ⵜⴻⴱⴱⴻⵔⵔⴻⵃ-ⴷ ⵜⴰⴳⴻⵏⵙⴰⵏⵜ ⵜⴰⵣⵣⴰⵢⵔⵉⵜ ⵏ ⵓⵙⵓⴼⴼⴻⵖ ⵏ ⵢⵉⴷⵍⴻⵙ (AARC), ⴰⵙⵙ-ⴰ ⵏ ⵜⵍⴰⵜⴰ, ⵖⴻⴼ ⵓⵍⴷⴰⵢ ⵏ "ⵜⴰⴱⵓⵛⵉⵍⵜ ⵜⴰⵖⴻﻠⵏⴰⵡⵜ ⵏ ⵜⵖⵓⵔⵉ 2026 - ⵎⵓⵃⴰⵎⵎⴻⴷ ⴷⵉⴱ", ⵉ ⵢⵉⵍⴻⵎⵣⵉⵢⴻⵏ ⵉⵣⵣⴰⵢⵔⵉⵢⴻⵏ. ⵜⴰⵥⵔⵉⴳⵜ ⵏ ⵓⵙⴻⴳⴳⴰⵙ-ⴰ ⵜⴻⵜⵜⵓⵏⴻⴼⴽ ⵉ ⵔⵔⴰⵢⴻⵙ ⵏ ⵜⵙⴻⴽⵍⴰ ⵏ ⵓⵎⴻⵏⵏⵓⵖ ⴷⵉ ⵍⴻⵣⵣⴰⵢⴻⵔ, ⴰⵎⴻⵙⴽⴰⵔ ⵎⵓⵃⴰⵎⵎⴻⴷ ⴷⵉⴱ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⴳⴻⵏⵙⴰⵏⵜ.
ⵢⴻⵏⵏⴰ-ⴷ ⵡⴰⵍⵖⵓ-ⴰⴳⵉ ⴱⴻⵍⵍⵉ ⵔⵔⵉⴼ ⵏ ⵜⵎⴻⴽⵜⵉ ⵏ ⵍⵄⵉⴷ ⵏ ⵔⵔⴻⴱⴰⵃ (عيد النصر), ⵙ ⴷⴷⴰⵡ ⵏ ⵓⴼⵓⵙ ⵏ ⵜⵎⴰⵡⴰⵙⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵜⴻⵍⴷⴰ ⵜⴻⴱⵓⵛⵉⵍⵜ-ⴰⴳⵉ ⵉⵡⴰⴽⴽⴻⵏ ⴰⴷ ⵙⴶⴻⵀⴷⴻⵏ ⵜⵉⵎⴻⵏⵜⵉⵍⵜ ⵏ ⵜⵖⵓⵔⵉ ⴳⴰⵔ ⵢⵉⵍⴻⵎⵣⵉⵢⴻⵏ, ⴷ ⵜⴰⵊⵎⵉⵍⵜ ⵉ ⵢⵉⵡⴻⵏ ⵙⴻⴳ ⵢⵉⵎⴻⵇⵇⵔⴰⵏⴻⵏ ⵏ ⵜⵙⴻⴽⵍⴰ ⵜⴰⵣⵣⴰⵢⵔⵉⵜ.
ⵜⴰⴱⵓⵛⵉⵍⵜ-ⴰⴳⵉ ⵜⵄⴻⵏⵏⴰ ⴰⴽⴽ ⵢⵉⵣⵣⴰⵢⵔⵉⵢⴻⵏ ⵉ ⵢⴻⵙⵄⴰⵏ ⴳⴰⵔ 18 ⴷ 35 ⵏ ⵢⵉⵙⴻⴳⴳⴰⵙⴻⵏ. ⵉⵍⴰⵇ-ⴰⵙⴻⵏ ⴰⴷ ⵖⵔⴻⵏ ⴷⵖⴰ ⴰⴷ ⵙⴶⴻⵣⵣⵍⴻⵏ (résumer) ⴽⵔⴰ ⵏ ⵡⴻⴷⵍⵉⵙⴻⵏ ⵏ ⵎⵓⵃⴰⵎⵎⴻⴷ ⴷⵉⴱ ⵙ ⵜⵄⵔⴰⴱⵜ ⵏⴻⵖ ⵙ ⵜⴻⴼⵔⴰⵏⵙⵉⵙⵜ.
