ⵜⴻⵙⵙⴼⵓⴶⵓⵍ ⵍⴻⵣⵣⴰⵢⴻⵔ, ⴰⵣⴻⴽⴽⴰ ⵏ ⵜⵍⴰⵜⴰ, ⴰⵎⴻⴽⵜⴰⵢ ⵡⵉⵙ 70 ⵏ ⵓⵙⵏⵓﻠⴼⵓ ⵏ ⵜⴻⴷⴷⵓⴽⵍⴰ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ (UGTA). ⴷ ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⵎⴻⵣⵔⵓⵢⴰⵏⵜ ⵉⵡⴰⴽⴽⴻⵏ ⴰⴷ ⴷ-ⵏⴻⴽⵜⵉ ⴰⵎⴻⵏⵏⵓⵖ ⵏ ⵢⵉⴻⴷⴷⴰⵎⴻⵏ ⴷ ⵜⵎⴰⵍⵉⵍⵜ-ⵏⵙⴻⵏ ⵜⴰⵎⵓⵇⵔⴰⵏⵜ ⴷⴻⴳ ⵓⴷⴷⴻⵣ ⵏ ⵜⴳⵔⴰⵡⵍⴰ ⵏ ⵓⵙⴻⵍⵍⴻⴽ ⴷ ⵜⵜⴻⴽⵍⴰ-ⵏⵙⴻⵏ ⴷⴻⴳ ⵓⵀⴻⴳⴳⵉ ⵏ ⵜⵎⵓⵔⵜ.
ⴰⵙⴼⵓⴶⴻⵍ-ⴰ ⵡⵉⵙ 70 ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵏⴻⵙⵙⴻⵎⵢⴻⵢⵏⵓ ⵍⵄⴻⵀⴷ ⴷ ⵡⴰⵣⴰⵍⴻⵏ ⵏ ⵓⵅⴻⴷⴷⵉⵎ ⴰⵏⴻⵇⵇⴰⴱⵉ ⴰⵖⴻⵍⵏⴰⵡ, ⴷ ⵓⵙⵎⴻⴽⵜⵉ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵓⵃⴰⴷⴻⵔ ⵏ ⵜⵎⵓⵏⴻⵏⵜ ⵜⴰⵖⴻⵍⵏⴰⵡⵜ ⴷ ⵓⵀⴻⴳⴳⵉ ⵏ ⵓⵡⴰⵏⴻⴽ ⴰⵎⴻⵜⵜⵉ ⵢⴻⵣⵔⴻⴼⵏ.
ⴰⵙⵏⵓⵍⴼⵓ ⵏ ⵜⴻⴷⴷⵓⴽⵍⴰ-ⴰⴳⵉ ⴷⴻⴳ 24 ⴼⵓⵔⴰⵔ 1956 ⴷ ⵢⵉⵡⴻⵏ ⵓⵣⵎⴻⵣ ⴰⴷⴻⵙⵍⴰⵏ ⴷⴻⴳ ⵓⴱⵔⵉⴷ ⵏ ⵜⵎⵓⵙⵏⵉ ⵜⴰⵖⴻⵍⵏⴰⵡⵜ. ⵢⴻⵍⵍⴰ-ⴷ ⴷ ⵜⴰⴳⴳⴰⵔⴰ ⵏ ⵢⵉⵡⴻⵏ ⵡⴰⴽⵜⵓ ⴰⵏⴻⵇⵇⴰⴱⵉ ⵉ ⴷ-ⵢⴻⵙⴽⴻⵏ ⴱⴻⵍⵍⵉ ⵉⵅⴻⴷⴷⴰⵎⴻⵏ ⴷⴷⴰⵏ ⴷ ⵜⴳⵔⴰⵡⵍⴰ ⵙⴻⴳ ⵜⴰⵣⵡⴰⵔⴰ. ⵜⴻⴷⴷⵓⴽⵍⴰ-ⴰ ⵜⴻⵅⴷⴻⵎ ⵜⴰⵎⵍⵉⵍⵜ ⵜⴰⴷⴻⵙⵍⴰⵏⵜ ⴷⴻⴳ ⵓⵙⵃⴻⵔⵔⴻⴽ ⵏ ⵢⵉⵅⴻⴷⴷⴰⵎⴻⵏ, ⵢⴻⵔⵏⴰ ⵜⴻⴽⴽⴰ ⴷⴻⴳ ⵓⵃⴻⴱⴱⴻⵙ ⵏ ⵓⵅⴻⴷⴷⵉⵎ ⵏ ⵜⴰⵎ ⵏ ⵡⵓⵙⵙⴰⵏ (ⵙⴻⴳ 28 ⵢⴻⵏⵏⴰⵢⴻⵔ ⴰⵔ 4 ⴼⵓⵔⴰⵔ 1957).
