ⵜⴰⵎⴰⵡⴰⵙⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵜⴱⴻⵔⵔⴻⵃ-ⴷ ⴰⵙⵙ-ⴰ ⵏ ⵍⵃⴻⴷⴷ ⴱⴻⵍⵍⵉ ⴰⴽⵜⴰⵢⴰⴷ ⵏ ⵜⵏⴻⴼⴼⴰⵙⵜ ⴷ ⵡⴰⴷⴷⴰⵍ (Sport) ⵉ ⵢⵉⴽⴽⴰⵢⴰⴷⴻⵏ ⵏ ⵙⵙⵉⵔⵜⵉⴼⵉⴽⴰ (BEM) ⴷ ⵍⴱⴰⴽ (BAC) ⵏ ⴷⴷⵓⵕⵜ ⵏ 2026 ⵉ ⵢⵉⵏⴻⵍⵎⴰⴷⴻⵏ ⵉ ⴷ-ⵢⴻⴼⴽⴰⵏ ⵉⵎⴰⵏ-ⵏⵙⴻⵏ (libres), ⴰⴷ ⵢⵉⵍⵉ ⴳⴰⵔ ⵓⵢⵏⴰⵙ 3 ⴷ ⵙⵙⴻⴱⵜ 16 ⵏ ⵎⴰⴳⴳⵓ ⵉ ⴷ-ⵉⵜⴻⴷⴷⵓⵏ.
ⵜⴰⵎⴰⵡⴰⵙⵜ ⵜⴻⵏⵏⴰ-ⴷ ⴱⴻⵍⵍⵉ ⴰⵢⴰⴳⵉ ⵉⴽⴽⴻⵏ ⵓⵍⴰ ⴷ ⵉⵏⴻⵍⵎⴰⴷⴻⵏ ⵏ ⵓⴷⵉⵡⴰⵏ ⵏ ⵓⵙⴻⵍⵎⴻⴷ ⵙ ⵓⴱⵄⵉⴷ (ONEFD). ⴰⵙⵙ ⴷ ⵜⵙⵡⵉⵄⵜ ⵏ ⵓⴽⴰⵢⴰⴷ ⵍⵍⴰⵏ ⴷⴻⴳ ⵍⴽⴰⵖⴻⴹ ⵏ ⵓⵙⵉⵡⴻⵍ (convocation) ⵏ ⵢⴰⵍ ⴰⵏⴻⵍⵎⴰⴷ.
ⵉⵍⴰⵇ ⴼⴻⵍⵍ-ⴰⵙⴻⵏ ⴰⴷ ⴷ-ⵙⵙⵓⴼⵖⴻⵏ ⵍⴽⴰⵖⴻⴹ ⵏ ⵓⵙⵉⵡⴻⵍ ⵙⴻⴳ ⵢⵉⵙⵎⴰⵍ ⵏ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⵉⴽⴽⴰⵢⴰⴷⴻⵏ ⴷ ⵜⵣⵉⵍⵉⵣⵉⵏ (ONEC): https://bem.onec.dz ⵉ ⵡⵉⴷ ⵏ ⴱⴻⵎ, ⴷ https://bac.onec.dz ⵉ ⵡⵉⴷ ⵏ ⵍⴱⴰⴽ. ⴰⵢⴰⴳⵉ ⴰⴷ ⵢⵉⵍⵉ ⵙⴻⴳ ⵓⵢⵏⴰⵙ 13 ⵏ ⵢⴻⴱⵔⵉⵔ ⴰⵔⵎⵉ ⴷ ⵙⵙⴻⴱⵜ 2 ⵏ ⵎⴰⴳⴳⵓ 2026, ⵙ ⵓⵙⴻⵅⴷⴻⵎ ⵏ ⵢⵉⵙⴻⵎ ⵏ ⵓⵙⴻⵎⵔⴻⵙ ⴷ ⵔⵔⴻⵎⵣ (password).
ⴷⴻⴳ ⵜⴰⴳⴰⵔⴰ, ⵜⴰⵎⴰⵡⴰⵙⵜ ⵜⴻⵙⵎⴻⴽⵜⴰ-ⴷ ⴱⴻⵍⵍⵉ ⵢⴰⵍ ⴰⵏⴻⵍⵎⴰⴷ ⵉⵍⴰⵇ ⴰⴷ ⵢⵉⵍⵉ ⴷⴻⴳ ⵡⴰⵎⵎⴰⵙ ⵏ ⵓⴽⴰⵢⴰⴷ (centre) ⴷⴻⴳ ⵡⴰⵙⵙ ⴷ ⵍⵡⴻⵇⵜ ⵉ ⴷ-ⵢⵓⵔⴰⵏ ⴷⴻⴳ ⵍⴽⴰⵖⴻⴹ-ⵉⵙ.
ⴰⵔⵏⵓ ⵖⴻⵔ
