ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴷ ⵓⵚⴻⴳⴳⴻⵎ ⵏ ⵙⵙⵓⵇ ⴰⵖⴻⵍⵏⴰⵡ, ⴰⵎⴰⵍ ⵄⴰⴱⴷⴻⵍⵟⵉⴼ, ⴰⵙⵙ-ⴰ ⵏ ⵍⵃⴻⴷ, ⴱⴻⵍⵍⵉ ⴰⵃⵔⴰⵣ ⵏ ⵓⵎⵙⴻⴷⴷⵓ ⴰⵣⵣⴰⵢⵔⵉ ⵎⴰⵛⵛⵉ ⴽⴰⵏ ⴷ ⵍⵡⴰⴵⴻⴱ, ⵎⴰⵛⴰ ⴷ ⴰⵎⵡⴻⴵⴵⴻⴱ ⴰⵖⴻⵍⵏⴰⵡ ⵢⴻⵄⵏⴰⵏ ⴰⴽⴽ ⴰⵢⴻⵏ ⵉⵛⵓⴷⴷⴻⵏ ⵖⴻⵔ ⵓⵙⵏⴻⵔⵏⵉ ⵏ ⵡⴰⴷⴷⴰⴷ ⵏ ⵜⵎⴻⴷⴷⵓⵔⵜ ⵏ ⵓⵖⴻⵔⵎⴰⵏ ⵏ ⵢⴰⵍ ⴰⵙⵙ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⴷ-ⵜⴻⴼⴽⴰ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴷ ⵓⵚⴻⴳⴳⴻⵎ ⵏ ⵙⵙⵓⵇ ⴰⵖⴻⵍⵏⴰⵡ, ⴰⵎⴰⵍ ⵄⴰⴱⴷⴻⵍⵟⵉⴼ, ⵖⴻⴼ ⵍⴵⴰⵍ ⵏ ⵡⴰⵙⵙ ⴰⴳⵔⴻⵖⵍⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⵙⴻⴷⴷⵓ ⵉ ⴷ-ⵢⴻⵜⵜⵉⵍⵉⵏ ⴰⵙⵙ ⵏ 15 ⵎⴻⵖⵔⴻⵙ ⵏ ⵢⴰⵍ ⴰⵙⴻⴳⴳⴰⵙ, ⵢⴻⵡⵡⵉⵏ ⴰⵙⴻⴳⴳⴰⵙ-ⴰ ⴰⵙⴻⵏⵟⴻⵍ "ⵉⴼⴻⵔⵔⵉⵙⴻⵏ ⵏ ⵍⴰⵎⴰⵏ, ⵉⵎⵙⴻⴷⴷⴰⵡⴻⵏ ⵢⴻⵜⵜⴽⴻⵍⴻⵏ", ⵜⴻⵏⵏⴰ-ⴷ: "ⴰⵃⵔⴰⵣ ⵏ ⵓⵎⵙⴻⴷⴷⵓ ⴰⵣⵣⴰⵢⵔⵉ ⵎⴰⵛⵛⵉ ⴽⴰⵏ ⴷ ⵍⵡⴰⴵⴻⴱ, ⵎⴰⵛⴰ ⴷ ⴰⵎⵡⴻⴵⴵⴻⴱ ⴰⵖⴻⵍⵏⴰⵡ ⵢⴻⵄⵏⴰⵏ ⴰⴽⴽ ⴰⵢⴻⵏ ⵉⵛⵓⴷⴷⴻⵏ ⵖⴻⵔ ⵓⵙⵏⴻⵔⵏⵉ ⵏ ⵡⴰⴷⴷⴰⴷ ⵏ ⵜⵎⴻⴷⴷⵓⵔⵜ ⵏ ⵓⵖⴻⵔⵎⴰⵏ ⵏ ⵢⴰⵍ ⴰⵙⵙ: ⵙⴻⴳ ⵓⵀⴻⵢⵢⵉ ⵏ ⵢⵉⴼⴻⵔⵔⵉⵙⴻⵏ ⵏ ⵡⵓⵛⵛⵉ ⴰⵔⵎⵉ ⴷ ⵓⵙⴻⴽⵛⴻⵎ ⵏ ⵜⵏⴻⵣⵣⵓⵜ ⵜⴰⵍⵉⴽⵜⵔⵓⵏⵉⵜ, ⴰⴽⴽⴻⴷ ⵓⴱⴻⴷⴷⵉ ⵖⴻⴼ ⵢⵉⵙⴻⴱⴷⴰⴷⴻⵏ ⵏ ⵜⴼⴰⵡⴻⵜ ⴷⴻⴳ ⵡⴻⵎⵄⴰⵎⴻⵍ, ⴳⴰⵔ-ⴰⵙⴻⵏ ⴰⵙⴱⴻⵏⵏⴻⵏ ⵏ ⵙⵙⵓⵎⴰⵜ ⴷ ⵍⴵⴻⵡⴷⴰ ⵏ ⵜⵏⴰⴼⵓⵜⵉⵡⵉⵏ".
