ⴷⵣⴰⵢⴻⵜ ⵜⴰⵎⴰⵏⴻⵖⵜ – ⵉⴳⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴰⵙⵙ ⵏ ⵓⵙⵉⵏⴰⵙ, ⵜⵉⵏⴰⵡⵜ ⵉ ⵢⵉⵎⴻⴷⵔⴰⵡⴻⵏ ⴷⴻⴳ ⵜⵇⴰⵛⵓⵛⵜ ⵜⵓⵀⵍⵉⵙⵜ ⵏ ⵜⵙⴻⵇⵇⵉⵎⵜ ⵏ ⵓⵙⵡⵉⵔ ⵓⵏⵏⵉⴳ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵖⴻⴼ ⵙⵓⴷⴰⵏ ⵏ ⵓⵏⵥⵓⵍ (+5ⵛ), ⵢⴻⵖⵔⴰ-ⵜⵜ-ⵉⴷ ⵙ ⵢⵉⵙⴻⵎ-ⵏⵏⴻⵙ ⵓⵏⴻⵖⵍⴰⴼ ⴰⵎⴻⵏⵣⵓ, ⵎⴰⵙⵙ ⵙⵉⴼⵉ ⴳⵀⵔⵉⴻⴱ ⵙ ⵓⵙⴰⵔⴰⴳ ⵏ ⵜⴻⵥⵔⵉⴳⵜ. ⴷ ⵜⴰ ⵉ ⴷ ⵜⴰⵙⵓⵇⵇⵉⵍⵜ-ⵏⵏⴻⵙ ⵜⵓⵎⵎⵉⴷⵜ:
« ⵙ ⵢⵉⵙⴻⵎ ⵏ ⵢⵓⵛ ⴰⵎⴰⵍⵍⴰⵢ ⴰⵎⵏⴰⵀⴰⵖ. ⵜⴰⵍⴻⵎⵎⵉⵃⵜ ⴷ ⵜⴰⵍⵡⵉⵜ ⵖⴻⴼ ⵓⵀⴰⴳⴳⴰⵕ ⴰⴽⴽ ⴷⴻⴳ ⵢⵉⵎⴰⵣⵓⵏⴻⵏ-ⵏⵏⴻⵙ,
ⵜⴰⴼⴰⵣⵉⵜ-ⵏⵏⴻⴽ ⵎⴰⵜⴰⵎⴻⵍⴰ ⵛⵢⵔⵉⵍ ⵔⴰⵎⴰⵒⵀⵓⵙⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⴷ ⵓⵙⴻⵍⵡⴰⵢ ⵏ ⵜⵙⴻⵇⵇⵉⵎⵜ ⵜⵓⵣⵣⵉⴳⵜ ⵏ ⵓⵙⵡⵉⵔ ⵓⵏⵏⵉⴳ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵖⴻⴼ ⵙⵓⴷⴰⵏ ⵏ ⵓⵏⵥⵓⵍ,
ⵜⴰⴼⴰⵣⵉⵜ-ⵏⵏⴻⴽ ⵙⴰⵍⵯⴰ ⴽⵉⵉⵔ ⵎⴰⵢⴰⵔⴷⵉⵜ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵙⵓⴷⴰⵏ ⵏ ⵓⵏⵥⵓⵍ,
ⵜⵉⴼⴰⵣⵉⵢⵉⵏ-ⵏⵡⴻⵏ, ⵉⵏⴻⵎⵖⵓⵔⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ,
ⵎⴰⵙⵙⴰ ⵙⴻⵍⵎⴰ ⵎⴰⵍⵉⴽⴰ ⵀⴰⴷⴷⴰⴷⵉ, ⵜⴰⵏⵎⴰⵣⵓⵍⵜ ⵏ ⵓⵙⴻⵍⵡⴰⵢ ⵏ ⵜⴻⵙⵎⵉⵍⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ,
