ⵢⴻⵡⵡⵉ ⵓⵎⵓⵔⴰⵔ ⵏ ⵡⴰⵎⵎⴰⵙ ⵏ ⵓⵏⵏⴰⵔ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ, ⵉⴱⵔⴰⵀⵉⵎ ⵎⴰⵣⴰ, ⴰⵎⴽⴰⵏ ⴰⵎⴻⵏⵣⵡⵓ ⴷⴻⴳ ⵓⵕⴰⵜⵜⵉ ⵏ ⵢⵉⵎⴷⴻⵔⴽⴰⵍⴻⵏ (dribbleurs) ⵉⴼⴰⵣⴻⵏ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026, ⵙ 12 ⵏ ⵜⵎⵓⵀⴰⵍ ⵏ ⵓⴷⴻⵔⴽⴻⵍ ⵉⵕⴻⴱⵃⴻⵏ ⵉ ⵢⴻⵅⴷⴻⵎ ⴷⴻⴳ ⴽⵔⴰⴷ (3) ⵏ ⵜⴻⵎⵍⵉⵍⵉⵢⵉⵏ, ⵙⴻⵍⴷ ⵜⴰⴳⴳⴰⵔⴰ ⵏ ⵜⴰⵍⵍⵉⵜ ⵏ ⵜⴻⴳⵔⵓⵎⵎⴰⵡⵉⵏ.
ⵓⵎⵓⵔⴰⵔ ⵏ "Bayer Leverkusen" (ⴰⵙⵡⵉⵔ ⴰⵎⴻⵏⵣⵡⵓ ⵏ ⵍⴰⵍⵎⴰⵏ) ⵢⴻⵣⵡⴰⵔ ⵡⴰⵟⴰⵙ ⵏ ⵢⵉⵜⵔⵉⵢⴻⵏ ⵏ ⵓⵎⴰⴹⴰⵍ, ⴳⴰⵔ-ⴰⵙⴻⵏ ⴰⵍⴰⵍⵎⴰⵏ ⵊⴰⵎⴰⵍ ⵎⵓⵙⵉⴰⵍⴰ ⴷ ⵓⵙⵒⴻⵏⵢⵓⵍⵉ ⵍⴰⵎⵉⵏⴻ ⵢⴰⵎⴰⵍ.
ⵜⵉⵎⵍⵉⵍⵉⵜ ⵉ ⴷⴻⴳ ⴷ-ⵉⵙⴽⴻⵏ ⵜⵉⵣⴻⵎⵎⴰⵔ-ⵉⵙ ⵙ ⵍⴶⴻⵀⴷ ⴷ ⵜⵉⵏ ⵏ ⵜⵓⵜⵔⵉⵛⵜ (3-3), ⴰⵏⵉⴷⴰ ⵢⴻⵅⴷⴻⵎ ⵙⴹⵉⵙ (6) ⵏ ⵜⴷⴻⵔⴽⴰⵍⵉⵏ ⵉⵕⴻⴱⵃⴻⵏ, ⵓ ⴷ ⴰⵢⴻⵏ ⵉⴼⴰⵣⴻⵏ ⴷⴻⴳ ⵜⴻⵎⵍⵉⵍⵉⵜ-ⵏⵏⵉ. ⵎⴰ ⴷ ⵜⵉⵎⵍⵉⵍⵉⵜ ⵣⴷⴰⵜ ⵏ ⵍⵓⵔⴷⵓⵏ, ⴰⵎⵓⵔⴰⵔ-ⴰⴳⵉ ⵏ "20 ⵏ ⵢⵉⵙⴻⴳⴳⴰⵙⴻⵏ" ⵢⴻⵜⵜⵡⴰⴼⵔⴰⵏ ⴷ ⴰⵎⵓⵔⴰⵔ ⵓⴼⵔⵉⵏ ⵏ ⵜⴻⵎⵍⵉⵍⵉⵜ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵎⴰⵣⴰ ⴷⴷⴰ-ⴷ ⵙ ⵍⴶⴻⵀⴷ ⴷⴻⴳ ⵢⵉⵎⴻⵏⵏⵓⵖⴻⵏ ⵏ ⵜⴽⵓⵔⵜ (duels), ⵉⵎⵉ ⵢⴻⵔⴱⴻⵃ ⵙⴰ (7) ⵏ ⵢⵉⵎⴻⵏⵏⵓⵖⴻⵏ ⴳⴰⵔ ⵜⴰⵎ (8), ⵙ ⵍⵇⴻⴷⴷ ⵏ ⵓⴳⴻⵎⵎⵓ ⵏ 87.8 ⴷⴻⴳ ⵜⵎⵉⴹⵉ (%). ⴰⵢⴰⴳⵉ ⵉⵙⵙⴻⴽⵏⴰⵢ-ⴷ ⵜⴰⵣⵎⴻⵔⵜ-ⵉⵙ ⵜⴰⵜⵉⴽⵏⵉⴽⵜ ⴷ ⵜⵉⵏ ⵏ ⵍⴶⴻⵜ. ⵎⴰⵣⴰ ⴰⴷ ⵢⵉⵍⵉ ⴷ ⵢⵉⵡⴻⵏ ⵙⴻⴳ ⵡⴰⵍⵍⴰⵍⴻⵏ ⵏ ⵓⴼⴰⵔⵉⵙ ⵏ ⵜⴻⵔⴱⴰⵄⵜ ⵜⴰⵣⵣⴰⵢⵔⵉⵜ ⴰⵔⴰ ⵎⵎⴰⴳⵔⴻⵏ ⵜⴰⵔⴱⴰⵄⵜ ⵏ ⵙⵙⵡⵉⵙ ⴷⴻⴳ ⵓⵃⵔⵉⵛ ⵏ ⵎⵔⴰⵡ ⴷ ⵙⴹⵉⵙ (16) ⵏ ⵍⵎⵓⵏⴷⵉⵢⴰⵍ 2026, ⴰⵙⵙ ⵏ ⵍⴶⴻⵎⵄⴰ ⵉ ⴷ-ⵉⵜⵜⴻⴷⴷⵓⵏ, ⴷⴻⴳ ⵓⵏⵏⴰⵔ "BC Place" ⴷⴻⴳ ⵠⴰⵏⵛⵓⵓⵠⴻⵔ (ⴽⴰⵏⴷⴰ), ⵖⴻⴼ ⵜⴽⵓⵥⵜ ⵏ ⵚⵚⴱⴻⵃ (04:00) ⵙ ⵍⵡⴻⵇⵜ ⵏ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
