ⵍⴻⵇⴷⵉⵛ ⵏ ⵍⴰⵎⴰⵏ ⵉ ⴷ-ⵢⴻⵍⵍⴰⵏ ⴷⴻⴳ ⵙⴱⴰⵏⵢⴰ ⵎⴳⴰⵍ ⵢⵉⵡⴻⵜ ⵏ ⵜⵔⴰⴱⵄⵜ ⵏ ⵢⵉⴼⴻⵜⵜⴰⵏⴻⵏ ⵉ ⵢⴻⵣⵏⵓⵣⵓⵏ ⴷⴷⵔⵓⴳ ⵙ ⵢⵉⴱⵓⵔⴽⵉⵢⴻⵏ ⴷⴻⴳ ⵍⴻⴱⵃⴻⵔ ⵏ ⵡⴰⵟⵍⴰⵏⵜⵉ, ⵢⴻⵙⴱⴻⵢⵢⴻⵏ-ⴷ ⴱⴻⵍⵍⵉ ⵍⵎⴰⵔⵓⴽ ⴷ ⴰⴱⵔⵉⴷ ⴰⵎⴻⵇⵇⵔⴰⵏ ⵏ ⵙⵙⵎⴰⵜ-ⴰⴳⵉ ⵖⴻⵔ ⵜⵎⵓⵔⴰ ⵏ ⵜⵓⵔⵓⴼⵜ.
ⵡⴰⵍⵖⵓ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ ⵏ ⵙⴱⴰⵏⵢⴰ ⵢⴻⵏⵏⴰ-ⴷ ⴱⴻⵍⵍⵉ ⵟⵟⴼⴻⵏ ⵓⴳⴰⵔ ⵏ 100 ⵏ ⵢⵉⵎⴷⴰⵏⴻⵏ, ⴷⴻⴳ-ⵙⴻⵏ ⴰⵟⴰⵙ ⵏ ⵍⵎⴰⵔⵓⴽⵉⵢⴻⵏ. ⵜⴰⵔⴱⴰⵄⵜ-ⴰⴳⵉ ⵜⴻⴳⴳⴰ ⴰⵣⴰⵍ ⵏ 57 ⵏ ⵢⵉⵜⵓⵏⵏⴻⵏ ⵏ ⵍⴽⵓⴽⴰⵢⵉⵏ ⵉ ⴷ-ⵙⵙⴻⴽⵛⴻⵎ ⵖⴻⵔ ⵜⵓⵔⵓⴼⵜ ⴷⴻⴳ ⵓⵙⴻⴳⴳⴰⵙ ⵉⵄⴻⴷⴷⴰⵏ.
ⴷⴻⴳ ⵍⴻⵇⴷⵉⵛ-ⴰⴳⵉ, ⵟⵟⴼⴻⵏ 10,400 ⴽⵍⴳ ⵏ ⴷⴷⵔⵓⴳ, 70 ⵏ ⵜⴽⴻⵔⵔⵓⵙⵉⵏ, 30 ⵏ ⵢⵉⵙⴰⴼⴰⵢⴻⵏ, ⴷ ⵡⴰⵍⵍⴰⵍⴻⵏ ⵏ ⵜⵜⴻⴽⵏⵓⵍⵓⵊⵢⴰ ⵢⴻⵙⵙⵡⴰⵏ ⴰⵣⴰⵍ ⵏ 2.5 ⵏ ⵢⵉⵎⵍⵢⵓⵏ ⵏ ⵢⵉⵔⵓ.
ⵉⵏⴰⴳⵎⴰⵢⴻⵏ ⵡⴰⵍⴰⵏ ⴱⴻⵍⵍⵉ ⵜⴰⵔⴱⴰⵄⵜ-ⴰⴳⵉ ⵜⴻⵙⴻⵇⴷⴰⵛ ⵢⵉⴱⵓⵔⴽⵉⵢⴻⵏ ⵏ ⵜⴰⵣⵣⵍⴰ ⵉ ⴷ-ⵉⵜⴻⴼⴼⵖⴻⵏ ⵙⴻⴳ ⵍⵎⴰⵔⵓⴽ ⴷ ⵙⴱⴰⵏⵢⴰ ⴰⴽⴽⴻⵏ ⴰⴷ ⴰⵡⵢⴻⵏ ⴷⴷⵔⵓⴳ ⵖⴻⵔ ⵢⵉⵙⴰⴼⴰⵢⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵜⵍⴻⵎⵎⴰⵙ ⵏ ⵍⴻⴱⵃⴻⵔ, ⴰⵢⴰ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⵍⵎⴰⵔⵓⴽ ⵓⵔ ⵢⴻⵣⵎⵉⵔ ⴰⴷ ⵢⴻⵄⴻⵙ ⵉⵔⵉⴼⴻⵏ-ⵉⵙ ⴷ ⵍⵎⴻⵔⵙⴰⵜ-ⵉⵙ.
ⵜⴰⵔⴱⴰⵄⵜ-ⴰⴳⵉ ⵜⴻⵙⴻⵇⴷⴻⵛ ⴰⵍⵍⴰⵍⴻⵏ ⵏ ⵢⵉⵙⴰⵜⴻⵍⵉⵜⴻⵏ ⴷ ⵜⵜⴻⵢⵡⴰⵍⵜ ⵢⴻⴼⴼⵔⴻⵏ ⵉ ⵡⴰⴽⴽⴻⵏ ⴰⴷ ⵅⴹⵓⵏ ⵉ ⵍⴰⵎⴰⵏ. ⴰⵎ ⵢⴻⴽⴽⴰ ⵍⵇⴰⴷ, ⵢⴻⴼⴼⴻⵖ-ⴷ ⴷⴻⴳ ⵓⵏⴰⴷⵉ ⴱⴻⵍⵍⵉ ⵜⴰⵔⴱⴰⵄⵜ-ⴰⴳⵉ ⵜⴻⴼⴽⴰ 12 ⵏ ⵢⵉⵎⵍⵢⵓⵏ ⵏ ⵢⵉⵔⵓ ⵉ ⵢⵉⵡⴻⵜ ⵏ ⵜⵡⴰⵛⵓⵍⵜ ⴰⴽⴽⴻⵏ ⴰⴷ ⵙⵙⵓⵙⵎⴻⵏ ⵖⴻⴼ ⵍⵎⵓⵜ ⵏ ⵢⵉⵡⴻⵏ ⵙⴻⴳ-ⵙⴻⵏ ⴷⴻⴳ ⵓⴱⵔⵉⴷ ⵏ ⵓⵀⴻⵔⵔⴻⴱ.
ⴷⴻⴳ ⵜⴰⴳⴳⴰⵔⴰ, ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⵍⵎⴰⵔⵓⴽ ⴷ ⴰⵎⴽⴰⵏ ⴰⵎⴻⵇⵇⵔⴰⵏ ⵏ ⵓⵀⴻⵔⵔⴻⴱ ⵏ ⴷⴷⵔⵓⴳ ⵉ ⵢⴻⵜⵜⵀⴻⴷⴷⵉⴷⴻⵏ ⵍⴰⵎⴰⵏ ⵏ ⵜⵓⵔⵓⴼⵜ ⴷ ⵜⵎⴻⵏⵏⴰⴹⵜ-ⴰⴳⵉ ⵎⴰⵕⵕⴰ.
ⴰⵔⵏⵓ ⵖⴻⵔ
