ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵎⴷⴰⵏⴻⵏ , ⵎⴰⵙⵙ ⴱⵔⴰⵒⵉⵎ ⴱⵓⵖⴰⵍⵉ, ⵢⴻⵛⴻⴽⴽⴻⴷ ⴰⵙⵙ-ⴰ ⵏ ⴰⵔⵉⵎ, ⴰⵢⴻⵏ ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⴷⴻⴳ ⵜⵎⵉⵍⵍⵉⵜ-ⵉⵙ ⵜⴰⵏⴻⴳⴳⴰⵔⵓⵜ ⴷ ⵢⵉⵎⴻⵙⵏⵉⵢⴻⵏ. ⵢⴻⵏⵏⴰ-ⴷ ⴱⴻⵍⵍⵉ ⴰⵙⵇⴰⵎⵓ (parlement) ⴰⴷ ⵢⴻⴱⴱⴻⴷⴷ ⵢⵉⴷ ⵍⵎⴻⵊⵀⵓⴷⴰⵜ ⵏ ⵓⴱⴻⴷⴷⴻⵍ ⵏ ⵓⴷⴰⵎⴰⵙ ⴷⴻⴳ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵓⵙⵇⴰⵎⵓ.
ⵎⴰⵙⵙ ⴱⵓⵖⴰⵍⵉ, ⴷⴻⴳ ⵜⴻⵎⵍⵉⵍⵉⵜ ⵏ ⵓⴼⵉⵙ ⵏ ⵓⵙⵇⴰⵎⵓ, ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⵓⵣⵣⴻⵍ ⵙ ⵜⵖⴰⵡⵍⴰ ⵖⴻⵔ ⵢⵉⵡⴻⵏ ⵏ ⵓⵎⴻⴷⵢⴰ ⴰⵎⴰⵢⵏⵓ ⵏ ⵓⵙⴻⴼⵔⴻⴽ , ⵢⴻⴱⵏⴰⵏ ⵖⴻⴼ ⵓⵙⴻⵎⵔⴻⵙ ⵢⴻⵍⵀⴰⵏ ⵏ ⵜⵉⵣⵎⴰⵔ ⵏ ⵜⵎⵓⵔⵜ ⴷ ⵜⴰⵎⵓⵖⵍⵉ ⵉⵊⴻⵀⴷⴻⵏ ⵉ ⵓⵙⵙⴻⵊⵀⴻⴷ ⵏ ⵜⴰⵏⴰⵢⴰ ⵜⴰⵖⴻⵍⵏⴰⵡⵜ.
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⴷⵉⵡⴻⵏⵏⵉ ⵏ ⵓⵙⴻⵍⵡⴰⵢ ⵢⴻⵙⵙⴻⴱⵢⴰⵏ-ⴷ ⵍⴻⴱⵖⵉ ⵏ ⴷⴷⵓⵍⴰ ⵉⵡⴰⴽⴽⴻⵏ ⴰⴷ ⵜⴻⵎⵎⴻⵙⵍⴰⵢ ⵢⴰⵍ ⵜⵉⴽⴽⴻⵍⵜ ⴷ ⵢⵉⵎⴻⵣⴷⴰⵖ ⵢⴻⵔⵏⴰ ⴰⴷ ⵜⴻⵏ-ⵜⵙⴻⵎⵎⴻⵜ ⵖⴻⴼ ⵡⴰⵢⴻⵏ ⵢⴻⵜⵜⴻⴹⵔⵓⵏ. ⵢⴻⴱⴷⴻⵔ-ⴷ ⴷⴰⵖⴻⵏ ⴰⵣⴰⵍ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵜⵎⴰⵏⵉⵜ ⴰⵎ "ⴳⴰⵔⴰ ⵊⴱⵉⵍⴰⵜ", "ⵡⴰⴷ ⴰⵎⵉⵣⵓⵔ" ⴷ "ⴱⴻⵍⴰⴷ ⵍⵃⴻⴷⴱⴰ", ⵉⵎⵉ ⴰⴷ ⵙⵙⴻⵏⵔⴻⵏⵉⵏ ⴰⴷⴰⵎⴰⵙ ⵢⴻⵔⵏⴰ ⴰⴷ ⴷ-ⴼⴽⴻⵏ ⵉⵎⵓⴽⴰⵏ ⵏ ⵓⵅⴻⴷⴷⵉⵎ.
ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵉⵡⴻⴽⴽⴻⴷ-ⴷ ⴱⴻⵍⵍⵉ ⵜⴰⵖⴷⴻⵎⵜ ⵜⴰⵎⴻⵜⵜⵉⵜ ⴷ ⴰⴼⵔⴰⵏ ⵉⵊⴻⵀⴷⴻⵏ ⵢⴻⵔⵏⴰ ⴷ ⴰⴳⴰⵊⵊⴰ ⵏ ⵜⴰⵍⵡⵉⵜ ⴷⴻⴳ ⵜⵎⴻⵜⵜⵉ. ⵢⴻⵛⴻⴽⴽⴻⴷ ⴷⴰⵖⴻⵏ ⴰⵣⴰⵍ ⵏ ⵍⴻⵣⵣⴰⵢⴻⵔ ⴷⴻⴳ ⴷⵓⵏⵏⵉⵜ ⵙ ⵜⵙⴻⵔⵜⵉⵜ-ⵉⵙ ⵏ ⴱⴻⵔⵔⴰ ⵢⴻⴱⵏⴰⵏ ⵖⴻⴼ ⵡⴰⵣⴰⵍ ⴷ ⵓⵃⵔⴰⵣ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⴰⵅⴻⴷⴷⵉⵎ ⵏ ⵓⴼⵉⵙ, ⵇⴻⴱⵍⴻⵏ ⵜⴰⵍⴳⴰⵎⵜ ⵏ ⵢⵉⵎⴻⵙⵏⵉⵢⴻⵏ ⵏ ⵓⵙⵇⴰⵎⵓ ⴷⴻⴳ ⵜⵙⴻⵇⵇⴰⵎⵓⵜⵉⵏ ⴰⵔⴰ ⵢⴻⵅⴷⴻⵎ ⵖⴻⴼ ⵍⵇⴰⵏⵓⵏ ⵏ ⵓⵊⵔⴰⵎ ⵏ ⵓⵏⴻⴽⴽⵓⵎ ⵏ ⴼⵔⴰⵏⵙⴰ ⴷ ⵍⵇⴰⵏⵓⵏ ⵏ ⵓⴱⵔⵉⴷ , ⵉ ⵢⴻⵜⵜⵡⴰⵇⴻⴱⵍⴻⵏ ⴷⴻⴳ 21 ⵢⴻⵏⵏⴰⵢⴻⵔ ⵢⴻⵣⵔⵉⵏ.
ⴰⵔⵏⵓ ⵖⴻⵔ
