ⵉⵙⵙⴻⴽⵏ-ⴷ ⵓⵎⵣⵉⵡ ⵏ ⵜⴻⴳⴷⵓⴷⴰ ⵏ ⴱⵓⵜⵙⵡⴰⵏⴰ, ⵎⴰⴱⴻⵍⵓⵍⵓ ⴰⵍⴼⵔⴻⴷ ⴱⵓⴰⵏⴳ, ⴰⵙⵙ-ⴰ ⵏ ⵓⵕⴻⴱⵄⴰ, ⴰⵇⵇⴰⵙ ⵏ ⵜⵎⵓⵔⵜ-ⵉⵙ ⵉ ⵓⵎⴰⵀⵉⵍ ⵖⴻⴼ ⵓⵙⵊⴻⵀⴻⴷ ⵏ ⵡⴰⵙⵙⴰⵖⴻⵏ ⵢⴻⵍⵀⴰⵏ ⵢⴻⵍⵍⴰⵏ ⴳⴰⵔ ⵜⵎⵓⵔⵜ-ⵉⵙ ⴷ ⴷⵣⴰⵢⴻⵔ, ⵉ ⵓⵙⵎⴻⴽⵜⵉ ⵏ ⵙⵉⵏ ⵏ ⵢⵉⴳⴷⵓⴷⴻⵏ ⴷ ⵓⵎⴻⵏⵥⴰⵡ ⴰⴼⵔⵉⵇⵉ ⵙ ⵓⵎⴰⵜⴰ.
ⴷⴻⴳ ⵓⵏⵏⴰ ⵏ ⵜⵏⴻⴼⵍⵉⵜ ⵉ ⴷ-ⵢⴻⴼⴽⴰ ⵙⴻⵍⴷ ⴰⵙⵎⵉ ⵉ ⵉⵙⵔⴻⵙ ⵢⵉⴼⴻⵔⵔⴰⵡⴻⵏ ⵏ ⵓⵜⴰⵎⵡⴻⵍ-ⵉⵙ ⵖⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉⵙⵙⴻⵖⵔⴻⵜ-ⴷ ⵓⵎⵣⵉⵡ ⵏ ⴱⵓⵜⵙⵡⴰⵏⴰ ⴰⵥⴰⵢⴻⵔ-ⵉⵙ ⵖⴻⵔ "ⵓⵙⴻⵍⵃⵉ ⵏ ⵓⵎⴰⵀⵉⵍ ⵉ ⵓⵙⵊⴻⵀⴻⴷ ⵏ ⵡⴰⵙⵙⴰⵖⴻⵏ ⵢⴻⵍⵀⴰⵏ ⵢⴻⵍⵍⴰⵏ ⴳⴰⵔ ⵙⵉⵏ ⵏ ⵜⵎⵓⵔⴰ", ⵙ ⵓⵙⵎⴻⵔⵏⵉ ⴷⴰⴽⴽⴻⵏ ⴷⵣⴰⵢⴻⵔ ⴷ ⴱⵓⵜⵙⵡⴰⵏⴰ "ⵙⵙⴰⵔⴰⵎⴻⵏ ⴰⵙⵙ-ⴰ ⵉ ⵓⵙⴻⴽⴼⴻⴷ ⵏ ⵓⴽⴰⵍⴰ ⵏ ⵡⴰⵙⵙⴰⵖⴻⵏ-ⵏⵙⴻⵏⵜ ⵉⵙⵉⵡⴰⵏⴻⵏ ⵉ ⵓⵙⵏⴻⴼⵙⵉ-ⵏⵙⴻⵏⵜ ⵉ ⵓⵙⵎⴻⴽⵜⵉ ⵏ ⵜⵏⴻⴼⵍⵉⵜ ⴷⴻⴳ ⵙⵉⵏ ⵏ ⵜⵎⵓⵔⴰ ⴷⴻⴳ ⵓⵙⵡⵉⵔ ⴰⴷⴰⵎⵙⴰⵏ ⴷ ⵢⵉⴳⵣⵓⵍⴻⵏ ⴰⵏⵉⴹⴰⵏⴻⵏ".
ⵉⵙⵙⴻⴽⴼⴻⵍ-ⴷ, ⴷⴻⴳ ⵓⵃⵔⵉⵞ-ⴰ, ⴷⴰⴽⴽⴻⵏ ⵍⵍⴰⵏ ⵡⴰⵟⴰⵙ ⵏ ⵢⵉⴽⴰⵔⴰⵎⴻⵏ ⴰⵔⴰ "ⵢⵉⵍⵉⵏ ⴷ ⴰⵎⴰⵀⵉⵍ ⵉ ⵓⵙⴻⵏⵇⴻⴷ-ⵏⵙⴻⵏ ⵉ ⵓⵙⵙⵉⴷⵓ ⵏ ⵡⴰⵙⵙⴰⵖⴻⵏ ⴳⴰⵔ ⵙⵉⵏ ⵏ ⵜⵎⵓⵔⴰ ⵖⴻⵔ ⵢⵉⴳⵎⴰⴹ ⵉ ⴷ-ⵉⵜⵜⴱⴰⵏⴻⵏ ⴰⵔⴰ ⴷ-ⵢⴻⴳⵍⵓⵏ ⵙ ⵓⴼⴰⵕⴻⵚ ⵉ ⵙⵉⵏ ⵏ ⵢⵉⴳⴷⵓⴷⴻⵏ-ⵏⵙⴻⵏⵜ ⴷ ⵓⵃⵔⵉⵞ ⵉ ⴷ-ⵢⴻⴳⵔⴰⵏ ⴷⴻⴳ ⵓⵎⴻⵏⵥⴰⵡ ⴰⴼⵔⵉⵇⵉ".
ⴰⵎ ⴰⴽⴽⴻⵏ ⵉ ⴷ-ⵉⵙⵙⴻⴽⵏ ⴰⵇⵇⴰⵙ ⵏ ⴱⵓⵜⵙⵡⴰⵏⴰ ⵉ "ⵓⵎⴰⵀⵉⵍ ⴰⵎⴻⵣⴳⵉ ⵉ ⵓⵙⵏⴰⵙ ⵏ ⵜⵙⴻⵔⵜⵉⵜ ⵜⴰⴼⵔⵉⵇⴰⵢⵜ, ⵙⴻⴳ ⵓⵜⴰⵎⵡⴻⵍ ⴰⵙⵉⵡⴰⵏ ⵖⴻⵔ ⵓⵙⵡⵉⵔ ⵏ ⵓⵎⴻⵏⵥⴰⵡ".
ⴰⵔⵏⵓ ⵖⴻⵔ
