"ⵉⵣⴻⴳⵣⴰⵡⴻⵏ" ⵡⵡⴹⴻⵏ ⴰⵔ ⵠⴰⵏⵛⵓⵓⵠⴻⵔ ⵉ ⵓⵀⴻⴳⴳⵉ ⵏ ⵜⴻⵎⵍⵉⵍⵉ ⵎⴳⴰⵍ ⵙⵡⵉⵙⵔⴰ

ⵉⵡⵡⴹ-ⴻⴷ ⵓⵀⴻⵢⵢⵓⵍ ⴰⵖⴻⵍⵏⴰⵡ, ⵡⴰⵙⵙ ⵏ ⵜⵜⵍⴰⵜⴰ, ⵖⴻⵔ ⵜⵎⴷⵉⵏⵜ ⵏ ⵠⴰⵏⵛⵓⵓⵠⴻⵔ ⴷⴻⴳ ⴽⴰⵏⴰⴷⴰ, ⵉⵡⴰⴽⴽⴻⵏ ⴰⴷ ⵉⵎⴰⴳⴻⵔ ⵜⴰⴱⴻⵖⵔⴻⵢⵜ ⵏ ⵙⵡⵉⵙⵔⴰ ⴷⴻⴳ ⵓⵃⵔⵉⵛ ⵡⵉⵙ 16 ⵏ ⵓⴽⴰⵙ ⵏ ⵓⵎⴰⵯⴰⵍ 2026, ⴰⴽⴽⴻⵏ ⵉ ⴷ-ⵢⵓⵔⴰ ⵡⴰⵙⵙ-ⴰ ⵏ ⵍⴰⵔⴻⴱⵄⴰ ⵙ ⵓⴱⵔⵉⴷ ⵏ ⵜⴰⵏⵙⴰ ⵓⵙⵙⵍⵉⴼ ⵏ ⵜⵙⴻⴷⵎⵉⵔⵜ ⵏ ⵍⴻⵣⵣⴰⵢⴻⵔ ⵏ ⴷⴷⴰⴱⴻⵅ ⵏ ⵓⵟⴰⵔ (ⴼⴰⴼ).

ⵙⴷⴻⴼⴼⵉⵔ ⵓⵡⵡⴰⴹ-ⵏⵙⴻⵏ ⵖⴻⵔ ⵓⵏⴰⴼⴰⴳ ⵏ ⵠⴰⵏⵛⵓⵓⵠⴻⵔ ⴷⴻⴳ (03:15 ⵏ ⵚⵚⴱⴻⵃ ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ), ⵔⵣⴰⵏ ⵎⵔⴰⵡ ⵖⴻⵔ ⵓⵎⵓⴽⴰⵏ ⵏ ⵜⵎⴻⵣⴷⵓⵖⵜ-ⵏⵙⴻⵏ. ⵉⵎⴻⴷⴷⵓⴽⴽⴰⵍ ⵏ ⵎⴰⵀⵔⴻⵣ ⵅⴻⴷⵎⴻⵏ ⵜⵉⵖⵉⵎⵉ ⵜⴰⵎⴰⵜⵓⵜ ⵏ ⵓⵙⵉⵍⴻⵖ ⵡⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵎⴷⵉⵏⵜ ⵏ ⵍⴰⵡⵔⴻⵏⵛⴻ, ⴷⴻⴳ ⵡⴰⵏⵏⴰⵔ ⵏ "ⵔⵓⵛⴽ ⵛⵀⴰⵍⴽ ⵃⴰⵔⴽ" ⵏ ⵜⴰⵙⴷⴰⵡⵉⵜ ⵏ ⴽⴰⵏⵙⴰⵙ, ⴷⴰⴳⵉ ⴰⵎⴻⵙⵙⵉⵍⵖⴰ ⴰⵖⴻⵍⵏⴰⵡ ⵠⵍⴰⴷⵉⵎⵉⵔ ⵃⴻⵜⴽⵓⵠⵉⵛ ⴷ ⵓⵀⴻⵢⵢⵓⵍ-ⵉⵙ ⵜⵜⴻⴽⴽⵉⵏ ⵖⴻⴼ ⵜⴰⵔⵔⴰⵢⵜ ⵏ ⵜⵜⴻⴽⵏⵉ ⴷ ⵓⵀⴻⴳⴳⵉ ⵏ ⵜⴰⴳⴳⴰⵔⴰ ⵓⵇⴱⴻⵍ ⵜⴻⵎⵍⵉⵍⵉ.

ⴰⵀⵉⵍ ⵏ ⵓⵀⴻⵢⵢⵓⵍ ⴰⵖⴻⵍⵏⴰⵡ ⵏ ⵡⴰⵙⵙ-ⴰ ⵏ ⵍⴰⵔⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ-ⵙ ⵜⵉⵖⵉⵎⵉ ⵜⴰⵎⴰⵜⵓⵜ ⵏ ⵓⵙⵉⵍⴻⵖ ⴷⴻⴳ ⵡⴰⵏⵏⴰⵔ ⵏ ⴽⵉⵍⵍⴰⵔⵏⴻⵢ.

ⴰⵀⴻⵢⵢⵓⵍ ⴰⵖⴻⵍⵏⴰⵡ ⴰⴷ ⵉⵎⴰⴳⴻⵔ ⵡⵉⵏ ⵏ ⵙⵡⵉⵙⵔⴰ, ⵡⴰⵙⵙ ⵏ ⵍⵊⴻⵎⵄⴰ 3 ⵢⵓⵍⵢⵓ (ⴼⵊⴻⵔ ⵏ ⵙⵙⴻⴱⵜ ⴷⴻⴳ 04:00 ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ), ⴷⴻⴳ ⵜⴻⵎⵍⵉⵍⵉ ⵉ ⴷⴻⴳ ⴱⵯⴰⵏ "ⵉⵣⴻⴳⵣⴰⵡⴻⵏ" ⴰⴷ ⴷ-ⴰⵡⵉⵏ ⵍⴽⴰⵖⴻⵯ ⵏ ⵓⵄⴻⴷⴷⵉ ⵖⴻⵔ ⵓⵃⵔⵉⵛ ⵡⵉⵙ ⵜⵜⵎⴻⵏ (1/8 ⴼⵉⵏⴰⵍ).