ⵉⵙⴻⵍⵍⴻⵎ ⵓⴱⵉⵕⵓ ⵏ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵓⵎⵙⴻⴼⵔⴻⴽ ⵏ ⵓⵏⴰⴳⵔⴰⵡ, ⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ, ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵢⵉⵎⴹⴻⴱⴱⵔⴻⵏ ⵉⵄⵍⴰⵢⴻⵏ ⵏ ⵜⵎⵓⵙⵏⵉⵡⵉⵏ ⵏ ⵜⵎⴻⵔⵔⵉ ⵏ ⵜⵎⵓⵔⵜ ⵏ ⴽⵓⵜ ⴷⵉⵠⵡⴰⵔ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ "ⵙⵓⵏⴻⵍⴳⴰⵣ-ⴰⵣⵓⵏⴻⵢ ⵏ ⵜⵔⵉⵙⵉⵜⵉ ⴷ ⵓⵎⵙⴻⴼⵔⴻⴽ ⵏ ⵓⵏⴰⴳⵔⴰⵡ", ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵙⴻⴼⵔⴻⴽ ⵏ ⵓⵏⴰⴳⵔⴰⵡ, ⴷ ⵢⵉⵎⴹⴻⴱⴱⵔⴻⵏ ⵏⵏⵉⴹⴻⵏ ⵏ ⵜⵙⵏⵓⵔⴻⴼⵜ, ⴷⴻⴳ ⵓⵣⴻⵏⵣⵉⵖ ⵏ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⴻⴳⴷⵓⴷⴰ ⵏ ⴽⵓⵜ ⴷⵉⵠⵡⴰⵔ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ "ⵙⵓⵏⴻⵍⴳⴰⵣ", ⴰⵀⵉⵍ ⵏ ⵜⵉⵔⵣⵉ-ⴰⴳⵉ ⵢⴻⴱⴷⴰ ⵙ ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵉ ⴷⴻⴳ ⵙⵏⴻⴽⴷⴻⵏ ⵜⴰⵎⵓⵖⵍⵉ ⵜⴰⵎⴰⵜⵓⵜ ⵖⴻⴼ ⵜⵙⵏⵓⵔⴻⴼⵜ, ⵜⵉⵎⵓⵀⴰⵍ-ⵉⵙ ⵉⵕⴻⵙⵙⴰⵏⴻⵏ, ⵉⵎⴰⵀⵉⵍⴻⵏ-ⵉⵙ ⴷ ⵢⵉⵙⴻⵏⴼⴰⵔⴻⵏ ⵏ ⵢⵉⵎⴰⵍ ⵉ ⵢⴻⴱⵖⴰⵏ ⴰⴷ ⵙⵏⴻⵔⵏⵉⵏ ⴰⵣⴻⵟⵟⴰ ⵏ ⵓⵄⴻⴱⴱⵉ ⵏ ⵜⵔⵉⵙⵉⵜⵉ ⴷ ⵢⵉⵏⴳⵔⴰⵡⴻⵏ ⵏ ⵓⵙⴻⴷⴱⴻⵔ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ "ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⴷⴰⵖⴻⵏ ⵖⴻⴼ ⵢⵉⴽⴰⵢⴰⴷⴻⵏ ⵓⵙⵉⵣⵣⴻⴷ ⵏ ⵓⵣⴻⵟⵟⴰ ⵏ ⵜⵔⵉⵙⵉⵜⵉ, ⵍⴰⴷⵖⴰ ⵜⴰⵔⵔⴰⵢⵉⵏ ⵏ ⵓⵙⴻⵎⵔⴻⵙ ⵏ ⵜⵎⵓⵙⵏⵉ ⵜⴰⵡⵓⵔⵎⴰⵏⵜ ⴷⴻⴳ ⵓⵏⵏⴰⵔ ⵏ ⵓⵙⵉⵣⵣⴻⴷ ⵏ ⵓⵙⵜⴻⵏⵢⴻⵏ. ⵙⵏⴻⴽⴷⴻⵏ-ⴷ ⴷⴰⵖⴻⵏ ⵉⵙⴻⴳⵣⴰⵢⴻⵏ ⵖⴻⴼ ⵡⴰⵀⵉⵍ ⵏ ⵓⴼⵔⵓⵔⴻⵢ ⵏ ⵡⵓⴳⵓⵔⴻⵏ ⵏ ⵓⵣⴻⵟⵟⴰ ⴷ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵜⴰⵣⵣⴻⴱⵜ-ⵉⵙ , ⵙ ⵓⵏⴼⴰⵄ ⵙⴻⴳ ⵢⵉⵔⵎⵉⵜⴻⵏ ⵏ ⵣⵉⴽ ⴷ ⵢⵉⴳⴻⵎⵎⴰⴹ ⵏ ⵓⵙⴻⴷⴱⴻⵔ ⵉ ⴷ-ⵢⵉⵍⵍⴰⵏ".
