵉⵡⴻⵜ ⵏ ⵢⵉⴹ (23:00).

ⴰⴽⴽⴻⵏ ⴷⴰⵊⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴻⵍ-ⴰⴳⵉ ⴱⴻⵍⵍⵉ ⴰⴷ ⴷ-ⵢⵉⵍⵉ ⵓⴳⴻⴼⴼⵓⵔ ⴷⴻⴳ ⵍⵡⵉⵍⴰⵢⴰⵜ ⵏ ⴱⴻⵛⵛⴰⵔ, ⴰⵏⵥⵓⵍ ⵏ ⵡⴻⴷⵔⴰⵔ ⴷ ⵓⴳⴰⴼⴰ ⵏ ⴱⵓⵔⵞ ⴱⴰⵞⵉ ⵎⵓⵅⵜⴰⵔ. ⴰⵎⵓⵔ ⵏ ⵍⴻⵒⵡⴰ ⴰⴷ ⵢⵉⵍⵉ ⴳⴻⵔ 20 ⴷ 30 ⵎⵎⵍ, ⵙⴻⴳ ⵜⵜⴻⵙⵄⴰ ⵏ ⵢⵉⴹ (21:00) ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⴰⵍⴰⵎⵎⴰ ⴷ ⵙⵙⴻⵜⵜⴰ ⵏ ⵜⵎⴻⴷⴷⵉⵜ (18:00) ⵏ ⵓⵣⴻⴽⴽⴰ ⵏ ⵍⴰⵔⴻⴱⵄⴰ.

ⵎⴰ ⴷ ⵍⵡⵉⵍⴰⵢⴰⵜ ⵏ ⴱⴻⵏⵉ ⴰⴱⴱⴻⵙ ⴷ ⵜⵉⵏⴷⵓⴼ, ⴰⴷ ⴷ-ⵢⴻⵍⵉ ⴷⴻⴳ-ⵙⴻⵏⵜ ⵓⴳⴻⴼⴼⵓⵔ ⴳⴻⵔ 20 ⴷ 40 ⵎⵎⵍ. ⴰⵢⴰⴳⵉ ⴰⴷ ⴷ-ⵢⴻⴱⴷⵓ ⵙⴻⴳ ⵜⵎⴻⵔⵡⴰⵢⵜ ⴷ ⵙⵏⴰⵜ ⵏ ⵜⵏⴻⵣⵣⵉⵡⵜ (12:00) ⵏ ⵓⵣⴻⴽⴽⴰ ⵏ ⵍⴰⵔⴻⴱⵄⴰ ⴰⵍⴰⵎⵎⴰ ⴷ ⵜⵎⴻⵔⵡⴰⵢⵜ ⴷ ⵙⵏⴰⵜ ⵏ ⵜⵏⴻⵣⵣⵉⵡⵜ ⵏ ⵡⴰⵙⵙ ⵏ ⵍⴻⵅⵎⵉⵙ.