ⵜⴻⵙⵙⴻⵅⴷⴻⵎ ⵜⴰⵙⴷⴰⵡⵉⵜ (ⴰⵛⴰⴷéⵎⵉⴻ) ⵏ ⵍⴻⵣⵣⴰⵢⴻⵔ ⵏ ⵜⵓⵙⵙⵏⵉⵡⵉⵏ ⴷ ⵜⵜⴻⴽⵏⵓⵍⵓⵊⵉⵢⵉⵏ, ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴰⵞⵎⵄⴰⵜ-ⵉⵙ ⵜⴰⵎⴰⵜⵓⵜ ⵜⴰⵎⴰⴳⵏⵓⵜ, ⵉ ⵢⴻⵔⵔⴰⵏ ⵍⴱⴰⵍ ⵉ ⵓⵙⴻⴽⴼⴻⵍ ⵏ ⵢⵉⵎⴻⵀⵍⴰⵏ-ⵉⵙ ⴷⴻⴳ ⵓⵣⴳⴻⵏ ⴰⵎⴻⵏⵣⵓ ⵏ ⵓⵙⴻⴳⴳⴰⵙ ⵏ 2026.
ⵜⵉⵎⵍⵉⵍⵉ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵣⴻⵔⵔⴰⵡ ⵏ ⵓⴹⵔⵉⵙ (ⵔⴻⵃⵓⵔⵜ) ⵉ ⴷ-ⵜⵀⴻⴳⴳⴰ ⵜⴰⵙⴷⴰⵡⵉⵜ ⵖⴻⴼ ⵓⵙⵡⵉⵔ ⵏ ⵓⵙⵉⵍⴻⵖ, ⵓⵙⵙⴻⴳⵎⵉ ⴷ ⵓⵏⴰⴷⵉ ⴰⵎⴰⵙⵙⴰⵏ ⴷⴻⴳ ⵜⵎⵓⵔⵜ.
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⵙⴻⵍⵡⴰⵢ ⵏ ⵜⴰⵙⴷⴰⵡⵉⵜ, ⵎⴰⵙⵙ ⵎⵓⵀⴰⵎⴻⴷ ⵀⵉⵛⵀⴰⵎ ⵇⴰⵔⴰ, ⵉⵙⴻⴳⵣⵉ-ⴷ ⴱⴻⵍⵍⵉ ⴰⵀⵉⵍ ⵏ ⵜⴻⵞⵎⵄⴰⵜ ⵜⴰⵎⴰⵜⵓⵜ ⴰⴷ ⴷ-ⵢⴰⵡⵉ ⵀⵚⵉⵍⴰ ⵏ ⵢⵉⵎⴻⵀⵍⴰⵏ ⵏ ⵓⵣⴳⴻⵏ ⴰⵎⴻⵇⵇⵔⴰⵏ ⵏ 2026. ⵢⴻⵙⵙⴻⵏⵜⴻⵎ ⴱⴻⵍⵍⵉ ⵜⴰⵙⴷⴰⵡⵉⵜ "ⵜⴻⵙⵙⵏⴻⵔⵏⵉ ⴰⵎⴻⵀⵍⴰⵏ-ⵉⵙ ⴷⴻⴳ ⵓⴹⴼⴰⵔ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵓⵏⴰⴷⵉ ⴷ ⵓⵙⵏⵓⵍⴼⵓ".
ⴷⴻⴳ ⵡⴰⵀⵉⵍ ⵏ ⵓⵣⴳⴻⵏ ⵡⵉⵙ ⵙⵉⵏ, ⵜⴰⵙⴷⴰⵡⵉⵜ ⵜⴻⴱⵖⴰ ⴰⴷ ⴷ-ⵜⴻⵙⵙⵓⴷⴷⴻⵙ "ⴰⴳⵔⴰⵡ ⴰⵖⴻⵍⵏⴰⵡ ⵖⴻⴼ ⵓⴱⴻⴷⴷⴻⵍ ⵏ ⵓⴱⵉⵢⵓ" (ⴱⵉⵓⴷⵉⵠⴻⵔⵙⵉⵜé), ⴰⵔⴰ ⴷ-ⵢⵉⵍⵉⵏ --ⴰⴽⴽⴻⵏ ⵉ ⴷ-ⵢⴻⵏⵏⴰ ⵎⴰⵙⵙ ⵇⴰⵔⴰ-- ⴷ "ⵍⵍⵙⴰⵙ ⵏ ⵓⵙⴻⵏⴼⴰⵔ ⵏ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵓⵎⴻⵣⵔⵓⵢ ⵏ ⵓⴳⴰⵎⴰ".
ⴰⵙⴻⵍⵡⴰⵢ ⵏ ⵜⴰⵙⴷⴰⵡⵉⵜ ⵉⴱⴻⵔⵔ-ⴷ ⵙ ⵓⵍⴷⵉ ⵏ ⵓⴱⵔⵉⴷ ⵏ ⵓⵙⵓⵜⵓⵔ ⵉ ⴽⵓⵣ (04) ⵏ ⵜⵙⵓⵎⵎⵉⵡⵉⵏ (ⵃⵔⵉⵣⴻⵙ) ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵛⴻⵏ, ⴰⵎ ⵜⵡⴻⵏⵏⴰⴹⵜ, ⵜⵉⴳⵣⵉ ⵜⴰⵎⴳⵓⵔⴰⵏⵜ ⴷ ⵓⴼⵔⴰⴳ ⵏ ⵍⵇⵓⵜ.
ⴰⵔⵏⵓ ⵖⴻⵔ
