ⵜⴻⵙⵙⴻⵍⵡⴰⵢ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵎⴰⵙⵙⴰ ⵎⴰⵍⵉⴽⴰ ⴱⴻⵏⴷⵓⵓⴷⴰ, ⵉⴹⴻⵍⵍⵉ ⵏ ⵜⵜⵍⴰⵜⴰ, ⴷⴻⴳ ⵓⴼⵔⴰⴳ ⵏ ⵢⵉⴷⵍⴻⵙ "ⵎⵓⵓⴼⴷⵉ ⵣⴰⴽⴰⵔⵉⴰ", ⵙ ⵜⵉⵍⵉⵜ ⵏ ⵓⵎⴰⵙⵓⵏ ⵏ ⵜⴻⴳⴷⵓⴷⴰ ⵏ ⵜⵛⵉⴽ ⴷⴻⴳ ⵍⴻⵣⵣⴰⵢⴻⵔ, ⵉⵎⴰⵀⵉⵍⴻⵏ ⵏ ⵓⵙⵜⴻⵏⵢⵉ ⵏ ⵢⵉⵡⴻⵜ ⵏ ⵜⵓⴽⴽⵉⵙⵜ ⵏ ⵡⴻⴼⵀⴰⵎ (MoU) ⴰⵙⵔⴰⵜⵉⴷⵊⵉ ⴳⴰⵔ ⵓⵎⴰⵄⵀⴻⴷ ⴰⵖⴻⵍⵏⴰⵡ ⵓⵏⵉⴳ ⵏ ⵙⵙⵉⵏⵉⵎⴰ "ⵎⵓⵀⴰⵎⴻⴷ ⵍⵅⴰⴹⴻⵔ ⵃⴰⵎⵉⵏⴰ" ⴷ ⵜⴽⴰⴷⵉⵎⵉⵜ ⵏ ⵜⵥⵓⵔⵉⵡⵉⵏ ⵏ ⵓⵙⵇⴻⴹⵛⴻⵄ ⴷ ⵜⵙⴻⴷⴷⴰⵡⵉⵜ ⵏ ⵙⵙⵉⵏⵉⵎⴰ ⴷ ⵜⵉⵍⵉⵥⵔي ⵏ ⵒⵔⴰⴳⴳ (FAMU). ⴰⵢⴰⴳⵉ ⵢⴻⵍⵍⴰ-ⴷ ⵉ ⵓⵙⴼⴻⴳⴳⴻⵔ ⵏ ⵜⵎⴻⴽⵜⵉ ⵏ ⵡⴰⵙⵙ ⵏ ⵓⵏⴻⵍⵎⴰⴷ ⵉ ⴷ-ⵢⴻⵜⵜⴰⵙⴻⵏ ⴷⴻⴳ 19 ⵎⴰⵢⵓ, ⵙ ⴷⴷⴰⵡ ⵏ ⵓⵣⴻⵏⵣⵉⵖ: "ⴰⵙⵏⵓⵍⴼⵓ ⵉⵙⴷⵓⴽⴽⵓⵍ-ⴰⵖ, ⵉⴷⵍⴻⵙ ⵉⵜⴻⴱⵏⵓ ⵜⵉⵍⵉⵢⵉⵏ ⵏ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ".
ⵜⴰⵙⵙⴻⴽⵏⴻⴷ ⵜⵏⴻⵖⵍⴰⴼⵜ ⴷⴻⴳ ⵜⵎⴻⵙⵍⴰⵢⵜ-ⵉⵙ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⵉⵎⵉ ⵜⴻⵙⵙⴻⵏⴽⴰⴷ ⵜⴰⵎⵓⵖⵍⵉ ⵜⴰⵙⵔⴰⵜⵉⴷⵊⵉ ⵏ ⵜⵏⴻⵖⵍⴰⴼⵜ ⵉ ⵓⵙⵏⴻⵔⵏⵉ ⵏ ⵓⵙⵉⵍⴻⵖ ⵓⵏⵉⴳ ⵓⴼⵔⵉⵏ ⴷ ⵓⵙⵏⴻⴼⵍⵉ ⵏ ⵜⵉⵎⵓⵀⴻⵍ ⵜⵉⴷⴻⵍⵙⴰⵏⵉⵏ ⴷ ⵜⵉⴷ ⵏ ⵓⵙⵏⵓⵍⴼⵓ. ⵜⴻⵙⵙⴻⴽⵜⵉ-ⴷ ⴱⴻⵍⵍⵉ ⴱⵖⴰⵏ ⴰⴷ ⴷ-ⴼⴽⴻⵏ ⵜⴰⵡⵏⵏⴰⴹⵜ (environnement) ⵢⴻⵍⵀⴰⵏ ⵉ ⵓⵙⵉⵍⴻⵖ ⵏ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ ⵏ ⵢⵉⵍⴻⵎⵣⵢⴻⵏ ⵉ ⵉⵣⴻⵎⵔⴻⵏ ⴰⴷ ⴰⵡⵡⵉⵏ ⵙⵙⵉⵏⵉⵎⴰ ⵜⴰⵣⵣⴰⵢⵔⵉⵜ ⵖⴻⵔ ⵓⵙⵡⵉⵔ ⴰⴳⵔⴻⵖⵍⴰⵏ, ⵙ ⵓⵙⴻⴶⵀⴻⴷ ⵏ ⵡⴰⵍⵍⴰⵍⴻⵏ ⵏ ⵓⵙⵉⵍⴻⵖ ⴰⵙⴰⵏⵉⵎⴰⵜⵓⴳⵔⴰⴼⵉⵜ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵏⴻⵍⵎⴰⴷⴻⵏ, ⵢⵉⵙⴻⵍⵎⴰⴷⴻⵏ ⴷ ⵢⵉⵔⵎⵉⵜⴻⵏ ⵏ ⵜⵥⵓⵔⵉ ⴷ ⵜⵎⵓⵙⵏⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵉⵕⴻⵙⵙⴰⵏⴻⵏ.
