ⴰⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⵜⴰⵀⴰ ⴷⴻⵔⴱⴰⵍ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵖⴻⴼ ⵜⵉⵅⵅⵓⵜⴻⵔⵜ ⵏ ⵜⵎⵓⵖⵍⵉ ⵖⴻⵔ ⵙⴷⴰⵜ ⴷⴻⴳ ⵓⵀⴻⵢⵢⵉ ⴷ ⵓⵙⵙⴻⴼⵔⴻⴽ ⴰⵜⵔⴰⵔ ⵏ ⵢⵉⵎⴻⵥⵍⴰ ⵉⵏⴰⴳⴷⵓⴷⴻⵏ ⵏ ⵡⴰⵎⴰⵏ.
ⴷⴻⴳ ⵜⴻⵣⵡⴰⵔⴰ ⵏ ⵜⴻⵔⵣⵉⵏⵏⴻⵙ ⵏ ⵓⵎⴰⵀⵉⵍ ⴷⴻⴳ ⵜⵡⵉⵍⴰⵢⵜ ⵏ ⵓⵎ ⵍⴻⴱⵡⴰⵇⵉ, ⵉⴳⴻⵔⴷ ⵜⵉⵖⵔⵉ ⵓⵏⴻⵖⵍⴰⴼ ⴷⴻⵔⴱⴰⵍ ⵉ ⵓⵙⵙⴻⵊⵀⴻⴷ ⵏ ⵢⵉⵏⴰⴳⵔⴰⵡⴻⵏ ⵏ ⵓⵎⵓⴹⵉⵏ ⴷ ⵓⴹⴼⴰⵔ ⵙ ⵍⴱⴻⵄⴷ, ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⵎⴳⴰⵍ ⵜⵓⵇⵇⵏⵉⵡⵉⵏ ⴷ ⵜⵓⴼⴼⵖⵉⵡⵉⵏ ⵓⵔ ⵏⴻⵍⵍⵉ ⴷ ⵜⵉⵣⴻⵔⴼⴰⵏⵉⵏ, ⴰⴽⴽⴻⵏ ⴰⴷ ⴷⵢⵉⵍⵉ ⵓⴹⵎⴰⵏ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⵏ ⵜⵖⴰⵔⴰ ⵢⴻⵍⵀⴰⵏ ⵢⴻⵔⵏⵓ ⵢⴻⵜⵜⵇⴰⴷⴰⵔⴻⵏ ⴰⵢⴻⵏ ⴰⵢ ⵜⵜⵕⴰⵊⵓⵏ ⵢⵉⵖⴻⵔⵎⴰⵏⴻⵏ.
ⵉ ⵍⵎⴻⵏⴷ ⵏ ⵡⴰⵢⴰ, ⴰⵏⴻⵖⵍⴰⴼ ⵢⴻⴼⴽⴰⴷ ⵍⴻⵡⵚⴰⵢⴰⵜ ⴰⴽⴽⴻⵏ ⴰⴷ ⵜⵜⵡⴰⵄⴻⵔⴹⴻⵏ ⵡⴰⵎⴰⵏ ⵏ ⵜⵎⴻⵙ ⵢⴻⵜⵜⵡⴰⵙⴼⴻⴹⴻⵏ ⴷ ⵜⴰⵖⴱⴰⵍⵓⵜ ⵜⵉⵙ ⵙⵏⴰⵜ, ⵓⵔ ⵏⴻⵍⵍⵉ ⴷ ⵜⴰⵇⴱⵓⵔⵜ, ⴰⵎ ⵡⴰⴽⴽⴻⵏ ⴰⵔⴰ ⵜⵜⵡⴰⵙⵙⴻⵍⵀⵓⵏ ⵢⵉⵎⵓⴽⴰⵏ ⵏ ⵓⵙⵙⵉⵣⴷⴻⴳ ⵉ ⵍⵎⴻⵏⴷ ⵏ ⵓⵃⵓⴷⴷⵓ ⵏ ⵜⴷⴰⵡⵙⴰ ⵜⴰⵏⴰⴳⴷⵓⴷⵜ ⴷ ⵜⵡⴻⵏⵏⴰⴹⵜ. ⴷⴻⴳ ⵜⴻⵔⵣⵉⵏⵏⴻⵙ, ⴰⵏⴻⵖⵍⴰⴼ ⵢⴻⵡⵡⵉⴷ ⴷⴰⵖ ⵢⵉⵡⴻⵏ ⵏ ⵓⵙⴽⴰⵙⵉ ⵖⴻⴼ ⵜⴻⴳⵏⵉⵜ ⵏ ⵢⵉⵡⴻⵥⵍⴰ ⵉⵏⴰⴳⴷⵓⴷⴻⵏ ⵏ ⵡⴰⵎⴰⵏ, ⵍⴰⴷⵖⴰ ⴰⵙⵙⴻⵇⴷⴻⵛ ⵏ ⵡⴰⵎⴰⵏ ⵏ ⵜⵉⵙⵙⵉⵜ, ⴰⵙⴻⵣⴷⴻⴳ, ⴷ ⵓⵙⵙⵉⵣⴷⴻⴳ ⵏ ⵜⴽⴻⵔⵔⴰⵣⵜ, ⵉⵎⵉ ⵓⵎ ⵍⴻⴱⵡⴰⵇⵉ ⵜⴻⵍⵍⴰ ⴷ ⵜⴰⵡⵉⵍⴰⵢⵜ ⴰⵢⴷⴻⴳ ⵍⵍⴰⵏⵜ ⴰⵟⴰⵙ ⵏ ⵜⴽⴻⵔⵔⴰⵣⵜ, ⴰⵎ ⵡⴰⴽⴽⴻⵏ ⴰⵢ ⴷⵍⵍⴰⵏ ⵡⵓⵙⵙⵉⵙⴻⵏ ⵉ ⵓⵙⵙⴻⴼⵔⴻⴽ ⵏ ⵢⵉⵅⴻⵚⵚⴰⵔⴻⵏ ⵏ ⵜⵎⴻⵙ.
ⴰⵔⵏⵓ ⵖⴻⵔ
