ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⴰⵢ ⵓⵏⵖⵍⴰⴼ ⵏ ⵍⵃⴻⵇⵇ, ⵎⴰⵙⵙ ⵍⵓⵟⴼⵉ ⴱⵓⵊⴻⵎⵄⴰ, ⵢⴻⴷⴷⵓⴽⴽⴻⵍ ⴷ ⵓⵏⵖⵍⴰⴼ ⵏ ⵡⴻⴷⵔⵉⵎ, ⵎⴰⵙⵙ ⵄⴻⴱⴷⵓⵍⴽⵔⵉⵎ ⴱⵓⵡⴰⵍⵣⴻⵔⴷ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵊⴻⵔⵔⴻⴷ ⵓⵏⵚⵉⴱ ⵏ ⵢⵉⵡⴻⵜ ⵏ ⵜⵎⴰⵖⵓⵏⵜ ⵏ ⵓⵎⵢⴻⵍⵍⴻⵍ ⴷ ⵓⴱⴻⴷⴷⴻⵍ ⵏ ⵢⵉⴰⵍⵍⴻⵏ ⴷ ⵢⵉⵙⴰⵍⵍⴻⵏ ⴳⴰⵔ ⵓⵙⵉⵔⴰ ⴰⵏⴰⵎⵎⴰⵙ ⵏ ⵓⵎⴻⵏⵏⵓⵖ ⵎⴳⴰⵍ ⵜⴰⴽⴻⵔⴹⴰ ⵏ ⵡⴻⴷⵔⵉⵎ ⴷ ⵜⵏⴻⴱⴷⴰⴷⵜ ⵜⴰⵎⴰⵜⵓⵜ ⵏ ⵜⵔⴻⵣⵡⴰ ⵜⴰⵖⴻⵍⵏⴰⵡⵜ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⴻⵖⵍⴰⴼⵜ ⵏ ⵍⵃⴻⵇⵇ.
ⴷⴻⴳ ⵡⴰⵙⵉⵔⴰ ⵏ ⵜⵏⴻⵖⵍⴰⴼⵜ ⵏ ⵡⴻⴷⵔⵉⵎ, ⵢⵉⵏⵖⵍⴰⴼⴻⵏ ⵙⵙⴻⵍⵡⴰⵢⴻⵏ ⵍⴻⵇⴷⵉⵛ ⵏ ⵓⵊⴻⵔⵔⴻⴷ ⵏ ⵜⵎⴰⵖⵓⵏⵜ-ⴰⴳⵉ ⴳⴰⵔ ⵓⵎⵙⴻⵍⵡⴰⵢ ⵏ ⵓⵙⵉⵔⴰ ⴰⵏⴰⵎⵎⴰⵙ ⴷ ⵓⵎⵙⴻⵍⵡⴰⵢ ⵏ ⵜⵏⴻⴱⴷⴰⴷⵜ ⵜⴰⵎⴰⵜⵓⵜ ⵏ ⵜⵔⴻⵣⵡⴰ.
ⵜⴰⵎⴰⵖⵓⵏⵜ-ⴰⴳⵉ ⵜⵓⵙⴰ-ⴷ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⴱⵔⵉⴷ ⵏ ⵓⵙⴻⵎⴹⴻⵏ ( ⵉ ⵢⴻⵍⵍⴰⵏ ⴷ ⵜⴰⴼⵔⴻⵏⵜ ⵜⴰⵙⵜⵔⴰⵜⵉⵊⵉⵜ ⵉ ⵓⵙⵎⴰⵢⵏⵓ ⵏ ⵜⵏⴻⴱⴷⴰⴷⵜ ⴷ ⵓⵙⵊⴻⵀⴻⴷ ⵏ ⵜⵎⴻⵔⵙⴻﻠⵉⵏ ⵏ ⵓⵡⴰⵏⴰⴽ. ⴷ ⵓⴽⴻⵎⵎⴻⵍ ⵏ ⵍⴻⵇⴷⵉⵛ ⵉ ⴳⴳⴰⵏ ⵙⵏⴰⵜ ⵏ ⵜⵏⴻⵖⵍⴰⴼⵉⵏ-ⴰⴳⵉ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⵎⵢⴻⵍⵍⴻⵍ ⴷ ⵓⵙⴷⵓⴽⴽⴻⵍ ⵏ ⵢⵉⵙⴰⵍⵍⴻⵏ ⴳⴰⵔ-ⴰⵙⴻⵏⵜ.
