ⵢⴻⴼⴽⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴵⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⵃⴻⴷ, ⵍⵜⴰⵄⵣⵉⵢⴰ-ⵙ ⵍⵇⴰⵢⴻⵏ ⴷ ⵓⵙⵖⴻⵎ-ⵉⵏⴻⵙ ⵉ ⵜⵡⴰⵛⵓⵍⵜ ⵏ ⵡⴻⵎⵊⴰⵀⴻⴷ ⵏⵓⵔⴻⴷⵉⵏ ⴵⵓⴷⵉ, ⵉ ⴷ-ⵢⴻⵡⵡⵉ ⵔⴻⴱⴱⵉ ⵉⴹⴻⵍⵍⵉ ⴰⵙⵙ ⵏ ⵙⴻⴷ, ⵖⴻⴼ ⵍⴻⵄⵎⴻⵔ ⵏ 92 ⵉⵙⴻⴳⴳⴰⵙⴻⵏ.
ⵢⵓⵙⴰ-ⴷ ⴷⴻⴳ ⵡⴻⴹⵔⵉⵙ ⵏ ⵍⵜⴰⵄⵣⵉⵢⴰ: "ⵙ ⵢⵉⵙⴻⵎ ⵏ ⵔⴻⴱⴱⵉ ⴰⵃⵏⵉⵏ ⴰⵎⴻⵙⵖⵓⴼⴰⵔ (ⵙⴻⴳ ⵡⵉⴷ ⵢⵓⵎⵏⴻⵏ ⴷ ⵉⵔⴳⴰⵣⴻⵏ ⵉⵇⴻⴷⴷⵛⴻⵏ ⵖⴻⴼ ⵡⴰⵢⴻⵏ ⵉ ⵄⵓⵀⴷⴻⵏ ⵔⴻⴱⴱⵉ ⴼⴻⵍⵍ-ⴰⵙ, ⵍⵍⴰⵏ ⵡⵉⴷ ⵢⴻⵡⴹⴻⵏ ⵙ ⵍⴵⴻⵍ-ⵏⵙⴻⵏ, ⵍⵍⴰⵏ ⵡⵉⴷ ⵢⴻⵜⵜⵔⴰⴵⵓⵏ, ⵓⵔ ⴱⴻⴷⴷⵍⴻⵏ ⴰⵔⴰ ⴰⴱⴻⴷⴷⴻⵍ). ⵉ ⵜⵡⴰⵛⵓⵍⵜ ⵏ ⵍⵎⴻⵔⵃⵓⵎ ⴰⵎⵊⴰⵀⴻⴷ ⵏⵓⵔⴻⴷⵉⵏ ⴵⵓⴷⵉ, ⵙⵍⵉⵖ ⵙ ⵍⴻⵃⵣⴻⵏ ⴷ ⵍⵇⴻⵔⵃ ⴰⵎⴻⵇⵇⵔⴰⵏ, ⵉ ⵢⵉⵙⴰⵍⵉ ⵏ ⵜⵎⴻⵜⵜⴰⵏⵜ ⵏ ⵍⵎⴻⵔⵃⵓⵎ ⴰⵎⵊⴰⵀⴻⴷ ⵏⵓⵔⴻⴷⵉⵏ ⴵⵓⴷⵉ, ⴼⴻⵍⵍ-ⴰⵙ ⵢⴻⵄⴼⵓ ⵔⴻⴱⴱⵉ, ⵢⵉⵡⴻⵏ ⵙⴻⴳ ⵢⵉⴷⵉⵒⵍⵓⵎⴰⵙⵉⵢⴻⵏ ⵉⵎⴻⵣⵡⵓⵔⴰ ⵉ ⵢⴻⴵⴵⴰⵏ ⵍⴰⵜⴻⵔ-ⵏⵙⴻⵏ ⵙ ⵜⵣⴻⵎⵎⴰⵔ ⵄⵍⴰⵢⴻⵏ ⴷⴻⴳ ⵢⵉⵎⵓⴽⴰⵏ ⵎⴻⵕⵕⴰ ⵉ ⵢⴻⵟⵟⴻⴼ ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ, ⴰⴽⴽⴻⴷ ⵍⵅⴻⴷⵎⴰ-ⵙ ⵢⴻⵜⵜⵡⴰⵙⵙⴰⵏⴻⵏ ⴷⴻⴳ ⵜⴻⵎⵍⵉⵍⵉⵢⵉⵏ ⴷ ⵜⵓⴷⴷⵙⵉⵡⵉⵏ ⵏ ⴱⴻⵔⵔⴰ".
