ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵔⵎⴻⵙ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴷⴰⵎⵙⴰⵏ, ⴰⵏⵎⴻⵜⵜⵉ ⴰⴽⴽⴻⴷ ⵜⵡⴻⵏⵏⴰⴹⵜ, ⵎⵧⵀⴰⵎⴻⴷ ⴱⵧⵓⴽⵀⴰⵔⵉ, ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵡⴻⵜ ⵏ ⵜⵎⴰⴳⵍⴰ ⵏ ⵜⴻⵙⵎⵉⵍⵜ ⵜⴰⵖⴻⵍⵏⴰⵡⵜ ⵜⵉⵎⵣⵉⵔⴻⴳⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵜⴻⴳⴷⵓⴷⴰ ⵏ ⴱⵓⵔⵓⵏⴷⵉ, ⵙ ⵜⵙⴻⵍⵡⵉⵜ ⵏ ⵎⴰⵔⵜⵉⵏ ⴱⵍⴰⵉⵙ ⵏⵢⴰⴱⵓⵀⵓ. Ɣⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ ⵏ ⵓⵙⴻⵇⵇⴰⵎⵓ, ⵜⵉⵎⵍⵉⵍⵉⵜ-ⴰ ⵜⴻⴵⴵⴰ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵓⵙⵙⴻⴱⴷⴻⴷ ⵏ ⵜⵜⴰⵡⵉⵍⴰⵜ ⵏ ⵜⴻⵖⵡⴰⵍⵜ ⵜⵓⵏⵣⵉⴳⵜ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⵙⴻⵊⵀⴻⴷ ⵏ ⵜⵉⴳⴰⵡⵜ ⵜⴰⴼⵔⵉⵇⵉⵜ ⵜⵓⵛⵔⵉⴽⵜ. ⵜⵉⵎⵍⵉⵍⵉⵜⴰ, ⴰⵢ ⴷⵢⴻⵍⵍⴰⵏ ⵙ ⵍⵃⵓⴹⵓⵔ ⵏ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵎⴰⵢⴰ ⴼⴰⴷⴻⵍ ⵙⴰⵀⵍⵉ, ⵜⴻⵍⵍⴰⴷ ⴷⴻⴳ ⵓⴽⴰⵜⴰⵔ ⵏ ⵜⴻⵔⵣⵉ ⵜⵓⵏⵚⵉⴱⵜ ⵏ ⵓⵎⴰⵀⵉⵍ ⵏ ⵜⵎⴰⴳⵍⴰ ⵏ ⴱⵓⵔⵓⵏⴷⵉ ⴷⴻⴳ ⵍⴷⵣⴰⵢⴻⵔ ⵙⴻⴳ 8 ⴰⵔ 14 ⵡⴰⵎⴱⴻⵔ. ⵜⵎⵓⵖⵍⵉⵡⵉⵏ ⴷⴻⴳ ⵢⵉⵃⵔⵉⵛⴻⵏ ⵏ ⵜⴷⴰⵎⵙⴰ, ⵏ ⵜⵎⴻⵜⵜⵉ ⴷ ⵜⵡⴻⵏⵏⴰⴹⵜ. ⵢⴻⵜⵜⵡⴰⴱⴷⴻⵔⴷ ⴷⴰⵖ ⵓⵜⵜⴻⴽⴽⵉ ⵏ Useqqamu ⴷⴻⴳ ⵓⵙⵙⴻⴱⴷⴻⴷ ⵏ ⵓⴷⵉⵡⴻⵏⵏⵉ ⵙ ⵓⵜⵜⴻⴽⴽⵉ ⴷ ⵓⵙⵎⴰⵍ ⵏ ⵜⵙⴻⵔⵜⵉⵢⵉⵏ ⵏ ⵓⵙⵏⴻⴼⵍⵉ ⵓⵏⵣⵉⴳ, ⵖⴻⴼ ⵡⴰⴽⴽⴻⵏ ⴰⵢ ⴷⵢⴻⵔⵏⴰ ⵓⵍⵖⵓⴰ. ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜⴰ, ⵜⵉⵔⵣⵉⴰ ⵜⴻⵍⵍⴰⴷ ⴷ « ⴰⵃⵔⵉⵛ ⵢⴻⵙⵄⴰⵏ ⴰⵣⴰⵍ ⵎⴻⵇⵇⵔⴻⵏ ⵉ ⵓⵎⴱⵉⴷⴷⴻⵍ ⵏ ⵜⴻⵣⵔⴰⵡⵉⵏ ⴷ ⵓⵡⴻⴽⴽⴻⴷ ⵏ ⵡⴰⵙⵙⴰⵖ ⵉⵇⴻⵔⴱⴻⵏ ⴳⴰⵔ ⵓⵃⵔⴰⵣ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵓⵙⵙⵉⵡⴻⴹ ⵏ ⵓⵙⵏⴻⴼⵍⵉ ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ ⴰⵎⴰⵜⵓ, ⵍⴰⴷⵖⴰ ⴷⴻⴳ ⵜⴻⴳⵏⵉⵜ ⵏ ⵜⵎⵓⵖⵍⵉⵡⵉⵏ ⵏ ⵓⵙⵏⴻⴼⵍⵉ ⴰⵢ ⵢⴻⵜⵜⵓⵏⴻⴼⴽⴻⵏ ⵉ Useqqamu ⴷⴻⴳ ⵓⴹⴼⴰⵔ ⵏ ⵜⵙⴻⵔⵜⵉⵜ ⵜⴰⵏⴰⴳⴷⵓⴷⵜ ».
ⴰⵔⵏⵓ ⵖⴻⵔ
