ⵉⵎⴻⵥⵍⴰ ⵏ ⵢⵉⵎⴻⵀⵍⴰⵏ ⵏ ⴱⴰⵢⵍⴻⴽ ⵙⴱⴻⴷⴷⴻⵏ ⵉⵎⴻⵀⵍⴰⵏ ⵙ ⵍⵯⴻⵀⴷ ⵉⴹ ⴷ ⵡⴰⵙⵙ, ⴷⴻⴳ ⵓⵏⴰⴳⵔⴰⵡ ⵏ ⵓⵙⴻⴹⴼⴻⵔ ⵏ ⵡⴰⵢⴻⵏ ⵉ ⴷ-ⵢⴻⵯⵯⴰ ⵡⴰⵎⴱⴻⴷⴷⴻⵍ ⵏ ⵓⵏⴻⵣⵡⵉ ⵉⵏⴻⴳⴳⵓⵔⴰ ⵉ ⵀⵓⵛⵛⴰⵏ ⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⵎ ⴱⵓⵎⴻⵔⴷⴰⵙ, ⵜⵓⴱⵉⵔⴻⵜ, ⵓⵎ ⴻⵍ ⴱⵓⵡⴰⵇⵉ, ⵜⴱⴻⵙⵙⴰ, ⴱⴰⵜⵏⴰ ⴷ ⵎⵄⴻⵙⴽⴻⵔ. ⴷⴻⴳ ⵢⵉⵎⴻⵀⵍⴰⵏ-ⴰⴳⵉ, ⵙⵙⴻⵔⵙⴻⵏ-ⴷ ⴰⵍⵍⴰⵍⴻⵏ ⵏ ⵜⴼⴻⴽⵡⵉⵏ ⴷ ⵡⵉⴷ ⵏ ⵜⴰⵍⵙⴰ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵢⵉⵎⴻⵔⵣⵉⵢⴻⵏ ⵏ ⵓⴱⵔⵉⴷ ⴷ ⵓⵃⵔⴰⵣ ⵏ ⵓⵙⵉⵡⴻⴹ ⴳⴰⵔ ⵜⴻⵎⵏⴰⴹⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ.
ⴷⴻⴳ ⵜⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ, ⵜⴰⵔⴱⴰⵄⵜ ⵏ ⵓⵚⴻⴳⴳⴻⵎ ⵏ ⵜⴹⴻⴱⴱⵉⵢⵜ ⵏ ⵢⵉⵎⴻⵀⵍⴰⵏ ⵏ ⴱⴰⵢⵍⴻⴽ ⵏ ⴷⴷⴰⵉⵔⴰ ⵏ ⴱⵓⵎⴻⵔⴷⴰⵙ ⵜⴻⵅⴷⴻⵎ ⴰⵟⴰⵙ ⵏ ⵢⵉⵎⴻⵀⵍⴰⵏ ⴷⴻⴳ ⵢⵉⴱⴻⵔⴷⴰⵏ ⵏ ⵍⵍⵙⴰⵙ, ⴳⴰⵔ-ⴰⵙⴻⵏ ⴰⴱⵔⵉⴷ ⴰⵖⴻⵍⵏⴰⵡ (ⵔⵏ) ⵓⵟⵟⵓⵏ 05 ⵙⴻⴳ ⴷⵔⴰⵄ ⴻⵣⵎⴰⵎ (ⵛⵓⵔⵙⵓ) ⴰⵔ ⵜⵉⵊⴻⵍⵍⴰⴱⵉⵏ, ⴰⴱⵔⵉⴷ ⴰⵖⴻⵍⵏⴰⵡ 05ⴰ ⴷⴻⴳ ⵛⵓⵔⵙⵓ, ⴰⴽⴽⴻⴷ ⵓⴱⵔⵉⴷ ⵏ ⵍⵍⵓⵣ ⵉ ⵉⵇⵇⵏⴻⵏ ⴳⴰⵔ ⵙⵉⴷⵉ ⵢⴻⵃⵢⴰ ⴷ ⵜⴻⵎⵏⴰⴹⵜ ⵏ ⴻⴷⴷⴰⵀⵓⵓⵙ, ⴷ ⵓⴱⵔⵉⴷ ⴰⵖⴻⵍⵏⴰⵡ 24 ⵙⴻⴳ ⵜⵎⴻⵔⵣⵉⵡⵜ ⵏ ⵢⵉⴱⴻⵔⴷⴰⵏ ⴰⵔ ⴻⵍ ⴽⴰⵔⵎⴰ. ⵉⵎⴻⵀⵍⴰⵏ-ⴰⴳⵉ ⴽⴻⵎⵎⵍⴻⵏ ⴰⵔ ⵚⵚⴱⴻⵃ ⵏ ⵡⴰⵙⵙ-ⴰⴳⵉ.