ⵎⴰⵙⵙ ⵊⴰⴽⴰⵢⴰ ⴽⵉⴽⵡⴻⵜⴻ, ⴰⴳⴻⵏⵙⴰⵙ ⵓⵏⵏⵉⴳ ⵏ ⵜⴻⵎⵏⴰⴹⵜ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ ⴷ ⵓⵎⴰⵣⵓⵏ ⵓⵣⵣⵉⴳ ⵏ ⵙⵓⴷⴰⵏ ⵏ ⵓⵏⵥⵓⵍ,
ⵎⴰⵙⵙⴰⵡⴰⵜ ⴷ ⵎⴰⵙⵙⴰⵡ ⵉⵏⴻⴱⴳⵉⵡⴻⵏ,
ⵙ ⵜⴻⴹⴼⵉ, ⴷⴻⴳ ⵜⴻⵣⵡⴰⵔⴰ ⵏ ⵜⴳⴻⵔⵎⴰⵏⵜ-ⵉⵏⵓ, ⴰⵔⴰ ⴰⵖⴷⴻⵖ ⴰⵙⵏⴻⵎⵎⴻⵔ ⴷ ⵓⴳⵓⴹⴰ-ⵉⵏⵓ ⴰⵍⵇⴰⵢⴰⵏ ⵉ ⵜⴼⴰⵣⵉⵜ-ⵏⵏⴻⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵜⴰⵡⴻⵍⵜⵎⴰⵜ ⵖⴻⴼ ⵓⵍⵡⴰⵢ-ⵏⵏⴻⵙ ⴰⵎⴰⵙⵏⴰⴳ ⵏ ⵢⵉⵎⴰⵀⵉⵍⴻⵏ ⵏ ⵜⵙⴻⵇⵇⵉⵎⵜ-ⵏⵏⴻⵖ ⵜⵓⵣⵔⵉⴽⵜ ⴷ ⵜⵙⴻⵏⵜⴰⵢⵜ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵜⴻⴱⴱⴻⴽ ⵜⴰⵇⴰⵛⵓⵛⵜ-ⴰ ⴷⴻⴳ ⵡⴰⵜⵜⴰⵍ-ⴰ ⴰⵖⴻⵜⵜⴰⵙ ⴷ ⵢⵉⵎⴻⵍⵖⵉ ⵉⵖⴻⴼ ⵜⴻⵜⵜⴻⴽⴽ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ ⵎⵉ ⴷ-ⵢⴻⵜⵜⴰⴷⴻⵙ ⵓⵙⵉⵀⴰⵕ ⴰⵙⴻⵍⵡⴰⵢⴰⵏ ⴷ ⴰⵅⴰⵜⴰⵔ ⴰⵔⴰ ⴷ-ⵢⵉⵍⵉⵏ ⵙⴻⴳ-ⴰ ⵖⴻⴼ ⴽⵔⴰⴹ (3) ⵏ ⵡⴰⵢⵢⵓⵔⴻⵏ ⴽⴰⵏ.
ⵖⵙⴻⵖ ⴷⴰⵖ ⴰⴷ ⴷ-ⵙⵎⵓⵏⴻⵢⵜⴻⵖ, ⵙ ⵢⵉⵙⴻⵎ ⵏ ⴷⵣⴰⵢⴻⵔ, ⴰⵎⴰ ⴷ ⴰⵏⴰⴱⴰⴹ, ⴰⵎⴰ ⴷ ⴰⵖⵔⴻⴼ, ⴰⴼⵛⴰⴷ-ⵉⵏⵓ ⵙ ⵓⵏⴻⵖⵏⵉ ⴷ ⵜⵉⵏⴻⵣⵜ-ⵉⵏⵓ ⵜⴰⵍⵇⴰⵢⴰⵏⵜ ⵉ ⵓⵏⴰⴱⴰⴹ ⴷ ⵓⵖⵔⴻⴼ ⵏ ⵜⴻⴳⴷⵓⴷⴰ ⵜⴰⴼⵉⴷⵉⵕⴰⵍⵉⵜ ⵜⴰⵎⴻⴳⴷⴰⵢⵜ ⵏ ⵉⵜⵢⵓⵒⵢⴰ ⵜⴰⵡⴻⵍⵜⵎⴰⵜ ⴷⴻⴼⴼⵉⵔ ⵓⴽⵎⵉⵏ ⵉⵎⴽⴻⵔⵔⴻⵙ ⵉ ⵉⵃⵓⴽⵕⴻⵏ, ⴰⵙⵙ ⵏ 24 ⵖⵓⵛⵜ ⵢⴻⵣⵔⵉⵏ, ⵉⴼⴻⵔⴷⵉⵙⴻⵏ ⵏ ⵢⵉⵖⴰⵍⵍⴻⵏ ⵏ ⵓⵃⵔⴰⵣ ⵏ ⵜⴰⵍⵡⵉⵜ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⵓ ⵜⵜⴰⵍⵙⴻⵖ ⵜⵜⵡⴻⴽⴽⵉⴷⴻⵖ-ⴷ ⴰⵙⵉⵥⴻⵔ-ⵏⵏⴻⵖ ⴰⴷⵓⵙⴰⵏ ⵎⴳⴰⵍ ⵓⵍⴻⴽⴽⵉⴷ-ⴰ ⴰⵎⴻⵍⵖⵓⵏ.
