ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵏⴻⵎⵖⵓⵔ ⴰⵏⴰⴼⴻⵍⵍⴰ ⵏ ⵢⵉⵖⴰⵍⵍⴻⵏ ⵓⵎⵔⵉⴳⴻⵏ, ⴰⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⵙⴰⵎⴰⵙ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵙⴻⵇⵇⴰⵎⵓ, ⴷ ⵜⴰ ⵉ ⴷ ⵜⴰⵙⵓⵇⵇⵉⵍⵜ-ⵏⵏⴻⵙ ⵙⵖⵓⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵜⵎⴰⵣⵉⵖⵜ:
« ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵏⴻⵎⵖⵓⵔ ⴰⵏⴰⴼⴻⵍⵍⴰ ⵏ ⵢⵉⵖⴰⵍⵍⴻⵏ ⵓⵎⵔⵉⴳⴻⵏ, ⴰⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⴰⵙⵙ-ⴰ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴷ-ⵢⴻⵍⵍⴰⵏ ⵖⴻⴼ ⵢⵉⵏⴻⵙⴽⵉⵏⴻⵏ ⵢⴻⵔⵣⴰⵏ ⴰⵛⵉⵔⵉ ⵏ ⵓⵏⴰⵖⴻⵣ ⵏ ⵓⵣⴰⵏⴳⵉⵡ ⴷ ⵡⴰⵍⴷⵓⵏ ⵏ ⵡⴰⴷ ⴰⵎⵉⵣⵓⵕ ⴷ ⵓⴹⴼⴰⵔ ⵏ ⵡⴰⴷⴷⴰⴷ ⵏ ⵜⵡⴰⵥⵉⵜ ⵏ ⵓⵙⴻⵏⴼⴰⵔ ⵏ ⵢⵉⵣⵉⵔⵉⴳ ⴰⴱⵔⵓⵣⵣⵍⴰⵏ ⴰⵏⴰⵖⵣⴰⵏ ⵏ ⴱⵍⴰⴷ ⵍⵃⴻⴷⴱⴰ-ⵡⴰⴷ ⴽⴻⴱⵔⵉⵜ-ⴰⵙⴰⴳⴻⵏ ⵏ ɛⴻⵏⵏⴰⴱⴰ ⵉⵍⵎⴻⵏⴷ ⵏ ⵓⵎⴻⵙⵏⵉ ⵏ ⵓⴼⵓⵙⴼⴰⵟ ⴷ-ⵢⴻⵜⵜⵡⴰⵙⵙⴼⴻⵏ ⴷ ⵜⵎⴰⵇⵇⵓⵙⵉⵏ ⴷ-ⵢⴻⵜⵜⵡⴰⴼⴰⵔⵙⴻⵏ.
ⴷⴻⴼⴼⵉⵔ ⵓⵙⵎⴰⵀⵉ ⵏ ⵡⴰⵀⵉⵍ ⵏ ⵜⴻⵎⵍⵉⵍⵉⵜ ⴷ ⵓⵙⵎⴰⵀⵉ ⵉ ⴷ-ⵢⴻⵙⵎⴰⵀⵉ ⵎⴰⵙⵙ ⴰⵏⴻⵖⵍⴰⴼ ⴰⵎⴻⵏⵣⵓ, ⵉⵔⵎⵓⴷⴻⵏ ⵏ ⵓⵏⴰⴱⴰⴹ ⴷⴻⴳ ⵙⵉⵏ ⵏ ⵢⵉⵎⴰⵍⴰⵙⴻⵏ ⵉⵏⴻⴳⴳⵓⵔⴰ, ⵢⴻⴼⴽⴰ-ⴷ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵉⵙⴻⵏⴷⴰⵀ, ⵜⵉⵙⵏⵉⵍⵉⵏ ⴷ ⵡⴰⵖⴰⴷⴻⵏ-ⴰ:
- ⵢⴻⵙⵙⴻⵏⴷⴻⵀ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵏⴻⵖⵍⴰⴼ ⴰⵎⴻⵏⵣⵓ ⴰⴽⴽⴻⵏ ⴰⴷ ⵢⴻⵙⵙⴻⵃⴱⵉⴱⴻⵔ ⵖⴻⴼ ⵓⴹⴼⴰⵔ ⴰⵎⴰⴳⵍⴰⵢ ⵏ ⵓⵙⵏⴰⵙ ⵏ ⵢⵉⵖⵜⴰⵙⴻⵏ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴷ ⵓⵏⴰⴱⴰⴹ ⴷⴻⴳ ⵓⵏⵔⴰⵔ.
