ⵢⴻⵎⵎⵓⴳⴻⵔ-ⴷ ⵍⵡⴻⵣⵉⵔ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⴻⵡⵇⴰⴼ, ⵢⵓⵙⴻⴼ ⴱⴻⵍⵎⴰⵀⴷⵉ, ⴰⵙⵙ-ⴰ ⵏ ⵍⵃⴻⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴰⵖⵜ, ⵜⴰⵔⴱⴰⵄⵜ ⵏ ⵍⵄⵓⵍⴰⵎⴰ ⴷ ⵛⵛⵉⵅⴰⵜ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵣⵔⵉⴳⵜ ⵜⵉⵙ 18 ⵏ ⵜⵉⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵉⵎⵙⵉⵔⵉⵏ ⵜⵉⵎⵓⵃⴻⵎⵎⴰⴷⵉⵢⵉⵏ ⵉ ⴷ-ⵢⴻⵍⵍⴰⵏ ⴷⴻⴳ ⵣⵣⴰⵡⵉⵢⴰ ⵍⵀⴻⴱⵔⵉⵢⴰ ⵍⴱⴻⵍⵇⴰⵢⴷⵉⵢⴰ ⵏ ⵡⴻⵀⵔⴰⵏ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵡⵓⵍⵖⵓ ⵏ ⵍⵡⴻⵣⴰⵔⴰ.
ⵜⴰⵔⴱⴰⵄⵜ-ⴰ ⵍⵍⴰⵏ ⴷⴻⴳ-ⵙ ⵛⵛⵉⵅ ⵓⵙⴰⵎⴰ ⵔⵔⵉⴼⴰⵄⵉ ⴷ ⴹⵓⴽⵜⵓⵔ ⵃⴰⴱⵉⴱ ⵍⵊⴰⵊⵉⵢⴰ ⵏ ⵜⵎⵓⵔⵜ ⵏ ⵍⵓⴱⵏⴰⵏ ⴰⴽⴽ ⴷ ⵛⵛⵉⵅ ⵎⵓⵏⵉⵔ ⵍⴽⴻⵎⴻⵏⵜⴻⵔ ⵏ ⵜⵎⵓⵔⵜ ⵏ ⵜⵓⵏⴻⵙ, ⵉ ⵢⴻⵜⵜⴻⴽⴽⴰⵏ ⵙ ⵉⵙⴰⵔⴰⴳⴻⵏ ⴷ ⵜⴻⵏⴼⴰⵍⵉⵢⵉⵏ ⵜⵓⵙⵙⵏⴰⵏⵉⵢⵉⵏ ⵢⴻⵙⵄⴰⵏ ⴰⵣⴰⵍ ⴷⴻⴳ ⵡⴰⵀⵉⵍ ⵏ ⵜⵉⵎⵍⵉⵍⵉⵜ, ⴰⴽⴽⴻⵏ ⵉ ⵜ-ⵉⴷ-ⵢⴻⵙⵙⴻⴼⵀⴻⵎ ⵓⵖⴱⴰⵍⵓ-ⴰ.
ⴷⴻⴳ ⵜⴻⵎⵍⵉⵍⵉⵜ-ⴰ, ⵉ ⴷ-ⵢⴻⵍⵍⴰⵏ ⴷⴻⴳ ⵡⴻⵎⴽⴰⵏ ⵏ ⵍⵡⴻⵣⴰⵔⴰ, ⵢⴻⵔⵔⴰ-ⴷ ⵎⴰⵙⵙ ⴱⴻⵍⵎⴰⵀⴷⵉ ⵜⴰⵊⵎⵉⵍⵜ ⵉ ⵜⵜⴻⴽⴽⵉ ⵓⵙⵙⵏⴰⵏ ⵏ ⵛⵛⵉⵅⴰⵜ-ⴰ ⴷ ⵍⵄⵓⵍⴰⵎⴰ-ⵢⴰ ⴰⴽⴽ ⴷ ⵡⴰⵢⴻⵏ ⵉ ⴷ-ⴼⴽⴰⵏ ⵙ ⵡⴰⵢⴻⵙ ⵙⴱⴰⵖⵓⵔⴻⵏ ⵜⵉⵖⵉⵎⵉⵜ ⵏ ⵓⵃⵓⴷⴷⵓ-ⴰ, ⵢⴻⵙⵙⴻⴷⵀⴰ-ⴷ ⴷ ⴰⴽⴽⴻⵏ "ⵍⴷⵣⴰⵢⴻⵔ ⴰⴷ ⵜⴽⴻⵎⵎⴻⵍ ⴰⴷ ⵜⵃⴰⵔⴻⴱ ⵖⴻⴼ ⵓⴱⴻⴷⴷⵉ ⵖⴻⵔ ⵢⵉⴷⵉⵙ ⵏ ⵢⵉⵙⵓⵔⴰⴼ ⵓⵙⵙⵏⴰⵏⴻⵏ ⵉ ⵢⴻⵙⵏⴻⵔⵏⴰⵢⴻⵏ ⴰⵣⴰⵍⴻⵏ ⵏ ⵍⵉⵙⵍⴰⵎ ⴰⵍⴻⵎⵎⴰⵙ ⵢⴻⵔⵏⴰ ⵜⵜⵄⴰⵡⴰⵏⴻⵏ ⴷⴻⴳ ⵡⴻⵙⵔⴰⵙ ⵏ ⵍⵎⴻⵄⵏⴰ ⵏ ⵓⴹⴼⴰⵔ ⵏ ⵙⵉⴷⵏⴰ ⵎⵓⵃⴻⵎⵎⴻⴷ, ⵥⵥⴰⵍⵍ ⵖⴻⴼ-ⵙ ⵜⴻⴼⴽⴻⴹ-ⴰⵙ ⵙⵙⵍⴰⵎ, ⴷ ⵓⵙⴻⵔⵔⴻⵃ ⵏ ⵡⴻⴱⵔⵉⴷ-ⵉⵙ ⴷⴻⴳ ⵜⵎⴻⵜⵜⵉⵢⵉⵏ ⵜⵉⵏⵙⴻⵍⵎⵉⵏ ⵢⴻⵎⴳⴰⵔⴰⴷⴻⵏ".
