ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⴷ-ⵢⵉⵍⵉ ⵓⵙⴰⵍⴰⵢ ⴰⴳⵔⴰⵖⵍⴰⵏ ⵏ ⵜⵙⵏⴰⵙⴼⴰⵔⵜ (SIPHAL), ⴷⴻⴳ ⵜⵙⵓⵜⵍⵜ-ⵉⵙ ⵜⵉⵙ ⵙⵏⴰⵜ ⵜⵎⴻⵔⵡⵉⵏ (20), ⵙⴻⴳ ⵡⴰⵙⵙ ⵏ 04 ⴰⵍⴰⵎⵎⴰ ⴷ 07 ⵏ ⵡⴰⴳⴳⵓⵔ ⵏ ⴼⵓⵔⴰⵔ ⵉ ⴷ-ⵢⴻⴷⴷⵓⵏ ⴷⴻⴳ ⵓⵙⴰⵍⴰⵢ ⵏ ⵍⵎⴻⵄⵔⵉⴹⴰⵜ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ. ⴰⴷ ⴷ-ⴽⴽⵓⵏ ⴷⴻⴳ-ⵙ ⵓⴳⴰⵔ ⵏ 150 ⵏ ⵡⵉⴷ ⴰⵔⴰ ⴷ-ⵢⴻⵙⴽⵏⴻⵏ ⵍⴼⴻⵏ ⴷ ⵙⵙⴻⵏⵄⴰ ⵏ ⵓⵙⴰⴼⴰⵔ ⵙⴻⴳ ⵎⴰⵕⵕⴰ ⵜⵉⵎⵏⴰⴹⵉⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵡⵉⴷ ⵢⴻⴳⴳⴰⵏ ⵜⴰⴼⴰⵙⴽⴰ-ⴰⴳⵉ ⴰⵙⵙ-ⴰ ⵏ ⵜⵜⵍⴰⵜⴰ.
ⵜⴻⴹⵔⴰ-ⴷ ⵜⵎⵍⵉⵍⵉⵜ-ⴰⴳⵉ ⵙ ⵡⴰⵏⴰⵎⵓ "ⵜⴰⵙⵏⴰⵙⴼⴰⵔⵜ ⵏ ⵡⴰⵣⴻⴽⴽⴰ" ⵙ ⵓⵃⴰⴷⴰⵔ ⵏ ⵓⵏⵖⵍⴰⴼ ⵏ ⵜⵣⵎⴻⵔⵜ. ⴰⴷ ⴷ-ⵢⴻⵙⵏⴻⵊⵎⴰⵄ ⵡⵉⴷ ⴷ-ⵢⴻⵙⴼⵓⴼⵓⵖⴻⵏ ⵉⵙⴰⴼⴰⵔⴻⵏ, ⵡⵉⴷ ⵉⵜⴻⵏ-ⵢⴻⵣⵏⵓⵣⵓⵏ ⴷ ⵡⵉⴷ ⴷ-ⵢⴻⵜⵜⴰⵡⵉⵏ ⵙⵙⵍⵄⴰ ⵙⴻⴳ ⴱⴻⵔⵔⴰ, ⴰⴽⴽⴻⵏ ⴷⴰⵖⴻⵏ ⴷ ⵢⵉⴳⵔⴰⵡⴻⵏ ⵏ ⵜⵣⵎⴻⵔⵜ ⴷ ⵜⵎⴻⵔⵙⴻⵍⵉⵏ ⵏ ⵓⵎⴰⵀⵉⵍ. ⵙⵙⴰⵔⴰⵎⴻⵏ ⴰⴷ ⴷ-ⵔⵣⴻⵏ ⵓⴳⴰⵔ ⵏ 11,000 ⵏ ⵢⵉⵎⴷⴰⵏⴻⵏ, ⴳⴰⵔ-ⴰⵙⴻⵏ ⵉⵎⵓⵙⵏⴰⵡⴻⵏ ⵏ ⵓⵃⵔⵉⵛ ⵏ ⵜⵣⵎⴻⵔⵜ, ⵉⵅⴻⴷⴷⴰⵎⴻⵏ ⵏ ⵢⵉⵙⴳⵏⴰⴼⴻⵏ ⴷ ⵢⵉⵏⴻⵍⵎⴰⴷⴻⵏ ⵏ ⵜⵙⴻⴷⴷⴰⵡⵉⵢⵉⵏ.
