ⵉⴹⴼⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷⴻⴳ ⵓⵍⴷⴰⵢ ⵓⵏⵚⵉⴱ ⵏ ⵜⵙⴻⵎⵎⵓⵏⵜ ⵜⵉⵙ 57 ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⴼⵔⴰⴳ ⵏ ⵢⵉⵙⴰⵢⴻⵙⴻⵏ (ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ), ⵢⵉⵡⴻⵏ ⵏ ⵓⵙⴻⵏⴽⴻⴷ ⵉ ⴷ-ⵜⴻⴼⴽⴰ ⵜⵏⴻⵀⵍⴰⴼⵜ ⵏ ⵜⵏⴻⵣⵣⵓⵜ ⵏ ⴷⴰⵅⴻⵍ ⴷ ⵓⵚⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ, ⵎⴰⵙⵙⴰ ⴰⵎⴰⵍ ⴰⴱⴷⴻⵍⵍⴰⵟⵉⴼ, ⵖⴻⴼ ⵓⵣⴻⵟⵟⴰ ⴰⴷⴰⵎⵙⴰⵏ ⵏ ⵜⵎⵓⵔⵜ ⴷ ⵢⵉⵙⵉⴹⵏⴻⵏ ⵢⴻⵄⵏⴰⵏ ⵜⴰⵡⴰⵖⵉⵜ-ⴰⴳⵉ ⵜⴰⴷⴰⵎⵙⴰⵏⵜ, ⵙ ⵓⵙⴻⴽⵏⴻⴷ ⵏ ⵢⵉⵙⵓⵔⵉⴼⴻⵏ ⵉ ⵜⴻⵡⵡⵉ ⵜⴻⵎⴳⵓⵔⵉ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ.
ⴰⵙⴻⵏⴽⴻⴷ-ⴰⴳⵉ ⵢⴻⵡⵡⵉ-ⴷ ⵖⴻⴼ ⵓⴼⵔⴰⵇ ⵏ ⵓⵣⴻⵟⵟⴰ ⴰⴷⴰⵎⵙⴰⵏ ⴰⵔⵎⵉ ⴷ 17 ⵢⵓⵏⵢⵓ ⴷ ⵓⵙⵏⴻⴼⵍⵉ ⵏ ⵡⵓⵟⵟⵓⵏ ⵏ ⵢⵉⵊⴻⵔⵔⵉⴷⴻⵏ ⵏ ⵜⵏⴻⵣⵣⵓⵜ (registres de commerce), ⵔⵏⵉ-ⴷ ⴼⴻⵍⵍ-ⴰⵙⴻⵏ ⵓⴳⴰⵔ ⵏ ⵡⵉⴷ ⵢⵓⵔⴰⵏ ⴷⴻⴳ ⵜⵎⵓⵀⴰⵍ ⵏ ⵓⴼⴰⵔⵉⵙ ⴷ ⵢⵉⵎⴻⵥⵍⴰ ⵙⴻⴳ ⵓⵙⴰⵢⴻⵙ ⵏ ⵓⴼⴰⵔⵉⵙ ⴰⵖⴻⵍⵏⴰⵡ ⵉ ⴷ-ⵢⵉⵍⵍⴰⵏ ⴷⴻⴳ ⴷⵓⴶⴻⵎⴱⴻⵔ ⵉⵄⴻⴷⴷⴰⵏ.
ⴷⴻⴳ ⵜⴰⵍⵍⵉⵜ ⵏ ⵓⵙⴻⵏⴽⴻⴷ-ⴰⴳⵉ, ⵙⵏⴻⴽⴷⴻⵏ-ⴷ ⴱⴻⵍⵍⵉ ⵜⴰⵎⴳⵓⵔⵉ ⵜⴰⵖⴻⵍⵏⴰⵡⵜ "ⵜⴻⵏⵏⵉⴳ ⵙⴻⴳ ⵓⵙⴻⴶⵀⴻⴷ ⵏ ⵓⴼⴰⵔⵉⵙ ⵖⴻⵔ ⵓⵙⴱⴻⴷⴷⵉ ⵏ ⵜⵉⵎⵓⵎⴻⵏⵜ ⵜⴰⴷⴰⵎⵙⴰⵏⵜ (souveraineté économique), ⴰⵏⵉⴷⴰ ⵜⴻⵜⵜⴰⴽⴰ-ⴷ ⵜⵓⵔⴰ ⵉⴳⴻⵎⵎⴰⴹ ⵏ ⵜⵉⴷⴻⵜ". ⴷⴰⵖⴻⵏ, ⴰⵟⴰⵙ ⵏ ⵜⵎⵓⵀⴰⵍ (sectors) ⵜⵉⵎⴳⵓⵔⵉⵢⴰⵏⵉⵏ ⵣⵔⴰⵏⵜ "ⴰⵙⴰⵍⵉ ⴰⵎⴻⵇⵇⵔⴰⵏ ⴷⴻⴳ ⵓⵖⵓⵎⵎⵓ ⵏ ⵓⴳⴻⴷⴻⵣ ⴰⵖⴻⵍⵏⴰⵡ ⴷ ⵓⴱⵔⵉⴷ ⵖⴻⵔ ⵓⵙⵓⴼⴼⴻⵖ (exportation), ⴳⴰⵔ-ⴰⵙⴻⵏⵜ ⵡⴰⵍⵍⴰⵍⴻⵏ ⵏ ⵍⴻⴱⵏⵉ, ⵜⴰⵎⴳⵓⵔⵉ ⵜⴰⴽⵍⵉⵕⵓⵏⵎⴰⵏⵣⵉⵍⴰⵏⵜ (électroménager), ⵜⵉⵎⵓⵀⴻⵍ ⵏ ⵡⵓⵛⵛⵉ, ⵉⵙⴰⴼⴰⵔⴻⵏ ⵏ ⵜⵓⵊⵊⵢⴰ, ⵡⴰⵍⵍⴰⵍⴻⵏ ⵏ ⵓⵙⵉⵣⴷⴻⴳ, ⵜⴰⵎⴳⵓⵔⵉ ⵜⴰⵙⴰⴼⴰⵔⴰⵏⵜ ⴷ ⵢⵉⵙⴻⵍⵙⴰ".