ⵜⵉⴼⴰⵣⵉⵢⵉⵏ-ⵏⵡⴻⵏ, ⵎⴰⵙⵙⴰⵡⴰⵜ ⴷ ⵎⴰⵙⵙⴰⵡ,
ⵙⵓⴷⴰⵏ ⵏ ⵓⵏⵥⵓⵍ ⴰⵜⵜⴰⵏ ⴷⴻⴳ ⵓⵖⴰⵢⴰⵏ ⴷ ⴰⵖⴻⵜⵜⴰⵙ, ⵓⵙⵙⴰⵏ-ⴰ ⵎⵉ ⴷ-ⵢⴻⵜⵜⴰⴷⴻⵙ ⵓⴽⴰⵍⴰ ⴰⴼⵔⴰⵏⴰⵏ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵡⴰⴽⵓⴷ ⴷ ⴰⵖⴻⵜⵜⴰⵙ ⴷⴻⴳ ⵓⵎⴻⵣⵔⵓⵢ ⵏ ⵜⵎⵓⵔⵜ-ⴰ. ⵜⵉⴼⵔⴰⵏⵉⵏ-ⴰ ⵉ ⵢⴻⴳⴳⵓⵏⵉ ⴰⵏⴻⵛⵜ ⵓⵖⵔⴻⴼ ⵏ ⵙⵓⴷⴰⵏ ⵏ ⵓⵏⵥⵓⵍ, ⵜⵜⵇⴰⴱⴰⵍⴻⵏⵜ ⵉⵛⵇⵉⵔⵔⵡⴻⵏ ⴷ ⵉⵎⴻⵣⴳⵉⵢⴻⵏ ⵢⴻⵔⵏⵓ ⴷ ⵉⵏⵉⵍⴰⵡⴻⵏ, ⵢⴻⵔⵏⵓ ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵙⵉⵡⴻⴹ ⵓⵍⴰ ⵖⴻⵔ ⵓⵙⴻⴷⵔⴻⵎ ⵏ ⵢⵉⴽⵙⴰⴱⴻⵏ ⴷ-ⵢⴻⵍⵍⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ.
ⵛⵛⵉⵍ ⵏ ⵡⵓⵙⵙⵉⵙⴻⵏ ⵉⵏⴻⵥⵥⴰⵡⴻⵏ ⴷ-ⵢⴻⵍⵍⴰⵏ ⴰⵙⴻⴳⴳⴰⵙ-ⴰ ⵙⵖⵓⵔ ⵜⴷⵓⴽⵍⵉ ⵜⴰⴼⵔⵉⵇⵉⵜ – ⵉ ⴷ-ⵏⴻⵜⵜⴰⵎⴻⵍ ⵀⵓⵍⵍⴰⵏ – ⴷ ⵓⵎⵉⵔⴻⵡ ⵓⵖⵜⵉⵙ ⵏ ⵢⵉⴷⵓⴱⴰ ⵏ ⵜⵓⴽⴽⵉⵜ ⴰⴽⴽⴻⵏ ⴰⴷ ⴰⵥⴻⵏ ⵖⴻⵔ ⵙⴷⴰⵜ ⴷⴻⴳ ⵓⴽⴰⵍⴰ ⴰⴼⵔⴰⵏⴰⵏ (ⵉⴷⴻⴳ ⴷ-ⵢⴻⵍⵍⴰ ⵢⵉⵎⵉⴽ ⵏ ⵓⴼⴰⵔⴰ, ⵍⴰⴷⵖⴰ ⴰⴽⵍⴰⵙ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⴰⵏⴻⵏ ⴷ ⵓⵙⵉⴷⴻⴼ ⵏ ⵢⵉⵙⴻⵏⵡⵉⵢⴻⵏ ⵉⵜⵡⵉⵍⴰⵏⴻⵏ ⴷⴻⴳ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ-ⵢⴻⵜⵜⵡⴰⵙⵙⵓⴷⴷⵔⴻⵏ), ⵜⴰⴳⵏⵉⵜ ⴷⴻⴳ ⵓⵏⵔⴰⵔ ⵜⵙⵓⵍ ⵜⵛⴻⵖⵖⴻⴱ ⴷⴻⴳ ⵡⴰⴽⴽ ⵉⵙⵡⵉⵔⴻⵏ: ⴰⵙⴻⵔⵜⴰⵏ, ⴰⵖⴻⵍⵍⵉⵙⴰⵏ ⴷ ⵓⵍⵙⴰⵏ.
