ⵉⵙⴻⵏⴽⴻⴷ-ⴷ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴰⵙⵙ-ⴰ ⵏ ⵍⴰⵔⴻⴱⴻⵄ, ⵢⵉⵡⴻⵏ ⵏ ⵓⵙⴻⵏⴽⴻⴷ ⵣⴷⴰⵜ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⵏ ⵓⵏⵉⴳ , ⵖⴻⴼ ⵓⴹⵔⵉⵙ ⵏ ⵓⵙⴰⴷⵓⴼ ⵉ ⴷ-ⵢⴻⵙⵙⴻⵔⵙⵉⵢⴻⵏ ⵜⵉⵎⵏⴰⴹⵉⵏ ⵏ ⵜⴻⴼⵔⴰⵏⵉⵏ ⴷ ⵓⵎⴹⴰⵏ ⵏ ⵢⵉⵇⵡⵉⵔⴻⵏ ⴰⵔⴰ ⵢⴻⵜⵜⵡⴰⵟⵟⴼⴻⵏ ⴷⴻⴳ ⵓⴱⴻⵔⵍⴰⵎⴰⵏ.
ⵜⵉⵖⵉⵎⵉⵜ-ⴰⴳⵉ ⵜⴰⵎⴰⵜⵓⵜ ⵢⴻⵙⵙⴻⵍⵡⴰⵢ-ⵉⵜⵜ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⵉⴳ, ⵎⴰⵙⵙ ⵄⵣⵓⵣ ⵏⴰⵚⵔⵉ, ⵙ ⵜⵉⵍⵉⵜ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵓⴱⴻⵔⵍⴰⵎⴰⵏ, ⵎⴰⵙⵙⴰ ⵏⴰⴷⵊⵉⴱⴰ ⴷⵊⵉⵍⴰⵍⵉ.
ⴷⴻⴳ ⵓⵏⵏⴰⵔ-ⴰⴳⵉ, ⵉⵙⵙⴻⴼⵀⴻⵎ-ⴷ ⵙⴰⵄⵢⵓⴷ ⴱⴻⵍⵍⵉ ⴰⴹⵔⵉⵙ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵉ ⵢⴻⴱⵖⴰⵏ "ⴰⵙⴻⴶⵀⴻⴷ ⵏ ⵓⵏⴰⴳⵔⴰⵡ ⵏ ⵓⵙⴻⵍⴳⴻⵏ ⵏ ⵜⴻⴼⵔⴰⵏⵉⵏ ⴷ ⵓⴽⴻⵎⵎⴻⵍ ⵏ ⵢⵉⵙⵏⵉⵢⴰⵍⴻⵏ ⵉⵙⴻⵔⵜⵉⵢⴻⵏ ⴷ ⵢⵉⴷⴱⴻⵍⴻⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ".
ⴰⵣⴰⵍ ⵏ ⵓⴹⵔⵉⵙ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵉⵕⴻⵙ ⵖⴻⴼ ⵓⴱⴻⴷⴷⵉ ⵏ "ⵍⵍⵙⴰⵙ ⵉⵕⴻⵙⵙⴰⵏ ⵉ ⵓⵙⴱⴰⴷⵓ ⵏ ⵜⴻⵎⵏⴰⴹⵉⵏ ⵏ ⵜⴻⴼⵔⴰⵏⵉⵏ ⴷ ⵓⴼⵔⴰⵇ ⵏ ⵢⵉⵇⵡⵉⵔⴻⵏ ⴼⴻⵍⵍ-ⴰⵙⴻⵏⵜ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵎⵉⵣⵉ ⵏ ⵜⴻⴼⵔⴰⵏⵉⵏ ⵏ ⵜⵉⴷⴻⵜ ⵢⴻⵔⵏⴰ ⵉⵡⴻⵣⵏⴻⵏ, ⵓ ⴰⴷ ⴷ-ⵢⴻⵔⵔ ⵜⴰⵎⴰⵡⵜ ⵖⴻⴼ ⵜⵔⴰⴽⴰⵍⵜ ⵜⴰⵎⴰⵢⵏⵓⵜ ⵏ ⵜⵎⵓⵔⵜ ⵓ ⴰⴷ ⵢⴻⵙⵙⴻⴶⵀⴻⴷ ⵜⵜⴰⴳⴷⴰ ⵏ ⵜⵉⵍⵉⵜ ⵜⴰⵙⴻⵔⵜⵉⵜ ⴷⴻⴳ ⵜⵎⵓⵙⵏⵉⵡⵉⵏ ⵏ ⵓⵙⴻⵍⴳⴻⵏ".
ⴰⵔⵏⵓ ⵖⴻⵔ
