ⵉⵙⵙⴻⴼⵀⴻⵎ-ⴷ ⵓⵙⵉⵔⴻⵎ ⵏ ⵜⴻⵙⵏⵉⴳⵏⴻⵡⵜ ⵏ ⵓⵡⴰⵏⴰⴽ (ONM), ⴰⵙⵙ-ⴰ ⵏ ⵍⵀⴻⴷ, ⴱⴻⵍⵍⵉ ⵜⴰⵊⵡⴰⵢⵜ ⵏ ⵍⵃⴰⵎⵓ ⵉ ⵜⵣⴻⵔ ⵓⵙⵙⴰⵏ-ⴰⴳⵉ ⵜⵉⵎⵏⴰⴹⵉⵏ ⵏ ⵓⴳⴰⴼⴰ ⵏ ⵜⵎⵓⵔⵜ ⴷ "ⵜⵓⵎⵏⴰⵏⵜ ⵏ ⵜⴰⵍⵍⵉⵜ ⵏ ⴱⴰⵢⵍⴻⴽ" . ⵉⵕⴶⴰ ⴰⴷ ⴷ-ⵢⵉⵍⵉ ⵓⵚⵓⴱⴱⵓ ⵉⵕⴻⵙⵙⴰⵏ ⵏ ⵍⵃⴰⵎⴰ ⵙⴻⴳ ⵡⴰⵙⵙ ⵏ ⵍⴻⵅⵎⵉⵙ ⵉ ⴷ-ⵉⵜⵜⴻⴷⴷⵓⵏ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ, ⴰⵎⴹⴻⴱⴱⴻⵔ ⵏ ⵓⵃⵔⵉⵛ ⵏ ⵢⵉⵎⴻⵥⵍⴰ ⵏ ⵜⴻⵙⵏⵉⴳⵏⴻⵡⵜ ⴷⴻⴳ ⵓⵙⵉⵔⴻⵎ, ⵎⴰⵙⵙ ⵣⵓⵓⵀⵉⵔ ⵔⴰⵎⵉ, ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵙⴰⵍⵉ ⵏ ⵍⵃⴰⵎⴰ ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ ⵙⴻⴳ ⵜⴰⴳⴳⴰⵔⴰ ⵏ ⴷⴷⵓⵕⵜ ⵉⵄⴻⴷⴷⴰⵏ, ⵢⵓⵙⴰ-ⴷ ⴷ "normal ⵓ ⵎⴰⵞⵉ ⴷ ⵓⴼⵔⵉⵏⴻⵏ". ⵢⴻⵔⵔⴰ ⵙⵙⴻⴱⴱⴰ ⵏ ⵜⵓⵎⵏⴰⵏⵜ-ⴰⴳⵉ ⵖⴻⵔ ⵜⵉⵍⵉⵜ ⵏ ⵢⵉⵡⴻⵏ ⵏ "ⵓⵣⵉⵏⴰⵖ ⵏ ⵓⴷⵔⴰⵔ ⵏ ⵜⵉⴳⵏⴻⵡⵜ ⵉⵄⵍⴰⵢⴻⵏ" ⴷⴻⴳ ⵢⵉⵙⴼⵉⵔⴻⵏ ⵏ ⵓⵏⵉⴳ, ⵉⵕⴻⵙⵙⴰⵏ ⵙⴻⴳ ⵣⵉⴽ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ ⵓ ⵢⴰⵡⴻⴹ ⴰⵔⵎⵉ ⴷ ⵜⵓⵔⵓⴼⵜ, ⵔⵏⵉ-ⴷ ⴼⴻⵍⵍ-ⴰⵙ ⵓⵅⵓⵚⵚⵓ ⵏ ⵓⴷⵔⴰⵔ ⵏ ⵜⵉⴳⵏⴻⵡⵜ ⴷⴻⴳ ⵓⵙⵡⵉⵔ ⵏ ⵢⵉⵍⵍⴻⵍ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵉⵏ ⵏ ⵢⵉⵔⵉ ⵏ ⵢⵉⵍⵍⴻⵍ ⵏ ⵓⵎⴰⵍⵓ.
ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⵓⵎⵏⴰⵏⵜ-ⴰⴳⵉ ⵓⵎⵉ ⵙⴻⵎⵎⴰⵏ "ⵜⴰⵇⴻⴱⴱⵓⵛⵜ ⵏ ⵍⵃⴰⵎⵓ" ⴷ ⵜⴰⴳⵏⵉⵜ ⵏ ⵜⵉⴳⵏⴻⵡⵜ ⴰⵏⵉⴷⴰ ⵍⵀⵓⵡⴰ ⵢⴻⵃⵎⴰⵏ ⵢⴻⵜⵜⴻⵃⵚⴰⵔ ⵙ ⴷⴷⴰⵡ ⵏ ⵢⵉⵡⴻⵏ ⵏ ⵓⵏⴰⴳⵔⴰⵡ ⵏ ⵓⴷⵔⴰⵔ ⵏ ⵜⵉⴳⵏⴻⵡⵜ ⵉⵄⵍⴰⵢⴻⵏ, ⴷ ⴰⵢⴻⵏ ⵉ ⴷ-ⵉⵟⵟⴰⴽⴻⵏ ⴰⵙⴰⵍⵉ ⵏ ⵍⵃⴰⵎⴰ ⵉ ⵡⴰⵟⴰⵙ ⵏ ⵡⵓⵙⵙⴰⵏ.
ⵜⵓⵎⵏⴰⵏⵜ-ⴰⴳⵉ ⵜⴻⴶⴶⴰ ⵍⵃⴰⵎⴰ ⴰⴷ ⵜⴰⵡⵡⴻⴹ ⴰⵣⴰⵍ ⵏ 45 ⵏ ⵜⵉⵣⵉⵡⵉⵏ ⴷⴻⴳ ⵜⴻⵎⵏⴰⴹⵉⵏ ⵏ ⴷⴰⵅⴻⵍ ⵏ ⵓⵎⴰⵍⵓ ⴷ ⵜⵍⴻⵎⵎⴰⵙⵜ ⵏ ⵜⵎⵓⵔⵜ, ⵓ ⵜⵣⴻⴳⴳⴻⵔ 40 ⵏ ⵜⵉⵣⵉⵡⵉⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵢⵉⵔⵉ ⵏ ⵢⵉⵍⵍⴻⵍ.
ⵉⵜⵜⵡⴰⵕⴶⴰ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ — ⴰⴷ ⴷ-ⵢⵉⵍⵉ ⵓⵚⵓⴱⴱⵓ ⵏ ⵍⵃⴰⵎⴰ ⵛⵡⵉⵟ ⵛⵡⵉⵟ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⵉ ⴷ-ⵉⵜⵜⴻⴷⴷⵓⵏ ⵓⵇⴱⴻⵍ ⴰⴷ ⵜⴰⴷⴻⵔ ⵙ ⵍⴶⴻⵀⴷ ⵙⴻⴳ ⵡⴰⵙⵙ ⵏ ⵍⴻⵉⵎⵉⵙ, ⴰⵏⵉⴷⴰ ⴰⴷ ⴷ-ⵜⴰⵡⵡⴻⴹ ⴳⴰⵔ 28 ⴷ 38 ⵏ ⵜⵉⵣⵉⵡⵉⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵓⴳⴰⴼⴰ. ⴰⵢⴰⴳⵉ ⴰⴷ ⵉⵄⴰⵡⴻⵏ ⴷⴻⴳ ⵓⵣⴻⴶⴶⴻⴷ ⵏ ⵡⴰⴷⴷⴰⴷ ⵏ ⵜⵉⴳⵏⴻⵡⵜ.
ⴰⵍⴰⵎⵎⴰ ⵜⵓⵙⴰ-ⴷ ⵜⴰⵍⵍⵉⵜ-ⵏⵏⵉ, ⴰⵙⵉⵡⴹ ⴰⵎⴻⵣⵣⴰⵢ (BMS) ⵢⴻⵄⵏⴰⵏ ⵜⴰⵊⵡⴰⵢⵜ ⵏ ⵍⵃⴰⵎⵓ ⴰⴷ ⵢⴻⵇⵇⵉⵎ ⴷⴻⴳ ⵏⴼⴰⵄ ⵉ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵓⴳⴰⴼⴰ ⴰⵔⵎⵉ ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵉ ⴷ-ⵉⵜⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵣⵓⵓⵀⵉ ⵔⴰⵎⵉ.
