ⵜⴰⵖⵔⴷⴰⵢⵜ – ⵜⴻⴳⴳⴰ ⵜⵏⴻⴱⴷⴰⴷⵜ ⵏ ⵜⵢⴻⵙⵙⴰ ⴷ ⵍⴼⴻⵏ ⵏ ⵜⵡⵉⵍⴰⵢⵜ ⵏ ⵜⵖⵔⴷⴰⵢⵜ ⵢⵉⵡⴻⵏ ⵓⵡⴰⵀⵉⵍ ⴰⴷⴻⵍⵙⴰⵏ ⴷ ⵓⴼⴻⵏⵏⴰⵏ ⵢⴻⵙⵏⴻⴼⵍⴰⵢⴻⵏ ⵉ ⵡⴰⴽⴽⴻⵏ ⴰⴷ ⵃⵢⵓⵏ ⵜⵉⵎⴻⴷⴷⵉⵢⵉⵏ ⵏ ⵡⴰⴳⴳⵓⵔ ⵏ ⵔⴻⵎⴹⴰⵏ. ⴰⵢⴰ ⵉ ⴷ-ⵏⴻⵍⵎⴻⴷ ⴰⵙⵙ-ⴰ ⵏ ⵜⵜⵍⴰⵜⴰ ⵙⴻⴳ ⵜⵎⴻⵔⵙⴻⵍⵜ-ⴰⴳⵉ.
ⴰⵡⴰⵀⵉⵍ-ⴰⴳⵉ ⵢⴻⵙⵄⴰ ⴰⵟⴰⵙ ⵏ ⵍⴻⵇⴷⵉⵛⴻⵏ ⴷ ⵢⵉⴼⴻⵙⵔⴻⵏ ⴷⴻⴳ ⵎⴰⵕⵕⴰ ⵜⵎⴻⵔⵙⴻⵍⵉⵏ ⵏ ⵜⵢⴻⵙⵙⴰ, ⵖⴻⵔ ⵜⴰⵎⴰ ⵏ ⵜⵓⴼⴼⵖⵉⵡⵉⵏ ⵏ ⵡⴰⵏⵏⴰⵔ ⵉ ⵓⵙⵏⴻⴼⵍⴰⵢ ⵏ ⵢⵉⴹⴰⵏ ⵏ ⵔⴻⵎⴹⴰⵏ ⴷⴻⴳ ⵎⴰⵕⵕⴰ ⵜⵉⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ. ⴰⴽⴽⴻⵏ ⵉ ⵢⴻⵙⴼⴻⵔⵔⴻⵯ ⵓⵎⴻⵇⵇⵔⴰⵏ ⵏ ⵓⵃⵔⵉⵛ ⵏ ⵍⴼⴻⵏ ⴷ ⵜⵙⴻⴽⵍⴰ, ⵎⴰⵙⵙ ⴰⵃⵎⴻⴷ ⴼⵏⵉⵛ, ⵜⴻⵜⵜⵓⵙⴻⴳⴳⴻⵎ ⵜⴼⴰⵙⴽⴰ "ⵜⵉⵎⴻⴷⴷⵉⵢⵉⵏ ⵏ ⵔⴻⵎⴹⴰⵏ ⵏ ⵜⵙⴻⴽⵍⴰ", ⵙ ⵓⵎⵢⴻⵍⵍⴻⵍ ⵏ ⵢⵉⵎⵢⴰⵔⵓⵜⴻⵏ ⴷ ⵢⵉⵎⴻⴷⵢⴰⵣⴻⵏ ⵏ ⵓⵅⴰⵎ ⵏ ⵜⵎⴻⴷⵢⴰⵣⵜ ⴷ ⵜⴷⵓⴽⴽⵍⵉ ⵏ ⵢⵉⵎⵢⴰⵔⵓⵜⴻⵏ ⵉⵣⵣⴰⵢⵔⵉⵢⴻⵏ. ⴰⴷ ⵔⵣⵓⵏ ⵖⴻⵔ ⵜⵙⴷⵍⵉⵙⵉⵏ ⴷ ⵢⵉⵅⴰⵎⵎⴻⵏ ⵏ ⵜⵢⴻⵙⵙⴰ ⵏ ⵜⵎⵏⴰⵟ-ⴰⴳⵉ ⵎⴰⵕⵕⴰ.
