ⵜⴰⴷⵓⴽⵍⵉ ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ ⵜⴻⴱⵔⴻⵃ-ⴷ, ⴰⵙⵙ-ⴰ ⵏ ⴰⵔⵉⵎ, ⴱⴻⵍⵍⵉ ⵜⵓⵎ ⵢⴻⵔⵏⴰ ⵜⴻⵡⵡⴻⵜ ⴷⴻⴳ ⵍⴻⵇⵔⴰⵔⴰⵜ ⵏ ⵓⵏⴻⵃⵍⴰⵍ ⵚⵚⴻⵀⵢⵓⵏⵉ ⵉ ⵢⴻⴱⵖⴰⵏ ⴰⴷ ⵉⴱⴻⴷⴷⴻⵍ ⵍⵉⵃⴰⵍⴰ ⵏ ⵍⵇⴰⵏⵓⵏ ⴷ ⵜⵉⵏ ⵏ ⵓⴷⴰⴱⵉⵔ ⴷⴻⴳ ⵡⴰⴽⴰⵍ ⵏ ⴼⴰⵍⴻⵙⵟⵉⵏ ⵉⵢⴻⵃⵍⴻⵏ, ⵍⴰⴷⵖⴰ ⴷⴻⴳ ⵜⴰⵎⴰ ⵏ ⵓⵎⴰⵍⵓ
ⵜⴰⴷⵓⴽⵍⵉ ⵜⴻⵏⵏⴰ-ⴷ ⴷⴻⴳ ⵡⴰⵍⵖⵓ-ⵏⴻⵙ ⴱⴻⵍⵍⵉ ⵍⴻⵇⵔⴰⵔⴰⵜ-ⴰⴳⵉ, ⵍⴰⴷⵖⴰ ⴰⴽⴽⴻⵙ ⵏ ⵜⵓⴼⴼⵉⵔⵜ ⵖⴻⴼ ⵢⵉⵣⵎⴰⵎⴻⵏ ⵏ ⵡⴰⴽⴰⵍ ⴷ ⵓⵙⴻⵀⵡⴻⵏ ⵏ ⵜⵓⴽⴻⵔⴷⴰ ⵏ ⵡⴰⴽⴰⵍ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴷ ⵓⴽⴽⴻⵙ ⵏ ⵜⵉⵣⵎⴰⵔ ⵏ ⵓⵙⴻⴳⴳⴻⵎ ⴷ ⵜⴻⵙⵔⴻⵃ ⴷⴻⴳ ⵜⴻⵎⴷⵉⵏⵜ ⵏ ⵍⵅⴰⵍⵉⵍ ⴷ ⵍⵃⴰⵔⴰⵎ ⵍⵉⴱⵔⴰⵀⵉⵎⵉ ⵉⵡⴰⴽⴽⴻⵏ ⴰⴷ ⵜⴻⵏ-ⵢⴻⵟⵟⴻⴼ ⵓⵏⴻⵃⵍⴰⵍ, ⴷ ⴰⴽⵛⵓⵛ ⴰⵎⴻⵇⵇⵔⴰⵏ ⵎⴳⴰⵍ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷ ⵍⴻⵇⵔⴰⵔⴰⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⴰⵢⴻⵏ ⵉ ⴷ-ⵢⴻⵏⵏⴰ ⵓⴳⵔⴰⵡ ⵏ ⵍⴰⵎⴰⵏ ⴷ ⵜⵎⴻⵙⵇⵉⵜ ⵏ ⵊⵉⵏⵉⴼ ⵜⵉⵙ ⴽⴽⵓⵥⵜ, ⴷ ⵜⴰⵎⵓⵖⵍⵉ ⵏ ⵜⴰⵙⴻⴹⵡⴰ ⵜⴰⴳⵔⴰⵖⵍⴰⵏⵜ ⵏ ⵜⵖⴻⴷⴷⴻⵎⵜ.
ⴷⴻⴳ ⵓⵃⵔⵉⵛ-ⴰⴳⵉ, ⵜⴰⴷⵓⴽⵍⵉ ⵜⴻⵡⵡⴻⵔⵔⴻⵃ-ⴷ ⴱⴻⵍⵍⵉ ⴰⵢⴻⵏ ⵓⵎⵉ ⵙⴻⵎⵎⴰⵏ "ⴰⵙⴻⵇⴻⵔⴷⴻⵛ" ⵖⴻⴼ ⵢⴻⵅⵅⴰⵎⴻⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵎⵏⴰⴹⵉⵏ (A) ⴷ (B) ⴷ ⵜⴰⴱⵔⵉⵜ ⵜⴰⴽⴻⴷⴷⴰⴱⵜ ⵉⵡⴰⴽⴽⴻⵏ ⴰⴷ ⵀⴻⴷⴷⴻⵏ ⵢⴻⵅⵅⴰⵎⴻⵏ ⵢⴻⵔⵏⴰ ⴰⴷ ⵙⵙⴻⴼⵔⵓⵏ ⴰⴳⴷⵓⴷ ⵙⴻⴳ ⵡⴰⴽⴰⵍ-ⵉⵙ, ⵉⵡⴰⴽⴽⴻⵏ ⴰⴷ ⵙⴱⴻⴷⴷⴻⵏ ⵍⵉⵃⴰⵍⴰ ⵏ ⵓⵙⴻⵃⵔⴻⵙ (colonisation) ⵓⵔ ⵏⴻⵣⵎⵉⵔ ⴰⴷ ⵏⴱⴻⴷⴷⴻⵍ ⵙⵢⵉⵏ ⴷ ⴰⴼⴻⵍⵍ.