ⴷⴻⴳ ⵜⵉⴷⴻⵜ, ⴰⴽⵎⵉⵎ ⴰⵙⴻⵔⵜⴰⵏ ⴳⴰⵔ ⵢⵉⵏⴻⵣⵎⴰⵍⴻⵏ ⵏ ⵓⵎⵜⴰⵡⴰ ⴷ-ⵢⴻⵜⵜⵡⴰⵙⵙⵓⴷⴷⵔⴻⵏ ⵉⵍⴰ ⵜⴰⵣⵔⵉⵔⵜ ⴷ ⵜⴰⵎⴰⵥⴰⵢⵜ ⵖⴻⴼ ⵜⴰⵍⵍⵉⵜ ⵏ ⵜⵡⴰⵍⴰ ⵏ ⵜⵓⴽⴽⵉⵜ ⴷ ⵢⵉⵎⴰⵍ ⵏ ⵓⵎⵜⴰⵡⴰ-ⴰ ⵙ ⵢⵉⵎⴰⵏ-ⵏⵏⴻⵙ. ⵉⴱⴰⵏ ⴷⴰⴽⴽⴻⵏ ⵡⴰⵔ ⵜⵉⵖⴱⵓⵍⴰ, ⵡⴰⵔ ⵜⴰⵣⴻⴷⵏⵉⵍⴰ ⵜⴰⵙⴻⵔⵜⴰⵏⵜ ⴷ ⵜⴰⵍⵡⵉⵜ ⵜⵓⵏⵣⵉⴳⵜ, ⵜⴰⴳⵏⵉⵜ ⵜⵙⵓⵍ ⴰⴷ ⵜⴻⵇⵇⵉⵎ ⴷ ⵜⴰⵎⴻⵏⴷⴰⴳⵜ.
ⴰⵖⴰⵏ-ⵏⵏⴻⵖ, ⴰⵙⵙ-ⴰ, ⴷ ⴰⴷⵀⴰⵍ ⵏ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ ⴰⴽⴽⴻⵏ ⴰⴷ ⵜⴰⵥ ⵙ ⵢⵉⵙⵓⵔⵉⴼⴻⵏ ⴷ ⵓⵖⵜⵉⵙⴻⵏ ⴷⴻⴳ ⵓⴽⴰⵍⴰ ⴰⵔⴰ ⵉⴼⴰⴽⴻⵏ ⵜⴰⵣⵖⴻⵏⵜ ⵜⴰⴳⴻⵏⵙⵉⵜ ⵉ ⵉⴳⴻⵍⵍⴻⵍⴻⵏ ⵙ ⵓⴽⵜⴰⵣⴻⵍ ⴷ ⴰⴼⵔⴰⵔⴰⵢ ⵏ ⵜⴻⴳⵏⵉⵜ ⵜⴰⵏⵉⵎⵉⵔⵜ ⴷ ⵓⵙⴱⴰⴷⵓ ⵏ ⵡⴰⴽⴰⵜⴻⵏ ⵓⵜⵔⵉⴱⴻⵏ ⵉ ⵢⴻⵙⵙⴻⴼⴽⴻⵏ ⴰⴷ ⵜⵜⵡⴰⴷⴷⵎⴻⵏ.
