ⵜⴻⴽⵍⴻⵙ ⵜⵏⴻⴳⴳⴰ ⵜⴰⴷⵣⴰⵢⵔⵉⵜ ⵏ ⵓⵙⵎⴰⵍ ⵏ ⵓⵙⴼⵓⴽⵜⵉ, ⵙⴻⴳ ⵉ ⵜⴻⴱⴷⵓ ⵢⵉⵔⵎⴰⴷ-ⵏⵏⴻⵙ ⴷⴻⴳ ⵡⴻⵎⴱⴻⵔ 2022, ⵓⵊⴰⵔ ⵏ 19 ⵏ ⵢⵉⴳⵉⵎⴻⵏ ⵏ ⵢⵉⵙⴻⵏⴼⴰⵔⴻⵏ ⵢⴻⵜⵜⵡⴰⴱⴻⴷⵔⴻⵏ ⵙ ⵡⴰⵣⴰⵍ ⴰⴷⵔⵉⵎⴰⵏ ⵢⴻⵅⵍⴻⴹ ⵖⴻⵔ 8242 ⵏ ⵢⵉⵎⴻⵍⵢⴰⵔⴻⵏ ⵏ ⵢⵉⴷⵉⵏⴰⵔⴻⵏ (61 ⵏ ⵢⵉⵎⴻⵍⵢⴰⵔⴻⵏ ⵏ ⵢⵉⴷⵓⵍⴰⵔⴻⵏ), ⴰⵎⵎⴻⴽ ⵉ ⴷ-ⵢⴻⵏⵏⴰ ⴷⴻⴳ ⵡⴰⵙⵙ ⵏ ⵓⵙⵉⵏⴰⵙ, ⴰⵏⴻⵎⵀⴰⵍ-ⵏⵏⴻⵙ ⴰⵎⴰⵜⵓ ⵓⵎⴰⵔ ⵔⴻⴽⴽⴰⵛ, ⵉ ⴷ-ⵉⵡⴻⴽⴽⴷⴻⵏ ⴱⴻⵍⵍⵉ ⴰⴽⵜⴰⵎⵓⵔ ⵏ ⵡⴰⴷⴰⴼ ⴰⴷⴻⵜⵜⴰⵏ ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵓⵙⴻⴹⵔⴻⵡ ⵢⴻⵅⵍⴻⴹ ⵖⴻⵔ ⵢⵉⵙⵡⵉⵔⴻⵏ ⵢⴻⵙⵙⴻⵣⵀⴰⵢⴻⵏ.
ⴷⴻⴳ ⵡⴰⵙⵙ ⴰⵍⵖⵓⴷⴰⵏ ⵢⴻⵜⵜⵡⴰⵙⵓⴷⴷⵙⴻⵏ ⵙ ⵖⴻⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⴷ ⵜⵏⴻⴳⴳⴰ ⵜⴰⴷⵣⴰⵢⵔⵉⵜ ⵏ ⵓⵙⵎⴰⵍ ⵏ ⵓⵙⴼⵓⴽⵜⵉ, ⵉ ⵓⵙⴽⴰⵙⵉ ⵖⴻⴼ ⵜⴰⵎⵍⵉⵍⵜ ⵏ ⵓⵙⴻⵍⵖⵓ ⴰⵖⴻⵍⵏⴰⵡ ⴷⴻⴳ ⵓⵙⵎⴰⵍ ⵏ ⵓⵙⴼⵓⴽⵜⵉ ⴷ ⵓⵙⴻⴳⴷⴻⵔ ⵏ ⵜⵏⴻⵣⵖⴰ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵢⴻⵏⵏⴰ-ⴷ ⵎⴰⵙⵙ ⵔⴻⴽⴽⴰⵛ ⴱⴻⵍⵍⵉ ⴰⵎⴹⴰⵏ ⵏ ⵢⵉⵙⴻⵏⴼⴰⵔⴻⵏ ⵢⴻⵜⵜⵡⴰⴽⴻⵍⵙⴻⵏ ⴷⴻⴳ ⵓⵙⵡⵉⵔ ⵜⵏⴻⴳⴳⴰ-ⴰⵢⴰ ⴷⴻⴳ ⵜⴰⵍⵍⵉⵜ ⵏ 1 ⵡⴻⵎⴱⴻⵔ 2022 (ⴷ ⴰⵙⵙ ⴰⵎⴻⵣⵡⴰⵔⵓ ⴷⴻⴳ ⵍⴻⵇⴷⵉⵛⴰⵜ ⵏ ⵜⵏⴻⴳⴳⴰ-ⴰⵢⴰ) ⵎⵖⵉⵔ 21 ⵊⴻⵎⴱⴻⵔ-ⴰⵢⴰ ⵢⴻⵅⵍⴻⴹ ⵖⴻⵔ 19 ⵏ ⵢⵉⴳⵉⵎⴻⵏ ⴷ 45 ⵏ ⵢⵉⵙⴻⵏⴼⴰⵔⴻⵏ ⵢⴻⵜⵜⵡⴰⴱⴻⴷⵔⴻⵏ ⵙ ⵡⴰⵣⴰⵍ ⴰⴷⵔⵉⵎⴰⵏ ⵏ 8242 ⵏ ⵢⵉⵎⴻⵍⵢⴰⵔⴻⵏ ⵏ ⵢⵉⴷⵉⵏⴰⵔⴻⵏ, ⵉⵣⴻⵎⵔⴻⵏ ⴰⴷ ⵉⵔⴻⵥⵎⴻⵏ ⵓⵊⴰⵔ ⵏ 470 ⵏ ⵢⵉⴳⵉⵎⴻⵏ ⵏ ⵡⴰⵏⵙⴰⵢⴻⵏ ⵏ ⵓⵎⴰⵀⵉⵍ.
ⵜⴰⵛⵔⴰⵡⵜ-ⴰⵢⴰ ⵢⴻⵜⵜⵡⴰⴽⴻⵍⵙⴻⵏ ⵜⴻⵜⵜⴱⴰⵢⵢⴰⵏ ⵜⴰⴼⵍⴻⵙⵜ ⵏ ⵢⵉⵎⵙⴻⵎⵀⴰⵍⴻⵏ ⵉⴷⴰⵎⵙⴰⵏⴻⵏ ⵉⵖⴻⵍⵏⴰⵡⴻⵏ ⴷ ⵢⵉⵡⴻⵔⴷⴰⵏⵉⵢⴻⵏ ⴷⴻⴳ ⵢⵉⵙⵎⴻⵙⴽⴰⵍ ⵉⵎⴻⵇⵇⵕⴰⵏⴻⵏ ⵉⵙⴼⵓⴽⵜⴰⵏⴻⵏ ⵉ ⴷ-ⵉⴳⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵢⴻⵔⵏⵉ ⵜⵜⵡⴻⴽⴽⵉⴷⴻⵏ ⴱⴻⵍⵍⵉ ⴷⵣⴰⵢⴻⵔ ⵜⵓⵖⴰⵍ-ⴷ ⴷ ⴰⵙⴰⴽⴻⵏ ⵉⵔⴻⵥⵎⴻⵏ ⵏ ⵢⵉⵙⴻⵏⴼⴰⵔⴻⵏ ⵢⴻⵜⵜⴼⴰⵔⴰⵙⴻⵏ ⴷⴻⴳ ⵢⵉⴳⵣⵓⵎⴻⵏ ⵢⴻⵎⴳⴻⵔⵔⴰⴷⴻⵏ, ⴷ ⵓⴽⴽ ⵜⵉⵡⵉⵍⴰⵢⵉⵏ, ⵙ ⵢⵉⵙⵡⵉ ⵏ ⵓⵙⵏⴻⴳⵎⵓ ⴰⴳⴻⵍⵍⵓⵢⴰⵏ ⵓⵖⴷⵉⵎ ⴷ ⵓⵙⴻⴹⵔⴻⵡ ⵏ ⵡⴰⵏⵙⴰⵢⴻⵏ ⵏ ⵓⵅⴻⴷⴷⵉⵎ, ⴷ ⵜⵖⴰⵡⵙⴰ ⵉ ⴷ-ⵢⴻⵃⵔⴻⵣ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⴰⵔⵏⵓ ⵖⴻⵔ
