ⵜⴻⵙⵎⴻⴷ ⵜⵎⴻⴷⴻⴱⴱⴻⵔⵜ ⵜⴰⵜⵉⴽⵏⵉⴽⵜ ⵜⴰⵖⴻⵍⵏⴰⵡⴻⵜ ⵍⴻⵇⴷⵉⵛ-ⵉⵙ ⴰⵎⴻⵇⵇⵔⴰⵏ ⵏ ⵓⴼⴼⵓⵙⵜ ⵏ ⵜⵎⵓⵣⵣⴰⵜ ⵜⵉⵍⴻⵎⵣⵉⵢⵉⵏ ⵉ ⴷ-ⵉⵍⵓⵍⴻⵏ ⴷⴻⴳ ⵢⵉⵙⴻⴳⴰⵙⴻⵏ 2012 ⴷ 2013 ⴷⴻⴳ ⵓⵏⴻⵣⵔⵓⴼ ⴰⵎⴻⵇⵇⵔⴰⵏ ⵏ ⵍⴻⵣⵣⴰⵢⴻⵔ, ⴷⴻⴳ ⵓⵏⵏⴰⵔ ⵏ ⵡⴰⵀⵉⵍ ⵏ ⵓⵙⵏⴻⵔⵏⵉ ⴷ ⵓⴼⴼⵓⵙⵜ ⵏ ⵜⵎⵓⵣⵣⴰⵜ, ⴰⴽⴽⴻⵏ ⵉ ⴷ-ⵢⴻⵜⵜⵡⴰⵙⵙⵏⴻⵏ ⵙⴳ ⵓⵎⵓⵍⵍⵉ ⵏ ⵍⴻⵣⵣⴰⵢⴻⵔ ⵏ ⴷⴷⴰⴱⴻﺨ ⵏ ⵓⴹⴰⵔ (ⴼⴰⴼ).
ⴷⴻⴼⴼⵉⵔ ⵎⵉ ⵜⴼⵓⴽⴽ ⵜⵙⴻⵎⵎⵉⵍⵜ ⵜⴰⵎⴻⵣⵣⴰⵔⵓⵜ ⴷⴻⴳ ⵜⴻⵎⵏⴰⴹⵉⵏ ⵏ ⵜⵓⴳⵓⵔⵜ ⴷ ⵍⵎⴻⵏⵉⵄⴰ, ⴰⵎⵀⴰⴷ ⵢⴻⵣⵔⵉⵏ, ⵉⴽⴻⵎⵎⴻⵍ ⵍⴻⵇⴷⵉⵛ-ⴰⴳⵉ ⵏ ⵡⴰⵙⵙ ⵏ ⵍⴵⴻⵎⵄⴰ ⵉⵡⴰⴽⴽⴻⵏ ⴰⴷ ⵉⵄⴻⵏⵏⵓ ⵙⵏⴰⵜ ⵏ ⵜⴻⵎⵏⴰⴹⵉⵏ ⵉ ⴷ-ⵢⴻⴳⵔⴰⵏ, ⴰⴷⵔⴰⵔ ⴷ ⵜⴰⵎⴰⵏⵔⴰⵙⵙⴻⵜ.
ⴷⴻⴳ ⵜⴻⵎⵏⴰⴹⵜ ⵏ ⴰⴷⵔⴰⵔ, ⵡⴰⵍⴰⵏ ⵓⴳⴰⵔ ⵏ 300 ⵏ ⵢⵓⵔⴰⵔⵓⵏ ⵉⵍⴻⵎⵣⵉⵢⴻⵏ, ⵎⴰ ⴷⴻⴳ ⵜⴰⵎⴰⵏⵔⴰⵙⵙⴻⵜ ⵍⵍⴰⵏ 360 ⵏ ⵢⵓⵔⴰⵔⵓⵏ ⵉ ⴷ-ⵢⵓⵙⴰⵏ.
ⵢⴻⴼⴽⴰ ⵜⴰⴳⴰⵔⴰ-ⵙ ⵡⴰⵀⵉⵍ-ⴰⴳⵉ ⵉⴹⴻⵍⵍⵉ ⵏ ⵙⵙⴻⴱⵜ ⴷⴻⴼⴼⵉⵔ ⵎⵉ ⵉⵄⴻⵏⵏⵓ 18 ⵏ ⵜⵍⵉⴽⴰⵜⵉⵏ ⵏ ⵍⵡⵉⵍⴰⵢⴰⵜ ⵏ ⵓⵏⴻⵣⵔⵓⴼ ⴰⵎⴻⵇⵇⵔⴰⵏ, ⵢⴻⴱⴹⴰⵏ ⵖⴻⴼ ⴽⵓⵥ ⵏ ⵜⴻⵎⵏⴰⴹⵉⵏ. ⴷⴻⴳ ⵜⵎⴻⵔⵏⵉⵡⵜ, ⵓⴳⴰⵔ ⵏ 2000 ⵏ ⵢⵓⵔⴰⵔⵓⵏ ⵉⵍⴻⵎⵣⵉⵢⴻⵏ ⵉ ⴷ-ⵢⴻⴹⴼⴻⵔ ⵡⴰⵀⵉⵍ ⵏ ⵓⵙⴻⵏⵇⴻⴷ, ⵙ ⴷⴷⴰⵡ ⵏ ⵓⴼⵓⵙ ⵏ ⵜⵎⴻⴷⴻⴱⴱⴻⵔⵜ ⵜⴰⵜⵉⴽⵏⵉⴽⵜ ⵜⴰⵖⴻⵍⵏⴰⵡⴻⵜ, ⵉ ⴷ-ⵉⵙⴻⵔⵙⴻⵏ ⵜⴰⵔⴱⴰⵄⵜ ⵜⴰⵎⴻⵇⵇⵔⴰⵏⵜ ⵏ ⵢⵉⵜⴽⵏⵉⴽⵉⵢⴻⵏ ⵉⵖⴻⵍⵏⴰⵡⴻⵏ.
ⵍⴻⵇⴷⵉⵛ-ⴰⴳⵉ ⵢⵓⵙⴰ-ⴷ ⴷⴻⴳ ⵓⵏⵏⴰⵔ ⵏ ⵜⵖⴰⵔⴰ ⵏ ⵜⵎⴻⴷⴻⴱⴱⴻⵔⵜ ⵜⴰⵜⵉⴽⵏⵉⴽⵜ ⵜⴰⵖⴻⵍⵏⴰⵡⴻⵜ ⵉⵡⴰⴽⴽⴻⵏ ⴰⴷ ⵢⴻⵙⵙⴻⵎⵖⴻⵔ ⵍⵍⵙⴰⵙ ⵏ ⵓⴼⵔⴰⵏ ⴷ ⵓⵙⴻⵎⵎⵉ ⵏ ⵢⵉⵡⴻⵏ ⵏ ⵓⵖⴱⴰⵍⵓ ⵏ ⵜⵎⵓⵣⵣⴰⵜ ⵜⵉⵍⴻⵎⵣⵉⵢⵉⵏ ⵉ ⴷ-ⵢⴻⵜⵜⴰⵣⵣⴰⵍⴻⵏ, ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⴰⴼⵓⵙ ⵏ ⵜⴰⵍⵍⴻⵍⵜ ⵉ ⵜⵉⵔⵎⴰⵙ ⵜⵉⵖⴻⵍⵏⴰⵡⵉⵏ ⵖⴻⵔ ⵣⴷⴰⵜ.
ⴰⵔⵏⵓ ⵖⴻⵔ
