ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵢⵉⵍⴻⵎⵣⵢⴻⵏ, ⵉ ⵢⴻⵙⵙⴻⵃⵔⴻⵙⴻⵏ ⴰⵙⵇⴰⵎⵓ ⵓⵏⵉⴳ ⵏ ⵢⵉⵍⴻⵎⵣⵢⴻⵏ (CSJ), ⵎⴰⵙⵙ ⵎⵓⵙⵜⴰⵒⵀⴰ ⵀⵉⴷⴰⵓⵓⵉ, ⵢⴻⴷⴷⴰ ⴷ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⴷ ⵡⵉⴷ ⵢⴻⵙⵄⴰⵏ ⴰⵣⵔⴻⴼ, ⵎⴰⵙⵙ ⴰⴱⴷⴻⵍⵎⴰⵍⴻⴽ ⵜⴰⵛⵀⵔⵉⴼⴻⵜ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵎⵎⴰⴳⴻⵔ ⵏ ⵢⵉⵍⴻⵎⵣⵢⴻⵏ ⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵉ ⴷ-ⵢⴻⵜⵜⴻⴽⴽⵉⵢⴻⵏ ⴷⴻⴳ "ⵓⴽⴻⵕⵡⴰⵏ ⵏ ⵜⵎⴻⴽⵜⵉ ⵜⴰⵖⴻⵍⵏⴰⵡⵜ".
ⴷⴻⴳ ⵜⴰⵍⵍⵉⵜ ⵏ ⵓⵎⵎⴰⴳⴻⵔ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵎⵎⴰⵙ ⵏ ⵜⵥⵓⵔⵉⵡⵉⵏ ⴷ ⵢⵉⴷⵍⴻⵙ ⴷⴻⴳ ⵓⴼⵔⴰⴳ ⵏ ⵔⵢⴰⵙ ⴻⵍ-ⴱⴰⵀⵔ (Bastion 23), ⵎⴰⵙⵙ ⵜⴰⵛⵀⵔⵉⴼⴻⵜ ⵉⵙⴰⵜⵉⴳ (valorized) ⵓⵜⴻⴽⴽⵉ ⵉⴶⴻⵀⴷⴻⵏ ⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷⴻⴳ ⵓⴽⴻⵎⵎⴻⵍ ⵏ ⵍⴻⴱⵏⵉ ⵏ ⵍⴻⵣⵣⴰⵢⴻⵔ, ⵉⵎⵉ ⴷ ⵏⵓⵜⵏⵉ ⵉ ⴷ "ⵉⵎⴰⵙⵓⵏⵏⴻⵏ ⵏ ⵜⵎⵓⵔⵜ ⴷ ⵜⵎⴰⴳⵉⵜ, ⴷ ⵓⴷⴻⵎ ⵉⴼⴰⵣⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵢⵏⵓⵜ ⴷⴻⴳ ⵓⵎⴰⴹⴰⵍ ⵎⴻⵕⵕⴰ".
ⵢⴻⵔⵏⴰ-ⴷ ⵢⴻⵏⵏⴰ ⴱⴻⵍⵍⵉ "ⵍⴻⵣⵣⴰⵢⴻⵔ ⵏ ⵜⵓⵔⴰ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵜⴻⵜⵜⴰⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵢⵉⵍⴻⵎⵣⵢⴻⵏ ⵙ ⵓⵎⴰⵜⴰ, ⴷ ⵜⴰⵔⵡⴰ ⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ", ⵉⵎⵉ ⴷ ⵏⵓⵜⵏⵉ ⵉ ⴷ "ⵍⵍⵙⴰⵙ ⵏ ⵜⵎⴻⵏⵏⴰⵟ ⴷⴻⴳ ⵓⵎⴻⵏⵏⵓⵖ ⵏ ⵍⵃⵉⵙ ⴷ ⵓⵃⵔⴰⵣ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ⴷ ⵓⵎⵎⴰⴳⴰⵔ ⵏ ⵢⵉⴽⴰⵢⴰⴷⴻⵏ ⵏ ⵢⵉⵎⴰⵍ ⵙ ⵢⵉⵡⴻⵏ ⵏ ⵓⴼⵓⵔⴽ ⵉⴶⴻⵀⴷⴻⵏ".
ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵉⵙⵎⴻⴽⵜⵉ-ⴷ ⴰⵢⴻⵏ ⵉ ⴷ-ⵜⴻⴼⴽⴰ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⵍⵖⴻⵔⴱⴰ, ⵉ ⵢⴻⵍⵍⴰⵏ ⴷⴻⴳ ⵢⴰⵍ ⵜⴰⵍⵍⵉⵜ ⴷ "ⵜⵉⵡⵏⵉⵜ (front) ⵜⵉⵙ ⵙⵏⴰⵜ ⵉ ⵓⴷⴻⴳⴳⴻⵔ ⵏ ⵓⴱⵔⵉⴷ ⵏ ⵜⵉⵍⴻⵍⵍⵉ ⴷ ⵓⵣⴰⵔⵓⴳ".
