ⵜⴻⵙⵙⴻⴽⵏⴻⴷ ⵜⵙⵏⵓⵔⴻⴼⵜ ⵜⴰⵍⵎⴰⵏⵜ ⵓⴼⵔⵉⵏⴻⵏ ⴷⴻⴳ ⵜⴻⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ "ⴱⴰⵢⴻⵔ", ⵍⴻⴱⵖⵉ-ⵙ ⵉ ⵓⵙⴻⴶⵀⴻⴷ ⵏ ⵜⵉⵍⵉⵜ-ⵉⵙ ⴷⴻⴳ ⵓⴳⴻⴷⴻⵣ (ⵙⵙⵓⵇ) ⴰⵣⵣⴰⵢⵔⵉ ⴷ ⵓⵙⵙⴻⵎⵖⴻⵔ ⵏ ⵢⵉⵏⵏⴰⵔⴻⵏ ⵏ ⵓⵎⵢⴻⵛⵛⴻⵔ ⴷ ⵢⵉⵎⵉⴳⴰⵡⴻⵏ ⵜⴰⵖⴻⵍⵏⴰⵡⴻⵏ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵉ ⵢⴻⵙⴷⵓⴽⴽⵍⴻⵏ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ, ⵎⴰⵙⵙ ⵡⴰⵙⵙⵉⵎ ⴽⵓⵓⵉⴷⵔⵉ, ⴷ ⵜⵙⴻⵍⵡⴰⵢⵜ ⵡⵉⵙ ⵙⵉⵏ ⵏ ⵓⵎⵓⵍⵍⵉ, ⵎⴰⵙⵙⴰ ⵎⵉⵍⴷⵔⴻⴷ ⵏⴰⴷⴰⵀ-ⵒⵉⵜⵜⴰ.
ⴰⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⴰⵜⵉⴳ ⵏ ⵡⴰⴷⴷⴰⴷ ⵏ ⵓⵎⵢⴻⵛⵛⴻⵔ ⵉⵕⴻⵙⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⴰⵍⵎⴰⵏ ⴷⴻⴳ ⵓⵏⵏⴰⵔ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ ⵙ ⵓⴱⵔⵉⴷ ⵏ ⵓⴼⵓⵔⴽ ⵏ ⵓⵎⵓⵍⵍⵉ "ⴱⴰⵢⴻⵔ ⵍⴻⵣⵣⴰⵢⴻⵔ". ⴷⴰⵖⴻⵏ, ⵇⴻⵔⴷⵛⴻⵏ ⵢⵉⵙⵏⵉⵢⴰⵍⴻⵏ ⵏ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵉⵡⴰⴽⴽⴻⵏ ⴰⴷ ⴷ-ⵜⴰⵡⴻⴹ ⵉ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⵓⵟⵎⴰⵏ ⵏ ⵜⵉⵎⵓⵎⴻⵏⵜ ⵏ ⵜⴰⵣⵣⵉⵜ .
ⴰⵏⴻⵖⵍⴰⴼ ⵉⵙⵔⴻⵚ, ⴷⴻⴳ ⵜⴰⵍⵍⵉⵜ-ⴰⴳⵉ, ⴱⴻⵍⵍⵉ ⴰⴷⴰⴱⵓ ⴰⴳⴷⵓⴷⴰⵏ ⵡⵊⴻⴷ ⵉ ⵓⵙⴼⵓⵍⴻⵍ ⵏ ⵢⵉⵎⵛⴻⴷⴷⵉⵡⴻⵏ ⵉⴷⴰⵎⵙⴰⵏⴻⵏ ⵓ ⴰⴷ ⴷ-ⵉⵀⴻⵢⵢⴰ ⵜⵉⴳⵏⴰⵜⵉⵏ ⵉⵕⴻⵙⵙⴰⵏⴻⵏ ⵉ ⵓⵡⴻⵣⵣⵉ ⵏ ⵢⵉⵙⵙⴻⵜⵎⴰⵔⴻⵏ ⵢⴻⵙⵄⴰⵏ ⴰⵣⴰⵍ ⵏ ⵜⵎⴻⵔⵏⴰ. ⴰⵢⴰⴳⵉ ⵉ ⵓⵙⴻⴶⵀⴻⴷ ⵏ ⵜⵉⵎⵓⵎⴻⵏⵜ ⵏ ⵜⴰⵣⵣⵉⵜ ⵏ ⵜⵎⵓⵔⵜ ⴷ ⵓⵙⴱⴻⴷⴷⵉ ⵏ ⵍⴻⵣⵣⴰⵢⴻⵔ ⴰⵎ ⵡⴰⵎⵎⴰⵙ ⵏ ⵜⵎⴻⵏⵏⴰⵟ ⴷⴻⴳ ⵓⵏⵏⴰⵔ ⵏ ⵜⴻⵎⴳⵓⵔⵉ ⵜⴰⵙⴰⴼⴰⵔⴰⵏⵜ.
ⵙⴻⴳ ⵜⴰⵎⴰ-ⵙ, ⵜⴰⵎⵙⵉⵡⴻⵍⵜ ⵏ ⵜⵙⵏⵓⵔⴻⴼⵜ "ⴱⴰⵢⴻⵔ" ⵜⴻⵙⵙⴻⴽⵏⴻⴷ ⵍⴻⴱⵖⵉ ⵏ ⵓⵎⵓⵍⵍⵉ ⵉ ⵓⵙⵙⴻⵎⵖⴻⵔ ⵏ ⵓⵎⴰⵀⵉⵍ-ⵉⵙ ⴷⴻⴳ ⵍⴻⵣⵣⴰⵢⴻⵔ, ⵉⵙⵍⴻⵎ-ⴷ ⵙ ⵜⵉⴷⴷⵢ ⵉ ⵢⴻⵣⵔⴰ ⵓⵏⵏⴰⵔ-ⴰⴳⵉ ⴷ ⵜⵣⴻⵎⵎⴰⵔ ⵉ ⴷ-ⵉⵟⵟⴰⴽ ⵉ ⵜⴷⵓⴽⵍⵉ ⴷ ⵓⵙⵙⴻⵜⵎⴻⵔ.
ⴰⵔⵏⵓ ⵖⴻⵔ
