ⵙ ⵔⵔⵉⴼ ⵏ ⵓⵜⴻⴽⴽⵉ-ⵉⵙ ⴰⵎ ⵓⵎⵎⵉⵣⵣⴻⵍ ⵏ ⵍⴻⵣⵣⴰⵢⴻⵔ ⴷⴻⴳ ⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ 60 ⵏ ⵜⴻⵙⵏⵓⵔⴻⴼⵜ ⵜⴰⴳⵔⴰⵖⵍⴰⵏⵜ ⵏ ⵢⵉⵏⴰⴷⵉⵢⴻⵏ ⴷⴻⴳ ⵓⵏⵏⴰⵔ ⵏ ⵛⴰⵏⵛⴻⵔ (CIRC/IARC), ⵢⴻⵟⵟⴰⴼⴰⵔⴻⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴰⵣⵣⵉⵜ, ⵉ ⴷ-ⵢⵉⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵍⵢⵓⵏ (ⴼⵔⴰⵏⵙⴰ) ⵙⴻⴳ 19 ⵖⴻⵔ 21 ⵎⴰⵢⵓ 2026, ⴰⴱⵕⵓⴼⵉⵙⵓⵔ ⵄⴰⴷⴷⴰ ⴱⵓⵓⵏⵊⴰⵔ, ⴰⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵉ ⵓⵙⴻⵃⴷⴻⵔ ⵏ ⵛⴰⵏⵛⴻⵔ ⴷ ⵓⵎⴻⵏⵏⵓⵖ ⵎⴳⴰⵍ-ⵉⵙ, ⵢⴻⵅⴷⴻⵎ ⵜⵉⵎⵍⵉⵍⵉⵢⵉⵏ ⵉⵕⴻⵙⵙⴰⵏⴻⵏ ⴷ ⵢⵉⵎⴹⴻⴱⴱⵔⴻⵏ ⴷ ⵜⵣⴻⵎⵎⴰⵔ ⵜⴰⵣⵣⴰⵢⵔⵉⵢⵉⵏ ⵉⵅⴻⴷⴷⵎⴻⵏ ⴷⴻⴳ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵢⵉⵏⴰⴷⵉⵢⴻⵏ ⴷⴻⴳ ⵓⵏⵏⴰⵔ ⵏ ⵛⴰⵏⵛⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⵉ ⵓⵙⴻⴶⵀⴻⴷ ⵏ ⵜⴻⵢⵡⴰⵍⵜ ⴷ ⵓⵏⴼⴰⵄ ⵙⴻⴳ ⵜⵎⵓⵖⵍⵉⵡⵉⵏ ⵏ ⵍⴻⵣⵣⴰⵢⵔⵉⵢⴻⵏ ⵏ ⴱⴻⵕⵕⴰ.