ⴷⴻⴼⴼⵉⵔ ⵏ ⵜⵎⵓⵏⴻⵏⵜ, ⵜⴰⵎⵓⴷⴷⵓⵙⵜ-ⴰ ⵜⴻⴽⴽⴰ ⴷⴻⴳ ⵓⵎⴻⵏⵏⵓⵖ ⵏ ⵓⵀⴻⴳⴳⵉ ⵏ ⵜⵎⵓⵔⵜ ⵙ ⵢⵉⵖⵉⵍⵍⴻⵏ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ. ⴰⵎⴻⴽⵜⴰⵢ-ⴰ ⴷ ⵜⴰⴶⵎⴰⵍⵜ ⵉ ⵡⵉⴷ ⵢⴻⴼⴽⴰⵏ ⵜⵓⴷⴻⵔⵜ-ⵏⵙⴻⵏ ⵖⴻⴼ ⵍⴶⴰⵍ ⵏ ⵜⵎⵓⵔⵜ.
ⴷⴻⴳ ⵓⴼⵔⴰⴳ-ⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵢⴻⵙⵙⴻⴷⵀⴻⵔ-ⴷ ⵢⴰⵍ ⵜⵉⴽⴽⴻⵍⵜ ⴰⵣⵓⵅ-ⵉⵙ ⵙ ⵢⵉⵅⴻⴷⴷⴰⵎⴻⵏ ⴷ ⵢⵉⵏⴻⵇⵇⴰⴱⵉⵢⴻⵏ ⵉⵣⵣⴰⵢⵔⵉⵢⴻⵏ, ⵢⴻⵏⵏⴰ-ⴷ ⴱⴻⵍ ⴰⵎⴻⴽⵜⴰⵢ-ⵏⵙⴻⵏ ⴰⴷ ⵢⴻⴶⴶⴰⵍ ⴷ ⴰⵖⴱⴰⵍⵓ ⵏ ⵜⵎⵓⵖⵍⵉ ⴰⵎ ⵓⵎⴻⵖⵔⴰⵙ ⵄⵉⵙⴰⵜ ⵉⴷⵉⵔ ⴷ ⵓⵏⴻⵇⵇⴰⴱⵉ ⵄⴰⴱⴷⴻⵍⵃⴰⵇ ⴱⴻⵏ ⵃⴰⵎⵎⵓⴷⴰ ⴷ ⵢⵉⵎⴷⵓⴽⴽⴰⵍ-ⵏⵙⴻⵏ.
ⵢⴻⵏⵏⴰ-ⴷ ⵓⵙⴻⵍⵡⴰⵢ ⴱⴻⵍ: "ⵍⴻⵣⵣⴰⵢⴻⵔ ⵜⴰⵎⴻⵔⵣⵓⵢⵜ ⵜⴻⵣⵣⵓ𝔵 ⵢⴻⵔⵏⴰ ⵜⴻⵜⵜⴻⴽⴽⵉⵍ ⵖⴻⴼ ⵜⴻⵔⵔⴰⵡⵉⵏ-ⵉⵙ ⴷ ⵡⴰⵔⵔⴰⵡ-ⵉⵙ ⵉⵅⴻⴷⴷⴰⵎⴻⵏ... ⵉⵡⴰⴽⴽⴻⵏ ⴰⴷ ⵙⴻⵔⵙⴻⵏ ⵍⵙⴰⵙ ⵏ ⵢⵉⵡⴻⵏ ⵓⵎⴻⴷⵢⴰ ⴰⴷⴰⵎⵙⴰⵏ ⴰⵜⵔⴰⵔ".