ⴰⴼⵔⴰⵏ ⴰⵎⴻⵣⵡⴰⵔⵓ ⴰⴷ ⵢⵉⵍⵉ ⴷⴻⴼⴼⵉⵔ ⵜⵖⵓⵔⵉ ⴷ ⵓⵙⴶⴻⵣⵣⴻⵍ ⵏ ⵡⴻⴷⵍⵉⵙ ⴰⵎⴻⵣⵡⴰⵔⵓ "ⴰⵅⵅⴰⵎ ⴰⵎⴻⵇⵇⵔⴰⵏ" (La Grande Maison). ⴷⴻⴼⴼير-ⴰⵙ, ⵡⵉⴷ ⴰⵔⴰ ⵢⴻⴼⴼⵖⴻⵏ ⴰⴷ ⴰⵙⴻⵏ-ⴷ-ⴰⵣⵏⴻⵏ ⵢⵉⵙⵎⴰⵡⴻⵏ ⵏ ⵡⴻⴷⵍⵉⵙⴻⵏ ⵏⵏⵉⴹⴻⵏ ⵢⴰⵍ ⵜⵉⴽⴽⴻⵍⵜ.
ⵜⴰⴳⴻⵏⵙⴰⵏⵜ ⵜⴻⵙⵙⴰⵡⴻⵍ ⵉ ⵡⵉⴷ ⵢⴻⴱⵖⴰⵏ ⴰⴷ ⴽⴽⴻⵏ ⴷⴻⴳ ⵜⴻⴱⵓⵛⵉⵍⵜ-ⴰⴷ ⴰⴷ ⴷ-ⴰⵣⵏⴻⵏ ⴰⴳⵣⵓⵍ ⵏ ⵡⴻⴷⵍⵉⵙ "ⴰⵅⵅⴰⵎ ⴰⵎⴻⵇⵇⵔⴰⵏ" ⵇⴱⴻⵍ 13 ⵢⴻⴱⵔⵉⵔ ⵉ ⴷ-ⵉⵜⵜⴻⴷⴷⵓⵏ ⵖⴻⵔ ⵜⴰⵏⵙⴰ-ⴰⴳⵉ: dib.lecture@gmail.com, ⴰⴽⴽⴻⴷ ⵢⵉⵙⴰⵍⵍⴻⵏ ⵏ ⵏⵏⴻⴼⵙ ⴷ ⵜⴽⴰⵔⴹⴰ ⵏ ⵜⵎⴰⴶⵉⵜ (ID).
ⴰⴳⵣⵓⵍ-ⴰⴳⵉ ⴰⴷ ⵜ-ⵜⴻⵖⵔⵓ ⵜⴻⵙⵇⵓⵎⵜ ⵏ ⵓⴼⵔⴰⵏ ⵏ ⵢⵉⵙⴻⵍⵎⴰⴷⴻⵏ ⴷ ⵢⵉⵎⵓⵙⵙⵏⴰⵡⴻⵏ. ⵡⵉⴷ ⴰⵔⴰ ⵢⴻⴼⴼⵖⴻⵏ ⴷ ⵢⵉⵎⴻⵣⵡⵓⵔⴰ ⴰⴷ ⴽⴽⴻⵏ ⴷⴻⴳ "ⵜⵏⴻⵣⴷⵓⵖⵜ ⵏ ⵜⵖⵓⵔⵉ" ⴷⵉ "ⴷⴰⵔ ⵄⴰⴱⴷⴻⵍⵍⴰⵟⵉⴼ" ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉⵡⴰⴽⴽⴻⵏ ⴰⴷ ⵀⴻⵢⵢⵉⵏ ⵉ ⵓⴽⴰⵢⴰⴷ ⵏ ⵜⵉⵔⴰ ⴷ ⵡⴰⵡⴰⵍ ⵣⴷⴰⵜ ⵏ ⵜⴻⵙⵇⵓⵎⵜ.
ⴷⴻⴳ ⵜⴰⴳⴳⴰⵔⴰ, ⴰⴷ ⵜⵉⵍⵉ ⵜⴰⵊⵎⵉⵍⵜ ⴷ ⵡⴰⵔⵔⴰⵣⴻⵏ ⵏ ⵍⵎⴰⵍ ⵉ ⵡⵉⴷ ⴰⵔⴰ ⵢⴻⵔⴱⵃⴻⵏ: 200.000 ⴷⴊ ⵉ ⵓⵎⴻⵣⵡⴰⵔⵓ, 150.000 ⴷⴊ ⵉ ⵡⵉⵙ ⵙⵉⵏ, ⴷ 100.000 ⴷⴊ ⵉ ⵡⵉⵙ ⵜⵍⴰⵜⴰ.
ⴰⵔⵏⵓ ⵖⴻⵔ
