ⵜⴱⴻⵔⵔⴰ-ⴷ ⵜⵏⴻⵖⵍⴰⴼⵜ ⵏ ⵜⴼⴻⵍⵍⴰⵃⵜ, ⵜⵏⴻⴼⵍⵉ ⵏ ⵜⵓⴷⴷⴰⵔ ⴷ ⵜⵚⴻⴳⵡⴰ ⵏ ⵢⵉⵍⴻⵍ, ⵡⴰⵙⵙ-ⴰ ⵏ ⵍⵃⴻⴷ ⴷⴻⴳ ⵓⴷⵢⴰⵏ-ⵉⵙ, ⵙ ⴽⵔⴰ ⵏ ⵢⵉⵎⴻⵀⵍⴰⵏ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵎⴻⴳⵔⴰ ⴷ ⵓⴼⵔⴰⵖ ⵏ ⵓⴼⴰⵔⵉⵙ ⵏ ⵢⵉⴼⴻⵍⵍⴰⵃⴻⵏ, ⴳⴰⵔ-ⴰⵙⴻⵏ ⴰⵙⴻⵏⴽⴻⵔ ⵏ ⵜⴰⵏⵙⴰ ⵓⵙⴻⵍⴽⵓⵎ ⵉ ⵓⵙⵓⵜⵓⵔ ⵏ ⵜⵎⴰⴳⴳⴰⵔⵉⵏ (ⵎⵓⵉⵙⵙⵓⵏⵏⴻⵓⵙⴻⵙ), ⴰⴽⴽⴻⴷ ⵓⵟⵎⴰⵏ ⵏ ⵓⴳⴰⵔ ⵏ ⵡⴰⵍⵍⴰⵍⴻⵏ ⵏ ⵓⵅⴻⴷⴷⵉⵎ.
ⵜⵙⴻⴳⵣⵉ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⴳⴰⵔ ⵢⵉⵎⴻⵀⵍⴰⵏ-ⴰⴳⵉ ⵜⴻⵍⵍⴰ ⵜⴰⵏⵙⴰ ⵃⴰⵙⵙⴰⴷ.ⴷⵣ, ⵉⵡⴰⴽⴽⴻⵏ ⵉⴼⴻⵍⵍⴰⵃⴻⵏ ⴰⴷ ⵙⵓⵜⵔⴻⵏ ⵜⵎⴰⴳⴳⴰⵔⵉⵏ, "ⴰⴽⴽⴻⴷ ⵓⵙⵓⵏⴻⵍⵡⵓ ⵏ ⵓⴳⴰⵔ ⵏ 1300 ⵏ ⵜⵎⴰⴳⴳⴰⵔⵉⵏ ⵉⵡⴰⴽⴽⴻⵏ ⴰⴷ ⴷ-ⵎⴰⴳⵔⴻⵏ ⵍⵉⵅⵚⴰⵙ ⵉ ⵢⴻⵍⵍⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ, ⵙ ⵓⴼⵓⵙ ⵏ ⵡⴰⵎⵎⴰⵙ ⵏ ⵍⴻⵣⵣⴰⵢⴻⵔ ⵏ ⵜⵏⴻⵣⵣⵓⵜ ⵏ ⵢⵉⵔⴷⴻⵏ (ⵓⴰⵉⵛ) ⴷ ⵜⴽⴻⴱⴱⴰⵏⵉⵜ 'ⴰⴳⵔⵓⴷⵔⵉⵠⴻ'".
ⴷⴻⴳ ⵓⵏⴰⴳⵔⴰⵡ ⵏ ⵓⴹⴼⴰⵔ ⵏ ⵢⵉⴼⴻⵍⵍⴰⵃⴻⵏ ⴷⴻⴳ ⵜⵎⴻⴳⵔⴰ ⵏ ⵜⵙⴻⵎⵓⵢⵜ-ⴰⴳⵉ, ⵉ ⵢⴻⵍⵍⴰⵏ ⴷ ⵜⵉⵏ ⵏ ⵏⴼⴰⵄ ⴰⵎⴰ ⴷⴻⴳ ⵡⴰⵏⵏⴰⵔ ⵏ ⵜⵎⴰⵃⵉⵏ (ⵙⵓⵔⴼⴰⵛⴻⵙ) ⵏⴻⵖ ⴷⴻⴳ ⵍⵇⴻⴷⴷ ⵏ ⵓⴼⴰⵔⵉⵙ ⵉ ⴷ-ⵢⴻⵜⵜⵓⵔⴰⵞⵓⵏ, ⵢⴻⵜⵜⵡⴰⵇⵇⴻⵔ-ⴷ ⴱⴻⵍⵍⵉ ⵉⴼⴻⵍⵍⴰⵃⴻⵏ ⵓⵔ ⵏⴻⵙⵄⵉ ⴰⵔⴰ ⵍⴽⴰⵕⴹⴰ ⵏ ⵓⴼⴻⵍⵍⴰⵃ ⵣⴻⵎⵔⴻⵏ ⴰⴷ ⴷ-ⴼⴽⴻⵏ ⵓⴼⴰⵔⵉⵙ-ⵏⵙⴻⵏ ⵖⴻⵔ ⵜⵓⴷⴷⵙⴰ ⵏ ⵢⵉⵔⴷⴻⵏ ⴷ ⵍⵅⵉⴹⴹⴻⵔ, ⵙ ⵓⴱⵔⵉⴷ ⵏ ⵓⴷⵢⴰⵏ ⵏ ⵓⴼⴰⵔⵉⵙ ⴷⴰⵅⴻⵍ ⵏ ⵜⴰⵏⵙⴰ ⵃⴰⵙⵙⴰⴷ.ⴷⵣ ⵏⴻⵖ ⵙ ⵔⵔⴻⵣ ⵖⴻⵔ ⵢⵉⵎⴷⴻⴱⴱⵔⴻⵜ ⵏ ⵜⵎⴻⵣⵣⴰⵢⵉⵏ ⵏ ⴷⴰⵅⴻⵍ ⵉ ⴷ-ⵢⴻⵣⴳⴰⵏ ⵣⴷⴰⵜ-ⵏⵙⴻⵏ.