ⵉⵙⵡⵉⵔⴻⵏ ⵏ ⵓⵖⵓⵎⵎⵓ ⵏⵏⴰⵏ-ⴷ ⴳⴰⵔ 50 ⴷ 80 ⴷⴻⴳ ⵜⵎⵉⴹⵉ (%), ⵓ ⵍⵍⴰⵏ ⵢⵉⴼⴰⵔⴰⵙⴻⵏ ⵉ ⵢⴰⵡⴻⴹⴻⵏ 100 ⴷⴻⴳ ⵜⵎⵉⴹⵉ ⵏ ⵓⴽⵜⴰⵍ ⵏ ⵢⵉⵎⴰⵏ. ⴷⴻⴳ ⵜⵙⴻⵎⵎⵓⵏⵜ-ⴰⴳⵉ ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵍⴻⵣⵣⴰⵢⴻⵔ, ⵜⴱⴰⵏ-ⴷ ⵍⴼⴰⴽⵢⴰ ⵏ ⵜⵙⴻⵔⵜⵉⵜ ⵜⴰⵎⴳⵓⵔⵉⵢⴰⵏⵜ ⵙ ⵢⵉⴼⴰⵔⴰⵙⴻⵏ ⵍⴻⵣⵣⴰⵢⵔⵉⵢⴻⵏ ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵜⵎⵓⵔⵜ ⵉ ⵍⵍⴰⵏ ⵣⵉⴽ ⵜⵜⵡⴰ-ⵉⴷ-ⴰⵙⵙⴰⵡⴻⵏ ⵙ ⵍⴻⴽⵎⴰⵍ ⵙⴻⴳ ⴱⴻⵕⵕⴰ.
ⴷⴰⵖⴻⵏ, ⵙ ⵢⵉⵙⴻⵏⴼⴰⵔⴻⵏ ⵉ ⴷ-ⵢⵓⵔⴰⵏ ⴷⴻⴳ ⵓⵙⴻⵏⴽⴻⴷ, ⵙⵏⴻⴽⴷⴻⵏ ⴱⴻⵍⵍⵉ ⵉⵎⴰⵀⵉⵍⴻⵏ-ⴰⴳⵉ ⵎⵍⴻⵏ-ⴷ ⵓⴱⴻⴷⴷⴻⵍ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵙ ⵓⵙⴻⴶⵀⴻⴷ ⵏ ⵓⴼⴰⵔⵉⵙ ⴷ ⵓⵙⴰⴷⴻⵔ ⵏ ⵓⵙⴻⵏⵏⴻⴷ ⵖⴻⴼ ⵢⵉⵙⴻⴽⵛⵉⵎⴻⵏ ⵏ ⴱⴻⵕⵕⴰ (importations), ⴷ ⵓⵏⵉⴳ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵓⵙⴱⴻⴷⴷⵉ ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ.
ⴰⵙⴻⵏⴽⴻⴷ ⴷⴻⴳ-ⵙ ⴷⴰⵖⴻⵏ ⵉⵎⴹⴰⵏⴻⵏ ⵖⴻⴼ ⵜⵙⴻⵎⵎⵓⵏⵜ ⵜⵉⵙ 57 ⵏ ⵓⵙⴰⵢⴻⵙ ⵉ ⴷⴻⴳ ⵜⵜⴻⴽⴽⵉⵢⴻⵏⵜ 36 ⵏ ⵜⵎⵓⵔⴰ ⴷ 781 ⵏ ⵜⵎⵓⵙⵏⵉⵡⵉⵏ, ⴳⴰⵔ-ⴰⵙⴻⵏⵜ 202 ⵏ ⵜⵎⵓⵙⵏⵉⵡⵉⵏ ⵏ ⴱⴻⵕⵕⴰ ⴷ 579 ⵏ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ.
ⴰⵔⵏⵓ ⵖⴻⵔ