ⵢⴻⴱⴷⴻⵔ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷ ⴰⴽⴽⴻⵏ "ⵍⵎⴻⵔⵃⵓⵎ ⴰⵎⵊⴰⵀⴻⴷ ⵢⴻⴽⵛⴻⵎ ⵖⴻⵔ ⵢⵉⴷⵓⵔⴰⵔ ⵏ ⵜⴻⴳⵔⴰⵡⵍⴰ ⴳⴰⵔ ⵜⵔⴻⴱⴱⵓⵢⴰⵄ ⵢⴻⵍⵍⴰⵏ ⵖⴻⴼ ⵜⵍⵉⵙⴰ, ⵢⴻⵔⵏⴰ ⵢⴻⵜⵜⵡⴰⵃⵔⴻⵣ-ⴰⵙ ⴷⴻⴳ ⵓⴱⵔⵉⴷ-ⵉⵙ ⵛⵛⴰⵔⴼ ⵏ ⵓⵙⵉⵍⴻⵖ ⵏ ⵡⴻⵎⴹⴻⴱⴱⴻⵔ ⵏ ⵜⴻⴼⵔⵉⵇⵜ ⵏ ⵡⴻⵏⵥⵓⵍ ⵏⵉⵍⵙⵓⵏ ⵎⴰⵏⴷⵉⵍⴰ (Nelson Mandela) ⵖⴻⴼ ⵓⵙⴻⵇⴷⴻⵛ ⵏ ⵍⴻⵙⵍⴰⵃ ⵎⵉ ⵢⴻⵍⵍⴰ ⴷⴻⴳ ⵢⵉⴱⴻⵔⴽⵓⵢⴻⵏ ⵏ ⵢⵉⵙⴻⵔⴷⴰⵙⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ".
ⵢⴻⴽⴼⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵎⴻⵙⵍⴰⵢ-ⵉⵙ: "ⵉⵎⵉ ⴰⵔⴰ ⵏⵛⴻⵢⵢⵄ ⴰⵎⵊⴰⵀⴻⴷ ⴷ ⵓⴷⵉⵒⵍⵓⵎⴰⵙⵉ ⴰⵖⴻⵍⵏⴰⵡ, ⴰⴷ ⴰⵣⴻⵏⵖ ⵖⵓⵔ-ⵡⴻⵏ ⴰⴽⴽⴻⴷ ⵡⴰⴽⴽ ⵉⵎⴰⵡⵍⴰⵏ ⴷ ⵢⵉⵎⴻⵄⵣⵓⵣⴻⵏ ⵏ ⵍⵎⴻⵔⵃⵓⵎ ⵍⵜⴰⵄⵣⵉⵢⴰ ⵍⵇⴰⵢⴻⵏ ⴷ ⵓⵙⵖⴻⵎ-ⵉⵡ, ⵜⵜⵓⵜⵔⴻⵖ ⴷⴻⴳ ⵔⴻⴱⴱⵉ ⴰⵄⵍⴰⵢ ⴰⴷ ⵜ-ⵢⴻⵔⵃⴻⵎ ⵙ ⵔⵔⴻⵃⵎⴰ-ⵙ ⵡⴻⵙⵙⵉⵄⴻⵏ, ⴰⴷ ⵜ-ⵢⴻⵙⴽⵛⴻⵎ ⵖⴻⵔ ⵍⴵⴻⵏⵏⴻⵜ-ⵉⵙ, ⵢⴻⵔⵏⴰ ⴰⴷ ⴷ-ⵢⴻⵔⵔ ⴼⴻⵍⵍ-ⴰⵡⴻⵏ ⵚⵚⴱⴻⵕ. ⴰ ⴷ-ⵢⴻⵔⵏⵓ ⵔⴻⴱⴱⵉ ⴷⴻⴳ ⵍⵃⴰⵙⴰⵏⴰⵜ-ⵏⵡⴻⵏ. ⵏ ⵔⴻⴱⴱⵉ ⴷⵖⴰ ⵖⵓⵔ-ⵙ ⴰⵔⴰ ⵏⵓⵖⴰⵍ".
ⴰⵔⵏⵓ ⵖⴻⵔ