ⴷⴻⴳ ⵜⵡⵉⵍⴰⵢⵜ ⵏ ⵜⵓⴱⵉⵔⴻⵜ, ⵜⴰⵔⴱⴰⵄⵜ ⵏ ⵓⵚⴻⴳⴳⴻⵎ ⵜⴻⵙⵙⴻⴽⵏⴰ ⵉⵎⴻⵀⵍⴰⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⴻⵙ ⴰⵢⴻⵏ ⵉ ⴷ-ⵢⴻⵯⵯⴰ ⵓⴳⴻⴼⴼⵓⵔ ⴷ ⵓⵍⴷⴰⵢ ⵏ ⵢⵉⵣⴻⵟⵟⵡⴰⵏ ⵏ ⵡⴰⵎⴰⵏ ⴷⴻⴳ ⵢⵉⴱⴻⵔⴷⴰⵏ. ⴷⴻⴳ ⵜⴻⵎⵏⴰⴹⵜ ⵏ ⵍⴻⵅⴹⴰⵔⵢⴰ, ⵍⴷⵉⵏ ⴰⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 05 ⴷⴻⴳ ⵜⴻⵎⵏⴰⴹⵜ ⵏ ⵜⴻⵍⵍⴰⵏⵊⵉⵔ ⵉ ⵢⴻⵍⵍⴰⵏ ⵢⴻⴳⴳⴷⴻⵍ (ⴼⴻⵔⵎé) ⵎⴻⵕⵕⴰ ⵓⵇⴱⴻⵍ ⴰⴷ ⴷ-ⵢⵓⵖⴰⵍ ⵉ ⵓⵎⴻⵔⵣⵉ ⴷⴻⴳ ⵙⵙⴰⵄⴰⵜ ⵉⵎⴻⵣⵡⵓⵔⴰ ⵏ ⵚⵚⴱⴻⵃ.
ⴷⴻⴳ ⵜⵡⵉⵍⴰⵢⵜ ⵏ ⵓⵎ ⴻⵍ ⴱⵓⵡⴰⵇⵉ, ⵉⵍⵎⴻⵏⴷ ⵏ ⵓⴷⴼⴻⵍ ⵉ ⴷ-ⵢⴻⵖⵍⵉⵏ, ⵜⴰⵔⴱⴰⵄⵜ ⵏ ⵓⵚⴻⴳⴳⴻⵎ ⵜⴻⵙⵙⴻⴽⵛⴻⵎ ⵜⵉⴽⴻⵔⵔⵓⵙⵜ ⵏ ⵓⵙⵉⵣⵣⴻⵍ ⵏ ⵓⴷⴼⴻⵍ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 10 (ⴽⵎ 61) ⴰⵔ ⵜⴰⴷⴷⴰⵔⵜ ⵏ ⵓⵎⴰⴼⴰⴳ ⵙⴻⴳ ⵙⵙⴰⵄⴰ ⵏ ⵢⵉⵡⴻⵜ ⵏ ⵚⵚⴱⴻⵃ (01:00), ⴰⵢⴰⴳⵉ ⵢⴻⵙⵙⵓⵔⴻⴳ ⵉ ⵓⵍⴷⴰⵢ ⵏ ⵓⴱⵔⵉⴷ ⵖⴻⵔ ⵄⵉⵏ ⵍⴱⵉⴹⴰ ⴷ ⵜⴻⵎⴰⵏⴻⵖⵜ ⵏ ⵜⵡⵉⵍⴰⵢⵜ.
ⴷⴻⴳ ⵜⵡⵉⵍⴰⵢⵜ ⵏ ⵜⴱⴻⵙⵙⴰ, ⵢⴻⵍⵍⴰ-ⴷ ⵓⵃⴻⵔⵔⴻⴽ ⵉⵎⵉⵔ-ⴰⴳⵉ ⵉⵍⵎⴻⵏⴷ ⵏ ⵓⴳⴻⴼⴼⵓⵔ ⵏ ⵜⴳⴻⴼⴼⴻⵔⵜ (ⴳⵔâⵍⴻ). ⵉⵎⴻⵥⵍⴰ ⵙⴱⴻⴷⴷⴻⵏ ⵉⵎⴻⵀⵍⴰⵏ ⵏ ⵓⵙⵉⵣⴷⴻⴳ ⵏ ⵢⵉⵣⴻⵟⵟⵡⴰⵏ ⵏ ⵡⴰⵎⴰⵏ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 16 ⵉⵡⴰⴽⴽⴻⵏ ⴰⵎⴰⵏ ⴰⴷ ⴷ-ⵙⵔⵉⴼⵉⴳⴻⵏ ⵎⴱⵍⴰ ⵓⴳⵓⵔ.