ⵖⴻⴼ ⵡⴰⵢⴰ, ⵢⴻⵔⵏⵓ ⵙ ⵓⵏⵥⴰ-ⵏⵏⴻⵖ ⴰⵍⵇⴰⵢⴰⵏ ⴷⴰⴽⴽⴻⵏ ⴰⵎⵜⴰⵡⴰ ⴷ-ⵢⴻⵜⵜⵡⴰⵙⵙⵓⴷⴷⵔⴻⵏ ⵉ ⵓⴼⴻⵔⵔⵓ ⵏ ⵓⵎⵢⴻⵏⴽⴰⴼ ⵏ ⵜⴻⴳⴷⵓⴷⴰ ⵏ ⵙⵓⴷⴰⵏ ⵏ ⵓⵏⵥⵓⵍ ⴰⴷ ⵢⴻⵇⵇⵉⵎ ⴷ ⴰⴽⴰⵜⴰⵔ ⴰⵙⴻⵔⵜⴰⵏ ⵓⵣⵔⵉⴼ ⵢⴻⵔⵏⵓ ⴷ ⵡⵉⵏ ⴰⵔⴰ ⴷ-ⵢⴻⴽⴽⴻⵏ ⵏⵏⵉⴳ ⵜⴻⵣⵖⴻⵏⵜ-ⴰ ⵜⴰⵏⵉⵎⵉⵔⵜ ⵢⴻⵔⵏⵓ ⴰⵖⵔⴻⴼ ⵏ ⵙⵓⴷⴰⵏ ⵏ ⵓⵏⵥⵓⵍ ⴷ ⵏⴻⵜⵜⴰ ⵉ ⴷ ⵉⴷⵉⵙⵉ ⴰⵏⴰⵢⴰⵏ ⴰⵢⵉⵡⵏⴰⵏ ⴰⵔⴰ ⵉⴼⴻⵔⵏⴻⵏ ⵉⵎⴰⵍ-ⵏⵏⴻⵙ, ⵜⴰⵎⵓⵔⵜ ⴷⵣⴰⵢⴻⵔ ⵜⴻⵜⵜⵃⴻⵜⵜⵉⵜ-ⴷ ⵖⴻⴼ ⵜⴻⵏⵇⵉⴹⵉⵏ-ⴰ:
ⵜⴰⵎⴻⵣⵡⴰⵔⵓⵜ, ⴷⵣⴰⵢⴻⵔ ⵜⴻⴳⴳⴰⵔ-ⴷ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⵉⵏⴻⵣⵎⴰⵍⴻⵏ ⵏ ⵓⵎⵜⴰⵡⴰ ⴷ-ⵢⴻⵜⵜⵡⴰⵙⵙⵓⴷⴷⵔⴻⵏ, ⴰⴽⴽⴻⵏ ⴰⴷ ⴷⴻⵔⵡⴻⵏ ⴰⴷⵔⴰⵡ ⴷ ⵓⵔⵎⵉⴷ ⵢⴻⵔⵏⵓ ⴷ ⵓⵎⵏⵉⴳ ⴷⴻⴳ ⵓⴷⵉⵡⴻⵏⵏⵉ ⴰⵙⴻⵔⵜⴰⵏ ⴰⵙⵓⵎⴰⵢ ⴷ ⵓⵎⴻⵚⴽⵉⵡⴰⵏ, ⴰⴷ ⵙⵎⴻⵏⵢⵉⴼⴻⵏ ⵜⴰⵏⴰⴼⵓⵜ ⵜⴰⵖⴻⵍⴰⵏⵡⵜ ⵜⵉⵎⵉⵏⴻⴳⵜ ⵖⴻⴼ ⵜⵙⵓⴹⵏⵉⵏ ⵜⵉⵙⴻⵖⵏⴰⵢⵉⵏ. ⵉⵍⵎⴻⵏⴷ ⵏ ⵡⴰⵢⴰ, ⵏⴻⵜⵜⴰⵎⴻⵍ-ⴷ ⵀⵓⵍⵍⴰⵏ ⵜⴰⵙⴻⵏⵜⴰⵢⵜ ⴷ-ⵜⴻⴼⴽⴰ ⵜⴻⴳⴷⵓⴷⴰ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵜⴰⵡⴻⵍⵜⵎⴰⵜ, ⵙ ⵢⵉⵙⴻⵎ-ⵏⵏⴻⵙ ⴷ ⵜⴰⵙⴻⵍⵡⴰⵢⵜ ⵏ ⵜⴻⴳⵔⴰⵡⵜ ⵏ ⵛ5, ⵉⵍⵎⴻⵏⴷ ⵏ ⵓⵔⵎⴰⵙ ⵏ ⵓⴷⵉⵡⴻⵏⵏⵉ ⴰⵙⴻⵔⵜⴰⵏ ⴳⴰⵔ ⵢⵉⴷⵉⵙⴰⵏ ⵉⵏⴻⵣⵎⴰⵍⴻⵏ ⵏ ⵓⵎⵜⴰⵡⴰ ⴷ-ⵢⴻⵜⵜⵡⴰⵙⵙⵓⴷⴷⵔⴻⵏ, ⴷ ⵜⴰⵙⴻⵏⵜⴰⵢⵜ ⵉ ⵏⴻⵜⵜⵡⴰⵍⵉ ⴷ ⴰⵙⵓⵔⵉⴼ ⵏ ⵜⵉⵅⵅⵓⵜⴻⵔⵜ ⵜⴰⵎⴻⵇⵇⵔⴰⵏⵜ ⴰⴽⴽ.
