ⵉⵙⵍⴻⵎ-ⴷ ⵓⵎⴰⵏⴰⵢ ⴰⵎⴰⵜⴰ ⵏ ⵣⵉⴽ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU), ⵢⴻⵔⵏⴰ ⴷ ⴰⵙⴻⵍⵡⴰⵢ ⵏ ⵜⵙⴻⵎⵎⵓⵏⵜ ⵜⴰⵎⴰⵜⵓⵜ ⴷ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ ⵓⵎⴰⵄⵀⴻⴷ ⵓⵏⵉⴳ ⵉ ⵓⵙⵏⴻⴼⵍⵉ ⴰⵣⴻⴳⵣⴰⵡ, ⵎⴰⵙⵙ ⴱⴰⵏ ⴽⵉ ⵎⵓⵓⵏ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷⴻⴳ ⵓⵇⴻⵔⵔⵓ ⵏ ⵍⴻⵣⵣⴰⵢⴻⵔ ⴷ ⵍⵎⴻⴶⵀⵓⴷⴰⵜ-ⵉⵙ ⵉ ⵓⵕⵚⵓ ⵏ ⵍⴻⵀⵏⴰ ⴷ ⵜⵎⴰⵏⴻⴳⵜ ⴷⴻⴳ ⵓⵎⴰⴹⴰⵍ, ⵉⵡⴰⴽⴽⴻⵏ ⴰⴷ ⴷⴷⵔⴻⵏ ⵢⵉⴳⵓⵔⴻⴼ ⵎⴻⵕⵕⴰ ⴷⴻⴳ ⵡⴰⵎⵎⵉⵣⵉ (harmony).
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ ⵙⴻⵍⴷ ⵎⵉ ⵜ-ⵉⵙⴻⵍⵍⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴱⴰⵏ ⴽⵉ ⵎⵓⵓⵏ ⵢⴻⵏⵏⴰ-ⴷ: "ⴰⵎ ⵓⵎⴰⵏⴰⵢ ⴰⵎⴰⵜⴰ ⵏ ⵣⵉⴽ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵙⵙⴰⵜⵉⴳⴻⵖ ⵙ ⵍⴶⴻⵀⴷ ⵍⵎⴻⴶⵀⵓⴷⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵢⴻⵔⵏⴰ ⵙⵙⵉⵄⵍⴻⵖ ⵙ ⵜⴰⵔⵔⴰⵢⵜ ⵉ ⵢⴻⵙⵙⴻⵍⵡⴰⵢ ⵍⴻⵣⵣⴰⵢⴻⵔ ⴷ ⵜⵓⵛⵛⵉⵜ-ⵉⵙ ⵉ ⵓⵟⵎⴰⵏ ⵏ ⵜⵓⴷⴻⵔⵜ ⵏ ⵓⵖⵔⴻⴼ-ⵉⵙ, ⴷ ⵢⵉⵎⴻⵣⴷⴰⵖ ⵏ ⵜⴻⴼⵔⵉⵇⵜ ⴷ ⵢⵉⵎⴻⵣⴷⴰⵖ ⵏ ⵓⵎⴰⴹⴰⵍ ⵙ ⵍⴻⴽⵎⴰⵍ, ⴷⴻⴳ ⵡⴰⵎⵎⵉⵣⵉ, ⵍⴻⵀⵏⴰ ⴷ ⵓⵙⵏⴻⴼⵍⵉ ⵉⵕⴻⵙⵙⴰⵏ (durable)".
ⵉⵙⵙⴻⴼⵀⴻⵎ-ⴷ ⴱⴰⵏ ⴽⵉ ⵎⵓⵓⵏ ⴱⴻⵍⵍⵉ ⵍⵍⵙⴰⵙⴻⵏ-ⴰⴳⵉ ⵍⵍⴰⵏ ⴳⴰⵔ ⵜⵜⴻⴶⴶⴰⵜ-ⵉⵙ ⵉⵕⴻⵙⵙⴰⵏⴻⵏ ⴰⵙⵎⵉ ⵉ ⵢⴻⵍⵍⴰ ⴷⴻⴳ ⵓⵏⵏⴰⵔ ⵏ ⵓⵎⴰⵏⴰⵢ ⴰⵎⴰⵜⴰ ⵏ ONU. ⵉⵙⵎⴻⴽⵜⵉ-ⴷ ⴱⴻⵍⵍⵉ ⵢⴻⵍⵍⴰ ⵉⵀⴻⴷⴷⴻⵔ ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⵓⵔⴰ ⴱⴻⵍⵍⵉ "ⵎⴻⴱⵍⴰ ⵎⴰ ⵏⵓⵊⵊⵉ ⵢⴰⴽⴽ ⵢⵉⴽⴰⵢⴰⴷⴻⵏ ⵏ ⵜⴻⴼⵔⵉⵇⵜ, ⵉⵎⴹⴻⴱⴱⵔⴻⵏ ⵏ ⵓⵎⴰⴹⴰⵍ ⵓⵔ ⵣⵎⵉⵔⴻⵏ ⴰⵔⴰ ⴰⴷ ⴷ-ⵉⵏⵉⵏ ⴱⴻⵍⵍⵉ ⵜⵜⵉⴷⵉⵔⴻⵏ ⴷⴻⴳ ⵢⵉⵡⴻⵏ ⵏ ⵓⵎⴰⴹⴰⵍ ⵉⵕⴻⵙⵙⴰⵏ".
ⵉⵙⵙⴻⴽⵏⴻⴷ ⴱⴻⵍⵍⵉ ⵜⵓⵛⵛⵉⵜ-ⵉⵙ ⵜⵓⵔⴰ ⴰⵎ ⵓⵎⴰⵏⴰⵢ ⴰⵎⴰⵜⴰ ⵏ ⵣⵉⴽ "ⵓⵔ ⵜⴱⴻⴷⴷⴻⵍ ⴰⵔⴰ", ⵢⴻⵔⵏⴰ-ⴷ ⴱⴻⵍⵍⵉ: "ⴰⴷ ⴽⴻⵎⵎⵍⴻⵖ ⴰⵎⴰⵀⵉⵍ-ⵉⵡ ⴷ ⵓⵖⵔⴻⴼ ⴰⵣⵣⴰⵢⵔⵉ ⴷ ⵢⵉⴳⵓⵔⴻⴼ ⵏ ⵜⴻⴼⵔⵉⵇⵜ ⴰⵍⴰⵎⵎⴰ ⵏⴻⵙⵙⵉⵡⴻⴹ ⵖⴻⵔ ⵜⵓⴷⴻⵔⵜ ⴷⴻⴳ ⵓⵎⴰⴹⴰⵍ ⵉⵕⴻⵙⵙⴰⵏ, ⵉⵡⴰⴽⴽⴻⵏ ⴰⴷ ⵏⵟⵎⴻⵏ ⵜⵓⴷⴻⵔⵜ ⵢⴻⵍⵀⴰⵏ ⵉ ⵜⵙⵓⵜⵉⵡⵉⵏ ⵉ ⴷ-ⵉⵜⵜⴻⴷⴷⵓⵏ".
ⴰⵔⵏⵓ ⵖⴻⵔ