- ⵢⴻⵖⵜⴻⵙ ⵎⴰⵙⵙ ⴰⵙⴻⵍⵡⴰⵢ ⴰⴷ ⵢⴻⴼⴽ ⵜⴰⵍⵍⴰⵍⵜ ⵏ 10 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵙⴰⵏⵜⵉⵎⴻⵏ ⵉ ⵢⵉⵎⵃⵓǧǧⴻⵏ ⵉⴷⵣⴰⵢⵔⵉⵢⴻⵏ ⴰⵙⴻⴳⴳⴰⵙ-ⴰ, ⵢⴻⵔⵏⵓ ⵙ ⵡⴰⵢⴰ, ⴰⴷ ⴷ-ⵢⴻⵙⵙⴻⵏⵇⴻⵙ ⵜⴰⵙⵇⴰⵎⵜ ⵜⴰⵎⴰⴽⴽⵉⵜ ⵏ ⵓⵃⵉǧǧⵉ ⵙⴻⴳ 92 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵙⴰⵏⵜⵉⵎⴻⵏ ⵖⴻⵔ 82 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵙⴰⵏⵜⵉⵎⴻⵏ.
1- ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵛⵉⵔⵉ ⵏ ⵓⵏⴰⵖⴻⵣ ⵏ ⵓⵣⴰⵏⴳⵉⵡ ⴷ ⵡⴰⵍⴷⵓⵏ ⵏ ⵡⴰⴷ ⴰⵎⵉⵣⵓⵕ:
- ⵉⵃⴻⵜⵜⴻⵜ-ⴷ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵡⴰⵏⴰⴹ ⵏ ⵓⵛⵉⵔⵉ ⵏ ⵓⵙⴻⵏⴼⴰⵔ-ⴰ ⴰⴷⴰⵎⵙⴰⵏ ⴰⵎⴻⴹⵡⴰⵍ ⴷⴻⴳ ⵎⴻⵖⵔⴻⵙ ⵏ 2026, ⵖⴻⴼ ⵍǧⴰⵍ ⵏ ⵡⴰⴼⵓⵔⴻⵏ ⵏ ⵓⵙⴻⵎⵔⴻⵙ ⴷ ⵢⵉⵏⴰⵍⴽⴰⵎⴻⵏ ⵉⴷⴰⵎⵙⴰⵏⴻⵏ ⵢⴻⵜⵜⵡⴰⴳⴳⵓⵏⵉⵏ ⵉ ⵜⴻⵎⵏⴰⴹⵜ-ⴰ ⴷ ⴷⵣⴰⵢⴻⵔ ⵙ ⵓⵎⴰⵜⴰ.
2- ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⴷⴰⴷ ⵏ ⵜⵡⴰⵥⵉⵜ ⵏ ⵓⵙⴻⵏⴼⴰⵔ ⵏ ⵢⵉⵣⵉⵔⵉⴳ ⴰⴱⵔⵓⵣⵣⵍⴰⵏ ⴰⵏⴰⵖⵣⴰⵏ ⵏ ⴱⵍⴰⴷ ⵍⵃⴻⴷⴱⴰ-ⵡⴰⴷ ⴽⴻⴱⵔⵉⵜ-ⴰⵙⴰⴳⴻⵏ ⵏ ɛⴻⵏⵏⴰⴱⴰ:
- ⵉⵡⴻⴽⴽⴻⴷ-ⴷ ⵎⴰⵙⵙ ⴰⵙⴻⵍⵡⴰⵢ ⴷⴰⴽⴽⴻⵏ ⴰⵙⴼⵓⴽⵜⵉ ⵏ ⵓⵡⴰⵏⴰⴽ ⴷⴻⴳ ⵓⴳⵣⵓⵎ ⴰⵏⴰⵖⵣⴰⵏ ⵉⵙⵡⵉ-ⵏⵏⴻⵙ ⴷ ⵜⵓⴽⵛⵉ ⵏ ⵜⴳⴻⵊⴷⴰ ⴷ ⵜⴻⵖⴱⵓⵍⴰ ⵜⵉⵎⴰⵢⵏⵓⵜⵉⵏ ⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵉⵍⵎⴻⵏⴷ ⵏ ⵓⵙⵎⵓⵜⴻⴳ ⵉ ⵜⴰⴽⴽⴰⵢⵉⵏ ⴷ-ⵉⵜⵜⴻⴷⴷⵓⵏ ⵉ ⵓⴱⴰⵖⵓⵔ ⵏ ⵜⵙⵓⵜⵡⵉⵏ ⵜⵉⵡⵉⵎⴰⵍⵉⵏ.
- ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴰⴷ ⴷ-ⵢⴻⵙⵎⴰⵀⵉ ⴰⵎⵍⵓ ⴰⵎⴰⵢⵢⵓⵔ ⵏ ⵓⴹⴼⴰⵔ ⵖⴻⴼ ⵡⴰⴷⴷⴰⴷ ⵏ ⵜⵡⴰⵥⵉⵜ ⵏ ⵓⵙⴻⵏⴼⴰⵔ-ⴰ, ⵢⴻⵔⵏⵓ ⵉⵃⴻⵜⵜⴻⵜ-ⴷ ⵖⴻⴼ ⵓⴼⴰⴽⵉ ⵏ ⵢⵉⵎⴰⵀⵉⵍⴻⵏ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2026 ⴷ ⵡⴰⴷⴰⴼ ⵏ ⵓⵙⴻⵏⴼⴰⵔ-ⴰ ⴷⴻⴳ ⵡⴰⵎⵎⴰⴷ ⴷⴻⴳ ⵓⴽⵔⴰⴹⵢⵓⵔ ⴰⵎⴻⵣⵡⴰⵔⵓ ⵏ 2027 ⵎⴰ ⴰⵟⴰⵙ, ⵉⵍⵎⴻⵏⴷ ⵏ ⵓⵙⴻⵎⵖⴻⵔ ⵏ ⵓⴽⴻⵜⵜⵓⵔ ⵏ ⵓⴼⴰⵔⴻⵙ ⵏ ⵜⵎⴰⵇⵇⵓⵙⵉⵏ ⴷⴻⴳ ⴷⵣⴰⵢⴻⵔ.
- ⵢⴻⵙⵙⴻⵏⴷⴻⵀ ⵎⴰⵙⵙ ⴰⵙⴻⵍⵡⴰⵢ ⴰⵏⴰⴱⴰⴹ ⴰⴽⴽⴻⵏ ⴰⴷ ⵢⴻⴹⵎⴻⵏ ⴰⴹⴼⴰⵔ ⴰⵢⴰⵍⴰⵙ ⵏ ⵓⵙⴻⵏⴼⴰⵔ ⴷ ⵜⵓⴽⴽⵙⴰ ⵏ ⵡⴰⴽⴽ ⵉⵍⵖⵉⵜⴻⵏ ⵢⴻⵍⵍⴰⵏ ⴷⴻⴳ ⵓⴱⵔⵉⴷ ⴰⴽⴽⴻⵏ ⴰⴷ ⵢⴰⵡⴻⴹ ⵓⵏⵢⴰ ⵏ ⵓⵎⴰⵀⵉⵍ ⵖⴻⵔ ⵜⴰⵣⵣⴰⵍⵜ ⵜⴰⴼⴻⵍⵍⴰⵢⴰⵏⵜ ⵡⴰⵔ ⴰⴱⴷⴰⴷ.
3- ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⴻⵏⵏⵏⴰ ⴰⵏⴰⵖⵣⴰⵏ ⴷⴻⴳ ⵓⴽⴰⵜⴰⵔ ⵏ ⵓⵙⴻⵎⵖⴻⵔ ⵏ ⵓⵙⴰⴳⴻⵏ ⵏ ɛⴻⵏⵏⴰⴱⴰ
- ⵢⵓⵎⴻⵕ ⵎⴰⵙⵙ ⴰⵙⴻⵍⵡⴰⵢ ⴰⴷ ⵢⴻⵜⵜⵡⴰⴹⵎⴻⵏ ⵓⵙⴻⵎⵢⵓⴷⴷⴻⵙ ⴳⴰⵔ ⵓⴳⵣⵓⵎ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷ ⵡⵉⵏ ⵏ ⵓⴳⴻⵏⵙⵓ ⴷ ⵓⵎⴻⵙⵏⵉ, ⵙⴻⴳ ⵢⵉⴷⵉⵙ, ⴷ ⵓⵏⴻⴱⵍⴰⴳ ⴰⵡⴻⵔⴷⴰⵏⵉ ⵉⵍⵎⴻⵏⴷ ⵏ ⵓⵛⴽⴰⴹ ⵏ ⵓⵡⵍⴻⵍⵍⴻⵖ ⴷ ⵓⵙⴳⵉⵔⵉ ⵏ ⵓⵙⴻⵏⴼⴰⵔ-ⴰ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2026, ⵍⴰⴷⵖⴰ ⵉⵎⵉ ⴰⵢⴰ ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵜⴻⵙⵏⵓⴷⴷⴻⵙⵜ ⵏ ⵓⵍⴽⴰⵜ ⴰⴷⴰⵎⵙⴰⵏ ⴷ ⵜⵓⴼⴼⵖⴰ ⵙⴻⴳ ⵜⴰⴳⴻⵍⵜ ⵖⴻⵔ ⵜⵎⴻⵔⵖⴰ.
4- ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴼⴻⵔⴽⵉⵜ ⵏ ⵓⴱⵔⵉⴷ ⵏ ⵓⵙⵓⵍⴻⵎ ⵉ 2026
- ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⴰⵙⵏⴻⴳⵎⵓ ⵏ ⵓⴳⵣⵓⵎ ⵏ ⵓⵙⵓⵍⴻⵎ ⴷ ⵜⴻⴽⵙⴰⵎⴰⵏⵜ ⴷ ⴰⵙⵓⵖⴻⵏ ⴰⵖⴻⵍⵏⴰⵡ ⵢⴻⵔⵏⵓ ⴷ ⵜⵓⵣⵡⵉⵔⵜ, ⵍⴰⴷⵖⴰ ⵉⵎⵉ ⵉ ⵉⵍⴰ ⵜⵉⵅⵅⵓⵜⴻⵔⵜ ⴷⴻⴳ ⵓⵙⴷⵓⵙⵓ ⵏ ⵜⴰⵔⵙⴰⵍ ⵏ ⵜⵖⴻⵍⵍⵉⵙⵜ ⵜⴰⵏⵓⵞⵞⵉⵜ, ⴷⵖⴰ ⵖⴻⴼ ⵡⴰⵢⴰ ⵉ ⵢⴻⵙⵙⴻⴼⴽ ⴰⴷ ⵙⵙⵉⵙⴻⵍⴳⴻⵏ ⵓⵙⵙⵉⵙⴻⵏ ⵉⵍⵎⴻⵏⴷ ⵏ ⵜⵎⴻⵔⵏⵉⵡⵜ ⵏ ⵓⴼⴰⵔⴻⵙ.