ⵜⵉⵙ ⵙⵏⴰⵜ, ⵜⴻⴳⴳⴰⵔ-ⴷ ⵜⵉⵖⵔⵉ ⵉ ⵢⵉⴷⵉⵙⴰⵏ ⵉ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷⴻⵔⵡⴻⵏ ⴷⴻⴳ ⵜⴷⵉⵏⴰⵎⵉⵜ ⵏ ⵓⵀⴻⴷⴷⴻⵏ, ⴰⴷ ⵙⴱⴻⴷⴷⴻⵏ ⴰⴽⴽ ⵜⵉⴳⴰⵡⵉⵏ ⵜⵓⵎⵔⵉⴳⵉⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⴰⴷ ⵇⴰⴱⵍⴻⵏ ⵉⵛⵇⵉⵔⵔⵡⴻⵏ ⵉⵖⴻⵍⵍⵉⵙⴰⵏⴻⵏ ⵢⴻⵔⵏⵓ ⴰⴷ ⵙⴷⵓⴽⴽⵍⴻⵏ ⵜⵉⴷⵓⵙⵉⵡⵉⵏ.
ⵜⵉⵙ ⴽⵔⴰⴹⵜ, ⵜⴰⵎⵓⵔⵜ-ⵉⵏⵓ ⵜⴻⴳⴳⴰⵔ-ⴷ ⵜⵉⵖⵔⵉ ⵉ ⵢⵉⴷⵓⴱⴰ ⵏ ⵜⵓⴽⴽⵉⵜ ⴰⴽⴽⴻⵏ ⴰⴷ ⵛⴻⴽⴹⴻⵏ ⴰⵙⴳⴻⴷⵡⵉ ⵏ ⵓⵙⵉⴷⵔⴻⵎ ⴰⵖⴻⵍⵏⴰⵡ ⵢⴻⵙⵙⴻⴼⴽⴻⵏ ⵉ ⵜⵙⵓⴷⴰ ⵜⵉⴼⵔⴰⵏⴰⵏⵉⵏ ⵢⴻⵔⵏⵓ ⴰⴷ ⴷ-ⵙⵏⵓⴳⴷⴻⵏ ⵜⵉⴼⴻⵔⴽⵉⵜ ⵏ ⵓⴱⵔⵉⴷ ⵜⴰⴼⵔⴰⵏⴰⵏⵜ ⴷ ⵜⴰⵎⴻⵥⵔⵉⵍⴰⵡⵜ ⵢⴻⵔⵏⵓ ⴷ ⵜⴰⵣⴻⴷⵏⵉⵍⴰⵏⵜ, ⴷ ⵜⵉⵏ ⴰⵔⴰ ⵢⴻⴽⴽⵙⴻⵏ ⴰⵖⴱⴻⵍ ⵉ ⵡⴰⴽⴽ ⵉⵎⴻⴳⴳⵉⵢⴻⵏ ⵉⵙⴻⵔⵜⴰⵏⴻⵏ ⴷ ⵓⵖⵔⴻⴼ ⵏ ⵙⵓⴷⴰⵏ ⵏ ⵓⵏⵥⵓⵍ.
ⵜⵉⵙ ⴽⵓⵥⴻⵜ, ⴷⵣⴰⵢⴻⵔ ⵜⴻⴳⴳⴰⵔ-ⴷ ⵜⵉⵖⵔⵉ ⵉ ⵢⵉⵡⴰⵏⴰⴽⴻⵏ ⵉⵎⴰⵙⵍⴰⴹⴻⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵢⵉⵏⴻⴱⵍⴰⴳⴻⵏ ⵉⴳⵔⴰⵖⵍⴰⵏⴻⵏ ⴰⴽⴽⴻⵏ ⴰⴷ ⴷⴷⵎⴻⵏ ⵜⴰⵎⴰⵙⵉⵜ, ⴰⴷ ⵟⵟⴼⴻⵏ ⴷⴻⴳ ⵢⵉⵎⵉⵔⵡⴻⵏ-ⵏⵙⴻⵏ ⵢⴻⵔⵏⵓ ⴰⴷ ⴳⴻⵏ ⴰⵡⵡⴰⵙⴻⵏ ⴷ ⵉⴽⵎⴰⵎⴻⵏ ⴰⴽⴽⴻⵏ ⴰⴷ ⵞⵞⴰⵕⴻⵏ ⵜⵉⵙⵙⴻⵔⵜ ⵜⴰⴷⵔⵉⵎⴰⵏⵜ ⵏ ⵓⴽⴰⵍⴰ ⴰⴼⵔⴰⵏⴰⵏ ⵏⴳⵓⵎ ⴰⵢⵢⵓⵔ ⵏ ⵜⵓⴱⴻⵕ, ⵙ ⵓⵣⵔⴰⴽ ⵏ ⵜⴻⵖⵔⴰ ⵉ ⴷ-ⵉⴳⴻⵔ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⵙⴳⵓⵔⵉ-ⵏⵏⴻⵙ ⵜⴰⵏⴻⴳⴳⴰⵔⵓⵜ.
