ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵜⴻⵇⴱⴻⵍ ⵜⴰⵎⵙⴻⵍⵡⴰⵢⵜ ⵏ ⵜⵙⵏⴻⴱⴹⴰⵢⵜ ⵜⴰⵎⴻⵏⵜⴻⵇⵜ, ⵎⴰⵙⵙⴰ ⵍⴰⵢⵍⴰ ⵄⴻⵙⵍⴰⵡⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⴰⵙⴼⵉⵔ ⵏ ⵜⴳⴷⵓⴷⴰ ⵏ ⵢⵉⵏⴷⵓⵏⵉⵣⵢⴰ ⴷⴻⴳ ⵍⵣⵣⴰⵢⴻⵔ, ⵎⴰⵙⵙ ⵛⴰⵍⵉⴼ ⴰⴽⴱⴰⵔ ⵜⵊⴻⵏⴷⵔⴰⵏⵉⵏⵖⵔⴰⵜ. ⵜⵓⵣⵣⵢⴰ-ⴰⴳⵉ ⵜⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵢⴻⵙⵙⴻⵍⵍⴻⵎ ⵉⵎⵉ ⵢⴻⴼⴼⵓⵖ ⵙⴻⴳ ⵍⴻⵇⴷⵉⵛ-ⵉⵙ ⵓⵏⵚⵉⴱ ⴷⴰⴳⵉ ⴷⴻⴳ ⵜⵎⵓⵔⵜ-ⵏⵏⴻⵖ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵙⵏⴻⴱⴹⴰⵢⵜ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴰⵍⵍⵓ-ⵏⵏⵉ, ⴷⴻⴳ ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⵙ ⵓⵃⴰⴷⴰⵔ ⵏ ⵢⵉⵎⴻⵙⵍⴻⵢⴻⵏ ⵏ ⵜⵙⵏⴻⴱⴹⴰⵢⵜ ⴷ ⵓⵎⴰⵔⴰ ⴰⵎⴰⵜⵓ, ⴷⵉ ⵙⵉⵏ ⵢⵉⴷ-ⵙⴻⵏ ⴼⴽⴰⵏ ⴰⵣⴰⵍ ⵉ ⵜⵎⴷⵓⴽⴽⵍⵉ ⵉⵊⴻⵀⴷⴻⵏ ⵢⴻⵍⵍⴰⵏ ⴳⴰⵔ ⵍⵣⵣⴰⵢⴻⵔ ⴷ ⵢⵉⵏⴷⵓⵏⵉⵣⵢⴰ.
ⵎⴰⵙⵙⴰ ⵄⴻⵙⵍⴰⵡⵉ ⵜⴻⴱⵢⴻⵏ-ⴷ ⴰⴼⵔⴰⵃ-ⵉⵙ ⴷ ⵜⵎⵓⵙⵏⵉ-ⵙ ⵜⴰⵎⴻⵇⵇⵔⴰⵏⵜ ⵖⴻⴼ ⵍⴻⵇⴷⵉⵛ ⵉ ⵢⴻⴳⴳⴰ ⵓⵙⴼⵉⵔ ⵏ ⵢⵉⵏⴷⵓⵏⵉⵣⵢⴰ ⴷⴻⴳ ⵡⴰⴽⵓⴷ ⵏ ⵓⵎⴰⵀⵉⵍ-ⵉⵙ ⴷⴻⴳ ⵍⵣⵣⴰⵢⴻⵔ. ⵢⴻⵏⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴰⵙⴼⵉⵔ-ⴰⴳⵉ ⵢⴻⴼⴽⴰ ⵜⴰⵣⵎⴻⵔⵜ ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⵏ ⵢⵉⵙⵍⴰⵢⴻⵏ ⵏ ⵜⵎⴷⵓⴽⴽⵍⵉ ⴷ ⵓⵎⵢⴻⵍⵍⴻⵍ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵉⵎⴰⵣⵓⵣⴻⵏ, ⵍⴰⴷⵯⴰ ⴷⴻⴳ ⵓⵃⵔⵉⵛ ⵏ ⵍⵃⴻⵇⵇ ⴰⵎⴻⵏⵜⴻⵇ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⴰⵙⴼⵉⵔ ⵏ ⵢⵉⵏⴷⵓⵏⵉⵣⵢⴰ ⵢⴻⴼⴽⴰ ⵜⴰⵏⴻⵎⵎⵉⵔⵜ ⵜⴰⵎⴻⵇⵇⵔⴰⵏⵜ ⵖⴻⴼ ⵓⵙⵜⴻⵇⴱⴻⵍ ⵢⴻⵃⵎⴰⵏ ⵉ ⵢⴰⵙ-ⵢⴻⵜⵜⵓⵏⴻⴼⴽⴰⵏ. ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵓⵎⵢⴻⵍⵍⴻⵍ ⴷ ⵜⵎⴷⵓⴽⴽⵍⵉ ⵢⴻⵍⵍⴰⵏ ⴳⴰⵔ ⵍⵣⵣⴰⵢⴻⵔ ⴷ ⵢⵉⵏⴷⵓⵏⵉⵣⵢⴰ, ⵢⴻⵔⵏⴰ ⵢⴻⵙⵙⵉⵔⴻⵎ ⴰⴷ ⵜⴻⵇⵇⵉⵎ ⵜⵎⵓⴽⴽⵍⵉ-ⴰⴳⵉ ⴰⵍⴰⵎⵎⴰ ⴷ ⵢⵉⵎⴰⵍ ⵢⴻⵔⵏⴰ ⴰⴷ ⵜⴻⴼⴼⴻⵖ ⵖⴻⵔ ⵓⵙⵡⵉⵔ ⵓⵏⵏⵉⴳ.
ⵜⴰⴳⴳⴰⵔⴰ, ⴰⵙⴼⵉⵔ ⵢⴻⴼⴽⴰ ⴰⵣⴰⵍ ⵉ ⵜⵔⵉⵛⵜ ⵉⵊⴻⵀⴷⴻⵏ ⵏ ⵜⵙⵏⴻⴱⴹⴰⵢⵜ ⵜⴰⵎⴻⵏⵜⴻⵇⵜ ⵜⴰⵣⵣⴰⵢⵔⵉⵜ ⴷⴻⴳ ⵓⵙⴱⴻⴷⴷ ⵏ ⵓⵡⴰⵏⴰⴽ ⵏ ⵍⵇⴰⵏⵓⵏ ⴷ ⵜⵎⴻⵔⵙⴻⵍⵉⵏ, ⴷ ⵡⴰⵎⴻⴽ ⵉ ⵜⴻⵇⴷⴻⵛ ⵉ ⵡⴰⴽⴽⴻⵏ ⴰⴷ ⵜⴻⵙⵊⴻⵀⴻⴷ ⵜⴰⵎⵓⵙⵏⵉ ⴷ ⵜⵢⴻⵙⵙⴰ ⵏ ⵍⵎⴻⵏⵜⴻⵇ (constitution) ⴷⴻⴳ ⵡⵓⵍⴰⵡⴻⵏ ⵏ ⵢⵉⵖⴻⵔⴼⴰⵏ.
ⴰⵔⵏⵓ ⵖⴻⵔ
