ⵢⴻⵅⴷⴻⵎ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⴰⵃⵏ), ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⵡⴰⵙⵙ-ⴰ ⵏ ⵍⵃⴻⵎⵉⵙ ⴰⵎⴻⵀⵍⴰⵏ-ⵉⵙ ⵏ ⵓⵙⴻⵜⵎⵎⴻⵜ ⴷⴻⴳ ⵓⵏⴰⴳⵔⴰⵡ ⵏ ⵜⴻⴼⵔⴰⵏⵉⵢⵉⵏ ⵏ ⵓⵙⵙⵍⵉⴼ ⵏ 2 ⵢⵓⵍⵢⵓ 2026, ⴷⴻⴳ ⵓⵖⴻⵔⴱⴰⵣ "ⵛⵀⴻⵉⴽⵀ ⴰⴱⵉ ⵉⵙⵀⴰⵇ ⵉⴱⵔⴰⵀⵉⵎ ⴰⵜⴼⵉⵛ" ⴷⴻⴳ ⴱⴻⵏⵉ ⵉⵙⴳⵓⴻⵏ ⴷⴻⴳ ⵜⵡⵉⵍⴰⵢⵜ ⵏ ⵖⴻⵔⴷⴰⵢⴰ.
ⴷⴻⴳ ⵜⴰⵙⵔⴻⵃⵜ ⵏ ⵢⵉⵙⴰⵍⵍⴻⵏ ⵙⴷⴻⴼⴼⵉⵔ ⵓⵚⴻⵡⵡⴻⵜ-ⵉⵙ, ⵎⴰⵙⵙ ⴱⵓⵖⴰⵍⵉ ⵢⴻⵏⵏⴰ-ⴷ ⴱⴻⵍⵍⵉ ⵜⵉⴼⵔⴰⵏⵉⵢⵉⵏ-ⴰⴳⵉ ⵏ ⵓⵙⵙⵍⵉⴼ "ⵜⵓⵙⴰⵏⵜ-ⴷ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⵖⴻⵍⵏⴰⵡⵜ ⵢⵓⴼⵔⴰⵔⴻⵏ, ⵉ ⴷ-ⵉⵙⴱⴻⴳⴳⵏⴻⵏ ⵍⴻⴱⵖⵉ ⵏ ⵍⵯⴻⵀⴷ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴷ ⵢⵉⵙⵉⵣⴷⵉⴳⴻⵏ ⵉ ⵓⵅⴷⴻⵎ ⵉⵡⴰⴽⴽⴻⵏ ⴰⴷ ⵏⴰⵡⴹⴻⴹ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵢⵏⵓⵜ ⴷ ⵜⵉⵏ ⵢⴻⵏⴻⵔⵏⵉⵏ ⵙ ⵓⴱⵔⵉⴷ ⵏ ⵓⵙⵉⵣⴷⴻⴳ ⵏ ⵓⵎⴻⵀⵍⴰⵏ ⵏ ⵜⵙⴻⵔⵜⵉⵜ ⴷ ⵓⵟⵎⴰⵏ ⵏ ⵜⴰⴼⵍⴻⵙⵜ ⵉ ⵜⵙⵓⴷⴰ ⵏ ⴷⴷⵓⵍⴰ".
ⵎⴰⵙⵙ ⴱⵓⵖⴰⵍⵉ ⵢⴻⵙⵏⴻⵎⵎⴻⵔ ⴷⴰⵖⴻⵏ ⵔⵔⴰⵢ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵡⴻⵙⴱⴻⴷⴷⵉ ⵏ ⵜⵡⵉⵍⴰⵢⵉⵏ ⵜⵉⵎⴰⵢⵏⵓⵜⵉⵏ, ⴰⵢⴰⴳⵉ --ⴰⴽⴽⴻⵏ ⵉ ⴷ-ⵢⴻⵏⵏⴰ-- ⵢⴻⴼⴽⴰ ⵜⴰⴳⵏⵉⵜ ⵉ ⵢⵉⵎⴻⵣⴷⴰⵞ ⵏ ⵢⴰⵍ ⵜⴰⵎⵏⴰⴹⵜ ⵉⵡⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⵎⵓⵍⴰⵙ-ⵏⵙⴻⵏ ⴷⴻⴳ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵎⴰⴳⴷⴰⵢ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵜⴻⴽⴽⵉ ⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵓⵚⴻⵡⵡⴻⵜ ⴷ "ⵓⵃⵔⴰⵣ ⵏ ⵔⵔⵉⵙⴰⵍⴰ ⵏ ⵢⵉⵎⴻⵖⵔⴰⵙⴻⵏ ⴷ ⵢⵉⵎⴻⵀⴰⴷⴻⵏ ⴷ ⵓⴽⴻⵎⵎⴻⵍ ⵏ ⵓⴱⵔⵉⴷ ⵏ ⵜⵏⴻⴼⵍⵉ ⵜⴰⵖⴻⵍⵏⴰⵡⵜ".
ⴷⴻⴳ ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ "ⵢⴻⵅⴷⴻⵎ ⴰⵎⴻⵀⵍⴰⵏ-ⵉⵙ ⵏ ⵓⵙⴻⵜⵎⵎⴻⵜ ⴰⵎ ⵢⴰⵍ ⴰⵣⵣⴰⵢⵔⵉ ⵢⴻⵃⵓⵍⴼⴰⵏ ⵙ ⵓⵣⵉⵢⴻⵔ ⵏ ⵓⵏⵢⵓⴷⴷⵓ ⵖⴻⵔ ⵜⵎⵓⵔⵜ-ⵉⵙ, ⵡⵉⴷ ⵢⴻⵙⵙⴰⵔⵓⵏ ⵍⵎⴻⵏⴼⴰⵄ ⵏ ⵜⵎⵓⵔⵜ ⵣⴷⴰⵜ ⵏ ⵢⴰⵍ ⵜⴰⵎⵙⴰⵍⵜ".
ⴰⵔⵏⵓ ⵖⴻⵔ
