ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⴻⴷⴷⵉ ⵖⴻⴼ ⵜⴹⵓⵍⵍⵉ ⵏ ⵓⵎⵉⵔⴻⵡ ⵙ ⵜⵏⴻⵖⵙⵓⵜⵉⵏ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴷⴻⴳ ⵓⵙⴻⴹⵔⴻⵡ ⵏ ⵢⵉⵙⴻⵏⴼⴰⵔⴻⵏ ⵉⵙⵏⵓⴷⴷⵙⴰⵏⴻⵏ

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⴷⴷⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵉ ⴷ-ⵢⴻⵙⵙⴻⵍⵡⵉ ⴷⴻⴳ ⵡⴰⵙⵙⵏ ⵓ ⵙⴰⵎⴰⵙ, ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵖⴻⴼ ⵜⴹⵓⵍⵍⵉ ⵏ ⵓⵎⵉⵔⴻⵡ ⵙ ⵜⴰⵏⵏⴰⴹⵉⵏ ⴷ ⵜⵏⴻⵖⵙⵓⵜⵉⵏ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⴷⴻⴳ ⵓⵙⴻⴹⵔⴻⵡ ⵏ ⵓⵏⵔⴰⵔ ⵉ ⵓⴽⴽ ⵉⵙⴻⵏⴼⴰⵔⴻⵏ ⵉⵙⵏⵓⴷⴷⵙⴰⵏⴻⵏ ⴰⴷ ⵢⴰⵡⵉⵏ ⴷⵣⴰⵢⴻⵔ ⵖⴻⵔ ⵜⴰⵎⵓⵔⵜ ⵉⴳⴻⵎⵎⵓⵏ ⵙ ⵜⴷⴰⵎⵙⴰ ⵢⴻⵎⴳⵉⵔⵔⴷⴻⵏ.

ⵢⴻⵙⵙⵎⵀⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵏⵏⴰⴹⵉⵏ ⵜⵉⵖⴻⵜⵜⴰⵙⵉⵏ ⵉ ⵓⵏⴰⴱⴰⴹ ⵙ ⵡⴰⵎⵎⴰⴷ ⵏ ⵜⴻⵥⵡⴰⵔ ⴷ ⵜⵣⴻⵎⵎⴰⵔ ⵏ ⴷⵣⴰⵢⴻⵔ ⵜⵉⵒⵉⵜⵕⵓⵍⴰⵏⴻⵏ ⴷⴻⴳ ⵓⴼⴰⵔⴻⵙ ⵏ ⵜⵏⴻⴳⵡⴰ ⵜⵓⵣⵡⵉⵔⵉⵏ ⴷⴻⴳ ⵓⵙⵡⵉⵔ ⴰⴷⵉⴳⴰⵏ, ⵢⴻⵄⵏⴰⵏ ⴰⴼⴰⵔⴻⵙ ⵏ ⵜⵏⴻⴳⵡⴰ ⵜⵉⵒⵍⴰⵙⵜⵉⴽⵉⵢⵉⵏ, ⵉⵍⵎⴻⵏⴷ ⵏ ⵓⵙⴻⵎⵥⵉ ⵜⴼⴰⵜⵓⵔⵜ ⵏ ⵡⴰⴵⴵⴰⵡ.

ⵢⴻⵔⵏⵉ ⵉⵡⴻⴽⴽⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⴹⵓⵍⵍⵉ ⵏ ⵓⵙⴳⴻⵄⵎⴻⵔ ⵏ ⵜⵏⴻⴳⴳⵉⵡⵉⵏ ⵜⵉⴷⵣⴰⵢⵔⵉⵢⵉⵏ ⵏ ⵡⴰⵎⴰⵏ, ⴱⴰⵛ ⴰⴷ ⵄⵏⴰⵏ ⵓⴽⴽ ⵜⵖⵉⵡⴰⵏⵉⵏ, ⵙ ⵢⵉⵙⵡⵉ ⵏ ⵓⵙⴻⵍⵀⵓ ⵏ ⵓⴱⴻⵟⵟⵓ ⴷ ⵓⵙⴻⴼⵔⴻⴽ ⵏ ⵜⵉⵖⴱⵓⵍⴰ ⵏ ⵡⴰⵎⴰⵏ, ⴷⴻⴳ ⵓⵎⴻⵥⵍⵓ ⵏ ⵢⵉⵖⴻⵔⵎⴰⵏⴻⵏ.