ⵜⴰⵔⴱⴰⵄⵜ ⵜⵕⵓⵃ ⴷⴰⵖⴻⵏ ⵖⴻⵔ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵏⴻⵀⴰⵍⴰ ⴰⵏⵉⴷⴰ ⵉ ⵡⴰⵍⴰⵏ ⴰⵟⴰⵙ ⵏ ⵜⴰⵔⵔⴰⵢⵉⵏ ⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⴻⵏ ⵉ ⵓⵃⵓⴷⴷⵓ ⵣⴷⴰⵜ ⵏ ⵢⵉⴽⴰⵢⴰⴷⴻⵏ ⵏ ⵓⵙⵏⴻⴼⵍⵉ ⵏ ⵓⵣⴻⵟⵟⴰ ⵏ ⵜⵔⵉⵙⵉⵜⵉ, ⵍⴰⴷⵖⴰ ⵙ ⵓⵙⵙⴻⴽⵛⴻⵎ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⴷⴻⴳ ⵓⵏⴰⴳⵔⴰⵡ ⴰⵖⴻⵍⵏⴰⵡ.
ⵙⵎⴻⴷⴷⴻⵏ ⵜⵉⵔⵣⵉ-ⵏⵙⴻⵏ ⵙ ⵜⵉⴷⴷⵉⵏ ⵖⴻⵔ ⵡⴰⵎⵎⴰⵙ ⵏ ⵓⴱⴻⴷⴷⴻⵍ ⵏ ⵜⵔⵉⵙⵉⵜⵉ 60/30 ⴽⵉⵍⵓⴼⵓⵍⵟ ⴷⴻⴳ ⴱⴻⵔⵔⴰⵇⵉ, ⴰⵏⵉⴷⴰ ⵉ ⴷ-ⵓⵡⵢⴻⵏ ⵉⵙⴻⴳⵣⴰⵢⴻⵏ ⵖⴻⴼ ⵜⴰⵔⵔⴰⵢⵜ ⵏ ⵓⵎⴰⵀⵉⵍ ⵏ ⵜⵓⴷⴷⵙⵉⵡⴰ-ⴰⴳⵉ ⵜⴰⵙⵔⴰⵜⵉⴷⵊⵉⵜ, ⴷ ⵓⵎⴰⵀⵉⵍ-ⵉⵙ ⴷⴻⴳ ⵓⵙⴻⴶⵀⴻⴷ ⵏ ⵓⵣⴻⵟⵟⴰ ⵏ ⵜⵔⵉⵙⵉⵜⵉ ⴷ ⵓⵟⵎⴰⵏ ⵏ ⵓⵡⴻⵣⵣⵉ ⵏ ⵜⵎⴻⵔⵔⵉ ⵙ ⵍⵉⵙⴻⵔ ⴷⴻⴳ ⵜⴰⵎⴰⵏⴰⵖⵜ.
ⴷⴻⴳ ⵜⴰⴳⴳⴰⵔⴰ, ⵡⵉⴷ ⵉ ⴷ-ⵢⴻⵔⵣⴰⵏ ⵙⴻⴳ ⴽⵓⵜ ⴷⵉⵠⵡⴰⵔ ⵙⵏⴻⴽⴷⴻⵏ ⵍⴼⴻⵕⵃ-ⵉⵙ ⵙ ⵓⵎⵎⴰⴳⴻⵔ ⴷ ⵜⵎⵓⵖⵍⵉⵡⵉⵏ ⵜⴰⵜⵉⴽⵏⵉⴽⵉⵏ ⵏ ⵙⵓⵏⴻⵍⴳⴰⵣ, ⵙⵙⴻⵏⴽⴰⴷ ⵍⴻⴱⵖⵉ-ⵏⵙⴻⵏ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⴷⴻⴳ ⵓⵏⵏⴰⵔ ⵏ ⵓⵄⴻⴱⴱⵉ ⵏ ⵜⵔⵉⵙⵉⵜⵉ.
ⴰⵔⵏⵓ ⵖⴻⵔ