ⵙⴻⴳ ⵢⵉⴷⵉⵙ-ⵏⵙⴻⵏ, ⵙⴱⴻⴳⴳⵏⴻⵏ-ⴷ ⵍⵄⵓⵍⴰⵎⴰ ⴷ ⵛⵛⵉⵅⴰⵜ-ⴰ "ⵍⴻⵇⴷⴻⵔ-ⵏⵙⴻⵏ ⵖⴻⴼ ⵡⴰⵢⴻⵏ ⵡⴰⵍⴰⵏ ⵙⴻⴳ ⵍⴼⴻⵔⵃ ⵙ ⵢⵉⵏⴻⴱⴳⴰⵡⴻⵏ ⴷ ⵍⴽⴰⵔⴻⵎ", ⴰⵎ ⴰⴽⴽⴻⵏ ⵙⴱⵓⵀⵔⴰⵏ-ⴷ ⵙ ⵡⴻⵎⴹⵉⵇ ⵏ ⵍⴷⵣⴰⵢⴻⵔ ⵉⵎⵉ ⴷ "ⵜⴰⵅⵅⴰⵎⵜ ⵏ ⵜⵓⵙⵙⵏⴰ ⴷ ⵍⵄⵓⵍⴰⵎⴰ ⵢⴻⵔⵏⴰ ⴷ ⴰⵎⵎⴰⵙ ⵏ ⵓⵙⴻⵔⵔⴻⵃ ⵏ ⵢⵉⵣⴰⵍⴻⵏ ⵏ ⴷⴷⵉⵏ ⴰⵍⴻⵎⵎⴰⵙ".
ⵜⴻⴽⴼⴰ ⵜⴻⵎⵍⵉⵍⵉⵜ ⵙ ⵡⴻⵙⴽⴰⵙⵉ ⵖⴻⴼ "ⵡⴰⵣⴰⵍ ⵏ ⵓⴽⴻⵎⵎⴻⵍ ⵏ ⵓⵎⵢⴰⵍⵍⵉ ⵓⵙⵙⵏⴰⵏ ⴷ ⵡⴻⵙⵡⵉⵏⴳⴻⵎ ⴳⴻⵔ ⵍⵄⵓⵍⴰⵎⴰ ⴷ ⵜⵎⴰⴷⴷⴰⵙⵉⵏ ⵏ ⴷⴷⵉⵏ ⴷⴻⴳ ⵜⵎⵓⵔⴰ ⵜⵉⵏⵙⴻⵍⵎⵉⵏ ⵢⴻⵎⴳⴰⵔⴰⴷⴻⵏ, ⵙ ⵡⴰⵢⴻⵏ ⴰⵔⴰ ⵉⵄⵉⵡⵏⴻⵏ ⴷⴻⴳ ⵓⵇⴷⴻⵛ ⵖⴻⴼ ⵢⵉⵣⴻⵏ ⵍⵇⴰⵢⴻⵏ ⵏ ⵍⵉⵙⵍⴰⵎ ⴷ ⵓⵙⵏⴻⵔⵏⵉ ⵏ ⵢⵉⴷⵍⴻⵙ ⵏ ⵡⴻⵎⵢⴰⵏⵏⴰⵏ ⴷ ⵜⵎⴻⴷⴷⵓⵔⵜ ⴷⴷⵓⴽⴽⴻⵍ", ⵉ ⴷ-ⵢⴻⵔⵏⴰ ⵡⵓⵍⵖⵓ.
ⵙ ⵜⴻⴳⵏⵉⵜ-ⴰ, ⵢⴻⴼⴽⴰ ⵍⵡⴻⵣⵉⵔ ⵉ ⵢⵉⵏⴻⴱⴳⴰⵡⴻⵏ ⵏ ⵍⴷⵣⴰⵢⴻⵔ ⵍⵎⴻⵚⵃⴻⴼ ⵏ "ⵔⵓⴷⵓⵙⵉ" ⴰⵎⴻⵣⵔⴰⵢ ⵉ ⴷ-ⵢⵓⵖⴰⵍⴻⵏ ⵢⴻⵜⵜⵡⴰⴼⵙⴻⵔ-ⴷ ⵙ ⴷⴷⴰⵡ ⵏ ⵍⴻⵄⵏⴰⵢⴰ ⵢⴻⴱⵣⴰⵣⴻⵏ ⵏ ⵓⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴵⵉⴷ ⵜⴻⴱⴱⵓⵏ, ⵖⴻⵔ ⵜⴰⵎⴰ ⵏ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⴻⵙⵖⵓⵏⵉⵏ ⴷ ⵢⵉⵙⵓⴼⴰⵖ ⵉ ⴷ-ⵜⴻⵙⵙⵓⴼⵓⵖ ⵍⵡⴻⵣⴰⵔⴰ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⴻⵡⵇⴰⴼ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵖⴱⴰⵍⵓ.
ⴰⵔⵏⵓ ⵖⴻⵔ