- ⵢⴻⵙⵙⵓⵍⴻⵖ-ⴷ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴽⴻⵎⵎⴻⵍ ⵏ ⵓⵎⵉⵔⴻⵡ ⵏ ⵓⵡⴰⵏⴰⴽ ⵉⵍⵎⴻⵏⴷ ⵏ ⵢⵉⵎⵙⵓⵍⵎⴻⵏ, ⵢⴻⵔⵏⵓ ⴷ ⴰⵢⴰ ⴰⵔⴰ ⵜⴻⵏ-ⵢⴻǧǧⴻⵏ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵓⵙⵉⴷⴻⵡ, ⵉⵙⵉⴼⵙⴰⵙ ⴷ ⵡⴰⴽⴰⵜⴻⵏ ⴷ ⵉⵙⴻⴱⵖⴰⵙⴻⵏ, ⵉⵍⵎⴻⵏⴷ ⵏ ⵜⵎⴻⵔⵏⵉⵡⵜ ⵏ ⵜⵓⵏⴰ ⵏ ⵓⵙⵓⵍⴻⵎ ⵏ ⴷⵣⴰⵢⴻⵔ, ⵙ ⵓⵙⵉⴷⴻⴼ ⵏ ⵢⵉⵎⴰⵜⴰⵡⴻⵏ ⵉⵎⴰⵢⵏⵓⵜⴻⵏ ⵏ ⵡⴰⵎⵎⴰⴷ ⴰⵔⴰ ⵢⵉⵍⵉⵏ ⴷ ⵉⵜⵔⴻⴰⵔⴻⵏ ⵢⴻⵔⵏⵓ ⴷ ⵉⵎⴻⵍⵍⵉⵍⴻⵏ, ⵍⴰⴷⵖⴰ ⵉⵎⵉ ⴷⵣⴰⵢⴻⵔ ⵓⵔ ⵜⴻⵜⵜⴰⵎⴻⴷ ⴰⵔⴰ ⵜⵓⵏⴰ-ⵏⵏⴻⵙ ⴰⴽⴽ.
ⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⵣⵓⵎ ⵏ ⵓⴳⵎⴰⵔ, ⵢⵓⵎⴻⵕ ⵎⴰⵙⵙ ⴰⵙⴻⵍⵡⴰⵢ ⵙ ⵓⵙⴻⴷⵔⴻⵡ ⵏ ⵜⴼⵉⴷⵉⵕⴰⵍⵉⵜ ⵏ ⵢⵉⵏⴻⴳⵎⴰⵔⴻⵏ ⴷⴻⴳ ⵓⵛⵉⵡⴻⵕ ⴷ ⵓⵙⴻⵎⵢⵓⴷⴷⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵖⵜⴰⵙⴻⵏ ⴰⵔⴰ ⵢⴻⵜⵜⵡⴰⴷⴷⵎⴻⵏ ⴷⴻⴳ ⵓⴳⵣⵓⵎ-ⴰ.
- ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵍⵙⴻⴽⵍⵓ, ⵢⵓⵎⴻⵕ ⴷⴰⵖ ⴰⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ ⴰⴷ ⵢⴻⵙⵎⴻⵎⵎⵉ ⴰⵙⴻⵎⴽⴻⵏ ⴰⵜⵔⴰⵔ ⵉ ⵜⵎⴻⵔⵏⵉⵡⵜ ⵏ ⵓⴼⴰⵔⴻⵙ ⵏ ⵢⵉⵙⴻⴽⵍⴰ ⵉⵎⴻⵙⴳⵓⵎⵎⴰ, ⴷ ⵡⴰⵖⴰⴷ ⵖⴻⵔ ⵜⵓⵥⵓⵜ ⵏ ⵢⵉⵙⴻⴽⵍⴰ ⵉ ⵉⵍⴰⵏ ⵜⴰⵎⵔⴰⵔⵉⵜ ⵜⴰⴷⴰⵎⵙⴰⵏⵜ ⴷ ⵜⴰⵎⴻⵇⵇⵔⴰⵏⵜ, ⴰⵎ ⵓⵔⴳⴰⵏ.
5- ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⵔⴰⵡ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵜⵛⵉⵔⴹⴰⵔⵜ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵜⴰⵏⴻⴳⴳⴰⵔⵓⵜ:
- ⵢⴻⵙⵙⴻⵖⵍⴻⴼ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵏⴻⵖⵍⴰⴼ ⵏ ⵡⴰⴷⴷⴰⵍ ⴰⴽⴽⴻⵏ ⴰⴷ ⵢⴻⵙⵙⴻⵔⵖⴻⴷ ⵙⴻⴳ ⵡⵓⵍ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⴷ ⵢⵉⵎⴰⵀⴰⵍⴻⵏ ⵉⵜⵡⵉⵍⴰⵏⴻⵏ, ⵖⴻⴼ ⵢⵉⵖⴻⴼ-ⵏⵙⴻⵏ ⴰⵙⵏⴻⴼⵔⴰⵏ ⵯⵍⴰⴷⵉⵎⵉⵔ ⵒⴻⵜⴽoⵯⵉⵛ, ⵢⴻⵔⵏⵓ ⵢⵓⵣⴻⵏ-ⴰⵙⴻⵏ ⵎⴰⵙⵙ ⴰⵙⴻⵍⵡⴰⵢ ⴰⵙⴻⴱⵖⴻⵙ-ⵏⵏⴻⵙ, ⴰⵎ ⵡⴰⴽⴽⴻⵏ ⵉ ⴰⵙⴻⵏ-ⵢⴻⵙⵙⴰⵔⴻⵎ ⴰⵎⴻⵛⵡⴰⵕ ⴷ ⴰⵎⴰⵔⴰⵙ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⴷ-ⵉⵜⵜⴻⴷⴷⵓⵏ.
- ⵢⴻⵙⵙⴰⵡⴻⴹ ⴷⴰⵖ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵣⵓⵍⴻⵏ-ⵏⵏⴻⵙ ⵉ ⵡⴰⴽⴽ ⵉⵙⴻⴱⵖⴰⵙⴻⵏ ⵉⴷⵣⴰⵢⵔⵉⵢⴻⵏ, ⵍⴰⴷⵖⴰ ⵉⵎⴰⵙⵍⴰⴹⴻⵏ ⵏ ⵓⵎⵖⵉⵡⴰⵏ-ⵏⵏⴻⵖ ⴰⵖⴻⵍⵏⴰⵡ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ, ⵡⵉⴷ ⴷ-ⵢⵓⵙⴰⵏ ⵙⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ ⴰⴽⴽⴻⵏ ⴰⴷ ⴷⴻⵀⵍⴻⵏ ⵜⴰⵖⵍⴰⵎⵜ-ⵏⵏⴻⵖ ⵜⴰⵖⴻⵍⵏⴰⵡⵜ.
ⵜⴼⵓⴽ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵙ ⵓⵙⴻⵖⴱⴻⵍ ⵏ ⵢⵉⵙⵓⵎⵎⴷⴻⵏ ⴷ ⵓⴼⴰⴽⵉ ⵏ ⵜⵡⵓⵔⴰ ⵏ ⴽⵔⴰ ⵏ ⵢⵉⵎⴰⵙⴰⵢⴻⵏ ⴷ-ⵢⴻⵍⵀⴰⵏ ⵙ ⵢⵉⵏⵙⴰⵜⴻⵏ ⵉⵎⵉⵏⴳⴻⵏ ⵏ ⵓⵡⴰⵏⴰⴽ”.
ⴰⵔⵏⵓ ⵖⴻⵔ
