ⵢⴻⵜⵜⵡⴰⵙⵙⴻⴽⵏ-ⵉⴷ ⴰⵙⵙ-ⴰ ⵏ ⵓⵙⵉⵏⴰⵙ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵢⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ ⵉ ⵢⵉⵎⴻⵙⴳⴰⵍⴻⵏ ⵏ ⵓⵙⵇⴰⵎⵓ ⴰⵖⴻⵔⴼⴰⵏ ⴰⵏⴰⵎⵓⵔ. ⴰⵙⴻⵏⴼⴰⵔ-ⴰ ⵢⴻⴽⴽⴰ-ⴷ ⴷⴻⴳ ⵓⴱⵔⵉⴷ ⵏ ⵢⵉⵙⴻⴳⴳⵓⵎⴻⵏ ⵉ ⵢⴻⵜⵜⵏⴰⴷⵉⵏ ⴰⴷ ⵙⵏⴻⵔⵏⵉⵏ ⴰⵅⴻⴷⴷⵉⵎ ⵏ ⵢⵉⴽⴰⴱⴰⴱⴻⵏ ⵙ ⵢⵉⵎⴰⴳⵔⴰⴷⴻⵏ ⵉⵎⴰⵢⵏⵓⵜⴻⵏ.
ⴰⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⴳⴳⴻⵎ-ⴰⴳⵉ ⴷ "ⵜⴰⴳⴰⵡⵜ ⵜⴰⴷⵉⵎⵓⵇⵔⴰⵟⵉⵜ". ⴷⴻⴼⴼⵉⵔ ⵎⴰ ⵢⴻⵜⵜⵡⴰⵇⴱⴻⵍ ⵍⵇⴰⵏⵓⵏ-ⴰ, ⴰⵙⴻⵍⵡⴰⵢ ⴰⴷ ⵢⴻⵍⴷⵉ ⴰⴷⵉⵢⴰⵍⵓⴳ ⴰⴽⴽⴻⴷ ⵜⵓⵙⵎⵉⵡⵉⵏ ⵉⵙⴻⵔⵜⵉⵢⵉⵏ ⵉⵡⴰⴽⴽⴻⵏ ⴰⴷ ⵙⵇⴻⵔⴷⴻⵛⴻⵏ ⵖⴻⴼ "ⵓⵙⴻⵏⴼⴰⵔ ⵏ ⵓⵎⴻⵜⵜⵉ".
ⵢⵉⵙⵡⵉ ⵏ ⵍⵇⴰⵏⵓⵏ-ⴰ ⴷ ⴰⵙⵊⴻⵀⴻⴷ ⵏ ⵜⴳⵓⵜ ⵜⴰⵙⴻⵔⵜⵉⵜ ⴷ ⵜⵉⴼⴰⴼⴼⵉⵜ (transparence) ⴷⴻⴳ ⵓⵙⴻⴷⴷⴻⵔ ⵏ ⵜⴷⵔⵉⵎⵜ, ⵉⵡⴰⴽⴽⴻⵏ ⴰⴷ ⵎⵏⴰⵖⴻⵏ ⵎⴳⴰⵍ ⴰⴽⴽ ⵡⴰⵏⴰⵡⴻⵏ ⵏ ⵓⴼⴻⵙⵙⴰⴷ (corruption). ⴰⵏⴻⵖⵍⴰⴼ ⵎⴰⵙ ⵙⵄⵉⴷ ⵙⵄⵢⵓⴷ ⵢⴻⵏⵏⴰ-ⴷ ⴱⴻⵍⵍⵉ ⵍⵇⴰⵏⵓⵏ-ⴰ ⴰⴷ ⵢⴻⵊⵊ ⵢⵉⴽⴰⴱⴰⴱⴻⵏ ⴰⴷ ⵉⵍⵉⵏ ⴷ ⵍⵙⴰⵙ ⵏ ⵜⴷⵡⵉⵍⵜ ⵏ ⵍⵇⴰⵏⵓⵏ.
ⵍⵇⴰⵏⵓⵏ-ⴰ ⵢⴻⵙⵄⴰ 97 ⵏ ⵢⵉⵎⴰⴳⵔⴰⴷⴻⵏ (articles). ⴳⴰⵔ-ⴰⵙⴻⵏ:
- ⴰⵃⴻⴱⴱⴻⵙ ⵏ ⵓⵏⴻⵇⵇⴻⵍ ⴳⴰⵔ ⵢⵉⴽⴰⴱⴰⴱⴻⵏ: ⴰⵎⴻⵙⴳⴰⵍ ⵉ ⵢⴻⴱⴷⴻⵍⵏ ⴰⴽⴰⴱⴰⴱ-ⵉⵙ ⴰⴷ ⵢⴻⵅⵚⴻⵔ ⵜⴰⵡⴰⵍⵉⵢⵜ (mandat) ⵏ-ⵉⵙ ⵜⴰⴼⵔⴰⵏⵜ.
