ⵜⴻⵙⵎⴻⴽⵜⵉ-ⴷ ⵜⵏⴻⵖⵍⴰⴼⵜ ⵏ ⵜⴻⵣⵎⴻⵔⵜ ⵙ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⴷ ⵢⵉⵙⴻⴽⴽⵉⵍⴻⵏ ⵉ ⴷ-ⵢⴻⵜⵜⵡⴰⵙⴻⵔⵙⴻⵏ ⴷⴻⴳ ⵍⴻⵇⴷⵉⵛ ⵏ ⵟⵟⵀⴰⵕⴰ ⵏ ⵡⴰⵔⵔⴰⵛ, ⵉⵎⵉ ⴰⵟⴰⵙ ⵏ ⵜⵡⴰⵛⵓⵍⵉⵏ ⵉ ⵢⴻⵜⵜⵃⴻⴱⴱⵉⵔⴻⵏ ⴰⴷ ⵟⴻⵀⵀⵔⴻⵏⵜ ⵉ ⵡⴰⵔⵔⴰⵡ-ⵏⵙⴻⵏⵜ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ, ⴰⴽⴽⴻⵏ ⵉ ⵜ-ⵉⴷ-ⵢⴻⵡⵡⵉ ⴰⵙⵙ-ⴰ ⵏ ⵍⵃⴻⴷⴷ ⵢⵉⵡⴻⵏ ⵏ ⵡⵓⵍⵖⵓ ⵏ ⵜⵏⴻⵖⵍⴰⴼⵜ.
ⵎⴱⴻⵄⴷ ⵎⵉ ⴷ-ⵜⴻⵙⵎⴻⴽⵜⵉ ⴱⴻⵍⵍⵉ ⴰⵟⴰⵙ ⵏ ⵜⵡⴰⵛⵓⵍⵉⵏ ⵜⵉⵣⵣⴰⵢⵔⵉⵢⵉⵏ ⵉ ⵉⵙⴻⵎⵎⵃⴻⵏ ⴰⴷ ⵟⴻⵀⵀⵔⴻⵏⵜ ⵉ ⵡⴰⵔⵔⴰⵡ-ⵏⵙⴻⵏⵜ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ, ⴰⵏⴷⴰ ⵜⵜⵉⵎⵖⵓⵔⴻⵏⵜ ⵜⵏⴻⵟⵟⵉⵢⵉⵏ-ⴰ ⴷⴻⴳ ⵙⴱⵉⵜⴰⵔⴰⵜ ⴷ ⵜⴽⵍⵉⵏⵉⴽⵉⵏ ⵜⵓⵙⵙⵍⵉⴳⵉⵏ, ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵓⵏⴰⴳⵔⴰⵡ ⵉ ⴷ-ⵢⴻⵜⵜⵡⴰⵙⴻⵔⵙⴻⵏ ⵉ "ⵢⴻⵙⵙⴻⵃⵜⴰⵎⴻⵏ ⴰⴷ ⵜⵉⵍⵉ ⵟⵟⵀⴰⵕⴰ ⴷⴻⴳ ⵡⴰⵎⵎⴰⵙ ⴰⵙⴱⵉⵜⴰⵔⴰⵏ, ⴰⵎⴰ ⴷ ⴰⵣⴰⵢⴻⵣ ⵏⴻⵖ ⴷ ⵓⵙⵙⵍⵉⴳ, ⵙ ⵛⵛⴻⵔⴹ ⴰⴷ ⵢⵉⵍⵉ ⵉⵀⴻⴳⴳⴰ ⵙ ⵡⴰⵢⴻⵏ ⴰⴽⴽ ⵉⵍⴰⵇⴻⵏ ⵉ ⵜⴻⵣⵎⴻⵔⵜ, ⵢⴻⵔⵏⴰ ⴷ ⴰⵎⵙⵓⵊⵊⵉ ⵓⵣⵣⵉⴳ ⴷⴻⴳ ⵜⴻⵊⵔⴰⵃⵜ ⴰⵔⴰ ⵜⵜ-ⵢⴻⵅⴻⴷⵎⴻⵏ".
ⵜⴻⵙⵙⴻⴱⴳⴻⵏ-ⴷ ⴷⴰⵖⴻⵏ "ⴰⵣⴰⵍ ⵏ ⵜⵉⴳⵉⵏ ⵏ ⵜⵃⴰⵍⵍⵉⵢⵉⵏ ⵜⵉⵎⵙⵓⵊⵊⵉⵢⵉⵏ ⵓⵇⴱⴻⵍ ⵟⵟⵀⴰⵕⴰ", ⵉ ⴷ-ⵢⴻⵎⵎⴰⵍⴻⵏ ⵉ ⵓⵎⵙⵓⵊⵊⵉ ⵏ ⵜⴻⵊⵔⴰⵃⵜ ⵎⴰ ⵢⴻⵍⵍⴰ ⴰⵇⵛⵉⵛ-ⵏⵏⵉ ⵢⴻⵡⵊⴻⴷ ⵉ ⵜⵏⴻⵟⵟⵉⵜ.
ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ "ⵢⴻⵜⵜⵡⴰⴳⴷⴻⵍ ⵙ ⵍⵇⴰⵟⴻⵄ ⴰⴷ ⵜⵉⵍⵉ ⵟⵟⵀⴰⵕⴰ ⴱⴻⵕⵕⴰ ⵏ ⵢⵉⵃⵔⵉⵛⴻⵏ ⵏ ⵜⴻⵊⵔⴰⵃⵜ ⵏ ⵙⴱⵉⵜⴰⵔⴰⵜ ⵉⵣⵓⵢⴰⵣ ⴷ ⵜⴽⵍⵉⵏⵉⴽⵉⵏ ⵜⵓⵙⵙⵍⵉⴳⵉⵏ ⴷⴻⴳ ⵡⴰⴽⴽ ⴰⴽⴰⵍ ⴰⵖⴻⵍⵏⴰⵡ", ⵜⴻⵙⵙⴰⵡⴻⵍ-ⴷ ⴰⴽⴽⴻⵏ ⵓⵔ ⵜⵜⴰⴵⴵⴰⵏⵜ ⴰⵔⴰ ⵟⵟⵀⴰⵕⴰ-ⴰ ⴰⵏⴰⴳⴰⵔ ⵉ ⵢⵉⴹ ⵏ ⵙⴻⴱⵄⴰ ⵓ ⵄⴻⵛⵔⵉⵏ (27) ⵏ ⵡⴰⴳⴳⵓⵔ ⵏ ⵔⴻⵎⴹⴰⵏ.
ⴰⵔⵏⵓ ⵖⴻⵔ