ⵜⴻⵡⵡⴻⵔⵔⴻⵃ-ⴷ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ ⵢⵉⵎⴽⴰⵏ ⵉⵇⴻⴷⵙⴻⵏ ⵏ ⵍⵉⵙⵍⴰⵎ, ⵜⴻⵏⵏⴰ-ⴷ ⴱⴻⵍⵍⵉ ⴰⵢⴻⵏ ⵢⴻⵜⵜⴻⴹⵔⵓⵏ ⴷⴻⴳ ⵍⵃⴰⵔⴰⵎ ⵍⵉⴱⵔⴰⵀⵉⵎⵉ ⴷ ⴰⵢⴻⵏ ⵓⵔ ⵏⴻⵇⴱⵉⵍ ⵢⴻⵔⵏⴰ ⵓⵔ ⵏⴻⵣⵎⵉⵔ ⴰⴷ ⵏⴻⵇⴱⴻⵍ ⴰⴱⴰⴷⴰ.
ⵜⴰⴷⵓⴽⵍⵉ ⵏ ⵜⵎ ا ⵏ ⵡⴰⵄⵔⴰⴱⴻⵏ ⵜⴻⵡⴻⴽⴽⴻⴷ-ⴷ ⴱⴻⵍⵍⵉ ⵍⴻⵇⵔⴰⵔⴰⵜ-ⴰⴳⵉ ⵓⵔ ⵜⵜⴰⴽⴽⴻⵏⵜ ⴰⵔⴰ ⵛⵛⵉⵄⴰ ⵏ ⵍⵇⴰⵏⵓⵏ ⵉ ⵓⵏⴻⵃⵍⴰⵍ, ⵢⴻⵔⵏⴰ ⵜⴰⵎⴰ ⵏ ⵓⵎⴰⵍⵓ ⴷ ⵍⵇⵓⴷⵙ ⵜⴰⴳⵎⵓⴹⴰⵏⵜ ⴷ ⴰⴽⴰⵍ ⴰⴼⴰⵍⴻⵙⵟⵉⵏⵉ ⵉⵢⴻⵃⵍⴻⵏ, ⵢⴻⵔⵏⴰ ⴰⴽⴽ ⴰⵢⴻⵏ ⵢⴻⵜⵜⴻⴹⵔⵓⵏ ⴷⴻⴳ-ⵙ ⵏ ⵓⵙⴻⵃⵔⴻⵙ ⴷ ⴰⵢⴻⵏ ⵢⴻⴱⵟⴻⵍⵏ ⴷⴻⴳ ⵍⵇⴰⵏⵓⵏ.
ⴷⴻⴳ ⵜⴰⴳⴳⴰⵔⴰ, ⵜⴰⴷⵓⴽⵍⵉ ⵜⴻⵡⴻⴽⴽⴻⴷ-ⴷ ⴰⵢⴻⵏ ⵜⴻⵏⵏⴰ ⴷⴻⴳ ⵡⴰⵟⴰⵙ ⵏ ⵜⵉⴽⴽⴰⵍ ⵖⴻⴼ ⵢⵉⵣⴻⵔⴼⴰⵏ ⵏ ⵓⴳⴷⵓⴷ ⴰⴼⴰⵍⴻⵙⵟⵉⵏⵉ ⵉⵡⴰⴽⴽⴻⵏ ⴰⴷ ⵢⴻⵙⵄⵓ ⵜⴰⵎⵓⵔⵜ-ⵉⵙ ⵜⴰⵣⴰⵔⵓⴳⵜ ⵙ ⵜⵎⴰⵏⴻⵖⵜ-ⵉⵙ ⵍⵇⵓⴷⵙ ⵜⴰⴳⵎⵓⴹⴰⵏⵜ, ⵖⴻⴼ ⵜⵉⵍⵉⵙⵜ ⵏ ⵡⴰⵙⵙ ⵏ 4 ⵢⵓⵏⵢⵓ 1967.
ⴰⵔⵏⵓ ⵖⴻⵔ
