ⵜⴰⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉ, ⵎⴰⵍⵉⴽⴰ ⴱⴻⵏ ⴷⵓⴷⴰ, ⵜⴻⴼⴽⴰ-ⴷ ⴰⵙⵙ-ⴰ ⵏ ⴰⵔⵉⵎ ⴷⴻⴳ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵎⴷⴰⵏⴻ, ⴰⴳⵣⵓⵍ ⵉⴽⵎⴻⵍⵏ ⵏ ⵡⴰⵢⴻⵏ ⵜⴻⵅⴷⴻⵎ ⵜⵏⴻⵖⵍⴰⴼⵜ-ⵉⵙ ⴷⴻⴳ ⵓⵙⴻⴳⴳⴰⵙ ⵏ 2025 ⴷ ⵡⴰⵀⵉⵍ ⵏ ⵜⵏⴻⴼⵍⵉⵢⵜ ⵏ 2026-2028.
ⵎⴰⵙⵙⴰ ⴱⴻⵏ ⴷⵓⴷⴰ ⵜⴻⵏⵏⴰ-ⴷ ⴱⴻⵍⵍⵉ ⵉⴷⵍⴻⵙ ⴷ "ⴰⵃⵔⵉⵛ ⵏ ⵜⴰⵏⴰⵢⴰ" , ⵢⴻⵔⵏⴰ ⵜⴰⵎⵓⵖⵍⵉ ⵏ ⵜⵏⴻⵖⵍⴰⴼⵜ ⵜⴻⴱⵏⴰ ⵖⴻⴼ ⵓⵢⴰ ⵉⵡⴰⴽⴽⴻⵏ ⴰⴷ ⵢⵉⵍⵉ ⵢⵉⴷⵍⴻⵙ ⴷ ⴰⴳⴰⵊⵊⴰ ⴰⵎ ⵓⴷⴰⵎⴰⵙ ⴷ ⵍⴰⵎⴰⵏ. ⵜⴻⵏⵏⴰ-ⴷ ⴱⴻⵍⵍⵉ ⴰⵙⴻⴳⴳⴰⵙ ⵏ 2025 ⴷ ⵜⴰⵣⵡⴰⵔⴰ ⵏ ⵓⴱⴻⴷⴷⴻⵍ ⵖⴻⵔ ⵓⵙⴻⴼⵔⴻⴽ ⵉⵊⴻⵀⴷⴻⵏ, ⵍⴰⴷⵖⴰ ⵙ ⵜⴰⵍⵍⴰⵍⵜ ⵉ ⵢⵉⵏⴰⵥⵓⵔⴻⵏ ⵢⴻⵔⵏⴰ ⴷ ⵢⵉⵍⴻⵎⵣⵢⴻⵏ.
ⵖⴻⴼ ⵓⵃⵔⵉⵣ ⵏ ⵓⴳⴻⵔⵔⵓⵊ , ⵜⴻⴱⴷⴻⵔ-ⴷ ⴱⴻⵍⵍⵉ ⵙⴽⴻⵍⵙⴻⵏ 65 ⵏ ⵢⵉⵎⴽⴰⵏ ⵉⴷⵍⴻⵙⴰⵏⴻⵏ ⵉⵊⴷⵉⴷⴻⵏ ⴷⴻⴳ 2025, ⴰⴽⴽⴻⵏ ⴰⴷ ⵢⴰⵡⴻⴹ ⵓⵟⵟⵓⵏ ⴰⴽⴽ ⵖⴻⵔ 1126. ⵢⴻⵔⵏⴰ ⵙⵙⵓⵍⵉⵏ-ⴷ ⴰⵣⴰⵍ ⵏ 25600 ⵏ ⵡⴰⵢⴻⵏ ⵜⵜⵡⴰⴽⵔⴻⵏ ⵙ ⵜⴰⵍⵍⴰⵍⵜ ⵏ ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⵉ ⵢⴻⵜⵜⵄⴰⵙⴰⵏ ⵢⴰⵍ ⴰⵙⵙ ⴷⴻⴳ ⴷⵓⵏⵏⵉⵜ.
ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵍⴻⵣⵣⴰⵢⴻⵔ ⵜⴻⵙⵙⴻⴽⵛⴻⵎ ⴷⴻⴳ ⵢⵓⵏⴻⵙⴽⵓ ⴼⴰⵢⵍⵓ ⵏ "ⵜⵉⵚⵉⵖⴰⵜⵉⵏ ⵏ ⵍⴼⴻⵁⵁⴰ ⵏ ⵍⴻⵇⴱⴰⵢⴻⵍ" ⴷ ⵡⵉⵏ ⵏ "ⵎⵓⵇⴰⴷⴷⵉⵎⴰ" ⵏ ⵉⴱⵏ ⵅⴰⵍⴷⵓⵏ. ⵜⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⴰⵄⴻⵔⵔⴻⴼ ⴱⴻⵍⵍⵉ "ⵍⵇⴻⴼⵟⴰⵏ" ⴷ ⴰⵢⵍⴰ-ⵏⴻⵙ, ⵢⴻⵔⵏⴰ ⵀⴻⵢⵢⵉⵏ ⵉⵡⴰⴽⴽⴻⵏ ⴰⴷ ⵙⴽⴻⵍⵙⴻⵏ "ⵣⵍⵉⵊ".
ⵖⴻⴼ ⵜⴻⵎⵙⴰⵍ ⵏ ⵢⵉⵏⴰⵥⵓⵔⴻⵏ, ⵜⴻⵏⵏⴰ-ⴷ ⴱⴻⵍⵍⵉ ⵙⴱⴻⴷⴷⴻⵏ "ⴰⵎⵎⴰⵙ ⵏ ⵜⴻⵣⵎⴻⵔⵜ ⵏ ⵢⵉⵏⴰⵥⵓⵔⴻⵏ" ⴷⴻⴳ ⵄⵉⵏ ⴱⴻⵏⵢⴰⵏ, ⵢⴻⵔⴰ ⵙⵙⴻⴳⴳⵎⴻⵏ ⵜⴰⴷⵔⵉⵎⵜ ⵏ ⵍⵎⴻⵜⵇⴰⵄⴻⴷ ⵏⵙⴻⵏ. ⴷⴻⴳ ⵓⵃⵔⵉⵛ ⵏ ⵙⵉⵏⵉⵎⴰ, ⴷⴷⴰⵎⴻⵏ-ⴷ 40 ⵏ ⵢⵉⵙⴻⵏⴼⴰⵔⴻⵏ ⵢⴻⵔⵏⴰ ⵙⵙⴻⵊⵀⴷⴻⵏ ⴰⵙⴻⵏⴷⵓⵇ ⵏ "ⴼⴷⴰⵜⵉⴽ" .
ⴷⴻⴳ ⵡⴰⵀⵉⵍ ⵏ 2026-2028, ⵜⴰⵏⴻⵖⵍⴰⴼⵜ ⵜⴻⴱⵖⴰ ⴰⴷ ⵜⴻⵙⴱⴻⴷⴷ ⵙⴻⵎⵎⵓⵙ (5) ⵏ ⵢⵉⵎⵓⵣⵉⵢⴻⵏ ⵉⵊⴷⵉⴷⴻⵏ, ⵢⴻⵔⵏⴰ ⴰⴷ ⵜⴻⵙⵙⴻⴼⵜⴻⴽ 70% ⵏ ⵡⴰⵢⴻⵏ ⵢⴻⵍⵍⴰⵏ ⴷⴻⴳ ⵢⵉⵎⵓⵣⵉⵢⴻⵏ ⴰⵔ 2028. ⴷⴻⴳ ⵜⴰⴳⴳⴰⵔⴰ, ⵜⴻⵏⵏⴰ-ⴷ ⴱⴻⵍⵍⵉ ⴰⴷ ⵙⵙⴻⴼⵍⵉⵏ ⵉⵙⴰⵔⴰⵢⴻⵏ ⵉⵎⴻⵇⵇⵔⴰⵏⴻⵏ ⵖⴻⴼ ⵓⵎⴻⵣⵔⵓⵢ, ⵍⴰⴷⵖⴰ ⴰⵙⴰⵔⵓ ⵖⴻⴼ "ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ".
ⴰⵔⵏⵓ ⵖⴻⵔ