ⵜⵉⵙ ⵙⴻⵎⵎⵓⵙⴻⵜ ⴷ ⵜⵏⴻⴳⴳⴰⵔⵓⵜ, ⵜⴻⴳⴳⴰⵔ-ⴷ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⵙⵙⵓⴳⴳⴻⵜ ⴰⴷⵀⴰⵍ ⴰⵎⴷⴰⵏⴰⵏ ⵓⵜⵔⵉⴱ ⵉ ⵜⵖⴻⵔⴼⴰ ⵉ ⵜⵃⵓⵣⴰ ⵜⴰⵍⵓⴼⵜ ⵢⴻⵔⵏⵓ ⴰⴷ ⵢⴻⴹⵎⴻⵏ ⴰⴷⴰⴼ ⴷ ⵓⵖⵍⵉⵙ ⵢⴻⵔⵏⵓ ⵡⴰⵔ ⵓⵏⵊⵓⴳⴻⵏ ⵉ ⵜⴰⵍⵍⴰⵍⵜ-ⴰ.
ⵜⵉⴼⴰⵣⵉⵢⵉⵏ-ⵏⵡⴻⵏ, ⵎⴰⵙⵙⴰⵡⴰⵜ ⴷ ⵎⴰⵙⵙⴰⵡ,
ⴰⵎⵉⵔⴻⵡ ⵏ ⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵙⵓⴷⴰⵏ ⵏ ⵓⵏⵥⵓⵍ ⵎⴰⵛⵉ ⴷ ⵡⵉⵏ ⵏ ⵜⵙⴻⵖⵏⴰ, ⵡⴰⵏⴰⴳ ⵢⴻⵔⵙ ⵖⴻⴼ ⵢⵉⵎⴻⵏⵣⴰⵢⴻⵏ ⵓⵔ ⵉⵏⴻⴼⴼⵍⴻⵏ ⵢⴻⵔⵏⵓ ⵉⴱⴰⵏ-ⴷ ⵎⴻⵏⵏⴰⵡ ⵏ ⵜⵉⴽⴽⴰⵍ ⴷⴻⴳ ⵓⵏⵔⴰⵔ. ⴷⵣⴰⵢⴻⵔ ⵜⴻⵜⵜⴰⵍⴻⵙ ⵜⴻⵜⵜⵡⴻⴽⴽⵉⴷ-ⵙ ⵙⴻⴳ ⵓⵙⵉⵏⴰⵡ-ⴰ ⵜⴰⵎⵙⴻⵜⵍⴻⵍⵜ-ⵏⵏⴻⵙ ⵜⵓⵎⵎⵉⴷⵜ ⴷ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ ⴷⴻⴳ ⵓⵏⴰⴷⵉ ⵉ ⵜⴻⵜⵜⵏⴰⴷⵉ ⴰⴷ ⵜⴻⵙⴳⵉⵔ ⵜⵉⵎⴻⵚⴽⵉⵡⵜ ⵏ ⵜⵙⵓⴷⴰ-ⵏⵏⴻⵙ, ⴰⵎ ⵡⴰⴽⴽⴻⵏ ⵉ ⵜⴻⵜⵜⴰⵍⴻⵙ ⵜⴻⵜⵜⵡⴻⴽⴽⵉⴷ-ⴷ ⵜⵎⵓⵔⵜ-ⵉⵏⵓ ⴰⵎⵓⵜⴻⴳ-ⵏⵏⴻⵙ ⵓⵎⵎⵉⴷ ⴰⴽⴽⴻⵏ ⴰⴷ ⴷ-ⵜⴻⴼⴽ ⴰⴷⵀⴰⵍ ⴰⵍⵓⵊⵉⵙⵜⴰⵏ ⴷ ⵓⵜⵡⵉⵍⴰⵏ ⵢⴻⵙⵙⴻⴼⴽⴻⵏ ⵉ ⵓⵙⵉⴷⴻⵡ ⵏ ⵢⵉⴷⵓⴱⴰ ⴷ ⵢⵉⴳⵎⴰⵏⴻⵏ ⵉⴼⵔⴰⵏⴰⵏⴻⵏ ⵏ ⵙⵓⴷⴰⵏ ⵏ ⵓⵏⵥⵓⵍ ⴷⴻⴳ ⵡⴰⵏⵏⵓⴼ-ⴰ ⴰⵖⵜⴰⵙⴰⵏ.
