ⵉⵙⴻⵍⵍⴻⵎ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵓⵍⵍⵉ ⵙⴰⵉⴷⴰⵍ, ⵎⴰⵙⵙ ⵎⵓⵓⵔⴰⴷ ⴱⴻⵍⴽⵀⴻⵍⴼⴰ, ⵉⴹⴻⵍⵍⵉ ⵏ ⵜⵜⵍⴰⵜⴰ, ⵉ ⵓⵎⴰⵙⴰⵢ ⵏ ⵜⴻⵎⵙⴰⵍ ⴷⴻⴳ ⵜⴰⵎⴰⵙⵓⵏⵜ ⵏ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵎⴰⵔⵛ ⴰ. ⵙⵀⴰⵒⵉⵔⵓ, ⵢⴻⴷⴷⴰ ⴷ ⵢⵉⵡⴻⵜ ⵏ ⵜⴰⵔⴱⴰⵄⵜ ⵙⴻⴳ ⵜⵎⴰⵙⴼⴰⴷⵉⵏ "Abbott" ⵏ ⵎⴰⵔⵉⴽⴰⵏ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷⴻⴳ ⵡⴻⵎⴽⴰⵏ ⵏ ⵓⴼⴰⵔⵉⵙ "ⵇⵙⴻⵏⵟⵉⵏⴰ 1" ⵉ ⵢⴻⵟⵟⴰⴼⴰⵔⴻⵏ ⵙⴰⵉⴷⴰⵍ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵙⴰⵉⴷⴰⵍ ⴰⵙⵙ-ⴰ ⵏ ⵍⴰⵔⴻⴱⴻⵄ, ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵜⵉⴳⵏⵉⵜ ⵏ ⵜⴰⵣⵍⴻⵎⵜ "ⵉⵏⴼⵍⵓⵠⴰⵛ" ⴷⴻⴳ ⵓⵣⴻⵏⵣⵉⵖ ⵏ ⵜⴷⵓⴽⵍⵉ ⵉⵕⴻⵙⵙⴰⵏ ⴳⴰⵔ ⵙⴰⵉⴷⴰⵍ ⴷ ⵜⵙⵏⵓⵔⴻⴼⵜ ⴰⴱⴱⵓⵜⵜ. ⵜⴰⵔⴱⴰⵄⵜ ⵏ ⵎⴰⵔⵉⴽⴰⵏ ⵜⴻⵙⵙⴻⵏⴽⴰⴷ ⵍⵇⴻⴷⴷ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⴷ ⵜⴻⵣⵎⵎⴰⵔ ⵏ ⵢⵉⴼⴰⵙⵙⴻⵏ ⵏ ⵓⵎⴰⵀⵉⵍ ⵏ ⵙⴰⵉⴷⴰⵍ.
ⵙⴻⴳ ⵜⴰⵎⴰ-ⵙ, ⵎⴰⵙⵙ ⴱⴻⵍⴽⵀⴻⵍⴼⴰ ⵉⵙⵙⴻⴼⵀⴻⵎ-ⴷ ⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵙⴰⵉⴷⴰⵍ, ⴳⴰⵔ-ⴰⵙⴻⵏ ⴰⵀⵉⵍ ⵏ ⵓⵊⵊⴻⵢ ⵙ ⵜⵏⴻⴳⵡⴰ (thérapie cellulaire), ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⵜⵓⵛⵛⵉⵜ ⵏ ⵓⵎⵓⵍⵍⵉ ⵉ ⵓⵙⵏⵓⵍⴼⵓ ⴷ ⵓⵏⴰⴷⵉ ⴰⵎⴰⵙⵙⴰⵏ ⵉ ⵉⵜⴻⴷⴷⵓⵏ.
ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵍⴻⴱⵖⵉ-ⵏⵙⴻⵏ ⵉⵡⴰⴽⴽⴻⵏ ⴰⴷ ⵙⴻⴶⵀⴷⴻⵏ ⴰⵎⵢⴻⵛⵛⴻⵔ ⴳⴰⵔ ⵙⴰⵉⴷⴰⵍ ⴷ ⴰⴱⴱⵓⵜⵜ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⴻⴼⵍⵉ ⵏ ⵓⵏⵏⴰⵔ ⵏ ⵢⵉⵙⴰⴼⴰⵔⴻⵏ ⴷⴻⴳ ⵍⴻⵣⵣⴰⵢⴻⵔ ⵓ ⴰⴷ ⴷ-ⵓⵏⴻⴼⴽⴻⵏ ⵡⴰⵍⵍⴰⵍⴻⵏ ⵏ ⵜⴰⵣⵣⵉⵜ ⵉⵎⴰⵢⵏⵓⵜⴻⵏ ⵉ ⵓⵖⵔⵉⵎ.
ⴰⵔⵏⵓ ⵖⴻⵔ