ⴰⵎⴻⴽⵜⴰⵢ-ⴰ ⵡⵉⵙ ⵙⴻⴱⵄⵉⵏ ⵢⵓⵙⴰ-ⴷ ⴷⴻⴳ ⵢⵉⵡⴻⵏ ⵡⴰⴷⴷⴰⴷ ⴰⵖⴻⵍⵏⴰⵡ ⵉⴷⴻⴳ ⵜⴻⵜⵜⴻⴽⴽⴻⵍ ⵜⵎⵓⵔⵜ ⵖⴻⴼ ⵡⴰⵣⴰⵍ ⴰⵎⴻⵜⵜⵉ ⵏ ⵓⵡⴰⵏⴻⴽ, ⴰⵎ ⵡⴰⴽⴽⴻⵏ ⵉ ⴷ-ⵢⴻⵍⵍⴰ ⴷⴻⴳ ⵓⵙⵉⵡⴹ ⵏ 1 ⵡⴻⵏⴱⴻⵔ 1954. ⵍⴻⵣⵣⴰⵢⴻⵔ ⵜⴻⴽⵎⴻⵍ ⴷⴻⴳ ⵓⴱⵔⵉⴷ-ⴰ ⵙ ⵢⵉⵙⴻⴳⵣⵉⵢⴻⵏ ⵏ ⵓⵙⴻⵍⵡⴰⵢ ⵉⵡⴰⴽⴽⴻⵏ ⴰⴷ ⵜⴻⵙⵙⵉⵍⵉ ⵜⵉⵣⵎⴻⵔⵜ ⵏ ⵜⵓⵖⵉⵏ (pouvoir d'achat).
ⴳⴻⵔ ⵢⵉⵙⴻⴳⵣⵉⵢⴻⵏ-ⴰⴳⵉ ⵉ ⴷ-ⵢⵓⵙⴰⵏ ⵉⵡⴰⴽⴽⴻⵏ ⴰⴷ ⵙⴻⵍⵀⵓⵏ ⵜⵓⴷⴻⵔⵜ ⵏ ⵢⵉⵖⴻⵔⵎⴰⵏⴻⵏ:
- ⴰⵙⵉⵍⵉ ⵏ ⵓⵍⵙⵉⵔ ⴰⴷⴷⴰⵢ ⵏ ⵓⵅⴻⵍⵍⴻⵚ ⴰⵖⴻⵍⵏⴰⵡ (SNMG) ⵙⴻⴳ 20.000 ⴷⴶ ⴰⵔ 24.000 ⴷⴶ.
- ⵡⵉⴷ ⵢⴻⵟⵟⴼⴻⵏ ⵔⵔⴰⵃⴰ ⵡⴰⵍⴰⵏ ⴰⵙⵉⵍⵉ ⵏ 10% ⵉ ⵡⵉⴷ ⵢⴻⵟⵟⴼⴻⵏ 20.000 ⴷⴶ ⵏⴻⵖ ⴷⴷⴰⵡ-ⴰⵙ, ⴷ 5% ⵉ ⵡⵉⴷ ⵢⴻⵟⵟⴼⴻⵏ ⵓⴳⴳⴰⵔ.
- ⵜⴰⵎⴻⵟⵟⵓⵜ ⵜⴰⵅⴻⴷⴷⴰⵎⵜ: ⵜⴰⴳⴳⵓⵔⵜ ⵏ ⵜⵔⴰⵡⵜ ⵜⵓⵖⴰⵍ ⴷ ⵅⴻⵎⵙⴰ ⵏ ⵢⵉⴳⴳⵓⵔⴻⵏ, ⵢⴻⵔⵏⴰ ⵜⴻⵣⵎⴻⵔ ⴰⴷ ⵜⴰⵡⴻⴹ ⴰⵔ 165 ⵏ ⵡⵓⵙⵙⴰⵏ ⵎⴰ ⵢⴻⵍⵍⴰ ⵍⵃⴰⴰ.
- ⴰⵃⵔⵉⵛ ⵏ ⵓⵙⴻⴳⵎⵉ: ⴰⴷⵔⴰⵔ ⵏ ⵍⵄⴻⵎⵔ ⵏ ⵜⵓⵟⵟⴼⴰ ⵏ ⵔⵔⴰⵃⴰ ⵙ ⵜⵍⴰⵜⴰ ⵏ ⵢⵉⵙⴻⴳⴳⴰⵙⴻⵏ ⵉ ⵢⵉⵙⴻⵍⵎⴰⴷⴻⵏ, ⴷ ⵓⵙⴻⴽⵛⵓⵎ ⵏ 82.410 ⵏ ⵢⵉⵙⴻⵍⵎⴰⴷⴻⵏ ⵉⵎⴻⵛⵔⴰⵟⴻⵏ ⵙ ⵡⴰⵢⴰ, ⴰⵎⵓⵖ ⵏ ⵢⵉⵙⴻⵍⵎⴰⴷⴻⵏ ⵢⴻⵜⵜⵡⴰⴽⴻⵛⵎⴻⵏ ⵢⴰⵡⴻⴹ ⴰⵔ 144.410 ⵏ ⵓⵙⴻⵍⵎⴰⴷ.
ⴰⵔⵏⵓ ⵖⴻⵔ