ⴷⴰⵖⴻⵏ, ⴰⴱⵕⵓⴼⵉⵙⵓⵔ ⴱⵓⵓⵏⵊⴰⵔ ⵢⴻⵅⴷⴻⵎ ⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ ⵏ ⵙⵉⵏ ⴷ ⵢⵉⵎⴹⴻⴱⴱⵔⴻⵏ ⴷ ⵢⵉⵎⵓⵣⵣⴰⴳⴻⵏ ⵉⴳⵔⴰⵖⵍⴰⵏⴻⵏ, ⴳⴰⵔ-ⴰⵙⴻⵏ: ⵜⴰⵏⴻⵀⴰⵍⵜ ⵜⴰⵎⴰⵜⵓⵜ ⵏ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵢⵉⵏⴰⴷⵉⵢⴻⵏ, ⴰⴱⵕⵓⴼⵉⵙⵓⵔ ⵉⵍⵉⵙⴰⴱⴻⵜⵀ ⵡⵉⴷⴻⵔⵒⴰⵙⵙ, ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⴰⵄⵀⴻⴷ ⴰⵖⴻⵍⵏⴰⵡ ⵏ ⵛⴰⵏⵛⴻⵔ, ⴰⵎⴰⵏⴰⵢ ⴰⵎⴰⵜⴰ ⵏ ⵓⵙⵇⴰⵎⵓ ⵏ ⵜⴰⵣⵣⵉⵜ ⴷⴻⴳ ⵜⴳⴻⵍⴷⴰ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⴰⴱⵕⵓⴼⵉⵙⵓⵔ ⵀⵉⵙⵀⴰⵎ ⴻⵍ-ⴳⵀⴰⵣⴰⵍⵢ (ⴰⵙⴻⵍⵡⴰⵢ ⵏ ⵜⵉⴳⴳⴰⵡⵜ ⵏ ⵜⵙⴻⵍⵡⵉⵜ ⵏ ⵎⴰⵚⴻⵔ ⵉ ⵜⴰⵣⵣⵉⵜ), ⴰⵎⵙⴻⴳⵍⴰⵡⴰⵢ ⵏ ⵙⴱⵉⵜⴰⵔⴰⵜ "St. Jude" ⵏ ⵎⴰⵔⵉⴽⴰⵏ ⵉ ⵢⵉⴳⴻⵔⴷⴰⵏ, ⴰⵙⴻⵍⵡⴰⵢ ⵏ ⵜⴷⵓⴽⵍⴰ ⵜⴰⵎⴰⵔⵉⴽⵉⵢⵜ ⵜⴰⴳⵔⴰⵖⵍⴰⵏⵜ ⵉ ⵓⵙⴻⵃⴷⴻⵔ ⵏ ⵛⴰⵏⵛⴻⵔ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵜⴰⵔⴱⴰⵄⵜ ⵏ ⵓⵙⵜⵕⴰⵍⵢⴰ.
ⵜⵉⵎⵍⵉⵍⵉⵢⵉⵏ-ⴰⴳⵉ ⵣⵣⵉⵏ-ⴷ ⵖⴻⴼ ⵓⵙⴻⵏⴽⴻⴷ ⵏ ⵜⵙⵔⴻⵟ ⵜⴰⵖⴻⵍⵏⴰⵡⵜ ⵉ ⵓⵙⴻⵃⴷⴻⵔ ⵏ ⵛⴰⵏⵛⴻⵔ ⴷ ⵓⵎⴻⵏⵏⵓⵖ ⵎⴳⴰⵍ-ⵉⵙ ⵏ ⵢⵉⵎⴰⵍ 2035. ⴷⴰⵖⴻⵏ, ⵙⵏⴻⴽⴷⴻⵏ-ⴷ ⵍⵎⴻⴶⵀⵓⴷⴰⵜ ⵏ ⵓⵡⴰⵏⴰⴽ ⴰⵣⵣⴰⵢⵔⵉ ⴷⴻⴳ ⵓⵏⵏⴰⵔ ⵏ ⵓⵃⵔⴰⵣ, ⴰⵙⴻⵏⵎⴰⵍⵢ, ⵓⵊⵊⴻⵢ ⴷ ⵓⵃⵔⴰⵣ ⵏ ⵢⵉⵎⵓⴹⴰⵏ ⵏ ⵛⴰⵏⵛⴻⵔ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵏⴰⴷⵉ ⵖⴻⴼ ⵢⵉⵙⵏⵉⵢⴰⵍⴻⵏ ⵏ ⵓⵎⵢⴻⵛⵛⴻⵔ ⴰⵎⴰⵙⵙⴰⵏ ⴷ ⵓⵙⴰⴼⴰⵔⴰⵏ ⴷ ⵓⵙⴻⴶⵀⴻⴷ ⵏ ⵜⴷⵓⴽⵍⵉⵡⵉⵏ ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵛⴰⵏⵛⴻⵔ ⴷ ⵓⵏⴰⴷⵉ ⴰⵎⴰⵙⵙⴰⵏ.
ⴰⵔⵏⵓ ⵖⴻⵔ
