ⴷⵣⴰⵢⴻⵔ ⵜⴰⵎⴰⵏⴻⵖⵜ - ⵢⴻⵙⵙⴻⵖⵍⴻⴼ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵏⴻⵖⵍⴰⴼ ⵏ ⵡⴰⴷⴷⴰⵍ, ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵉ ⵢⴻⵙⵙⴻⵍⵡⵉ ⴰⵙⵙ ⵏ ⵓⵙⴰⵎⴰⵙ, ⴰⴷ ⵢⴻⵙⵙⵉⵡⴻⴹ ⴰⵙⴻⵔⵖⴻⴷ-ⵏⵏⴻⵙ ⴰⵍⵇⴰⵢⴰⵏ ⵉ ⵜⴻⵖⵍⴰⵎⵜ ⵜⴰⵖⴻⵍⴰⵏⵡⵜ ⵏ ⵜⵛⵉⵔⴹⴰⵔⵜ ⴷ ⵢⵉⵎⴰⵀⴰⵍⴻⵏ-ⵏⵏⴻⵙ ⵉⵜⵡⵉⵍⴰⵏⴻⵏ, ⴷⴻⴼⴼⵉⵔ ⵓⴷⵔⴰⵡ-ⵏⵏⴻⵙ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⵔⴰⵡ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵜⵛⵉⵔⴹⴰⵔⵜ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵜⴰⵏⴻⴳⴳⴰⵔⵓⵜ, ⵢⴻⵙⵙⴻⵖⵍⴻⴼ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵏⴻⵖⵍⴰⴼ ⵏ ⵡⴰⴷⴷⴰⵍ ⴰⴽⴽⴻⵏ ⴰⴷ ⵢⴻⵙⵙⴻⵔⵖⴻⴷ ⵙⴻⴳ ⵡⵓⵍ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⴷ ⵢⵉⵎⴰⵀⴰⵍⴻⵏ ⵉⵜⵡⵉⵍⴰⵏⴻⵏ, ⵖⴻⴼ ⵢⵉⵖⴻⴼ-ⵏⵙⴻⵏ ⴰⵙⵏⴻⴼⵔⴰⵏ ⵯⵍⴰⴷⵉⵎⵉⵔ ⵒⴻⵜⴽoⵯⵉⵛ, ⵢⴻⵔⵏⵓ ⵢⵓⵣⴻⵏ-ⴰⵙⴻⵏ ⵎⴰⵙⵙ ⴰⵙⴻⵍⵡⴰⵢ ⴰⵙⴻⴱⵖⴻⵙ-ⵏⵏⴻⵙ, ⴰⵎ ⵡⴰⴽⴽⴻⵏ ⵉ ⴰⵙⴻⵏ-ⵢⴻⵙⵙⴰⵔⴻⵎ ⴰⵎⴻⵛⵡⴰⵕ ⴷ ⴰⵎⴰⵔⴰⵙ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⴷ-ⵉⵜⵜⴻⴷⴷⵓⵏ.
ⵢⴻⵙⵙⴰⵡⴻⴹ ⴷⴰⵖ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵣⵓⵍⴻⵏ-ⵏⵏⴻⵙ ⵉ ⵡⴰⴽⴽ ⵉⵙⴻⴱⵖⴰⵙⴻⵏ ⵉⴷⵣⴰⵢⵔⵉⵢⴻⵏ, ⵍⴰⴷⵖⴰ ⵉⵎⴰⵙⵍⴰⴹⴻⵏ ⵏ ⵓⵎⵖⵉⵡⴰⵏ-ⵏⵏⴻⵖ ⴰⵖⴻⵍⵏⴰⵡ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ, ⵡⵉⴷ ⴷ-ⵢⵓⵙⴰⵏ ⵙⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ ⴰⴽⴽⴻⵏ ⴰⴷ ⴷⴻⵀⵍⴻⵏ ⵜⴰⵖⵍⴰⵎⵜ-ⵏⵏⴻⵖ ⵜⴰⵖⴻⵍⵏⴰⵡⵜ.
ⵜⴼⵓⴽ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵙ ⵓⵙⴻⵖⴱⴻⵍ ⵏ ⵢⵉⵙⵓⵎⵎⴷⴻⵏ ⴷ ⵓⴼⴰⴽⵉ ⵏ ⵜⵡⵓⵔⴰ ⵏ ⴽⵔⴰ ⵏ ⵢⵉⵎⴰⵙⴰⵢⴻⵏ ⴷ-ⵢⴻⵍⵀⴰⵏ ⵙ ⵢⵉⵏⵙⴰⵜⴻⵏ ⵉⵎⵉⵏⴳⴻⵏ ⵏ ⵓⵡⴰⵏⴰⴽ.
ⴰⵔⵏⵓ ⵖⴻⵔ
