ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵎⴰⵙⵙ ⵙⵉⴼⵉ ⵖⴰⵔⵉⴱ ⵢⵓⵙⴰ-ⴷ ⴰⵙⵙ-ⴰ ⵏ ⵍⴻⵜⵍⴰⵜ ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵍⴻⵇⴷⵉⵛ ⵖⴻⵔ ⴱⴳⴰⵢⴻⵜ. ⴷⴻⴳ ⵜⵎⵓⵖⵍⵉ-ⴰⴳⵉ, ⴰⴷ ⴷ-ⵢⴻⵔⵔ ⵍⵍⵙⴰⵙ ⵉ ⵓⴱⴷⵓⴷ ⵏ ⵢⵉⵎⴻⵀⵍⴰⵏ ⵏ ⵓⵙⴻⵏⴼⴰⵔ ⵏ ⵓⵙⴻⵇⴷⴻⵛ ⴷ ⵓⵙⵏⴻⵔⵏⵉ ⵏ ⵍⵎⴻⵏⵊⴻⵎ ⵏ ⵣⵣⵉⵏⴽ ⴷ ⵔⵔⴻⵚⴰⵚ ⵉ ⵢⴻⵣⴷⵉⵏ ⴳⴰⵔ ⵜⵖⵉⵡⴰⵏⵜ ⵏ ⴰⵎⵉⵣⵓⵔ ⴷ ⵜⵉⵏ ⵏ ⵜⴰⵍⴰ ⵃⴰⵎⵣⴰ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵜⵏⴰⵖⵍⴰⴼⵜ ⵜⴰⵎⴻⵣⵡⴰⵔⵓⵜ, ⵜⴰⵎⵓⵖⵍⵉ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵓⵙⴰⵜⴻⴼ ⵏ ⵜⴰⵔⵔⴰⵢⵜ ⵉ ⴷ-ⵉⵙⴱⴻⴷⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵓⵃⵔⵉⵛ ⵏ ⵍⵎⴻⵏⵊⴻⵎ ⴷ ⵍⵍⵙⴰⵙ ⵉ ⵜⴷⴰⵎⵙⴰ ⵏ ⵜⵎⵓⵔⵜ, ⵉⵡⴰⴽⴽⴻⵏ ⴰⴷ ⵏⵏⴻⵇⵙⴻⵏ ⵓⴹⴼⴰⵔ ⵏ ⵏⵏⴻⴼⵟ ⵢⴻⵔⵏⴰ ⴰⴷ ⵙⵏⴻⵔⵏⵉⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ. ⴰⵙⴻⵏⴼⴰⵔ-ⴰⴳⵉ ⴷ ⵢⵉⵡⴻⵜ ⵏ ⵜⵎⴻⵔⵔⴻⵍⵜ ⵜⴰⵎⴻⵔⴽⴰⵏⵜ ⴷⴻⴳ ⵓⴱⵔⵉⴷ ⵏ ⵓⵃⴰⴷⴻⵔ ⵏ ⵜⴰⵏⴱⴰⴹⵜ ⵏ ⵜⵎⴳⵉⵏⵉ.
ⴷⴷⵓⴽⴽⵍⴻⵏ ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴷⴻⴳ ⵜⵎⵓⵖⵍⵉ-ⴰⴳⵉ: ⴰⵏⴻⵖⵍⴰⴼ ⵏ ⵏⵏⴻⴼⵟ ⴷ ⵍⵎⴻⵏⵊⴻⵎ ⵎⵓⵀⴰⵎⴻⴷ ⵄⴰⵔⵇⴰⴱ, ⴰⵏⴻⵖⵍاف ⵏ ⴷⴰⵅⴻⵍ ⴷ ⵓⵙⴰⵡⴰⴹ ⵙⴰⵉⴷ ⵙⴰⵢⵓⵓⴷ, ⴰⵏⴻⵖⵍⴰⴼ ⵏ ⵜⴰⵣⵎⴻⵔⵜ ⵎⵓⵔⴰⴷ ⵄⴰⵊⵊⴰⵍ, ⴷ ⵓⵏⴻⵖⵍⴰⴼ ⵏ ⵢⵉⵎⴻⵀⵍⴰⵏ ⵏ ⴱⴰⵢⵔⴻⴳ ⵄⴰⴱⴷⴻⵍⵇⴰⴷⴻⵔ ⴷⵊⴻⵍⵍⴰⵓⵓⵉ.
ⴰⵔⵏⵓ ⵖⴻⵔ