ⴷⴻⴳ ⵜⵡⵉⵍⴰⵢⵜ ⵏ ⴱⴰⵜⵏⴰ, ⴽⴻⵎⵎⵍⴻⵏ ⵉⵎⴻⵀⵍⴰⵏ ⵏ ⵓⵍⴷⴰⵢ ⵏ ⵢⵉⴱⴻⵔⴷⴰⵏ ⴷ ⵓⵙⵉⵣⵣⴻⵍ ⵏ ⵓⴷⴼⴻⵍ ⴷⴻⴳ ⵢⵉⴱⴻⵔⴷⴰⵏ ⴰⵖⴻⵍⵏⴰⵡⴻⵏ ⴷ ⵡⵉⴷ ⵏ ⵜⵡⵉⵍⴰⵢⵜ ⵙ ⵓⵙⴻⵎⵔⴻⵙ ⵏ ⵜⵎⴰⵏⵢⴰ (08) ⵏ ⵜⴽⴻⵔⵔⵓⵙⵉⵏ ⵏ ⵓⴷⴼⴻⵍ. ⵍⴷⵉⵏ ⴰⵣⴰⵍ ⵏ 95% ⵏ ⵢⵉⵣⴻⵟⵟⵡⴰⵏ ⵏ ⵢⵉⴱⴻⵔⴷⴰⵏ, ⵍⴰⴷⵖⴰ ⵔⵏ 31, 77 ⴷ 87. ⴷⴰⵖⴻⵏ ⴱⴷⴰⵏ ⵉⵎⴻⵀⵍⴰⵏ ⴷⴻⴳ ⵢⵉⴱⴻⵔⴷⴰⵏ ⵏ ⵜⵡⵉⵍⴰⵢⵜ 160 ⴷ 172, ⴰⴽⴽⴻⴷ ⵓⵙⵉⵣⴷⴻⴳ ⵏ ⵡⴰⵎⴰⵏ ⵉ ⴷ-ⵢⴻⴳⴳⵜⵔⴰⵏ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 88.
ⴷⴻⴳ ⵜⵡⵉⵍⴰⵢⵜ ⵏ ⵎⵄⴻⵙⴽⴻⵔ, ⵉⵎⴻⵥⵍⴰ ⵏ ⵢⵉⵎⴻⵀⵍⴰⵏ ⵏ ⴱⴰⵢⵍⴻⴽ ⵔⵣⴰⵏ ⵖⴻⵔ ⵓⴱⴻⵔⴷ ⴰⵖⴻⵍⵏⴰⵡ ⵓⵟⵟⵓⵏ 07 ⵉⵡⴰⴽⴽⴻⵏ ⴰⴷ ⴷ-ⴽⴽⵙⴻⵏ ⵡⴰⵍⵓⴹ ⴷ ⵓⵍⴷⴰⵢ ⵏ ⵓⴱⵔⵉⴷ ⴷⴻⴼⴼⵉⵔ ⵓⴳⴻⴼⴼⵓⵔ ⵢⴻⵇⵡⴰⵏ. ⴷⴰⵖⴻⵏ ⵍⵍⴰⵏ ⵢⵉⵎⴻⵀⵍⴰⵏ ⴷⴻⴳ ⵜⵖⵉⵡⴰⵏⵜ ⵏ ⵜⵉⵖⴻⵏⵏⵉⴼ ⵉⵡⴰⴽⴽ ⴰⴷ ⴷ-ⴽⴽⵙⴻⵏ ⵡⴰⵢⴻⵏ ⵉ ⴷ-ⵢⴻⵯⵯⴰ ⵓⵏⴻⵣⵡⵉ ⴷⴻⴳ ⵓⴱⵔⵉⴷ ⵏ ⵜⵡⵉⵍⴰⵢⵜ ⵓⵟⵟⵓⵏ 94 ⴷ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 91.
ⴰⵔⵏⵓ ⵖⴻⵔ