ⵉⵡⴰⴽⴽⴻⵏ ⴰⴷ ⵏⵣⴻⵔ, ⵜⴰⴼⴰⵙⴽⴰ-ⴰⴳⵉ ⵏ ⵜⵥⵓⵔⵉ ⵜⵣⴻⵔ ⴰⵟⴰⵙ ⵏ ⵢⵉⵙⴻⵏⴽⴻⴷⴷⴻⵏ ⵏ ⵓⵙⵏⵓⵍⴼⵓ ⵏ ⵜⵉⴷⴻⵜ ⵉ ⴷ-ⴼⴽⴰⵏ ⵢⵉⵏⴻⵍⵎⴰⴷⴻⵏ ⵏ ⵜⵎⵓⵙⵏⵉⵡⵉⵏ ⵏ ⵓⵙⵉⵍⴻⵖ ⵏ ⵓⵏⵏⴰⵔ. ⵙⴻⴳ-ⵙⴻⵏ: ⵉⵎⵓⵔⴻⵏ ⵏ ⵓⵥⴰⵡⴰⵏ ⵓⴼⵔⵉⵏⴻⵏ ⵏ ⵓⵎⴰⵄⵀⴻⴷ ⴰⵖⴻⵍⵏⴰⵡ ⵓⵏⵉⴳ ⵏ ⵓⵥⴰⵡⴰⵏ ⴷ ⵡⵉⵏ ⵏ ⵜⴻⵎⵏⴰⵟ, ⴷ ⵓⵙⴻⵏⴽⴻⴷ ⵏ ⵓⵎⴻⵣⴳⵓⵏ ⵏ ⵓⵎⴰⵄⵀⴻⴷ ⵓⵏⵉⴳ ⵏ ⵜⵎⵓⵀⴰⵍ ⵏ ⵜⵥⵓⵔⵉⵡⵉⵏ ⵏ ⵓⵙⵇⴻⴹⵛⴻⵄ. ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⵙⴻⵏⴽⴻⴷⴷⴻⵏ ⵏ ⵓⵙⵓⵏⵏⴻⵖ ⴷ ⵜⵛⴻⵇⵇⴰⴼⵉⵏ ⵏ ⵓⵏⵃⴰⵜ ⵉ ⴷ-ⵅⴻⴷⵎⴻⵏ ⵢⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵓⵏⵉⴳ ⵏ ⵜⵥⵓⵔⵉⵡⵉⵏ ⵢⴻⵍⵀⴰⵏ ⴷ ⵡⵉⵏ ⵏ ⵜⵉⵒⴰⵣⴰ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵙⴻⵏⴽⴻⴷ ⵏ ⵢⵉⵙⴻⵏⴼⴰⵔⴻⵏ ⵏ ⵓⵃⵓⴷⴷⵓ ⵖⴻⴼ ⵓⴳⴻⵔⵔⵓⵊ ⴰⴷⴻⵍⵙⴰⵏ ⵙ ⵜⴰⵎⴰ ⵏ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵓⵏⵉⴳ ⵏ ⵓⵃⵔⴰⵣ ⵏ ⵢⵉⵍⴰ ⵉⴷⴻⵍⵙⴰⵏⴻⵏ ⴷ ⵓⵣⵉⵣⵣⴻⴷ-ⵏⵙⴻⵏ.
ⵜⵉⴳⴳⴰⵜⵉⵏ-ⴰⴳⵉ ⵎⵎⴰⵏ-ⴷ ⵍⵇⴻⴷⴷ ⵏ ⵓⵙⴻⵎⵎⵓⵣⵣⴻⴳ (diversity) ⴰⴷⴻⵍⵙⴰⵏ ⴷ ⵓⵥⵓⵔⴰⵏ ⵏ ⵜⵎⵓⵙⵏⵉⵡⵉⵏ ⵏ ⵓⵙⵉⵍⴻⵖ ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵓⵏⵏⴰⵔ. ⴷⴰⵖⴻⵏ, ⵜⴻⵙⵙⴻⵔⵔⴻⵚ ⵜⵓⵛⵛⵉⵜ ⵏ ⵜⵏⴻⵖⵍⴰⴼⵜ ⵉ ⵓⵙⴼⵓⵍⴻⵍ ⵏ ⵢⵉⵏⴻⵍⵎⴰⴷⴻⵏ-ⵉⵙ ⴷ ⵓⴷⴻⴳⴳⴻⵔ-ⵏⵙⴻⵏ ⵖⴻⵔ ⵓⵙⵏⵓⵍⴼⵓ, ⵉⵎⵉ ⵉⴷⵍⴻⵙ ⴷ ⵢⵉⵍⴻⵎⵣⵢⴻⵏ ⴷ ⵏⵓⵜⵏⵉ ⵉ ⴷ ⵍⵍⵙⴰⵙ ⵏ ⵓⵙⵏⴻⴼⵍي ⴷ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ.
ⴰⵔⵏⵓ ⵖⴻⵔ