ⵖⴻⴼ ⵡⴰⵢⴰ, ⵜⴻⵔⵏⴰ-ⴷ ⵜⵏⴻⵖⵍⴰⴼⵜ: "ⵏⴻⵜⵜⴰⴽⴽⴻⴷ ⴱⴻⵍⵍⵉ ⵏⴻⵃⵕⴻⵙ ⵖⴻⴼ ⵓⵀⴻⵢⵢⵉ ⵏ ⵜⵡⴻⵏⵏⴰⴹⵜ ⵏ ⵓⵙⴻⴷⴷⵓ ⵏ ⵍⴰⵎⴰⵏ ⴷ ⵜⵜⴰⵡⵉⵍ ⵢⴻⵜⵜⴽⴻⵍⴻⵏ, ⵙ ⵜⵄⴻⵙⵙⴰⵙⵜ ⵍⵇⴰⵢⴻⵏ, ⵉⵎⵅⵓⴱⵣⴰⵔ ⵉⵎⴰⵜⵔⴰⵢⴻⵏ, ⴷ ⵜⴰⵔⵔⴰⵢⵉⵏ ⵏ ⵓⵅⴻⴷⴷⵉⵎ ⴰⵔⴰ ⵢⴻⵙⵏⴻⵔⵏⵉⵏ ⵉⵣⴻⵔⴼⴰⵏ ⵏ ⵓⵎⵙⴻⴷⴷⵓ, ⵢⴻⵔⵏⴰ ⴰⴷ ⴷ-ⴹⴻⵎⵏⴻⵏⵜ ⵍⴰⵎⴰⵏ-ⵉⵙ ⴷⴻⴳ ⵙⵙⵓⵇ ⴰⵖⴻⵍⵏⴰⵡ".
ⴷⴻⴳ ⵜⴰⴳⴳⴰⵔⴰ, ⵜⴻⵙⵙⴻⴱⴳⴻⵏ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴱⴻⵍⵍⵉ "ⴰⵃⵔⴰⵣ ⵏ ⵢⵉⵣⴻⵔⴼⴰⵏ ⵏ ⵓⵎⵙⴻⴷⴷⵓ ⴷ ⵍⵙⴰⵙ ⴰⵎⴻⵇⵇⵔⴰⵏ ⴷⴻⴳ ⵜⵙⴻⵔⵜⵉⵜ ⵜⴰⵎⴰⵢⵏⵓⵜ ⵏ ⵓⵃⵔⵉⵛ-ⵏⵏⴻⵖ ⴰⵏⴻⵖⵍⴰⴼ, ⵉ ⵢⴻⵙⵄⴰⵏ ⴷ ⵉⵙⵡⵉ ⴰⵄⵉⵡⴻⵏ ⵏ ⵢⵉⴼⴻⵔⵔⵉⵙⴻⵏ ⵏ ⵜⵎⵓⵔⵜ, ⴰⵙⵏⴻⵔⵏⵉ ⵏ ⵜⴼⴰⵡⴻⵜ, ⴷ ⵓⵀⴻⵢⵢⵉ ⵏ ⵍⵎⵉⵣⴰⵏ ⴳⴰⵔ ⵓⵃⵔⴰⵣ ⵏ ⵓⵎⵙⴻⴷⴷⵓ ⴷ ⵓⵙⵏⴻⵔⵏⵉ ⵏ ⵓⵃⵔⵉⵛ ⴰⴷⴰⵎⵙⴰⵏ ⴰⵖⴻⵍⵏⴰⵡ, ⴰⴽⴽⴻⵏ ⴰⴷ ⵢⵉⵍⵉ ⵢⴻⵎⵙⴰⵙⴰ ⴷ ⵢⵉⵙⵡⵉⵔⴻⵏ ⵢⵓⴼⵔⴰⵔⴻⵏ ⵉⴳⵔⴰⵖⵍⴰⵏⴻⵏ".
ⴰⵔⵏⵓ ⵖⴻⵔ