ⵙⴻⴳ ⵜⴰⵎⴰ-ⵙ, ⵎⴰⵙⵙ ⵀⵉⴷⴰⵓⵓⵉ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵎⵎⴰⴳⴻⵔ ⵏ ⵜⴻⵔⴱⴰⵄⵜ-ⴰⴳⵉ ⵉ ⴷⴻⴳ ⵍⵍⴰⵏ ⵢⵉⵍⴻⵎⵣⵢⴻⵏ ⵉⵕⴻⵙⵙⴰⵏ ⴷⴻⴳ ⴼⵔⴰⵏⵙⴰ, ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵡⴰⵀⵉⵍ "ⵉⵎⴰⵙⵓⵏⵏⴻⵏ ⵏ ⵜⵎⴻⴽⵜⵉ" ⵉ ⴷ-ⵜⴻⵙⵙⵓⴷⴷⴻⵙ ⵜⵏⴻⵖⵍⴰⴼⵜ ⵏ ⵢⵉⵍⴻⵎⵣⵢⴻⵏ ⴷ ⵓⵙⵇⴰⵎⵓ ⵓⵏⵉⴳ ⵏ ⵢⵉⵍⴻⵎⵣⵢⴻⵏ, ⵙ ⵓⵎⵙⴰⵙⴻⵢ ⴷ ⵍⴶⴰⵎⴻⵄ ⴰⵎⴻⵇⵇⵔⴰⵏ ⵏ ⵒⴰⵔⵉⵙ. ⵉⵙⵙⴻⴽⵜⵉ-ⴷ ⴷⴰⵖⴻⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⵢⴰⴽⴽ ⵢⵉⵏⵏⴰⵔⴻⵏ ⴰⴷ ⵉⵍⵉⵏ ⴷ "ⵜⵉⵍⵉⵍⵜ (pont) ⵉ ⵜⴻⵢⵡⴰⵍⵜ ⴷ ⵜⴰⵔⵡⴰ ⵏ ⵜⵓⴽⴽⵉⵙⵜ".
ⴰⵎⵙⵉⵡⴻⵍ ⵏ ⵍⴶⴰⵎⴻⵄ ⵏ ⵒⴰⵔⵉⵙ ⵓ ⴷ ⵓⵇⴻⵔⵔⵓ ⵏ ⵜⴻⵔⴱⴰⵄⵜ, ⵎⴰⵙⵙ ⵄⴰⵍⵉ ⵙⴰⵀⴰⴱ, ⵉⵙⵍⴻⵎ-ⴷ ⵙ ⵜⵉⴳⴳⴰⵡⵜ-ⴰⴳⵉ ⵉ ⵉⵣⴻⵎⵔⴻⵏ ⴰⴷ "ⵜⴻⵙⵙⴻⴶⵀⴻⴷ ⵜⵉⵍⵉⵢⵉⵏ ⵏ ⵜⴻⵢⵡⴰⵍⵜ ⴳⴰⵔ ⵜⴰⵔⵡⴰ ⵏ ⵜⵓⴽⴽⵉⵙⵜ ⴷ ⵜⵎⵓⵔⵜ-ⵢⴻⵎⵎⴰ", ⵓ ⴷ ⵜⵉⵏ ⵉ ⴷ-ⵢⴻⵎⵎⴰⵍⴻⵏ "ⵍⵎⴻⴶⵀⵓⴷⴰⵜ ⵉⵕⴻⵙⵙⴰⵏⴻⵏ ⵉ ⵜⵓⵇⵇⵏⴰ ⵏ ⵢⵉⵍⴻⵎⵣⵢⴻⵏ ⴷ ⵢⵉⵥⵓⵔⴰⵏ-ⵏⵙⴻⵏ ⴷ ⵜⵎⴻⴽⵜⵉ ⴷ ⵜⵓⵛⵛⵉⵜ ⵏ ⵍⴻⵊⴷⵓⴷ-ⵏⵙⴻⵏ".
ⵢⵉⵍⴻⵎⵣⵢⴻⵏ ⵏ ⵓⴽⴻⵕⵡⴰⵏ ⵙⵏⴻⴽⴷⴻⵏ ⵍⴼⴻⵕⵃ-ⵉⵙ ⵙ ⵡⴰⵎⴻⴽ ⵉ ⵜⴻⵏ-ⵉⴷ-ⵎⵎⵓⵀⴳⴰⵔⴻⵏ, ⵙⵏⴻⴽⴷⴻⵏ ⴷⴰⵖⴻⵏ ⵏⵏⴻⴼⵅⴰ-ⵏⵙⴻⵏ ⵙ ⵓⵏⴻⴽⵛⵓⵎ-ⵏⵙⴻⵏ ⵖⴻⵔ ⵜⵎⵓⵔⵜ ⵏ ⵍⴻⵣⵣⴰⵢⴻⵔ.
ⵉⵡⴰⴽⴽⴻⵏ ⴰⴷ ⵏⵣⴻⵔ, ⴰⴽⴻⵕⵡⴰⵏ-ⴰⴳⵉ ⴰⴷ ⵉⵄⴻⴷⴷⵉ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ, ⵖⴻⵔ ⵜⵡⵉⵍⴰⵢⵜ ⵏ ⵄⵉⵏ ⴻⴷⴷⵉⴼⵍⴰ, ⵙⴻⵍⴷ ⴰⵏⵏⴻⵛⵜ-ⴰ ⵖⴻⵔ ⵜⵍⴻⵎⵙⴰⵏ ⴷ ⵡⴰⵀⵔⴰⵏ.
ⴰⵔⵏⵓ ⵖⴻⵔ