- ⵜⵉⴳⵏⴰⵜⵉⵏ ⵏ ⵓⵙⴱⴻⴷⴷ: ⵍⵍⴰⵏ ⵢⵉⴼⴻⵔⴷⵉⵙⴻⵏ ⵉⵎⴰⵢⵏⵓⵜⴻⵏ ⵉ ⵓⵙⴱⴻⴷⴷ ⵏ ⵢⵉⴽⴰⴱⴰⴱⴻⵏ ⴷ ⵓⵎⵙⴰⴷⴰ (alliances) ⴳⴰⵔ-ⴰⵙⴻⵏ.
- ⵍⵇⴻⴷⴷ ⵏ ⵡⴰⴽⵓⴷ: ⴰⵎⴹⴻⴱⴱⴻⵔ ⵏ ⵓⴽⴰⴱⴰⴱ ⵢⴻⵣⵎⴻⵔ ⴰⴷ ⵢⴻⵇⵇⵉⵎ 5 ⵉⵙⴻⴳⴳⴰⵙⴻⵏ ⴽⴰⵏ, ⵢⴻⵣⵎⴻⵔ ⴰⴷ ⵜ-ⵢⴻⵙⵎⴰⵢⵏⵓ ⵢⵉⵡⴻⵜ ⵏ ⵜⵉⴽⴽⴻⵍⵜ ⵡⴰⵔ ⵓⴳⴰⵔ.
- ⴰⵙⴻⴷⴷⴻⵔ (financement): ⵢⴻⵜⵜⵡⴰⵇⴷⴻⵄ ⵓⵙⴻⴷⴷⴻⵔ ⵏ ⴱⴻⵕⵕⴰ, ⵢⴻⵔⵏⴰ ⵜⴰⴷⵔⵉⵎⵜ ⴰⴷ ⵜⴻⵜⵜⵡⴰⵇⴰⴷ (contrôle) ⴽⵓ ⴰⵙⴻⴳⴳⴰⵙ.
- ⵜⵉⵍⴰⵡⵉⵏ ⴷ ⵢⵉⵍⵎⴻⵣⵢⴻⵏ: ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵎⵓⵔ ⵢⴻⵜⵜⵡⴰⵇⴻⴷⵄⴻⵏ (quota) ⵉ ⵜⵉⵍⴰⵡⵉⵏ ⴷ ⵢⵉⵍⵎⴻⵣⵢⴻⵏ ⴷⴰⵅⴻⵍ ⵏ ⵢⵉⴽⴰⴱⴰⴱⴻⵏ.
ⴷⴰⵢⴻⵏ, ⵢⴻⵜⵜⵡⴰⵇⴷⴻⵄ ⵓⵙⴱⴻⴷⴷ ⵏ ⵢⵉⴽⴰⴱⴰⴱⴻⵏ ⵖⴻⴼ ⵍⵙⴰⵙ ⵏ ⴷⴷⵉⵏ, ⵜⴰⵎⴻⵏⵏⴰⴹⵜ ⵏⴻⵖ ⵙⵙⴻⵏⴼ. ⵢⴻⵙⵙⴻⴼⴽ ⴰⴷ ⵇⴰⴷⵔⴻⵏ ⵜⴰⵎⴻⵏⴹⴰⵡⵜ ⴷ ⵜⵎⵓⵏⴰⵏⵜ ⵏ ⵜⵎⵓⵔⵜ. ⴰⴽⴰⴱⴰⴱ ⵓⵔ ⵢⴻⵜⵜⴻⴽⴽⵉⵏ ⴰⵔⴰ ⴷⵉ ⵙⵏⴰⵜ ⵏ ⵜⵉⴼⵔⴰⵏⵉⵏ ⵢⴻⵎⴹⴻⴼⵔⴻⵏ ⵢⴻⵣⵎⴻⵔ ⴰⴷ ⵢⴻⵜⵜⵡⴰⵙⴼⴻⵙ
ⴰⵔⵏⵓ ⵖⴻⵔ