ⴷⴰⵖⴻⵏ, ⵢⴻⵜⵜⵡⴰⵙⴻⵔⵙ ⵓⴳⴰⵔ ⵏ ⵡⴰⵍⵍⴰⵍⴻⵏ ⵏ ⵜⵎⴰⴳⴳⴰⵔⵉⵏ ⵉ ⵢⵉⴼⴻⵍⵍⴰⵃⴻⵏ ⴷⴻⴳ ⵓⵏⴰⴳⵔⴰⵡ ⵏ ⵜⵣⴻⵎⵎⵉⵍⵜ ⵉ ⵢⴻⵍⵍⴰⵏ ⴳⴰⵔ ⵜⴽⴻⴱⴱⴰⵏⵉⵜ ⵏ ⵓⴼⵔⴰⵖ ⵏ ⵡⴰⵍⵍⴰⵍⴻⵏ ⵏ ⵜⴼⴻⵍⵍⴰⵃⵜ (ⵃⵎⴰⵜ) ⴷ ⴰⴳⵔⵓⴷⵔⵉⵠⴻ. ⵓⴷⵢⴰⵏ-ⵏⵏⵉ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵎⵎⴰⵙⴻⵏ ⵏ ⵓⵞⵔⴰⵣ ⴷ ⵓⴼⵔⴰⵖ ⵏ ⵓⴼⴰⵔⵉⵙ ⴰⴷ ⵍⴷⵉⵏ ⴷⴻⴳ ⵡⵓⵙⵙⴰⵏ ⵏ ⴷⴷⵓⵕⵜ ⴰⴽⴽ, ⵓⵍⴰ ⴷⴻⴳ ⵢⵉⵎⵓⵔⴰⵙ ⴷ ⵍⵄⵉⴷ, ⴰⴽⴽⴻⴷ ⵓⵙⵏⴻⵔⵏⵉ ⵏ ⵙⵙⵡⴰⵢⴻⵄ ⵏ ⵓⵅⴻⴷⴷⵉⵎ.
ⵜⴻⵏⴻⵔⵏⴰ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵜⴰⵎⴻⴳⵔⴰ ⵏ ⵜⵙⴻⵎⵓⵢⵜ-ⴰⴳⵉ ⵜⵜⴻⴷⴷⵓ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ, ⴰⵢⴰⴳⵉ ⵙ ⵜⵜⴻⴽⴽⵉ ⵏ ⵡⴰⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⵡⴻⵙⴱⴻⴷⴷⵉ ⵏ ⵡⴰⵎⵎⴰⵙⴻⵏ ⵏ ⵓⵃⵔⴰⵣ ⵏ ⵜⵓⴷⴷⴰⵔ ⴷ ⵢⵉⵖⴻⵔⵔⴰⵎⴻⵏ (ⵙⵉⵍⵓⵙ) ⵏ ⵓⵙⵜⵔⴰⵜⵉⴳⵉ, ⴰⵢⴰⴳⵉ ⵢⴻⵙⵙⴻⵏⵖⴻⵙ ⴰⴱⵔⵉⴷ ⵉ ⵢⵉⴼⴻⵍⵍⴰⵃⴻⵏ ⵢⴻⵔⵏⴰ ⵉⵃⴱⴻⵙ ⵜⵉⵏⵓⵇⴰⵍ (ⵟⴰⵡⴰⴱⵉⵔ) ⵉ ⴷ-ⵢⴻⵍⵍⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ ⵉⵄⴻⴷⴷⴰ.
ⴰⵔⵏⵓ ⵖⴻⵔ