ⴷⴻⴳ ⵔⵔⵉⴼ ⵏ ⵓⵙⴰⵍⴰⵢ-ⴰⴳⵉ, ⴰⴷ ⴷ-ⵢⵉⵍⵉ ⵡⵓⵙⵙⴰⵏ ⵏ ⵓⵍⵎⵎⵓⴷ ⴷ ⵓⵏⴰⴷⵉ ⵖⴻⴼ ⵓⴱⴻⴷⴷⴻⵍ ⴰⵎⴰⵢⵏⵓ ⵉ ⵢⴻⵜⵜⵢⵉⵛⵉⵍⴻⵏ ⴰⵃⵔⵉⵛ ⵏ ⵓⵙⴰⴼⴰⵔ ⴷⴻⴳ ⵍⵣⵣⴰⵢⴻⵔ. ⴰⴷ ⵙⵙⴰⵡⵍⴻⵏ ⵍⴰⴷⵯⴰ ⵖⴻⴼ ⵜⵎⵓⵙⵏⵉ ⵏ ⵡⴰⵍⵍⴰⵍⴻⵏ ⵉⵎⴰⵢⵏⵓⵜⴻⵏ, ⵜⴰⵎⵓⵙⵏⵉ ⵜⵓⵙⵏⵉⵍⴼⵜ (AI) ⴷ ⵓⵙⴻⴽⵛⴻⵎ ⵏ ⵓⵎⴹⴰⵏ (digital) ⴷⴻⴳ ⵜⵣⵎⴻⵔⵜ. ⴰⵎ ⵢⴻⴽⴽⴰ ⵍⵇⴰⴷ ⵓⵍⴰ ⴷ ⴰⵡⴰⵍ ⵖⴻⴼ ⵓⵃⴰⴷⴰⵔ ⵏ ⵢⵉⵎⵓⴹⴰⵏ ⴷ ⵓⴹⵎⴰⵏ ⵏ ⵍⵄⴻⵏⴰⵢⴰ ⵜⴰⵣⵎⴻⵔⴰⵏⵜ ⵉ ⵎⴰⵕⵕⴰ ⵉⵎⴻⵣⴷⴰⵖ ⴱⵍⴰ ⴰⵙⵜⵉⵢ.
ⵡⵉⴷ ⵢⴻⴳⴳⴰⵏ ⴰⵙⴰⵍⴰⵢ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⵍⴷⵉⵏ ⵉⵎⴽⴰⵏⴻⵏ ⵏ ⵢⵉⵙⴰⵍⵍⴻⵏ ⵉ ⵡⴰⴽⴽⴻⵏ ⴰⴷ ⵊⴻⵎⵄⴻⵏ ⴰⵡⴰⵍ ⵏ ⵡⵉⴷ ⴷ-ⵢⴻⵔⵣⴰⵏ ⴷ ⵡⵉⴷ ⵢⴻⵙⴽⴻⵏ ⵍⴼⴻⵏ-ⵏⵙⴻⵏ. ⴰⴷ ⴷ-ⵢⵉⵍⵉ ⵢⵉⵡⴻⵏ ⵏ ⵡⴰⵍⵍⴰⵍ ⵏ ⵓⵎⵙⴰⵡⴰⴹ ⴰⵙⵍⵉⵡ (podcast) ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵛⵉⵡⴰⵔ ⴷ ⵓⴱⴻⴷⴷⴻⵍ ⵏ ⵢⵉⴷⴻⴽⵔⵉⵡⴻⵏ ⴳⴰⵔ ⵢⵉⵎⵓⵙⵏⴰⵡⴻⵏ ⵏ ⵜⵙⵏⴰⵙⴼⴰⵔⵜ.
ⴰⵔⵏⵓ ⵖⴻⵔ
