ⵜⴻⴱⴳⴻⵙ-ⴷ ⵜⵉⴷⵉⵔⵉⴽⵙⵉⵢⵓⵏ ⵏ ⵜⵏⴻⵣⵣⵓⵜ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⴰⵙⵙ-ⴰ ⵏ ⵍⴻⵜⵏⵉ, ⴱⴻⵍⵍⵉ ⵔⵔⴰⵢ ⵏ ⵓⵎⴹⴰⵍ ⵏ ⵍⴰⴷⴰⵕⴰ ⵉ ⴷ-ⵢⴻⵍⵍⴰⵏ ⵖⴻⴼ ⵜⵃⴰⵏⵓⵜ "ⵍⴻ ⴰⵓⴷⵉⵏ" ⵉ ⴷ-ⵢⵓⵙⴰⵏ ⴷⴻⴳ ⵓⵏⵔⴰⵔ ⵏ ⴰⵓⴷⵉⵏ (ⴰⵍⴳⴻⵔ-ⵛⴻⵏⵜⵔⴻ), ⴷ ⵡⵉⵏ ⵉ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵏ ⵓⵎⴻⵀⵍⴰⵏ ⵏ ⵓⴼⵔⴰⴳ (ⵔⴻⵇⴰⴱⴰ) ⵏ ⵓⵏⵔⴰⵔ ⵉ ⴷ-ⵉⵙⴱⵉⵏⴻⵏ ⴱⴻⵍⵍⵉ ⵍⵍⴰⵏ ⵢⵉⵙⵓⴼⴼⴰⵔ ⵏ ⵜⴳⴻⵍⵍⴰ ⵉ ⵉⵄⴻⴷⴷⴰ ⵍⵡⴻⵇⵜ-ⵏⵙⴻⵏ ⵓⴳⴰⵔ ⵏ ⵙⴻⴱⵄⴰ (7) ⵏ ⵡⴰⴳⴳⵓⵔⴻⵏ, ⵙⵙⴻⵎⵔⴰⵙⴻⵏ-ⵜⴻⵏ ⵉ ⵓⵀⴻⴳⴳⵉ ⵏ ⵜⴳⴻⵍⵍⴰ ⵉ ⵢⵉⵎⴻⵔⵣⵉⵢⴻⵏ. ⴰⵢⴰⴳⵉ ⴷ ⴰⵅⴻⵚⵚⴰⵔ ⴰⵎⴻⵇⵇⵔⴰⵏ ⵏ ⵍⵇⴰⵏⵓⵏ ⵢⴻⵔⵏⴰ ⴷ ⴰⵎⵉⵀⵉ (ⵅⴰⵟⴰⵔ) ⵉ ⵜⵣⴰⵖⵜ ⵏ ⵓⵙⴻⴽⴽⴰⵍ.
ⵉⵙⴻⴳⵣⵉ-ⴷ ⵓⴷⵢⴰⵏ ⵏ ⵜⴷⵉⵔⵉⴽⵙⵉⵢⵓⵏ ⴱⴻⵍⵍⵉ ⴷⴻⴳ ⵓⵎⴻⵀⵍⴰⵏ-ⴰⴳⵉ ⵓⴼⴰⵏ-ⴷ ⴷⴰⵖⴻⵏ ⴰⵙⵙⴻⵎⵔⴻⵙ ⵏ ⵓⵏⴰⵔⵎⴰⴷ ⵏ ⵜⵏⴻⵣⵣⵓⵜ ⵎⴱⵍⴰ ⵎⴰ ⵢⵓⵔⴰ ⴷⴻⴳ ⵓⵣⴻⵎⵎⴰⵎ ⵏ ⵜⵏⴻⵣⵣⵓⵜ (ⵔⴻⴳⵉⵙⵜⵔⴻ ⴷⴻ ⵛⵓⵎⵎⴻⵔⵛⴻ), ⴰⵢⴰⴳⵉ ⵢⴻ ⴰ ⴰⴷ ⴷ-ⵢⵉⵍⵉ ⵓⵎⴹⴰⵍ ⵏ ⵍⴰⴷⴰⵕⴰ ⵉⵍⵎⴻⵏⴷ ⵏ ⵢⵉⵍⵓⴳⴰⵏ ⵏ ⵍⵇⴰⵏⵓⵏ ⵉ ⵉⵅⴻⴷⴷⵎⴻⵏ. ⴰⵙⴻⴳⴳⵣⵉ-ⴰⴳⵉ ⵏ ⵜⴷⵉⵔⵉⴽⵙⵉⵢⵓⵏ ⵏ ⵜⵏⴻⵣⵣⵓⵜ ⵢⵓⵙⴰ-ⴷ ⴷⴻⴼⴼⵉⵔ ⵏ ⵡⴻⵣⵔⴰⵄ ⵏ ⵢⵉⵡⴻⵏ ⵏ ⵓⵠⵉⴷⵢⵓ ⴷⴻⴳ "ⵜⵉⴽⵜⵓⴽ" ⵉ ⴷ-ⵉⵙⵓⴼⴼⴻⵖ ⴱⴰⴱ ⵏ ⵜⵃⴰⵏⵓⵜ-ⵏⵏⵉ "ⵍⴻ ⴰⵓⴷⵉⵏ", ⵉ ⴷⴻⴳ ⵉ ⴷ-ⵢⴻⵇⵇⴰⵔ ⵙ ⵜⴽⴻⵔⴽⴰⵙ ⴱⴻⵍⵍⵉ ⵉⵎⴻⵥⵍⴰ ⵏ ⵓⴼⵔⴰⴳ ⴹⴻⵍⵎⴻⵏ-ⵜ ⵙ ⵔⵔⴰⵢ-ⴰⴳⵉ ⵏ ⵓⵎⴹⴰⵍ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⴻⴱⴳⴻⵙ-ⴷ ⵜⴷⵉⵔⵉⴽⵙⵉⵢⵓⵏ ⵏ ⵜⵏⴻⵣⵣⵓⵜ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴱⴻⵍⵍⵉ ⴰⵃⵔⴰⵣ ⵏ ⵓⵎⴻⵔⵣⵉ ⴷ ⴰⵢⴻⵏ ⵉⵎⴻⵣⴳⵉ, ⵢⴻⵔⵏⴰ ⵉⵎⴻⵥⵍⴰ ⵏ ⵓⴼⵔⴰⴳ ⴰⴷ ⴽⴻⵎⵎⵍⴻⵏ ⴰⵎⴻⵀⵍⴰⵏ-ⵏⵙⴻⵏ ⵙ ⵍⵃⴻⵔⵙ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵍⵇⴰⵏⵓⵏ, ⵉ ⵓⴹⵎⴰⵏ ⵏ ⵜⵣⴰⵖⵜ ⵏ ⵢⵉⵖⴻⵔⵎⴰⵏⴻⵏ ⴷ ⵙⵚⵉⴼⴰ ⵏ ⵜⴳⴻⵍⵍⴰ ⵉ ⴷ-ⵢⴻⵜⵜⵡⴰⴼⴻⵔⵖⴻⵏ ⵉ ⵓⵙⴻⵎⵔⴻⵙ.
