ⴰⴷ ⴷ-ⵜⵉⵍⵉ ⵜⴰⵥⵔⵉⴳⵜ ⵜⵉⵙ 15 ⵏ ⵓⵎⵓⴳⴳⴰⵔ ⴰⴷⴻⵍⵙⴰⵏ ⴰⴳⵔⴻⵖⵍⴰⵏ ⵏ ⵓⵥⴰⵡⴰⵏ ⴰⵙⵉⵎⴼⵓⵏⵉ ⵙⴻⴳ 30 ⵢⴻⴱⵔⵉⵔ ⴰⵔ 7 ⵎⴰⵢⵓ ⵉ ⴷ-ⵉⵜⵜⴻⴷⴷⵓⵏ ⴷⴻⴳ ⵓⴱⵉⵔⴰ ⵏ ⵍⴻⵣⵣⴰⵢⴻⵔ "ⴱⵓⵄⴰⵍⴰⵎ ⴱⴻⵙⵙⴰⵢⴻⵃ", ⵙ ⵜⵉⴽⴽⵉ ⵏ ⵜⴻⴳⴷⵓⴷⴰ ⵏ ⵜⵛⵉⴽ ⴰⵎ ⵢⵉⵏⴻⴱⴳⵉ ⵏ ⵍⵇⴷⴻⵔ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵢⵉⵎⵙⵓⴷⴷⵙⴻⵏ.
ⵜⴰⵥⵔⵉⴳⵜ-ⴰⴳⵉ, ⵉ ⴷ-ⵢⴻⵍⵍⴰⵏ ⵙ ⴷⴷⴰⵡ ⵏ ⵓⴼⵓⵙ ⵏ ⵜⵎⴰⵡⴰⵙⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⴰⴷ ⵜⵉⵍⵉ ⴷ ⵜⴰⵊⵎⵉⵍⵜ ⵉ ⵔⵔⵓⵃ ⵏ ⵓⵎⴰⵙⵍⴰⴷ ⵏ ⵓⵥⴰⵡⴰⵏ ⵏⵓⴱⵍⵉ ⴼⴰⴹⴻⵍ, ⵉ ⵢⴻⵎⵎⵓⵜⴻⵏ ⴰⵙⵙ ⵏ 14 ⴷⵓⴊⴰⵏⴱⴻⵔ ⵢⴻⵣⵔⵉⵏ ⵙ 74 ⵏ ⵢⵉⵙⴻⴳⴳⴰⵙⴻⵏ. ⴰⴷ ⴷ-ⵉⵍⵉⵏ ⴷⴻⴳ-ⵙ ⵢⵉⵏⴰⵥⵓⵔⴻⵏ ⴷ ⵜⴻⵔⴱⴰⵄⵉⵏ ⵏ ⵓⵥⴰⵡⴰⵏ ⵙⴻⴳ ⵓⵟⴰⵙ ⵏ ⵜⵎⵓⵔⴰ.
ⵏⵓⴱⵍⵉ ⴼⴰⴹⴻⵍ ⵢⴻⵍⵍⴰ ⴷ ⵢⵉⵡⴻⵏ ⵡⵓⴷⴻⵎ ⴰⵎⴻⵇⵇⵔⴰⵏ ⵏ ⵜⵥⵓⵔⵉ ⴷ ⵢⵉⴷⵍⴻⵙ ⴷⵉ ⵍⴻⵣⵣⴰⵢⴻⵔ ⴷ ⵓⵎⴰⴹⴰⵍ ⵏ ⵡⴰⵄⵔⴰⴱ. ⵢⴻⵜⵜⵡⴰⵙⵙⴻⵏ ⵙ ⵓⵥⴰⵡⴰⵏ-ⵉⵙ ⵢⴻⵍⵀⴰⵏ ⵖⴻⴼ ⵍⵄⵓⴷ ⴷ ⵓⵙⵍⴰⴷ ⵏ ⵓⵥⴰⵡⴰⵏ ⵏ ⵢⵉⵙⵓⵔⴰ ⵏ ⵜⵉⵍⵉⵥⵔⵉ ⴷ ⵙⵙⵉⵏⵉⵎⴰ, ⴰⴽⴽⴻⴷ ⵍⵅⴻⴷⵎⴰ-ⵙ ⴷ ⵢⵉⵏⴰⵥⵓⵔⴻⵏ ⵉⵎⴻⵇⵇⵔⴰⵏⴻⵏ ⴰⵎ ⵙⴻⵍⵡⴰ, ⴼⴻⵍⵍⴰ ⵄⴱⴰⴱⵙⴰ, ⵡⴰⴷⵉⵄ ⴻⵚⵚⴰⴼⵉ, ⵎⴰⵢⴰⴷⴰ ⴻⵍ ⵃⴻⵏⵏⴰⵡⵉ ⴷ ⵍⵓⵟⴼⵉ ⴱⵓⵛⵏⴰⵇ.
ⵜⴰⵥⵔⵉⴳⵜ ⵜⵉⵙ 14 ⵏ ⵓⵎⵓⴳⴳⴰⵔ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵓⴱⵉⵔⴰ ⵏ ⵍⴻⵣⵣⴰⵢⴻⵔ ⵙⴻⴳ 17 ⴰⵔ 23 ⵢⴻⴱⵔⵉⵔ 2025, ⵙ ⵜⵉⴽⴽⵉ ⵏ 17 ⵏ ⵜⵎⵓⵔⴰ ⵙⴻⴳ ⵜⵓⵔⵓⴱⵜ, ⴰⵙⵢⴰ, ⵜⴰⴼⵔⵉⵇⵜ ⴷ ⵜⴰⵎⵔⵉⴽⵜ ⵏ ⵍⴰⵜⵉⵏ, ⵎⴰ ⴷ ⴼⴻⵏⴻⵣⵡⵉⵍⴰ ⵉ ⴷ-ⵢⴻⵍⵍⴰⵏ ⴷ ⵢⵉⵏⴻⴱⴳⵉ ⵏ ⵍⵇⴷⴻⵔ.
ⵓⵎⵓⴳⴳⴰⵔ ⴰⴳⵔⴻⵖⵍⴰⵏ ⵏ ⵓⵥⴰⵡⴰⵏ ⴰⵙⵉⵎⴼⵓⵏⵉ, ⵉ ⴷ-ⵢⴻⴱⴷⴰⵏ ⴷⴻⴳ ⵓⵙⴻⴳⴳⴰⵙ ⵏ 2009, ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵎⵢⴻⵍⵍⵉ ⵏ ⵢⵉⴷⵍⴻⵙ ⴷ ⵜⵥⵓⵔⵉ ⴳⴰⵔ ⵍⴻⵣⵣⴰⵢⴻⵔ ⴷ ⵜⵎⵓⵔⴰ ⵏⵏⵉⴹⴻⵏ.
ⴰⵔⵏⵓ ⵖⴻⵔ
