ⵢⴻⵡⵡⴻⴹ-ⴷ ⵍⴱⴰⴱⴰ ⵍⴻⵓ, ⵡⴰⵙⵙ-ⴰ ⵏ ⵜⵜⵍⴰⵜⴰ, ⵖⴻⵔ ⵓⵎⴰⴼⴰⴳ ⴰⴳⵔⴰⵖⵍⴰⵏ ⵔⴰⴱⴰⵀ ⴱⵉⵟⴰⵟ ⵏ ⵄⴻⵏⵏⴰⴱⴰ, ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵜⵉⵔⵣⵉ ⵜⵓⵏⵚⵉⴱⵜ ⵉ ⵉⵅⴻⴷⴷⴻⵎ ⵖⴻⵔ ⵍⴻⵣⵣⴰⵢⴻⵔ ⵙ ⵓⵙⵉⵡⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ.
ⵍⴱⴰⴱⴰ ⵍⴻⵓ ⵢⴻⵜⵜⵡⴰⵇⴱⴻⵍ ⵙ ⵓⵏⵚⵉⴱ ⵙ ⵓⴼⵓⵙ ⵏ ⵓⵏⴻⵖⵍⴰⴼ ⵏ ⴷⴷⵓⵍⴰ, ⴰⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵏ ⵜⵎⴻⵜⵜⵉ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴰⵎⵙⴰⵍⵉⵢⵉⵏ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⵄⴰⵟⵟⴰⴼ, ⴰⴽⴽⴻⴷ ⵜⵙⵓⵍⵟⴰⵏⵉⵏ ⵜⵉⵖⴰⵔⵉⵎⵉⵏ ⴷ ⵜⵉⵣⴻⵔⴷⴰⵢⵉⵏ ⵏ ⵜⵡⵉⵍⴰⵢⵜ ⵏ ⵄⴻⵏⵏⴰⴱⴰ.
ⵙⴻⴳ ⵜⴰⵎⴰ-ⵙ, ⵍⴱⴰⴱⴰ ⵍⴻⵓ ⵢⴻⵙⵙⴻⵍⵍⴻⵎ ⵖⴻⴼ ⵡⵉⴷ ⵉ ⴷ-ⵢⵓⵔⵣⴰⵏ ⵖⵓⵔ-ⵙ ⵙⴻⴳ ⵜⵙⵓⵍⵟⴰⵏⵉⵏ ⵜⵉⵖⴰⵔⵉⵎⵉⵏ ⴷ ⵜⵉⵣⴻⵔⴷⴰⵢⵉⵏ ⵏ ⵜⵡⵉⵍⴰⵢⵜ ⵉ ⴷ-ⵢⴻⴼⴽⴰⵏ ⴰⵏⵙⵓⴼ ⵙ ⵍⴼⴻⵔⵃ ⴷⴻⴳ ⵜⵉⵍⵉⵡⴰ ⵏ ⵜⴰⴽⵍⵉⵙⵉⵜ ⵏ ⵙⴰⵉⵏⵜ ⴰⵓⴳⵓⵙⵜⵉⵏ.
ⴷⴻⴳ ⵜⵣⴻⵇⵇⴰ ⵏ ⵛⵛⴻⵔⴼ ⵏ ⵓⵎⴰⴼⴰⴳ ⵔⴰⴱⴰⵀ ⴱⵉⵟⴰⵟ, ⵉⵎⴻⵥⵢⴰⵏⴻⵏ ⵏ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ ⴼⴽⴰⵏ ⴰⵏⵙⵓⴼ ⵙ ⵍⵯⴻⵀⴷ ⵉ ⵓⵏⴻⴱⴳⵉ ⵏ ⵍⴻⵣⵣⴰⵢⴻⵔ ⵙ ⵢⵉⵡⴻⵜ ⵏ ⵍⴼⴻⵕⵃⴰ ⵉ ⴷ-ⵢⴻⵍⵍⴰⵏ ⵙ ⵜⵜⴻⴽⴽⵉ ⵏ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵎⴰⵙⵙⴰ ⵎⴰⵍⵉⴽⴰ ⴱⴻⵏ ⴷⵓⴷⴰ.
ⴷⴻⴳ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ, ⵍⴱⴰⴱⴰ ⵍⴻⵓ ⵢⴻⵜⵜⵡⴰⵇⴱⴻⵍ ⵙ ⵍⴼⴻⵔⵃ ⴰⵎⴻⵇⵇⵔⴰⵏ ⵏ ⵍⵖⴰⵛⵉ ⵏ ⵜⵡⵉⵍⴰⵢⵜ ⵉ ⴷ-ⵢⴻⴼⴽⴰⵏ ⴰⵏⵙⵓⴼ ⵙ ⵍⵯⴻⵀⴷ.
ⵙⴻⴳ ⵜⴰⵎⴰ-ⵙ, ⵍⴱⴰⴱⴰ ⵢⴻⵙⵙⴻⵍⵍⴻⵎ ⵙ ⵓⴼⵓⵙ ⵖⴻⴼ ⵢⵉⵎⴻⵣⴷⴰⵞ ⵏ "ⴱⵓⵓⵏⴰ" ⵢⴻⵔⵏⴰ ⵢⴻⵍⵎⴻⴷ ⵢⵉⴷ-ⵙⴻⵏ, ⴷⴻⴳ ⵓⵙⴽⴰⵏ ⵏ ⵔⵔⵎⵓⵣ ⵉ ⴷ-ⵉⵙⴱⴻⴳⴳⵉⵏⴻⵏ ⵜⴻⵎⵍⵉⵍⵉⵜ ⵏ ⵜⵖⴻⵔⵎⵉⵡⵉⵏ, ⵢⵉⴷⵍⴻⵙ ⴷ ⵓⵎⴻⵣⵔⵓⵢ ⵢⴻⴷⴷⵓⴽⴽⵍⴻⵏ.
ⴰⵔⵏⵓ ⵖⴻⵔ