ⴰⵎ ⵢⴻⴽⴽⴰ ⵍⵇⴰⴷ, ⴰⵙⵓⵔ-ⴰⴳⵉ ⴰⴷ ⵢⴻⵙⵙⵉⵙⵀⴻⵍ ⵍⴻⵇⴷⵉⵛ ⵏ ⵓⵙⵉⵔⴰ ⴰⵏⴰⵎⵎⴰⵙ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵜⴰⴽⴻⵔⴹⴰ ⴷ ⵓⵄⴰⵙⵙ ⵉⵊⴻⵀⴷⴻⵏ ⵎⴳⴰⵍ ⴰⵙⵉⵣⴷⴻⴳ ⵏ ⵡⴻⴷⵔⵉⵎ ⵉ ⴷ-ⵢⴻⵜⵜⴰⵙⴻⵏ ⵙ ⵍⴱⴰⵟⴻⵍ. ⴰⵢⴰ ⴰⴷ ⵢⵉⵍⵉ ⵙ ⵓⵙⴻⵇⴷⴻⵛ ⵏ ⵢⵉⵙⴰⵍⵍⴻⵏ ⵏ ⵡⴰⴽⴰⵍ ⴷ ⵜⵔⴻⵣⵡⴰ ⵜⴰⵖⴻⵍⵏⴰⵡⵜ ⵙ ⵜⴼⴰⵡⵜ ⴷ ⵍⴰⵎⴰⵏ.
ⵜⴰⵎⴰⵖⵓⵏⵜ-ⴰⴳⵉ ⴰⴷ ⵜⴻⵙⵙⴻⴽⵏ ⵜⴰⵖⴻⵔⵜ ⵏ ⵓⵙⵉⵔⴰ ⴰⵏⴰⵎⵎⴰⵙ ⴷ ⵜⵎⴻⵔⵙⴻⵍⵉⵏ ⵏ ⵓⵡⴰⵏⴰⴽ ⵉ ⵡⴰⴽⴽⴻⵏ ⴰⴷ ⴷ-ⴱⴻⵢⵢⴻⵏⴻⵏ ⵍⴱⴰⵟⴻⵍ ⴷ ⵜⴽⴻⵔⴹⴰ ⵢⴻⵜⵜⵓⵜⵓⵢⴻⵏ ⵜⴰⴼⴰⵡⵜ ⴷ ⵍ lⵃⴻⵔⵎⴰ ⴷⴻⴳ ⵓⵙⴻⴳⴳⴻⵎ ⵏ ⵜⵎⵉⵙⴰⵍ ⵏ ⵓⴳⴷⵓⴷ ⴷ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ. ⵜⴰⴳⴳⴰⵔⴰ, ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴱⴻⵍⵍⵉ ⴰⵢⴰ ⴰⴷ ⵢⴻⵙⵙⴻⵎⵖⴻⵔ ⴰⵎⵢⴻⵍⵍⴻⵍ ⴳⴰⵔ ⵢⵉⴳⵔⴰⵡⴻⵏ ⵢⴻⵇⴷⴻⵛⴻⵏ ⴷⴰⴳⵉ ⴷⴻⴳ ⵜⵎⵓⵔⵜ ⵏⴻⵖ ⴷⵉ ⴱⴻⵔⵔⴰ.
ⴰⵔⵏⵓ ⵖⴻⵔ
