ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏ, ⴰⵖⴻⵍⵍⴰ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⴻⵖⴷⴻⵎⵜ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⴷⴰⴽⴽⴻⵏ ⴰⵃⴻⵎⵎⴰⵍ ⵏ ⵍⴷⵣⴰⵢⴻⵔ ⵙ ⵜⴻⵀⵢⵓⴼⵉⵏ ⵢⵓⵖⴰⵍ ⴷ ⵉⵎⴻⵏⵖⵉ ⵏ ⵜⵉⴷⴻⵜ, ⵢⴻⵔⵏⵓ ⴰⵢⴰ ⵢⴻⵣⵎⴻⵔ ⴰⴷ ⴷⵢⴻⴳⵍⵓ ⵙ ⵓⵙⵙⴻⵎⵖⴻⵔ ⵏ ⵢⵉⵙⵡⵉ ⵏ ⵜⴻⵖⴱⴰⵍⵓⵜ ⵏ ⵢⵉⵙⴻⵎⵎⴰⴹⴻⵏ-ⴰ ⴷⴻⴳ ⵓⴽⴰⵜⴰⵔ ⵏ ⵓⵣⵔⴻⴼ ⵏ ⵓⵎⵃⴰⴷⴷⵉ ⵖⴻⴼ ⵢⵉⵎⴰⵏ. ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⴰⵢ ⴷⵢⴻⴼⴽⴰ ⴷⴻⴳ ⵜⵏⴻⴼⵔⵓⵜ ⵜⴰⵖⴻⵍⵏⴰⵡⵜ ⴷⴻⴳ ⵓⵍⴷⴰⵢ ⵏ ⵓⵙⴻⴳⴳⴰⵙ ⵏ ⵛⵛⵕⴻⵄ ⵏ 20262027, ⵙ ⵍⵃⵓⴹⵓⵔ ⵏ ⵢⵉⵎⴹⴻⴱⴱⵔⴻⵏ ⵉⵎⴻⵇⵔⴰⵏⴻⵏ ⵏ ⵓⵡⴰⵏⴰⴽ, ⵉⵄⴻⴳⴳⴰⵍⴻⵏ ⵏ ⵓⵏⴰⴱⴰⴹ, ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⴻⵀⵍⴰ ⵜⴰⵖⴻⵍⵏⴰⵡⵜ, ⵢⴻⵏⵏⴰⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ « ⴰⵃⴱⴰⵙ ⵏ ⵍⴻⵣⵣⴰⵢⴻⵔ ⵙ ⵜⴻⵀⵢⵓⴼⵉⵏ ⵢⵓⵖⴰⵍ ⴷ ⵉⵎⴻⵏⵖⵉ ⵏ ⵜⵉⴷⴻⵜ ⵎⴳⴰⵍ ⵡⴻⵖⵔⴻⴼⵏⵏⴻⵖ, ⴷⴷⵡⴰⵡⵉ ⴷⴻⴳ ⵓⴽⴰⵜⴰⵔ ⵏ ⵢⵉⵣⴻⵔⴼⴰⵏ ⵏ ⵓⵎⵃⴰⴷⴷⵉ ⵏ ⵢⵉⵎⴰⵏ." ⴷⴻⴳ ⵢⵉⵡⴻⵏ ⵏ ⵓⴽⴰⵜⴰⵔ ⴰⵢ ⴷⵢⴻⵇⵇⵏⴻⵏ ⵖⴻⵔ ⵡⴰⵢⴰ, ⵉⵡⴻⴽⴽⴻⴷⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ « ⵔⵔⴻⴱⵔⴰⴱ ⵢⵓⵖⴰⵍ ⴷ ⴰⵍⵍⴰⵍ ⴰⵢ ⵢⴻⵜⵜⵡⴰⵙⵇⴻⴷⵛⴻⵏ ⵎⴳⴰⵍ ⵍⴷⵣⴰⵢⴻⵔ ⴷ ⵍⴵⵉⵔⴰⵏⵏⵏⴻⵙ, ⵢⴻⵔⵏⵓ ⴰⴷ ⵏⵃⴰⵔⴻⴱ ⵖⴻⴼ ⵜⵎⵓⵔⵜⵏⵏⴻⵖ ⴷ ⵍⴵⵉⵔⴰⵏⵏⵏⴻⵖ ⵙ ⵜⴻⵣⵎⴻⵔⵜ ⵏ ⵢⵉⴳⴻⵏⵏⵏⴻⵖ ⴰⵖⴻⵍⵏⴰⵡ ⴰⵖⴻⵔⴼⴰⵏ », ⴰⵎ ⵡⴰⴽⴽⴻⵏ ⴰⵢ ⴷⵢⴻⵔⵏⴰ ⴷⴰⴽⴽⴻⵏ « ⵏⴻⵔⴱⴻⵃ ⵔⵔⴻⴱⵔⴰⴱ ⴷⴻⴳ ⵡⵓⵙⵙⴰⵏⵏⵏⴻⵙ ⵉⵇⴻⵙⵃⴻⵏ ⵙ ⵍⵎⴻⵏⴷⴰⴷ ⵏ ⵢⵉⵔⴳⴰⵣⴻⵏⵏⵏⴻⵖ ».
ⴰⵔⵏⵓ ⵖⴻⵔ