ⴰⵎ ⵢⴻⴽⴽⴰ ⵍⵇⴰⴷ, ⴰⴷ ⴷ-ⵢⵉⵍⵉ ⵓⵙⵏⴻⴼⵍⴰⵢ ⵏ ⵜⵎⴻⴷⴷⵉⵢⵉⵏ ⵏ ⵓⵥⴰⵡⴰⵏ ⵙ ⵜⴰⵍⵍⴻⵍⵜ ⵏ ⵢⵉⴼⴻⵏⵏⴰⵏⴻⵏ ⵏ ⴷⴰⴳⵉ ⴷ ⵡⵉⴷ ⵏ ⴱⴻⵔⵔⴰ, ⴷⴻⴳ ⵜⵣⴻⵇⵇⴰ ⵏ ⵙⵙⵉⵏⵉⵎⴰ "ⵎⵉⵣⴰⴱ". ⴰⴷ ⴷ-ⴼⴽⴻⵏ ⴰⵥⴰⵡⴰⵏ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵜⵔⴻⵣⵡⴰ ⵜⴰⵖⴻⵍⵏⴰⵡⵜ ⴷ ⵜⴰⴷⵉⴳⴰⵏⵜ, ⵉ ⵡⴰⴽⴽⴻⵏ ⴰⴷ ⴱⴻⵢⵢⴻⵏⴻⵏ ⵜⴰⵎⴰⴳⵉⵜ ⵜⴰⴷⴻⵍⵙⴰⵏⵜ ⵉ ⴷ-ⵢⵓⵙⴰⵏ ⵙⴻⴳ ⵡⵓⵍ ⵏ ⵜⴻⴽⵜⵉⵜ ⵜⴰⴼⴻⵏⵏⴰⵏⵜ.
ⴰⵡⴰⵀⵉⵍ-ⴰⴳⵉ ⵢⴻⵙⵄⴰ ⴷⴰⵖⴻⵏ ⵢⵉⴼⴻⵙⵔⴻⵏ ⵏ ⵓⴹⵚⴰ, ⵓⵎⴻⵣⴳⵓⵏ ⴷ ⵡⵓⵔⴰⵔⴻⵏ ⵏ ⵜⵎⵓⵙⵏⵉ ⵉ ⵢⵉⵎⴻⵇⵇⵔⴰⵏⴻⵏ ⴷ ⵡⴰⵔⵔⴰⵡ. ⵍⴻⵇⴷⵉⵛ-ⴰⴳⵉ ⵢⴻⴱⵯⴰ ⴰⴷ ⵢⴻⵙⴷⵓⴽⴽⴻⵍ ⵓⵔⴰⵔ ⵢⴻⵍⵀⴰⵏ ⴷ ⵓⵙⴻⴳⴳⴻⵎ ⵏ ⴷⴷⵉⵏ ⵉ ⵢⴻⵇⵇⴰⴷⵔⴻⵏ ⵡⴰⵣⴰⵍⴻⵏ ⵏ ⵛⵛⵔⵉⵄⴰ ⵜⴰⵏⵙⵍⴻⵎⵜ, ⵙ ⵓⴱⵔⵉⴷ ⵏ ⵢⵉⵎⵙⴻⵍⵃⴰⵢⴻⵏ ⵏ ⵓⵎⴻⵣⴳⵓⵏ ⴷ ⵢⵉⵎⵃⴰⴽⴰⵢⴻⵏ (storytellers).
ⴷⴻⴳ ⵜⴰⴳⴳⴰⵔⴰ, ⵍⵍⴰⵏⵜ ⴷⴰⵖⴻⵏ ⵜⵎⵣⵉⵣⵣⴻⵍⵉⵏ ⵜⵉⴷⴻⵍⵙⴰⵏⵉⵏ ⵢⴻⵎⴳⴰⵔⴰⴷⴻⵏ, ⴰⵎ ⵜⵎⵣⵉⵣⵣⴻⵍⵜ "ⴷⴻⴳ ⵡⴰⵏⵏⴰⵔ ⵏ ⵓⵎⴰⵥⵓⵎ" ⵉ ⵜⴻⴳⴳⴰ ⵜⵖⵓⵔⵉ ⵏ ⵡⴰⵡⴰⵍ ⵏ ⵍⵣⵣⴰⵢⴻⵔ ⵙⴻⴳ ⵜⵖⵔⴷⴰⵢⵜ, ⵖⴻⵔ ⵜⴰⵎⴰ ⵏ ⵜⵎⵣⵉⵣⵣⴻⵍⵜ ⵏ "ⵜⵉⵔⵔⴰ ⵢⴻⵚⴼⴰⵏ" ⴷ ⵜⵎⵣⵉⵣⵣⴻⵍⵜ ⵜⴰⵎⴻⵇⵇⵔⴰⵏⵜ ⵏ ⵔⴻⵎⴹⴰⵏ ⵢⴻⵔⵣⴰⵏ ⵜⴰⵎⵓⵙⵏⵉ ⵜⴰⵎⴰⵜⵓⵜ.
ⴰⵔⵏⵓ ⵖⴻⵔ
