ⵉⵙⴻⵍⵍⴻⵎ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴷⴰⵅⴻⵍ ⴷ ⵓⵙⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ, ⵎⴰⵙⵙⴰ ⴰⵎⴻⵍ ⴰⴱⴷⴻⵍⴰⵜⵉⴼ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵓⵙⴻⵏⴷⵓⵇ ⵏ ⵜⴻⴷⵔⵉⵎⵜ ⴰⴳⵔⴻⵖⵍⴰⵏ (ⴼⵎⵉ), ⵙ ⵜⵎⵓⵖⵍⵉ ⵏ ⵓⵇⴻⵔⵔⵓ ⵏ ⵜⵎⴰⵣⴰⵏⵜ ⵏ ⵓⵙⴻⵏⴷⵓⵇ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵛⵀⴰⵔⴰⵍⴰⵎⴱⵓⵙ ⵜⵙⴰⵏⴳⴰⵔⵉⴷⴻⵙ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵢⵉⵎⵛⴻⵡⵡⴻⵔⴻⵏ ⵏ ⵢⴰⵍ ⵜⴰⵍⵍⵉⵜ ⵉ ⵉⵜⴻⴳⴳⴻⵏ ⵓⵙⴻⵏⴷⵓⵇ ⴷ ⵍⴻⵣⵣⴰⵢⴻⵔ ⵙ ⵓⵇⴰⴷⴻⵔ ⵏ ⵓⵎⴰⴳⵔⴰⴷ ⵡⵉⵙ ⴽⵓⵣ (4) ⵏ ⵓⵍⵓⴳⴻⵏ-ⵉⵙ ⵉⵕⴻⵙⵙⴰⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⵏⴻⴽⵏⴻⴷ ⵏ ⵢⵉⵙⵏⵉⵢⴰⵍⴻⵏ ⵉⴷⴰⵎⵙⴰⵏⴻⵏ ⵉ ⴷ-ⵜⴻⵡⵡⵉ ⵜⵏⴻⵖⵍⴰⴼⵜ ⴷⴻⴳ ⵓⵏⵏⴰⵔ ⵏ ⵓⵙⵓⴷⴷⴻⵙ ⵏ ⵢⵉⴳⴻⴷⴻⵣⴻⵏ (ⵙⵙⵡⴰⵇ), ⴰⵙⴻⴶⵀⴻⴷ ⵏ ⵜⴼⴻⴼⴻⴼⴼⵉⵜ ⴷ ⵓⵙⵏⴻⵔⵏⵉ ⵏ ⵜⴰⵡⵏⵏⴰⴹⵜ ⵏ ⵢⵉⵎⴰⵀⵉⵍⴻⵏ ⴰⵢⴰⴳⵉ ⵙ ⵓⴼⵙⵉⵙ ⵏ ⵓⵙⴱⴻⴷⴷⵉ ⴷ ⵓⵙⴻⵎⵔⴻⵙ ⵏ ⵓⵎⴰⵀⵉⵍ ⵏ ⵜⵏⴻⵣⵣⵓⵜ ⴷ ⵓⵙⵏⴻⴼⵍⵉ ⵏ ⵢⵉⵎⴻⵥⵍⴰ ⵉ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⵜⴰⵏⴻⵀⵍⴰⴼⵜ ⵜⴻⵙⵙⴻⴼⵀⴻⵎ-ⴷ ⴷⴰⵖⴻⵏ ⵜⴰⵔⵔⴰⵢⵉⵏ ⴷ ⵜⵉⴳⴳⴰⵜⵉⵏ ⵏ ⵓⵙⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ ⴷ ⵓⵙⴻⴶⵀⴻⴷ ⵏ ⵡⴰⵍⵍⴰⵍⴻⵏ ⵏ ⵓⵙⴼⵓⵍⴻⵍ ⵏ ⵢⵉⴳⴻⴷⴻⵣⴻⵏ ⴷ ⵢⵉⴳⴻⵔⵔⵓⵊⴻⵏ ⵉⵙⵔⴰⵜⵉⴷⵊⵉⵢⴻⵏ, ⵙ ⵜⴰⵎⴰ ⵏ ⵍⵎⴻⴶⵀⵓⴷⴰⵜ ⵉ ⵓⵙⵏⴻⴼⵍⵉ ⵏ ⵓⵏⴰⴳⵔⴰⵡ ⵏ ⵓⵣⴻⵟⵟⴻⴹ ⴰⴷⴰⵎⵙⴰⵏ ⴷ ⵓⵎⴻⵏⵏⵓⵖ ⵎⴳⴰⵍ ⴰⵎⴹⴰⴱⴰ ⴷ ⵜⴰⵔⵔⴰⵢⵉⵏ ⵏ ⵜⵏⴻⵣⵣⵓⵜ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ.
ⴰⵔⵏⵓ ⵖⴻⵔ