ⵉⵍⵎⴻⵏⴷ ⵏ ⵜⴻⴳⵔⴰⵢⵜ, ⵏⴻⴳⴳⴰⵔ-ⴷ ⵜⵉⵖⵔⵉ ⵉ ⵜⵇⴰⵛⵓⵛⵜ-ⴰ ⵜⵓⵣⵔⵉⴽⵜ ⴰⴽⴽⴻⵏ ⴰⴷ ⵜⴰⵣⴻⵏ ⵉⵣⴻⵏ ⴰⴼⵔⵉⵇⵉ ⴷ ⴰⴷⵓⵙⴰⵏ ⵢⴻⵔⵏⵓ ⵢⴻⴷⴷⵓⴽⴽⴻⵍ, ⴷ ⵡⵉⵏ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⵎⵙⴻⵜⵍⴻⵍⵜ-ⵏⵏⴻⵖ ⵜⵓⵎⵎⵉⴷⵜ ⴷ ⵓⵖⵔⴻⴼ ⵏ ⵙⵓⴷⴰⵏ ⵏ ⵓⵏⵥⵓⵍ ⵢⴻⵔⵏⵓ ⵢⴻⵜⵜⵡⴻⴽⴽⵉⴷ-ⴷ ⴰⵎⵉⵔⴻⵡ-ⵏⵏⴻⵖ ⴰⵎⴻⵣⴷⴰⵢ ⵉⵍⵎⴻⵏⴷ ⵏ ⵓⵙⵉⴷⴻⵡ-ⵏⵏⴻⵙ ⴰⵔⵎⴰ ⵜⴻⵡⵡⴻⴹ ⵖⴻⵔ ⵡⴰⴽⴰⵍ ⵏ ⵜⵖⴻⵍⵍⵉⵙⵜ ⵙ ⵓⴱⵔⵉⴷ ⵏ ⵜⴰⵍⵡⵉⵜ ⴷ ⵓⵔⴽⴰⴷ.
ⴰⵎⵓⵔⴻⵙ ⵏ ⵙⵓⴷⴰⵏ ⵏ ⵓⵏⵥⵓⵍ ⴷⴻⴳ ⵢⵉⵔⵉⵔⵉ ⵏ ⵜⵖⴻⵍⵍⵉⵙⵜ ⴷ ⴰⵎⵓⵔⴻⵙ ⵏ ⵜⴻⴼⵔⵉⵇⵜ ⴰⴽⴽⴻⵏ ⵎⴰ ⵜⴻⵍⵍⴰ ⵢⴻⵔⵏⵓ ⵜⴰⵎⴰⵙⵉⵜ-ⵏⵏⴻⵖ ⵜⴰⵎⴻⵣⴷⴰⵢⵜ ⵜⴻⵙⵙⵓⵜⵓⵔ-ⴷ ⴰⴷ ⵏⴱⴻⴷⴷ ⴷ ⵉⵃⴷⴻⵔ ⵖⴻⵔ ⵢⵉⴷⵉⵙ ⵏ ⵡⴰⵢⵜⵎⴰⵜⴻⵏ-ⵏⵏⴻⵖ ⴷⴻⴳ ⵜⵙⴻⵖⵏⴰ-ⴰ ⵜⵉⵎⴻⵍⵖⵉⵜ.
ⵙⵏⴻⵎⵎⵉⵔⴻⵖ-ⴽⴻⵏ ⵖⴻⴼ ⵜⴳⴻⵔⵔⴰⵡⵜ-ⵏⵡⴻⵏ ⵜⵓⵃⴷⵉⵇⵜ.
ⵜⴰⵍⵡⵉⵜ ⴷ ⵜⵍⴻⵎⵎⵉⵃⵜ ⵏ ⵢⵓⵛ ⴼⴻⵍⵍ-ⴰⵡⴻⵏ”.
ⴰⵔⵏⵓ ⵖⴻⵔ
